2017年10月22日 星期日

摩摩電影節之《軍中樂園(Paradise in Service)》:小確幸的日與夜

作為生日電影,摩摩呢套真係無介紹錯。文青遇着才女,如絲般幼滑的感情段落,帶動着好幾闕獨立故事,睇完真係有啲感動!

1945年皇軍吃了美帝兩個原子彈,最終宣佈投降,隨即國共兩軍反轉豬肚進行蝗國人最善長的窩裡鬥。蔣公不敵老毛,撤退寶島;蝗國於1949年誕生,妄圖以歷史較短的國家「收回」歷史較長的我城。1969年,人稱小寶的羅保台(阮經天飾)到金門服兵役,被選中入最精銳的海軍陸戰隊「海龍」,並遇上了魔鬼教官人稱老張的張永善(陳建斌飾)。一眾教官訓示各新兵,「金門炮擊規矩」是「單打雙不打」,又替新兵洗腦,要拋頭顱灑熱血咁反攻大陸,解救苦難中的人民;另一方面,殺人政權亦大數蔣公光頭的不是:

小寶在軍中寫家書給淑芬的愛人,講述軍中生活,如何聽從長官教誨,立志光復河山,帶淑芬回國,光宗耀祖;小寶文筆不錯,準是個文青,可是卻撒了個謊,明明是隻旱鴨子,怎麼說是變了游泳高手呢?

某天休假,小寶在市集中碰見張教官。老張竟然不知道小寶是個文青,仲走去問小寶識不識字。原來老張要去典當一只手錶,要小寶幫眼。小寶甚是乖巧,仲熱心地幫老張講價。老張同時在當鋪買了一只女裝手鐲,又為了答謝小寶幫忙,話請佢一齊叫G;不過小寶守身如玉,婉拒了老張的好意。反正單嫖獨賭,G之馬,老張一個人去叫又有乜所謂?老張在G竇裡找上老相好阿嬌(陳意涵飾),並送上手鐲:

在一次水上訓練中,小寶因為不諳泳術而遭革走。張教官帶他去調識,營長竟然問小寶是否青頭仔!小寶便話有一女朋友仔,矢志當完兵後回去結婚,要將第一次留給未來老婆:

原來小寶被調到看守有「軍中樂園」之稱的「特約茶室」(又稱八三么),也就是軍中G竇。主任和茶室學長介紹軍中兄弟叫G的規佢:G蟲睇相選人(M到者掛免戰牌),十五分鐘一Q,逾時要加鐘等等...小寶甫到埗,便遇上眾G爭執,主任排解後,小寶留意到獨站在一角,冷眼旁觀,氣質有點像《天水圍的夜與霧》中的張靜初的7號侍應生妮妮(萬茜飾):

小寶在茶室中是最純情而又心地善良的一個,先給阿嬌當住佢面脫下三角褲要佢清洗,見到眾兵偷睇5號肥婆桃姐扑嘢,仲天真地話要修理壞掉的房門。某日,小寶發現原來侍應生是要「跑數」的,每日十張票(即是每日要最低工時是2.5小時),但那7號妮妮惜肉如金,竟然做了一次之後,便自己出錢給客人補多九張票,咁「肉體自由」全日就唔使做了:

一天,小寶在茶室裡碰見好友鍾華興(王柏傑飾)。原來華興被調到駐守陰暗潮濕的坑道,身上長了不少膿瘡,又給師兄大仙欺負,過着暗無天日的生活,只想問為什麼會有如此不義的事情發生在自己身上。現在唯一可以令華興振作起來的,便是16號阿 Sa 的慰藉:

鏡頭一轉,老張跟廣東兵(廖啟智飾)賭錢,廣東兵贏了,說要老張把金錶還來,老張只是在撒賴。原來老張拿去典當的錶的從賭局中贏回來的。

這天老張又去找阿嬌,完事後跟小寶聚舊,就在蔣公光頭畫像下感懷身世。原來老張父親最會做餃子,可惜打日時參加游擊隊一去不回,剩下張仔跟母親相依為命。張媽媽造了鞋給張仔,張仔下田不捨得穿,要回家時再穿...但行到半路中途,張仔遇上了撤退中的國軍,被那天殺的國軍打了一頓後臨時拉伕入伍,簡直是比跨境犯法的強力部門更可惡。張仔從此到了呆灣,母子分隔在兩岸,而張媽媽就永遠等不到兒子回來吃餃子。不論是張仔,還是現在的老張,都一樣地思念母親:

某夜,小寶為妮妮換電燈泡,妮妮順便搭訕,很有興趣想知道為什麼小寶要守身如玉。二人說到浪漫處,妮妮竟然大派波餅、從後抱住小寶教彈結他唱瑪麉蓮夢露的 River of no return(小寶將之唱成 Biffer of no return,英文爛得可以)。一個茶室侍應生竟然識彈結他又一口流利英文,這個妮妮真係唔簡單:

