大貓以魔術師未減去２.５％認購費之前的本金計算，２０１５年７月買入，到現在２０１７年１０月沽出，以基金單位價格計算，２８個月以來回報為 —７.１７％，派息率是７.４９％。而根據魔術師自己的紀錄，計埋每月派息以 XIRR 計算，年回報為４.７１％，成績只屬一般；加上派息不太穩定，時多時少，不能將以納入為每月收息組合，沽清換馬倒是合理。
為了要把人仔調回我城換馬，如果不想以螞蟻搬家方式搬錢的話，便只好倚靠找換店作為「人仔洗頭艇」（多得摩摩和肥Ｂ指點（見《一切由糧單開始》））。第一件要做的事，便是要將蝗國大貓網上銀行的第三方轉賬限額加大：
然後魔術師就要親自帶同身份證明文件和地址證明到找換店開戶；然後第二日再以 whatsapp 問價（兌換率），落單；由於款額超過１０萬人仔，找換店會免去手續費。找換店提供了蝗國銀行戶口和收款人資料後，魔術師便又用蝗國大貓網上銀行進行同城轉賬（個銀行分行 list 真係柒到爆，要找到目標銀行及分行並不是易事）：
輸入好資料後，便要輸入保安編碼器的密碼（記住，要用蝗國大貓版本的保安編碼器，千萬不要用我城版本，否則輸入數次錯誤密碼後，賬戶便是被鎖死）：
轉賬成功後，截圖將「確認書」以 whatsapp 傳回找換店，待找換店確認後便會叫魔術師取款...仲要係現金！
魔術師實在唔慣拎住一疊疊銀紙走來走去，不過無辦法喇，由於魔術師在不同銀行均持有唔同現金戶口，以便過數去唔同的 broker 買美股和Ａ股，今次亦唔例外，要手動分開疊錢去存了。
＊＊＊
伸延閱讀：
魔術師資產配置（２０１７年１０月）
一切由糧單開始
港璨理財（十一）
//個銀行分行 list 真係柒到爆，要找到目標銀行及分行並不是易事
回覆刪除因為大貓蝗國分行太少了，所以乾脆唔諗group晒落一張list。大行如工行建行，一定揀晒省-市-區/鎮/縣先再出list的。
//由於魔術師在不同銀行均持有唔同現金戶口，
蝗國跨行可秒間到帳，而家仲取消埋跨市手續費，係咪突然覺得我城好落後? XD
啊睇錯了，原來是過戶去“其他本地銀行”。
刪除不過國內大行全部都會先出晒其他common大行的logo，點擊入去再跟省市區鎮縣揀地區分行的。
//國內大行全部都會先出晒其他common大行的logo，點擊入去再跟省市區鎮縣揀地區分行的。
刪除大貓要行全球化嘛! 就不用妄想要有蝗國特色的介面了.
//仲取消埋跨市手續費，係咪突然覺得我城好落後?
依家我城銀行的跨行轉賬, 好多時係付款方唔收手續費, 而收款方收. 我有次用美帝銀行轉去創傷銀行便領了嘢, 美帝轉出是免費的, 創傷存入時卻扣了我幾十個大洋! 搞到我以後都係寫支票俾自己算了.
嘩最後張現金相好有土豪feel, 諗起Dan Bilzerian啲圖 XD。 螞蟻搬家我試過(米幣)，坐飛機瞓都唔敢瞓，諗返都覺得自己好柒。
回覆刪除// 螞蟻搬家我試過(米幣)
刪除來來回回真係 time cost 都唔少。 如果使少少錢便搞得掂, 真係唔需要親自出馬.
說起來想請教魔術師有冇係"FUN"超市用人仔入過人仔債/產品的經驗?
回覆刪除但我未開戶,估計要用人仔本票入數去"FUN"超市
謝謝
//請教魔術師有冇係"FUN"超市用人仔入過人仔債/產品的經驗?
刪除我未真正幫襯過 Fun超市, 不過你的問題, 只需看 Fun 超市的 FAQ 便有答案:
http://www.fundsupermart.com.hk/hk/main/faq/faq.svdo?id=2409#15
Q: 我可否寄外幣支票給貴公司?
A: 目前我們只接受港元,美元和人民幣支票（支票須由香港銀行發出，並在本地結算）。除上述2種貨幣外，我們不接受其他貨幣的支票。
但您可透過電匯方式，以港元、美元、人民幣、澳元、歐元、日圓、英鎊、新加坡元及瑞士法郎貨幣付款。
請在上網提交認購指示時注明付款貨幣。
謝謝你既回答
刪除OH~睇來我既問題太笨了,甘只有電匯過數
好說.
刪除//魔術師實在唔慣拎住一疊疊銀紙走來走去，不過無辦法喇，由於魔術師在不同銀行均持有唔同現金戶口，以便過數去唔同的 broker 買美股和Ａ股，今次亦唔例外，要手動分開疊錢去存了。
回覆刪除拎茄薯咁大膽我就真係唔敢試，反正都有電子支票，何不叫找換店直接入錢俾你，收妥後再自行以電子支票方式分配到各本地銀行自己名下的戶口?
//何不叫找換店直接入錢俾你
刪除我都有問過找換店可否代入銀行戶口, 但給拒絕了, 可能因為我是新客吧...