2017年11月11日 星期六

四季茗茶精選

話都無咁快,公司就話同魔術師續約至下年年底,於是魔術師就趁每年十一月頭的英記茶莊都特價周,就來大手掃貨時候,買夠一年甚至更多的茶葉以供在家和在辦公室享用:
(圖片來源:英記茶莊官方網站 > 最新消息,retrieved on 10 Nov 2017)
根據英記的同業(即競爭對手)的網站所示,一年四季應該飲用唔同嘅茶:
譽茗堂:健康飲茶四季有別
春飲花茶散寒邪
嚴冬過後,氣溫逐漸轉暖,春天到來,萬物齊發,但氣候依舊多變。此時應多飲花茶,可以散發冬天積在人體內的寒邪,並對人體陽氣生髮有助益,還可養肝利膽、強健四肢、疏通經脈。
夏飲綠茶消暑氣
夏季天氣炎熱、酷暑難耐,而綠茶性寒,既能生津止渴,又可消暑降溫,同時綠茶中富含氨基酸、維生素、礦物質等,可增補補充體力,加強營養。
秋飲烏龍口生津
秋季天高氣爽、氣候乾燥,最適合飲青茶,即烏龍茶。青茶既有綠茶的清香和天然花香,又有紅茶醇厚的滋味,不寒不熱,可潤喉、生津、驅除體內積熱,使身體適應氣候變化。
冬飲紅茶暖身健體
冬季萬物蟄伏,寒氣襲人,人體陽氣漸弱,喝茶以紅茶為上品。紅茶甘溫,可養人體陽氣,並含有豐富的蛋白質和糖類,可生熱暖腹,增強人體抗寒能力。
但由於魔術師自細就已經被老媽教到每朝早餐唔飲過一杯奶茶(即係紅茶)唔安樂的習慣,所以就自行修改改一下個飲茶個 pattern(以下月份以農曆為準):
春天(正月、二月、三月)飲花茶,魔術師選的是白龍珠香片。
夏天(四月、五月、六月)飲綠茶,魔術師選先飲獅峰龍井、再碧螺春、再雀舌龍井、再碧螺春;以個人口味來說,英記的獅峰較為「大路」,但雀舌則更香,兩者之間配上味道有點「怪」的碧螺春,為悶熱的夏季帶來多變的玩味。
秋天(七月、八月、九月)飲青茶,選擇唔多,只係得大紅袍睇得上眼。人同此心,心同此理,魔術師掃貨時英記的大組袍經已售罄,要俾咗錢再等貨返。
冬天(十月、十一月、十二月)本來應該飲紅茶,但魔術師就改飲黑茶(冬天五行屬水,色澤為黑),魔術師飲的是疑似九年陳的「頂舊普洱」。

於是執十二個月份放在家,另外十二個月份放在公司。飲唔哂唔緊要,留返下年睇下有乜存貨,再補返飲完嗰啲茶葉。以下就係「在家飲用」的份額(仲有另一份是留給在公司飲用),獨欠大紅胤:

