十號風球下的博士Ｋ

每次有特別事件，前同事博士Ｋ例牌都會出嚟搞吓笑。好似早前打十號風球，博士Ｋ個寶貝囡就好中剷港孩地要老豆帶佢落街「感受」下個風。

如果博士Ｋ無為咗囝囡校網搬屋的話，佢應該仲係住係荃灣。荃灣大唔大風，危唔危險，出咗事會唔會浪費警力就唔知，魔術師最關心的卻是博士Ｋ嗰句「呢幾年我一個人化咗」...
唔通博士Ｋ離咗婚？
魔術師八卦心起，馬上私訊前港婦同事怕貓問個究竟：

Typo？語障咋卦？「呢幾年我一個人化咗」同「呢幾年我化咗」係好大分別的。
再諗返，博士Ｋ呢位「博士」的語文能力不嬲都幾嚇人。日前妹頭阿女要做問卷功課，廿四孝老母的妹頭又要發動佢的人脈幫拖，叫我地班舊同事幫下手，真係好鬼中剷：

妹頭阿女份問卷有個「生字」"aforesaid"，博士Ｋ竟然唔識？唔係卦？呢個博士究竟有無寫過 paper 畢業架？英文程度竟然可以咁低？
不過，魔術師將個 screen capture 咗俾前同事Ａ睇，前同事Ａ就話：「可能博士Ｋ係曲線讚妹頭阿女，話令千金真係叻，啲英文生字深到呢我呢個博士都唔識。」
魔術師唔係無諗過呢一點，不過妹頭都無響舊公司做好耐了，博士Ｋ再擦鞋都無用喎！
魔術師諗還諗，都係前同事Ａ一言驚醒：「可能係博士Ｋ啲擦鞋ＤＮＡ發作呢！」
咁又係喎！魔術師又試以己度人，衰在太過理智了！