小寶一面跟妮妮展開毒男與女神的純愛關係,另一方面也很為老張着想,非常體貼地幫他撰了一封家書給張母,並說可以經老爸的倭人朋友轉信:

兩岸文宣嘈不絕,國共雙方隔空亙相喊話,一個中國,各自表述。在潮濕的坑道中飽受欺凌的華興心有所感,加上相好阿 sa 又給老粗兵哥欺負,於是也就下了決定,要跟阿 sa 遠走高飛:

在小寶牛一那天,女朋友寄來了分手信。小寶大受打擊,便走去跟妮妮盡訴心中情,說自己還保持住童子之身是為了甚麼呢?妮妮作為女神,當然好言相慰,開解小寶,說承諾並不是為了別人,而是為了自己而守的;然後妮妮還送了父親給她的男裝錶予小寶當成是生日禮物,收了小寶做兵:

這天,華興又來找阿 sa,並帶來了軍服,又給阿 sa 剪短了頭髮,扮作軍人逃走了;小寶雖然見到了,但卻沒有叫破。華興與阿 sa 去到海邊,決意投奔怒海,變節投靠殺人政權:

這天小寶要帶眾侍應生出外恤髮,主任要求小寶帶孖葉將妮妮銬上。原來妮妮是受刑人,自願來做G以「社會性服務令」來換取減刑。在理髮廳妮妮借尿遁,小寶身為兵仔當然不能抗拒。妮妮外出未歸,小寶走去尋找,見到妮妮在打電話,跟「寶寶」通話,才發現女神原來早已為人妻及人母,實在大受打擊。小寶走去問妮妮,女神卻否認打過電話,令小寶覺得自己原來完全不暸解自己心中的女神。這時阿嬌又來打毒針,指出妮妮是因為殺了老公才要「無畏無懼」地受刑。自此小寶便不再理睬妮妮:

老張送了阿嬌一枚戒指,默認了會和她結婚;小寶冷眼旁觀,見到阿嬌對所有「客人」的「服務態度」都非常「良好」,收兵無數,而眾兵也貢獻了不少金銀錢財給她,裝滿了一個首飾盒。這天小寶到阿嬌房中打掃,又見她在數錢,便怒斥她在玩弄老張的感情;阿嬌卻反問,我窮得只剩下錢又有甚麼不對了?你會冒「滿街老襟」的風險去娶一個 PTGF一隻G嗎?小寶想起自己跟妮妮的關係,不禁語塞,只得落荒而逃:

為了破冰,妮妮跟小寶道出了真相:原來妮妮是家暴受害者,因為當初是不顧家人反對去嫁給這個衰丈夫的,自己婚姻自己救,唯有一把火把這衰公燒了。最後,就是到了茶室當侍應生,以「社會性服務」換取減刑:

小寶跟妮妮和好如初,還一起去看曇花(認真好意頭)。兩人在螢火蟲的「燈光」下手拖手看花,就在這時妮妮放開了小寶的手,並在他的額角上親了一口,象徵了兩人「不可逾越」的關係:

老張為了阿嬌的婚事,叫小寶幫他立借據向長官借錢。小寶不忍,在勞軍節目中將真相告訴了老張。老張受不住打擊,就趁小寶給拉上了台跟鄧麉君和白嘉莉跳舞的當兒,走去跟阿嬌對質。阿嬌直認不諱,說自己雖然想嫁人,想上岸,但如果嫁給老張,就永遠擺脫不了「一日做G,終身為G」的夢魘;更一針見血地指出了老張這些「外省人」,是不可能娶妻回鄉,侍奉娘親的了。這句話擊中了老張的死穴,老張在大怒之下扼死了阿嬌:

在回憶中,當件張母給張仔討的親事,在隔壁村養羊的未過門妻子,就是老張心中的阿嬌:

小寶趕回茶室,只能見到阿嬌的屍體,與及被憲兵押走老張。最後老張應該被處決了,而小寶就從家裡找來一疊替老張寫,卻沒有寄出的家書,連同老張的遺物,包括那雙娘親做的、不捨得穿的鞋子一起火化了。原來小寶說有方法幫老張寄信是騙他的;小寶又懊惱着為何要將阿嬌的真相告訴老張呢?在悔恨當中,妮妮就是小寶唯一的慰藉:

這一年是比我城歷史還要短的民國建國六十周年,蔣公光頭大赦天下,妮妮也可以回家了。就在臨別的一夜,小實幾乎便要失身給妮妮,但就在劍拔弩張之間,小寶竟然為了信守那「承諾」,有食唔食,棄械而逃:

妮妮走了,只留下結他、手錶、和萬花筒給小寶。小寶日復日地在茶室裡過生活,最後還是守不住,失身給一個樣子還算是不錯的侍應生。在臨退役之前,小寶又寫了一封寄不出的信,還是在想念華興、老張、和妮妮之間的情誼:

