直至日前，收到 Sony(SNE.NYSE) 寄來的電郵，終於到佢地出真．藍芽耳機！
評測方面，當然唔係由魔術師去做：
睇過幾份 reviews（鱔稿？），似乎真係好評如潮。魔術師心想，無論啲稿點鱔法都好，Sony 作為生活基金的成份股，魔術師無論如何都會幫襯！
個盒 pack 得非常美觀，魔術師完全無信心拆咗之後可以復完：
盒內有耳機、叉電盒、耳膠、耳翼、說明書、仲有條開始在家堆積如山的 USB 線:
魔術師比較鍾意個金屬叉電盒，唔似其餘牌子，叉電盒用膠做（Onkyo 隻 W800BT 就係咁），擺落去公事包好易被夾爆：
耳機有黑色和金色以供選擇。以玄空飛星來說，魔術師命格屬水，當然係揀金色，取其金生水是也！
即刻連線，試下 Sukie S 首《聽不到的說話》...嗯，又真係幾好聲喎！
＊＊＊
伸延閱讀：
Sony WF-1000X 官方網站
Post76 玩樂網：全新 Sony WF-1000X 真無線降噪耳機 + NW-ZX300 高清數碼音樂播放器速評
Trusted Reviews: Sony WF-1000X
What's Hi-Fi: Sony WF-1000X review
哎瘋嗰無線耳機實在肉酸聲又渣，呢嗰索尼嘅我好有性趣！射射！俾我都會要金色，黑色跌咗難搵.
回覆刪除//射射！
刪除唔使客氣! 有正嘢我必定推介.
//黑色跌咗難搵.
點個point 我又未諗過.
//以玄空飛星來說，魔術師命格屬水，當然係揀金色，取其金生水是也！
回覆刪除魔兄, 想請教如何開始入手研究自己既命格?
可以由紫微斗數或八字學起, 睇下邊樣啱自己心性多啲.
刪除我自己就主要係紫微斗數加玄空風水; 學唔學八字就睇自己興趣.
搵日買本講紫微斗數既書睇
刪除可以去圖書館借啲書嚟睇下，先試下自己有無慧根去學都得。
刪除唔好意思,無留意魔術師想玩wireless 耳機, 如果你未買或還想買多一對, 你可以考慮Bragi 既The Dash, 無論功能, 彈性應該係我比較過最好(3個月前做project 比較過唔同款既耳機,但未有聽過sony 呢對), The Dash 香港都有賣, 你可以比較两者既音色
回覆刪除我知 Bragi Dash 呀 4G internal memory, gesture control，測埋健康指數，slim 版有 Bragi the Headhone。
刪除最近 Bragi 出埋 Dash Pro 添，spec我無仔細研究了。
我梗係已經買咗 Sony 喇，相都映埋。內文都唔睇，志左賣廣告？
Bragi之前有唔少負皮所以冇考慮，新嘅好似有改善但喺我個人唔想要其他啲無關音樂嘅嘢。
刪除今日搭車返屋企全程聽Sony，完全無斷線，音色亦唔錯，值得推介！
刪除啱聽就好，我有睇你內文的。我仍然的唔起心肝買wireless 機，暫時有線的耳機音色仍然遠超，我都係注重音樂多過其他野
回覆刪除Sorry，你的留言好似以為我未買 Sony，所以我先覺得你無睇內文。
刪除要音色我就返屋企坐定定聽 Hifi 嚕！係街聽要求唔使太高呢。
我個人有一個的怪癖，在街上突然有一刻好想聽某一隻歌時, 我就會調大聲DD,去感受歌手果D 唱歌時的detail 位, 例如呼吸聲,換氣聲。對我來講，貴與平的headphone, 就使用在這個位上。 反而我係屋企通常好小停落來, 所以到依家都無諗過買返套似D樣既Hifi。不過呢D野好睇個人, 自己開心就夠
刪除係呀，聽歌口味呢味嘢真係好主觀，全屬個人選擇。
刪除