跟朱仔抬槓

果然係新西票王，朱仔依家講嘢真係愈嚟愈有權威，成個武林盟主咁！

信報 2017年8月30日
專訪
朱凱廸：民主派應領導社運
政黨陷選舉模式 多場抗爭靠邊站
雨傘運動與旺角騷亂後社會抗爭力量明顯退潮，一直到「雙學」3名學生領袖本月被判囚，才再見到數以萬計人上街的久違場面。社運背景出身、去年爆冷膺新界西「票王」進入立法會的朱凱廸說，社運以至民主運動陷入低潮，核心問題在於缺乏領導和綱領。他直言，議會內的民主派除了要做稱職議員，亦應擔當起民主運動領導角色，「否則搵第二個去做（議員）係好正常」。
由社運人變成尊貴議員，朱凱廸總結接近一年的議會生涯，認為議員有兩個「計分牌」。「第一個是在現有限制下表現稱職，例如議事、質詢政府，做得好就可以連任；但同時所有民主派議員都應該是民主運動的領袖，呢個計分牌計嘅係你有冇『運動』意識。」
太強調自己選民點諗
朱凱廸特別強調「運動」兩字，認為作為民主派議員，必須多從這個角度思考還有什麼可以做。「議員好容易陷入慣性，以為自己身處一個正常運作的社會，好難跳出來組織更大力量去改變社會，這是民主派要警覺的危機。」他舉例，佔中與2010年五區公投都是運動，當民主派不運動，就沒有張力去組織和動員。
同樣不理想的，是今天的民主運動缺乏領導。朱凱廸不諱言，民主派政黨在過去一段時間放下民主運動的領導權。「佔中係點樣領導的？起碼民主派政黨係靠邊站。（靠邊站）現在已經變成default mode，我覺得係不正常。」
朱凱廸再舉例，反《基本法》23條立法是由法律界大狀牽頭，反國教帶頭的是學民思潮，佔中則是「雙學」三子。「咁下一輪又到邊個呢？係咪坐監的社運人士的家屬？我覺得好似無咩人想領導。」他指出，現實是立法會每隔數年就會進入選舉模式，「當你太強調自己的選民點諗，你會忘記咗點推動民主運動，因為在比例代表制下，你只係代表一小撮選民的想法。」
或許真正的問題是香港人究竟多渴望有民主。朱凱廸承認，可能真相是很多香港人並不真正需要民主。「如果揭張底牌出來，香港人只係想維持1997年前無民主但有自由和法治的生活方式，只需要曾俊華式善治，我覺得所有人包括民主派都要誠實。我哋叫自己做民主派，但主要工作係捍衞法治同自由，然後配合政府施政，係咪唔記得咗民主？」
朱凱廸說，如民主派不能讓香港人相信沒有民主就沒有法治、自由和善治， 「咁係我哋失職」。他認為，這是一場持續的輿論爭奪戰，民主派在論述上必須把不同議題扣緊民主運動，「例如話政治與民生分開，民生盡量唔好阻佢；我認為我哋要諗一諗，呢個係咪民主派應有的narrative？」
承認組織動員能力衰弱
他直言，今天香港社運無可否認處於低潮，但在三子判囚後有這麼多人出來遊行，見到市民心態上有轉變。「以往係有個目標，要爭取雙普選、反對23條，所以出來遊行，今次卻不是為了爭取什麼，而是要抗衡倒退。」他相信，未來一段時間社運都難有確切目標，或者在民主運動贏到什麼，倘若反對倒退能夠觸動市民情感動員他們上街，這個改變對運動本身十分重要。
然而朱凱廸承認，民主派始終要面對組織動員能力衰弱的問題，「點解嗰日咁多人出來遊行？冇人事前知道，現實是根本無人有力量動員或組織啲人出來。」民主派常常自詡很多人「自發」參與，「無組織你只能夠講係自發囉。我哋唔可以將弱點講成優勢。組織動員係groundwork， 建制派做得到，民主派亦理應咁做。」
採訪、撰文：畢礎暉