最後,隨着小寶退役,電影亦以字幕帶出軍中樂園的最後歷史歸宿。在完結前,影片打出來的,是小寶腦海裡的 happy ending:自己能夠與妮妮給合、華興與阿 sa 到了蝗國生活,在天安門前留影、而最後就是老張跟阿嬌組織了小家庭,退役後在蔣公光頭的畫像下開餃子店:

***
本片劇情主線其實是小寶在軍中的見聞感受和短暫的小確幸感情生活,當然寫得最深刻感人的就是老張的一生:從少年時給萬惡的國軍無端端拉到對岸、對娘親的思念和孝道、與及少年時未婚妻與阿嬌的投射;另外穿插的就是兩岸交戰時的「大時代」背景、華興所受的欺凌,被逼要帶心上人逃返蝗國咁反智和不可理喻、與及「性工作者」的日與夜等等。至於間中穿插的國共雙方的文宣戰,更給魔術師帶來會心微笑。
綜合來說 bug 唔多,唯一的問題就是本片開頭說妮妮「有後台」,可以有錢幫自己買票,但後來妮妮自述身世,卻又不是那麼的一回事,令人難以理解。
以巷蜀有青來說,現在的巷蜀份子要跟呆獨連線也不容易,看過本片之後,應該在是怨恨自己生得晚了,未能好像張仔那樣,從小便「被移民」呆灣,有得服兵役,更有得叫G:

另外,阿嬌那「做G的心聲」,就算有滿是金銀珠寶的首飾盒,都不會有人敢娶自己,真是不明白為何會有港妹肯在我城做 PTGF,要做都去遠啲喇!
至於小寶跟妮妮的關係,魔術師覺得是有點似《天龍八部》中,段譽對神仙姐姐的心態:那是一種毒男情意結,女神只可遠望,而不可褻瀆:愈是自己喜歡的女神,愈不敢扑之,以免將仙子拉下凡間。小寶的所謂「留給未來的妻子」,與其說知道跟妮妮這人母的感情關係只屬「曇花一現」,倒不如說他不敢向前邁進一步,step out from his comfort zone;反而,小寶後來失身於某侍應,也只是一種買賣關係,沒有心靈上的付出。以毒男心態來說,當初不食妮妮,完全不能算是「罪大惡極」吧?

***
伸延閱讀:
誰的匪諜,誰的義士:看《軍中樂園》之前應該溫習的幾段歷史插曲
非理性消費
《天水圍的夜與霧(Night and Fog)》:公屋綜援養懶人

38 則留言:

  1. 啱啱係外面,留個短言先。

    我覺得魔兄漏了可能係本片導演想表達的其中一個主題: 就是茶室主任最後同小寶講的一句

    "找個好女孩 忘掉八三么"

    //為了破冰,妮妮跟小寶道出了真相:

    我覺得呢段在不知是「單打雙不打」規矩下的轟炸還是演習的漫天炮火下進行的交心情話,反差襯托得非常浪漫。

    回覆刪除
    回覆
    1. //"找個好女孩 忘掉八三么"

      哎呀, 我只當係一般的臨別贈言... @@"

      //我覺得呢段在不知是「單打雙不打」規矩下的轟炸還是演習的漫天炮火下進行的交心情話,反差襯托得非常浪漫。

      是的, 很有些「烽花飛花」的今日唔知聽日事的末世感覺.

      刪除
    2. //魔鬼教官人稱老張的張永善(陳建斌飾)
      //7號侍應生妮妮(萬茜飾)
      //廣東兵(廖啟智飾)

      留意以上三個演員都不是寶島演員(和口音有很重卷舌音,演茶室主任的四眼佬都應該是)。呢個系我其中欣賞的地方:以當時的歷史背景,一定仍有很多外省人未完全被寶島同化,尤其是軍旅之中。到21世紀10年代這批人都垂垂老矣,第二三代都系寶島土生土長(仲隨時系天然蜀唔定),要好好反映返嗰個年代,最忠實就是搵返外省演員嚟做。例如張永善的身材、舉止和山東口音就明顯和周圍格格不入,“人在異鄉”感覺強烈;妮妮的口音亦同其他女唔同(打電話時好似頭幾句講唔知乜方言,但我聽極都聽唔清楚),告別八三么時其他女亦話佢聽唔明台語;廖啟志出場時更令我有啲驚喜,睇佢做戲咁多年都未見過一兩分鐘客串會講咁多我城粗口!

      //張仔從此到了呆灣,母子分隔在兩岸,而張媽媽就永遠等不到兒子回來吃餃子
      //當然寫得最深刻感人的就是老張的一生:從少年時給萬惡的國軍無端端拉到對岸、對娘親的思念和孝道

      套戲對老張呢類老兵的思鄉描寫,表面好似淡淡的,但感受卻很深刻(起碼小弟是)。無厘頭離鄉別井隔咗個海,事前可能全無心理準備,之後無限期無得返去無得聯絡...諗起都覺得絕望,同時亦完全反映在老張“娘,俺想你”的吶喊中。

      //金門 距離對岸只有短短的一點八公里

      金門縣有兩個大島:金門本島同一個叫烈嶼鄉既離島。如果以金門島嚟計,最近對岸廈門都要四五公里,所以除非集訓沙灘是在外島,否則我唔明這一點八一說從何而來--當然五公里也不遠,只是堅尼地城海旁到青衣島的距離而已。

      49年前金夏根本就是一個生活圈,好似話好多人在解放/淪陷當日只是到對面海買啲嘢,結果就同屋企人隔絕三十幾年...