聽聞早於「始創於清光緒八年」竟然打算在創業版上市,魔術師真係打咗個突,咁耐歷史仲「創業」?
信報 2017年10月20日
英記茶莊申上創板 首季度轉虧
本港知名的茶葉零售商英記茶莊擬創業板上市,昨日向港交所(00388)遞交上市申請,保薦人為凱基金融亞洲。
據英記茶莊遞交的創業板上市申請顯示,其收益主要來自在港銷售中國茶葉,目前於本港共有9間零售店及專櫃,2016年市場佔有率約12.6%。
英記茶莊供應超過70種茶葉產品,以普洱、巖茶及香茶最受歡迎。截至今年6月底止,首季度轉盈為虧,蝕98.9萬元,去年同期錄得純利124.3萬元;總收入約830萬元,按年增長10.24%。截至今年3月底止,全年度收入4454萬元,按年上升4.11%;純利1229.5萬元,增長55.85%。英記茶莊2016及2017年度的毛利率達79.5%及79.8%。
新股吸資拆息飆升
另外,全球最大服裝製造商晶苑(02232)、騰訊(00700)分拆旗下閱文集團及首隻電競設備股雷蛇等焦點新股,相繼於本月下旬至下月初招股,估計3股合共集資逾150億元,勢將凍結市場不少資金。
市場預期,受到多隻新股集資及接近月尾資金需求增加,港息續升,財資市場公會網頁顯示,隔夜拆息昨天報0.15373厘,較上日升近0.06厘,1個月拆息報0.59286厘,升近0.04厘。拆息上升帶動港滙略為轉強,港元兌美元一度升穿7.8水平,最高曾見7.7984,今晨1時30分報7.8019。
上海商業銀行財資業務處研究部主管林俊泓指出,市場預期閱文招股反應熱烈,部分機構先就資金作好部署,加上月底資金需求增加,令近日拆息逐步抽升,預期拆息會進一步扯高,隔夜息有機會升穿1厘,1個月拆息或會升越0.6厘水平。
英記一年做魔術師幾千蚊生意,毛利率接近80%,應該有資格加入生活基金(佔生活使費比重「少」類別);但奇就奇在報載話「截至今年3月底止,全年度收入4454萬元,按年上升4.11%;純利1229.5萬元,增長55.85%。」,真係賺埋連偽豪宅都買唔到一層,呢盤生意做來都唔知做乜。
而且好似魔術師呢類魚毛細戶一年都進貢幾千蚊俾佢地,全年收入都係得4千幾萬,咁即係計埋全年都係得10,000條好似魔術師呢類魚毛幫襯?

***
伸延閱讀:
英記茶莊
蝦餃老兄:蝦餃茶緣
蝦餃老兄:蝦餃品茶
學人飲普洱
學人飲龍井壽眉,打機覺醒靠讀書

50 則留言:

  1. 師兄飲茶量很大, 我在香港的朋友長輩對茶都沒甚研究, 都是停留在茶樓飲茶果種散茶,
    曾有國內朋友問我為甚麼香港的茶樓不用上好一點的茶葉

    我自己就因工作移居上海才開始有飲茶習慣, 但都係一星期飲一次左右,
    春秋主要為龍井(每年新茶的明前, 取其清香, 品種為獅峰龍井的龍井43),小青柑(最近2年在中國賣得挺火),胎菊
    秋冬就老樹普洱, 9年普洱, 金駿眉

    上年去日本京都買了一些玉露茶, 也很不錯, 很柔和的綠茶很乎合日本的氣質, 但價錢相對可貴了
    也買過英國茶Mariage Freres的Earl Grey French Blue, 挺有特色的, 但還是中國茶耐喝

    回覆刪除
    回覆
    1. //茶樓飲茶果種散茶

      茶樓茶葉唔得喇, 沖三五次就無哂味.

      //曾有國內朋友問我為甚麼香港的茶樓不用上好一點的茶葉

      都係錢嘅問題啫. 你去嘉麟樓一樣可以沖到壺龍井俾你.

      //小青柑
      //金駿眉

      呢兩隻真係唔識.

      //中國茶耐喝

      乜都唔使講, 「茶是故鄉濃」!

      刪除
    2. 飲茶講究環境同心境嘛, 香港人乜九都急到賴屎咁,邊個有心情同時間, 去享受茶所帶嚟嘅樂趣?!
      另外又係潮嘅問題. 你成日見啲西人,偽西人, 拎住杯咖啡四圍行, 有幾何拎住嗰杯係普洱?! 咖啡咪又係要坐低細心欣賞.....

      我都中意飲茶. 但公司真係無得咁樣沖嚟飲.

      刪除
    3. //你成日見啲西人,偽西人, 拎住杯咖啡四圍行, 有幾何拎住嗰杯係普洱?! 咖啡咪又係要坐低細心欣賞.....