１. 社運以至民主運動陷入低潮，核心問題在於缺乏領導和綱領。
魔：以前司徒老鬼與及胡椒偉、楊ＯＮＱ等算唔算係領導？亂支會的「結束一黨尊正，建設聞豬終割」算唔算係綱領？關於民主，白鴿黨的「基本信念」包括：「必須加速民主政制發展，並同時鞏固現有保障自由、人權及法治的制  度，及進一步改革其不足之處。」；而公文袋的宗旨「在於推動民主政制及社會公義」，呢啲又算唔算係綱領？
究竟所謂「聞豬混動」，缺乏的是「領導和綱領」抑或係「膽色與及執行力」？
２. 議會內的民主派除了要做稱職議員，亦應擔當起民主運動領導角色，「否則搵第二個去做（議員）係好正常」。
點解在「議會內的民主派」唔係做個「稱職議員」就夠？唔搞「混動」就要「搵第二個去做」？議會是適合「搞混動」的地方嗎？
３. 「佔中係點樣領導的？起碼民主派政黨係靠邊站。（靠邊站）現在已經變成default mode，我覺得係不正常。」
魔：記得訓街卿當年係有為被水炮車顏射而做過 rehearsal ，而坐係度被抬走就係販民嘅 committment，當日最後清場佢地都有嚟「完成返佢地嘅諾言」，又點可以話販民在縮骨遮革命期間靠邊站呢？事實上當時就連帶頭大哥戴當家都已經話自己無力控制班佔派，販民政黨不在其位不謀其政係正解。況且，以當時形勢，有青大哂，你班老嘢想埋堆都幾難；加上個個有青都革命義士上身，販民政黨梗係唔敢公開搞巷蜀革命，當然就係「靠邊站」。久而久之，世代交替大勢已成，俾着魔術師做販民，都會係明哲補身，巷蜀等你班有青搞就算，自己 by default 企埋一二角算了。
４. 「咁下一輪又到邊個呢？係咪坐監的社運人士的家屬？我覺得好似無咩人想領導。」
魔：點解係社混仔家屬做領導？所謂「殺頭生意有人做，賠本生意無人做」，無人願意出嚟領導嘅混動，咪即係一個無前途嘅混動囉！
５. 「當你太強調自己的選民點諗，你會忘記咗點推動民主運動，因為在比例代表制下，你只係代表一小撮選民的想法。」
魔：朱仔身為新西票王，手握８４,０００票，唔係好似何君饒得嗰３５,０００票掹住車邊入閘；足以證明在比例代表制下，當選人都唔係只代表一小撮選民架！
６. 朱凱廸承認，可能真相是很多香港人並不真正需要民主。
魔：傷民的確唔需要民主，佢地需要嘅係自由多啲。
７. 如果揭張底牌出來，香港人只係想維持1997年前無民主但有自由和法治的生活方式，只需要曾俊華式善治，我覺得所有人包括民主派都要誠實。
魔：Hea 曾的不是善治，而係 hea 治，公墓園一向慣例，無事無幹便平安大吉，有起事來便小修小補，呢個係行之有效的方法。
８. 如民主派不能讓香港人相信沒有民主就沒有法治、自由和善治， 「咁係我哋失職」。
魔：點解無民主就無「法治、自由和善治」？如果話民主係「法治、自由和善治」的必要條件，何以見得？抑或又只係主觀地「相信」的美好意願？
９. 他相信，未來一段時間社運都難有確切目標，或者在民主運動贏到什麼，倘若反對倒退能夠觸動市民情感動員他們上街，這個改變對運動本身十分重要。
魔：既然無「確切目標」，只係「唔想倒退」，咁即係依家已經好好，搵到位入嘅都係雞蛋裡挑骨頭的事情，無人 concern 喇！既然係「百尺竿頭」，難以更進一步，點解又話「暴政」又話「被逼擾亂民生，只因民不聊生」呢？
１０. 組織動員係groundwork， 建制派做得到，民主派亦理應咁做。
魔：Ｄ，明明係販民睇唔起蛇齋餅糭滅鼠搞衛生的 groundwork，聞諸派個個都志向遠大，hands-on 嘅嘢又點睇得上眼呢？要做英雄，梗係去坐監，先夠活出精彩人生。捉老鼠喎，你估你係喵星人咩！