      //在潮濕的坑道中飽受欺凌的華興心有所感,加上相好阿 sa 又給老粗兵哥欺負,於是也就下了決定,要跟阿 sa 遠走高飛
      //華興與阿 sa 去到海邊,決意投奔怒海,變節投靠殺人政權:
      //被逼要帶心上人逃返蝗國咁反智和不可理喻

      在當時這並不反智:一來寶島六十年代經濟仍未起飛,物質生活並不發達;更緊要是華興同愛人日日飽受欺凌(到呢幾年寶島都有新兵被欺凌至死,何況當年),橫豎是不自由,逃往對岸仲有一線生機。

      留意兩人投奔怒海時身上都綁住個籃球用嚟浮水...這是出自一個著名由寶島投奔蝗國、而且到現在仍活躍學術界的經濟學家林毅夫的傳說,雖然佢否認游過對岸時身上無綁到籃球:

      http://www.chinatimes.com/newspapers/20150311000908-260301

      https://zh.wikipedia.org/wiki/%E6%9E%97%E6%AF%85%E5%A4%AB%E5%8F%9B%E9%80%83%E4%BA%8B%E4%BB%B6

      而同我城對呂樂一樣,寶島當局對林毅夫發出了永久有效的通緝令。

      //見到阿嬌對所有「客人」的「服務態度」都非常「良好」,收兵無數,而眾兵也貢獻了不少金銀錢財給她,裝滿了一個首飾盒

      麻甩佬送嘢,好多時系為自己開心多過搏對方開唔開心的...當然呢個就要老司機先有清醒的認知

      //更一針見血地指出了老張這些「外省人」,是不可能娶妻回鄉,侍奉娘親的了。這句話擊中了老張的死穴,老張在大怒之下扼死了阿嬌

      “你們這些guā síng á,一輩子都回不去啦!”

      //小寶又懊惱着為何要將阿嬌的真相告訴老張呢?

      阿嬌已經重新掛牌,亦證明自己無餡,佢講唔講老張最終都會知道的。

      //妮妮走了,只留下結他、手錶、和萬花筒給小寶

      奇怪小寶無問妮妮攞contact。或者真是毒男情意結吧。

      //小寶日復日地在茶室裡過生活,最後還是守不住,失身給一個樣子還算是不錯的侍應生

      留意小寶到後來已經升咗做小頭目,亦變成老雀會同侍應生玩樂和調情

      //唯一的問題就是本片開頭說妮妮「有後台」,可以有錢幫自己買票,但後來妮妮自述身世,卻又不是那麼的一回事,令人難以理解

      從妮妮透露身世的一段話中,我相信妮妮屋企是頗有米的,只是曾經不理家人反對,嫁錯人遭遇家暴而已

      //呢套野, 我捉唔到佢用神, 只係當獵奇電影咁睇
      //我都只係當係輕小說, 愛情散文咁睇.

      除了老張一段覺得很感人和無奈外,我覺得很好地借兩岸交戰時的「大時代」背景襯托出風月場所男女心態(尤其軍中茶室是真有其事)。

      至於「做G的心聲」,我都道聽途說或甚至親眼見過的一些事蹟,當中有啲可以完全overrule晒所有對風月場所的一般認知,但不約而同是:做G的改行後就算會同之前喜歡既客繼續來往,但都一定會斷晒以往的其他contact。

      而“軍方為解決數十萬大軍的生理需求”,其實又點只生理呢,心理慰籍可能更重要。除了華興等被欺凌的新兵外,類似老張呢類目不識丁劇目無親周身無蚊老兵,除了八三么又去得邊呢?

      //我覺得係似《投名狀》既二嫂徐靜蕾喎

      妮妮系在茶室混日子,知道自己一定會離開的而冷眼旁觀;二嫂是想逃離同留低土匪阿頭趙二虎(劉華)身邊掙扎,同埋對戰亂背景的無奈.

      //去遠 D 做就會失去佐溢價, 而要同蝗女系同一條起跑線上鬥質鬥價.....
      //反而沒留意港妹去到外地根本搵唔到食.

      未來五年內,肯包裝下,“港女”呢個牌頭仲可以在北京上海呃到下啲無知土豪蝗民的...前提是真系肯去賣.

      //呢套想睇但係始終無睇到.

      咁想睇,幫你入list勒.