      班中慘扮優皮啫!

      //公司真係無得咁樣沖嚟飲

      以前僱傭兵公司得水機,無 pantry 無真·滾水冲,只會浪費哂啲茶葉。

      刪除
  2. //純利1229.5萬元

    九間舖,又真喺少咗啲。不過我每次去英記買茶都喺冇顧客拍烏蠅,可能而家興咖啡呱。
    我寒底可以飲普洱同六安,其他都唔喺太得,俾人話"老嘢呀你"。

    //首隻電競設備股雷蛇

    原來喺RAZER,終於有毒男股,哈哈。

    回覆刪除
    回覆
    1. //不過我每次去英記買茶都喺冇顧客拍烏蠅

      屯門店都係門堪羅雀.

      //我寒底可以飲普洱同六安,其他都唔喺太得,俾人話"老嘢呀你"。

      我就乜茶都可以飲, 多一重享受 XD

      //終於有毒男股

      長線唔睇好, 班宅男都係口爽荷包立之輩.

      刪除
    2. //長線唔睇好, 班宅男都係口爽荷包立之輩.

      不一定啦,到呢刻為止,電競已經登堂入室成為好多國家的競技項目,唔再局限為宅男玩意; 2022年杭州亞運會成為正規項目之一.

      之前«英雄聯盟»係蝗國搞個世界賽,700個體育網站仲會擺上頭條做直播:

      https://wapbaike.baidu.com/item/2017英雄联盟全球总决赛

      細細個睇«電子神童»既構想似乎真係成為現實,睇下雷蛇食唔食得住呢條水.

      刪除
    3. //細細個睇«電子神童»既構想似乎真係成為現實,睇下雷蛇食唔食得住呢條水.

      咁我又唔知有幾多真.電競會用雷蛇; 我城毒男扮下pro溝女又會唔會用呢個品牌...

      刪除
  3. 魔兄能續一年约,實在難得。
    我有朋友嗰邊department, Dteammate只倾半年約,仲要唔到最後,被迫放no pay,等老细confirm。

    回覆刪除
    回覆
    1. //Dteammate只倾半年約,仲要唔到最後,被迫放no pay,等老细confirm。

      半年約無問題, 唔續約咪當放下假, 搵其他工再上路囉.

      刪除
  4. 大紅袍絕少正貨,能夠流落到香港更渺茫,老早放棄了。

    回覆刪除
    回覆
    1. 無可能係皇上御用嗰幾棵, 最多只是無性繁殖出來的版本而已.

      百度百科: 大红袍 (中国茶叶著名品种)

      刪除
    2. 御茶級那幾棵,無記錯有隊解放軍守住的,是招呼國賓用的,你我呢d路人飲得既,無可能係個幾棵啦。

      刪除
    3. 唔知笨土有青幾時去打劫大紅袍, 乘機落下老解面呢?

      刪除
    4. 幾時?昨晚諗住去,點知你條友仔無online,所以cancel game 咗囉!仲好講!

      刪除
  5. 對茶葉無乜研究,不過都成日飲,因為學左劉華,飲「道地」...

    回覆刪除
    回覆
    1. //「道地」

      估唔到摩摩都鍾情呆灣品牌.

      肥仔同事又係成日一大樽道地放在辦公桌. 我心諗你不如自己沖, 慳返個「大膠樽」,環保好多...

      刪除
    2. 我好少屋企同公司飲茶,主要係出街帶定支解渴用.

      除咗道地,仲有淳茶舍,以及一個寫皇文的綠茶都幾好..其實主要貪佢地無糖,加咗even所謂低糖,飲到成口起膠,就無解渴作用.

      刪除
    3. //淳茶舍

      呢個品牌 okay 的.

      //飲到成口起膠

      摩餵精 !?

      刪除
    4. // 飲到成口起膠,就無解渴作用.

      無錯, 起哂膠, 一路飲一路渴....

      刪除
    5. 我都唔飲蜂蜜、低糖之類,中國茶學乜人加糖啫!

