小學雞育成屋

如果有一個「魔術師最討厭室內設計榜」，呢一類港孩 centric 的設計一定會位列榜首（３４：３８—４７：１４）！

樓盤傳真 2017/08/05 2017/08/05 23:30

蚊型盤搶灘，葵芳單幢樓豐寓推 55 伙，折實均價 15,971 元呎，較同期開售的深水埗逸新低約一成。 
開價六字左右，可以買到港島區海怡兩房，但這個屋苑並非鴨脷洲海怡半島，而是堅尼地城海怡花園。 
西營盤瑧璈，全盤只有一個特色單位，才有獨立廚房，細單位、廚房更似茶水間。新盤開放式廚房成主流，但排走油煙或有缺點。 
父母為了六歲兒子，搬到渣甸山大屋，令兒子成長有好環境，客廳有專用遊戲間，父母和兒子房半打通，增加互動。

你話增加開揚感都可以理解，但傳統大宅改個半開放式廚房出嚟真係不倫不類；當然，更白痴的是「打造適合小朋友的家居」。「小朋友」大得快，但住嚟住去都係小學雞之屋，唔怪得咁多有青「拒絕成長」喇：

設計師將本來多餘的玄關間牆拆去，改為屏風、矮櫃及鞋櫃（右上），的確係幾簡潔（左中、右中），呢部份做得幾好。但一去到「半開放式廚房」，無端端整道玻璃門（符唔符合防火條例架？），話要俾女戶子睇到出面六歲兒子做緊乜（係咪睇緊ＡＶ？），就成陣怪獸嘉獎味出哂嚟（左下）；貼在不锈鋼上的人形物又係用嚟做乜嘅呢（右下）？掛毛巾乎？

設計師將本來的大客房變為仔房，拆掉小小貯物室，改建一個走廊櫃；仔房又同主人房以趟門分隔，方便如果阿仔聽見媽咪在夜裡痛苦呻吟時，可以快速地解救阿媽，唔好俾佢再俾爸爸欺負（左上、右上）。仔房以一貫港孩 feel 用色設計，但設計師話傢俬儘量買現成，因為「小朋友大得快」，擺設可以適時變更（左中上）；但話雖如此，窗邊卻有櫃加唔係好襟踩的軟墊俾港孩踩上去睇風景，仲裝咗窗花以防小孩爬得太出易生意外，盡顯設計師的矛盾（右中上）。主人房空空如也，只見床頭又以屏風間隔，以防房門沖射（左中下）；主人房一角有個小型衣櫃同簡約梳妝枱，設計毫無貴氣（右中下）。主人套廁（左下）和客廁（右下）都係走平實樸素風格，唔會走去玩水泥牆監獄 feel，算是工整；唯一的問題是如果阿仔要痾夜尿，去客廁會遠咗些少：

設計師將本來的兩間客房，一間變書房，一間變雜物房（左上、右上）。書房又係以玻璃門做設計（左下），話就話「引入自然光」，但實際上係唔俾男主人睇ＡＶ；書架設計五顏六色（右下），成間幼稚園咁，設計師其實仲記唔記得咩嘢叫「小朋友大得快」？

客廳個電視細到不成比例（左上），而飯廳的家俬就真係好鬼實惠／紅蘋果 feel（右上），點睇都同「渣甸山」呢三個字格格不入。最頂癮就係客廳後方有個幼稚園風的遊戲區（左下），五顏六色的軟墊佈置，好明顯設計師已經忘記了說好的「小朋友大得快」；仲要衰到升高地台方便收納玩具，但一級高一級低，玩玩下仆親實難避免。單位露台夠大幾正，但擺埋啲戶外傢俬，打１０號風球都唔知收去邊好（右下）：

總括來說，本案某些平實設計幾 okay，但對比起豪宅，似乎又唔夠豪；玻璃設計魔術師就唔係咁接受到，主人房仔房趟門設計、幼稚園設計直程係敗筆。１５５萬的裝潢費，只是彰顯了「有錢便是任性」這六字真言而已。