      刪除
    3. //和口音有很重卷舌音,演茶室主任的四眼佬都應該是

      洪都拉斯係貨真價實臺灣人。

      刪除
    4. 洪都拉斯係茶室個伙頭,茶室主任原來係呢個:

      https://wapbaike.baidu.com/item/脱一然

      東北人,仲要係滿族

      刪除
    5. //呢個系我其中欣賞的地方:以當時的歷史背景,一定仍有很多外省人未完全被寶島同化

      哈哈, 同我城一樣, 好多呆灣笨土其實都唔係原居民.

      //最忠實就是搵返外省演員嚟做

      所以我對搵非德國佬扮德軍(Captain America?)的電影不太有興趣。

      //廖啟志出場時更令我有啲驚喜,睇佢做戲咁多年都未見過一兩分鐘客串會講咁多我城粗口!

      當時我係即時按暫停上網查下係咪真係有廖啟智份 XD

      //套戲對老張呢類老兵的思鄉描寫,表面好似淡淡的,但感受卻很深刻(起碼小弟是)。

      X2

      呢段倒敍由佢唔捨不得穿媽媽穿的鞋開始, 到下完田想將鞋子穿上, 再給國軍抓走, 媽媽還在用心的做餃子待兒子回家... 睇完我都眼濕濕, 又要按暫停...

      //所以除非集訓沙灘是在外島,否則我唔明這一點八一說從何而來

      我都覺得有 bug

      //49年前金夏根本就是一個生活圈,好似話好多人在解放/淪陷當日只是到對面海買啲嘢,結果就同屋企人隔絕三十幾年...

      慘過坐膠鐵俾人捉走...

      //兩人投奔怒海時身上都綁住個籃球用嚟浮水...這是出自一個著名由寶島投奔蝗國、而且到現在仍活躍學術界的經濟學家林毅夫的傳說

      原來如此, 長知識了 XD

      //阿嬌已經重新掛牌,亦證明自己無餡,佢講唔講老張最終都會知道的。

      老張入去之前, 又有條維園阿伯被騙「我要做爸爸喇!」...喂, 阿嬌佢一雙玉臂千人枕, 有咗都唔知道爸爸係邊個喇!

      //毒男情意結

      我都覺得係

      //我相信妮妮屋企是頗有米的,只是曾經不理家人反對,嫁錯人遭遇家暴而已

      妮妮應該有父幹, 但乜唔係話因為婚姻關係已經無面回去咩?

      //我覺得很好地借兩岸交戰時的「大時代」背景襯托出風月場所男女心態(尤其軍中茶室是真有其事)。

      寫到班兵好似日日唔使做, 個個淨係掛住叫G咁.

      //“港女”呢個牌頭仲可以在北京上海呃到下啲無知土豪蝗民的...前提是真系肯去賣.

      港男婆媽計較孩子氣 港女嫁內地男增逾2倍
      http://hk.on.cc/hk/bkn/cnt/news/20170926/bkn-20170926122133669-0926_00822_001.html

      //東北人,仲要係滿族

      鈕承澤搵埋成班蝗民去「合拍」

      軍中樂園拍到闖禍 鈕承澤:已做好服刑心理準備
      2014/09/02 16:48

      http://ent.ltn.com.tw/news/breakingnews/1096292

      //幫你入list勒.

      已入 XD

      刪除
  2. 王家衛法國里昂獲成就獎 [2017-10-22]
    http://toronto.singtao.ca/2139192/2017-10-22/post-%E7%8E%8B%E5%AE%B6%E8%A1%9B%E6%B3%95%E5%9C%8B%E9%87%8C%E6%98%82%E7%8D%B2%E6%88%90%E5%B0%B1%E7%8D%8E/?variant=zh-hk
    你要識的新一代狂人「招積」張建聲走紅的3個理由
    https://www.msn.com/zh-hk/entertainment/news/%E4%BD%A0%E8%A6%81%E8%AD%98%E7%9A%84%E6%96%B0%E4%B8%80%E4%BB%A3%E7%8B%82%E4%BA%BA%E3%80%8C%E6%8B%9B%E7%A9%8D%E3%80%8D%E5%BC%B5%E5%BB%BA%E8%81%B2%E8%B5%B0%E7%B4%85%E7%9A%843%E5%80%8B%E7%90%86%E7%94%B1/ar-AAtKCcq?li=AAazejy&ocid=spartandhp
    have a nice weekend out there…..far out isn't far enough .

    回覆刪除
    回覆
    1. //張建聲

      唔,篇嘢有劇透,好彩我skip咗第一段(我啱啱先睇到第十集)。

      我都覺得張建聲做得好,開頭我唔知佢乜水時剩係覺得好熟口面,查返先知原來係«一路向西»個四眼柒頭主角!

      雖然魔兄應該唔會追劇,不過呢套所謂網劇並唔係有青柴娃娃拍嗰啲«假如香港要毀滅»,而係每集兩百萬成本之大製作。雖然經魔兄訓練下捉到啲bug,不過真係幾好睇,要知我上次追劇已經係25年前既«大時代»....