信報 2017年8月30日
爭取政府放權與市民共享
從不被看好到高票當選，朱凱廸過去一年在議會內被歸類為非主流泛民的「自決派」。朱凱廸笑言，自決派在今年的特首選戰中拒絕支持曾俊華，以及多次批評政府施政，令他曾遭市民指摘「不做實事」。他表示，其要爭取的是政府放權予市民以落實民主，「我哋唔係要錢，係要真正的權力轉移。」除了遭北京高調批評「搞港獨」，幾名戰友如姚松炎、羅冠聰與劉小麗齊齊因宣誓風波被取消議員資格。自決派屢接北京的「大棒」，「羅冠聰的講法係民主派各有難題：溫和民主派要面對的係如何食蘿蔔而不失霸氣；激進民主派要面對的是如何在大棒的霸氣下生存。」「能吏」林鄭將打兩張牌
朱凱廸表明，他們由始至終爭取的是行政當局把壟斷在手中的權力拿出來與市民分享，「例如公共財政，立法會作為民選機關決定權有幾大？民選區議會決定地區事務權力有幾大？到城規會這些法定機構決定土地資源分配，民選程度又有幾大？」他強調，民主派應說服香港人，全方位的民主化對不同的社會問題如教育、房屋、醫療，都一定有更加好的解決方案。特首林鄭月娥早前在立法會就36億元教育新資源申請撥款，觸發朱凱廸與教育界葉建源在議會上針鋒相對。
朱凱廸說，即使某個界別今次從政府手裏拿到他們所要的資源，但並沒有得到對資源分配的更大決定權，那只會產生一種「要聽話」的心態，民主派亦不會有更強的認受性。
他預期，林鄭未來5年會扮演「能吏」角色，「佢會打兩張牌，溫和民主派會有蘿蔔，例如畀你成功爭取；激進的就會面對大棒。
「民主派最差的情況係你食晒佢啲蘿蔔，然後有班同伴俾佢打死咗，然後支持者唔記得咗自己係民主派，呢個能吏一定會瓦解你的組織能力。」

１１. 我哋唔係要錢，係要真正的權力轉移。...他們由始至終爭取的是行政當局把壟斷在手中的權力拿出來與市民分享...即使某個界別今次從政府手裏拿到他們所要的資源，但並沒有得到對資源分配的更大決定權，那只會產生一種「要聽話」的心態
魔：權力轉移，對資源分配有更大的決定權，係咪即係要奪權？當局的權力與市民分享，但１００萬個市民就有１００萬把嘴，點樣整合意見，達成共識？係咪最後又係由你朱仔呢位代議士化身大總統，「代表大多數人」，一錘定音？就算凡事公投，「相信每一個人」，但市民真係「樣樣識，瓣瓣掂」？市民會唔會有既定立場（例如派錢）？繼米爆之後又搞單巷爆出嚟又點算？
１２. 他強調，民主派應說服香港人，全方位的民主化對不同的社會問題如教育、房屋、醫療，都一定有更加好的解決方案。
其實，朱仔佢自己又有無領導能力同執行能力呢？抑或只係得把口，好似 hea 曾咁講吓願景吹吓水就算數？所謂「更加好的解決方案」，點先可以「叫人相信」？有無實質嘢先？抑或「議員只係負責贊成或否決，而諗 solution 就係正苦的責任」？
１３. 激進民主派要面對的是如何在大棒的霸氣下生存。...激進的就會面對大棒
魔:大棒？