      而家網絡已經變做另一個media,唔係有青專利嘞,其實同期cctvb套«使徒行者2»都係擺埋上蝗國網站的,而且好似仲受歡迎。

      當然«假如香港要毀滅»就一定上唔到蝗國網俾蝗民睇了.

      刪除
    2. //匿名2017年10月23日 上午12:54

      我聞到roger陴味... XD

      //王家衛法國里昂獲成就獎

      摩摩係王粉,值得慶賀!

      //查返先知原來係«一路向西»個四眼柒頭主角!

      新男神我淨係認得王迪C乜乜乜個劉公仔對頭人:游公仔.

      //每集兩百萬成本之大製作。雖然經魔兄訓練下捉到啲bug

      製作費幾多唔係問題, 就算好似《十年》咁陽春都okay:我嘅要永好簡單,唔好一路睇一路俾我即時debug到啲不合常理或前後矛盾的劇情, 咁已經算「製作認真」了.

      //要知我上次追劇已經係25年前既«大時代»....

      我係連《大時代》都無追過...

      //而家網絡已經變做另一個media,唔係有青專利嘞

      我係唧唔到時間出嚟追劇啫.

      刪除
  3. //氣質有點像《天水圍的夜與霧》中的張靜初的7號侍應生妮妮(萬茜飾)//

    我覺得係似《投名狀》既二嫂徐靜蕾喎

    呢套野, 我捉唔到佢用神, 只係當獵奇電影咁睇

    有待魔兄同摩兄指教

    回覆刪除
    回覆
    1. //《投名狀》

      呢套想睇但係始終無睇到.

      //呢套野, 我捉唔到佢用神, 只係當獵奇電影咁睇

      我都只係當係輕小說, 愛情散文咁睇.

      刪除
    2. // 徐靜蕾
      好正....

      //《投名狀》

      劉華都只係劉華.....唉...

      刪除
    3. 究竟依家我城影壇仲有無又後生又正又有氣質又有演技的港妹/港仔呢?

      刪除
    4. 無啦.
      徐靜蕾係北京出世..... 我好中意佢.....

      刪除
    5. 原來徐靜蕾係自由兄的女神 XD

      刪除
    6. // 劉華都只係劉華.....唉...
      // 究竟依家我城影壇仲有無又後生又正又有氣質又有演技的港妹/港仔呢?

      近日嬲TV洗腦式嘅廣告, 用青雲做代言人. 覺得, 其實佢哋呢一代, 例如劉華, 青雲,或者古仔, 演技已經無任何進步. 呢套戲係呢個樣, 嗰套都係呢個樣......係朝偉叫做好啲....
      新嘅一代.....無....或者叫做未留意到啦.

      女星方面. 香港出品嘅好女演員, 老哂了....

      刪除
    7. 古仔已經不算劉華青雲一代,應該屬張家輝一代.

      偉仔是藝術家性格,又受王家衛長期洗禮(折磨?),修為當然更高。

      不能否認舊cepa的確限制咗香港女藝人發展:一套戲主要角色其中一半要來自內地,而早年本身有卡士的香港演員就已是男多女少,結果好多都將呢個內地名額用在女主角,弱者愈弱下,香港女演員更見凋零。

      就咁睇十零集《反黑》,覺得張建聲同陳國坤(後者成功洗脫“守龍門的李小龍”形象局限)都ok,希望可以接到家輝古仔的一代。

      同埋其實以前亞視好多好嘢,希望袁文傑陳保元多啲嘢做,唔好睇嚟睇去套套戲男二/男三都系姜浩文...

      女方面,我城就真系無乜期望了...蝗女的話,若論同類型女星,我鍾意高圓圓多過徐靜蕾。不過後者有啲角色系前者未夠蒼桑味做的,例如《投名狀》同《新宿事件》.

      刪除
    8. 講開張家輝,我又真係唔覺佢演技好. 或者咁講, 無好故事, 好劇本俾佢哋發揮啩.

      如果真係要數本港女主角, 可能要數到張曼玉嗰代了....

      反黑近期好熱喎!

      我中意徐係因為佢有氣質, 高圓圓得個大眼. 換句話說, 有啲角色,高係handle 唔到.徐有點清純,有點距離,有點冷酷, 但又笑容迷人.

      刪除
    9. 鮑姐呢? XD XD
      吳倩蓮好戲。唔知算唔算港女星。佢個《等著你回來》一段上身獨腳戲好過袁靚靚多多聲!
      佢算多樣,因為冷。唯做唔到儍大姐。
      所以《呆佬拜壽》有青云倩蓮,我最鐘意。

      刪除
    10. 我覺得《反黑》意義就是找出一個解決方案:如何港味十足、香港大陸觀眾都鍾意、同時又過到審查;而且呢個系代表港劇如何進軍網上平台,同一時間cctvb已經開始將劇集以網劇形式擺上蝗國網站供觀眾點播。(之前wiki wong嗰啲就算吧啦...)

      不過總會有有青抱著“蝗國觀眾鍾意我就反對”呢種心態,事實上蝗國觀眾喜歡的是老一套的舊港味:我城獨特的市井味、江湖氣、快意恩仇、兄弟/男女情義...而絕不是連好多港豬都覺得顧影自憐的“笨土情懷碎碎念”。

      刪除
    11. //講開張家輝,我又真係唔覺佢演技好. 或者咁講, 無好故事, 好劇本俾佢哋發揮啩.

      《天地豪情》中的細B XD

      //張建聲同陳國坤(後者成功洗脫“守龍門的李小龍”形象局限)都ok,希望可以接到家輝古仔的一代。
      //袁文傑陳保元

      會唔會後蝗國搵食先?去的話實俾班妄民唱衰。

      //睇嚟睇去套套戲男二/男三都系姜浩文...

      仲要做埋財仔代言人

      //高圓圓

      我幾鍾意佢做芷若。

      //袁靚靚

      我都唔知佢有乜咁靚!

      //鮑姐

      http://magician__yang.mysinablog.com/index.php?op=ViewArticle&articleId=5382771

      //同一時間cctvb已經開始將劇集以網劇形式擺上蝗國網站供觀眾點播。

      只能說CCTVB 終於肯(科技上)「追落後」就真。

      //事實上蝗國觀眾喜歡的是老一套的舊港味:我城獨特的市井味、江湖氣、快意恩仇、兄弟/男女情義...

      所以80、90年代我城的軟實力足夠「反攻大陸」,唔少蝗民以唱K來學我城方言...

      刪除
    12. //我都唔知佢有乜咁靚!//
      佢做《我愛玫瑰園》嘅時候我覺得超靚。之後就冇再靚過路~ XD XD

      刪除
    13. //女方面,我城就真系無乜期望了...//

      我城女星, 後生D KEEP 住會擔下正既, 一隻手數得晒:

      娜姐, 阿SA, 顏卓靈, 勉強加埋STEPHY

      唯一仲算有D期望既只有娜姐

      呢期系電影台睇佢套《分手100次》都交到戲

      最近《29+1》無睇, 睇評論就似乎唔錯

      計正佢都係蝗女, 不過系我城展開演藝事業就當佢係我城人


      刪除
    14. Stephy拍葉念琛啲爛片(有人稱為“愛情恐怖片”系列)太多,而且睇其發展軌跡似乎唔太願返蝗國,長期不看好。

      阿SA戲路竟然比想像中廣,套《大茶飯》作為“後古惑仔時代”小品算唔錯,亦一早蝗國落晒釘...長遠可成扮乜似乜的性格女性。而且我幾欣賞佢對阿嬌頗有義氣。

      顏卓靈年紀比其他三個細一截,睇佢套偽呆片(實質為蝗國資本)一口扮呆腔蝗語講得唔錯,但長遠要睇樣貌成熟後形象走向如何。

      娜姐潮州冷,15歲先來傷港,不過唔好話嚟我城,潮汕一帶人士嚟到珠三角後講得一口流利廣府話系好常見...最初時都被有青插過佢呢個身份。好多人(包括我)覺得佢形象比較trashy,佢所有戲我都無睇過,睇下佢轉唔轉型到勒。

      //不過系我城展開演藝事業就當佢係我城人

      如果從職業生涯嚟講,我都會有咁睇法,例如周華健我一直認為佢系我城人,但卻是“寶島歌手”。

      系笨土球迷咁打飛機當晒堅仔系我城球員嗻。

      //會唔會後蝗國搵食先?

      當年憑《少林足球》一個“守龍的李小龍”形象深入民心,陳國坤早就被真.cctv捉咗去拍《李小龍傳奇》擔正做主角啦。

      https://zh.wikipedia.org/wiki/%E6%9D%8E%E5%B0%8F%E9%BE%99%E4%BC%A0%E5%A5%87

      《葉問3》佢已經再扮李小龍,據聞《葉問4》會繼續搵佢做...

      //佢做《我愛玫瑰園》嘅時候我覺得超靚

      佢最靚系選港姐嗰陣...

      刪除
    15. //睇佢套偽呆片

      漏咗。系《六弄咖啡館》

      刪除
    16. //阿SA戲路竟然比想像中廣,套《大茶飯》作為“後古惑仔時代”小品算唔錯,亦一早蝗國落晒釘...長遠可成扮乜似乜的性格女性。而且我幾欣賞佢對阿嬌頗有義氣。//

      阿SA 真係完全唔識欣賞,

      《大茶飯》都係電影台久唔久會播既, 我次次都睇唔完

      阿SA 又係扮下可憐可愛, 同其他戲好似差唔幾

      同公司泥講, 我寧願睇容祖兒, 可惜佢無拍戲好耐

      刪除
    17. //佢做《我愛玫瑰園》嘅時候我覺得超靚。
      //佢最靚系選港姐嗰陣...