＊＊＊
同場加映，容靚靚 show 長腿：

信報　2017年8月31日
專訪
容海恩自評立會表現70分
不介意做「西環契女」 兩地融合需要中聯辦
去年初挾「法律界桂綸鎂」之名橫空出道、加入新民黨半年後出戰立法會選舉，容海恩雖成功當選，但強力宣傳背後，盛傳因獲中聯辦青睞，「西環契女」稱號不脛而走。經歷首年議會生涯，她坦言不介意被標籤，也不認為密切往來會帶來負面影響，因中港兩地融合是未來大趨勢，「有需要就要搵人幫手」。
立法會選舉後翌日，新民黨主席葉劉淑儀名下的汽車被發現出入中聯辦，她本人曾否認，但最終坦承前往商討要事。容海恩澄清當時自己不在場，但明言自己不時需要中聯辦協助，因其為中港機構接洽橋樑，「唔經佢哋點去同大陸聯絡」。
不信葉劉部署退休
她認為兩地融合為無可避免的大趨勢，不論北上創業還是為教育界配對姊妹學校，中聯辦均最能提供渠道，「咁點解我唔搵佢呢……總之係幫到人嘅就要做囉」，她認為毋須避嫌，即使被稱為「契女」亦不介意，因促進兩地資源交流「都總要有人做㗎」。
容海恩口中的「恩師」葉劉淑儀，早前突然表態部署退休，她堅稱不相信報道，因對方未曾向自己提及，形容葉劉是黨內的靈魂人物，「有排做嘅……覺得佢一直會喺度」，黨內現時未有談及相關安排。雖然黨齡僅得年半，容海恩卻於年中被擢升為副主席，她不同意任命是「欽點」接棒，「唔係自己考慮嘅問題……始終新人唔應該諗」，主席亦自有其特定條件，應由對方挑選而非自行爭取。
下屆將競逐連任
今屆立法會建制派議員中，具法律界背景者達8人，經民聯梁美芬於會期初一度牽頭合組「建制律師團」；身為大律師的容海恩透露當初曾獲邀但婉拒，因希望與葉劉維持獨立，「一個平台好夾啲，太多人協調唔到，控制唔到人哋講啲咩」，但她強調與各黨派仍維持不俗關係。
她自評首年表現約值70分，認為因已兼顧地區訴求，亦可轉化為政策層面向官員發聲，惟自己於宣傳上不足，須多下工夫；有說法形容過往相對「錫身」，她解釋自知於熱門議題上稍欠立場，因自我要求首年應專注民生打好根基，未來會逐步加強政治上表態，希望令個人形象更鮮明。
於全港競爭最激烈的新界東勝選的容海恩，出道僅半年即奪3.6萬票，雖得益於公民力量箍票，但以該區9席計得票仍排尾二，僅高於當時全力配票予其他民主派的社民連梁國雄；容海恩強調議員應有承擔，「有心做應該一路做」，若選民支持仍會競逐連任。
不過，上月入籍民建聯的工聯會鄧家彪，雖在去年選舉以約2.7萬票鎩羽而歸，但仍對新東補選摩拳擦掌，2020年立法會換屆選舉可能至少有4名建制派於傳統泛民票倉混戰。唯一並非同營的容海恩認為，即使出現競爭亦屬良性，「人哋就係話唔知你容海恩講緊乜，因為太多嘢同時講緊，但我又唔覺得我冇做嘢喎」，故會繼續盡力做好本分，「畀人知道你揸住咩旗」，展露獨特性爭取支持。
採訪、撰文、攝影：林嘉希

＊＊＊
參考資料：
２０１６年立法會選舉 > 選舉結果 > 新界西
民主黨 > 基本信念
公民黨 > 我們的話