      我都係唔識欣賞。

      //娜姐, 阿SA, 顏卓靈, 勉強加埋STEPHY
      //阿SA 真係完全唔識欣賞,

      我覺得阿SA算係順眼,阿嬌、Stephy、娜姐反而無乜感覺。

      //顏卓靈

      唔識佢。

      //我寧願睇容祖兒

      容容兒我都唔覺佢醜,只係唔可以話係靚,一般港女樣咁(當然,以愚樂圈來說,靚的 benchmark 比一般人高)。

      //計正佢都係蝗女, 不過系我城展開演藝事業就當佢係我城人

      蝗女身材的確係好啲。

      //好多人(包括我)覺得佢形象比較trashy,佢所有戲我都無睇過,睇下佢轉唔轉型到勒。

      同感,除咗波波之外我都唔知佢有乜嘢賣點。

      //周華健我一直認為佢系我城人,但卻是“寶島歌手”。

      我反而一直都當周華建係呆民。

      //《葉問4》會繼續搵佢做...

      丹爺的《葉問》愈捅愈爛,只會淪為雷洛2一樣的虛構人物傳記片。

      刪除
  4. //真是不明白為何會有港妹肯在我城做 PTGF,要做都去遠啲喇//

    魔兄唔記得O勒?

    港妹係唯一可以因為本土光環而有極高溢價,

    而呢個光環只在本土有效果

    去遠 D 做就會失去佐溢價, 而要同蝗女系同一條起跑線上鬥質鬥價.....

    港妹出境做PTGF 係唔WORK, 可能留系傷港做老麥可能賺得仲多 XD

    回覆刪除
    回覆
    1. //港妹係唯一可以因為本土光環而有極高溢價,
      //去遠 D 做就會失去佐溢價, 而要同蝗女系同一條起跑線上鬥質鬥價.....

      係喎. 我本來只係諗住就返阿嬌個思路(嫁俾恩客會擺脫不到自己不光彩的過去), 所以先諗住去外國做G, 返嚟本土從良就可以了的想法...反而沒留意港妹去到外地根本搵唔到食.

      刪除
    2. 百貨應百客嘛. 客源只有本土先有, 咁咪留港建設繁榮香港囉.

      刪除
  5. 軍中樂園我覺得好睇過艋舺,不過如果對當代歷史背景唔係太了解,觀衆未必可以好投入個劇情。

    回覆刪除
    回覆
    1. 艦舺無睇過。

      其實嗰個「大時代」都唔係想像中咁難明,知少少皮毛就夠了解套戲。

      刪除
    2. fu應該係因為兩套都係同一個導演而作比較。

      導演叫鈕承澤,大陸來台第二代,滿族人,原姓鈕祜祿氏。傷民聽名可能無印象,但大少少以前有追過呆版«包青天»既,可能會記得有條友專做為富不仁官/富二代...呢段龐昱就係鈕承澤出演:

      https://youtu.be/sywD0zWyXBQ

      我好同意豆瓣見過一個蝗民評論: 呆胞近年拍戲成日都拍到好似家家酒青春片。例如«艋舺»,明明係呆版«古惑仔»,但似熱血青春片多過古惑仔片,論"呆式古惑味",我覺得«古惑仔2»寶島一段仲強烈得多!

      «軍中樂園»就很明確是屬adult contemporary,加上一直對呢段歷史好有興趣,我就喜歡«軍»遠多於«艋»嘞。

      刪除
    3. //呢段龐昱就係鈕承澤出演:

      哈哈,龐太師在公堂上拎刀要脅包大人啊!!!

      //呆胞近年拍戲成日都拍到好似家家酒青春片。

      港慘片都係一樣。點解製作認真,劇本唔好有即時bug都好似好難咁?

      //我就喜歡«軍»遠多於«艋»嘞。

      妮妮同阿嬌都幾正。

      刪除
    4. //又替新兵洗腦,

      我媽啱啱從台灣嚟香港時就真喺共匪共匪咁叫啲大陸嚟嘅,不過原來佢天真地以為只不過喺一個名就好似美國人英國人,大陸嘅就喺共匪咁 XD。

      //一個茶室侍應生竟然識彈結他又一口流利英文,這個妮妮真係唔簡單

      PTGF: "我唔喺淨喺得嗰樣"

      //寫到班兵好似日日唔使做, 個個淨係掛住叫G咁.

      班兵嗰嗰細皮嫩肉咁,真喺有啲似日日叫G。又,點解班兵露肉小短褲嘅鏡頭仲多過啲囡囡嘅?

      刪除
    5. //不過原來佢天真地以為只不過喺一個名就好似美國人英國人,大陸嘅就喺共匪咁 XD。

      果然天真過天真嬌。

      //PTGF: "我唔喺淨喺得嗰樣"

      呆式朱扒飯就有佢份...

      //班兵嗰嗰細皮嫩肉咁,真喺有啲似日日叫G。

      G蟲有樣睇。

      //點解班兵露肉小短褲嘅鏡頭仲多過啲囡囡嘅?

      老張好似無衫著咁,明明都唔係當班,衫都無件。

      刪除