      刪除
    6. 凍飲來說淳茶舍算係幾好。

      刪除
    7. 始終冷飲會令味蕾嘅功能減低, 無法品嚐到佢哋嘅真正味道.

      刪除
  6. 想請教响公司乜冲茶? 有冇好介紹? 謝

    回覆刪除
    回覆
    1. //在公司乜冲茶

      我真係幾怕呢類匿名的hea 問,都唔知好唔好認真回應。

      如果係問「冲乜茶」,答案就是同在家一樣,內文都有寫。
      如果係問「用乜冲茶」,我在公司就不會太多搞作,唔會用茶壷,會去日本城買些吉茶包回公司,執茶葉冲。

      刪除
    2. //會去日本城買些吉茶包回公司//

      係咪不織布個類?我以前都會,後來覺得始終係塑膠類,改用咖啡用扇形瀘紙,放茶葉摺成餃子狀

      亞力士

      刪除
    3. 原來係亞力士.

      //係咪不織布個類?

      類似喇, 但我又唔覺得佢係膠...

      其實可以用呢類茶杯代替:
      https://hk.deals.yahoo.com/hong-kong/offer/27568

      刪除
    4. 以前用過飄逸杯 http://www.piao-i.com/ ,都OK。

      刪除
    5. //好彩唔係飛機杯 XD

      只能幻想有呆灣美眉茶藝師陪飲茶

      刪除
    6. 嘩,真係飲茶都會醉,「醉臥美人膝」了。

      刪除
  7. 匿名2017年11月12日 下午5:20

    這個不是小弟

    亞力士

    回覆刪除
    回覆
    1. 哈,算喇。 匿名到連署名都無,好難去跟進的。

      刪除
  8. 原來可以唔匿名

    亞力士

    回覆刪除
  9. 真係要跟魔術師學下以季節來調節飲用既茶葉, 我屋企有普通鐵觀音同焗過既鐵觀音,Early Grey 同Papermint。吃得油膩用papermint解, early Grey 就係悠閒時沖, 普通鐵觀音就攞來整奶綠, 焗過既鐵觀音個茶底是鐵觀音, 但口感似普洱, 亦是我喜好之一,等我引入花茶類既先。除左苿利花, 魔兄有什麼好介紹?謝

    回覆刪除
    回覆
    1. Papermint加菊花, 初起感冒同清熱氣好有效

      刪除
    2. 多謝家塵和亞力士分享。

      花茶我無乜研究,主要都係飲香片、水仙六安次之。另外我也推介白毫銀針,夠明目,如果大家係電車男就會有用。

      老實講今次啲茶應該買多咗,不過茶葉飲唔哂可以留得,下年再試下轉口味。

      刪除
    3. 對我來講白毫銀針都唔平, 我飲開70蚊/两既茶多(不是英記), 買太好一來怕貴二來怕自己飲唔出真味浪費。等我有機會買小小試下,多謝魔兄分享

      刪除
    4. //等我有機會買小小試下,多謝魔兄分享

      歡迎加入飲茶大家庭!

      刪除
  10. 單欉幾好飲,有啲種類有花香味,但唔係添加上去,係烘焙過程自然產生。不過唔知係唔係佢咖啡因太勁,我如果下午先飲,夜晚會眼光光到天光。

    回覆刪除
    回覆
    1. 多謝推介。

      我受得咖啡因,應該無問題。

      刪除
  11. 多謝推介,我平時飲茶續命,也一樣分季節飲用,跟你一樣以濃淡清香來分季節
    夏季飲日本綠茶,鐵觀音,鳳凰單欉
    冬季飲英式紅茶,正山小種,普洱,日本培茶
    還有普洱小青柑和紅茶小青柑

    最近我跟福建一家茶行購買,在香港用手機微信支付給他(大陸戶口),然後他順豐寄給我,3日到香港

    除了茶和水之外,基本上我不飲包裝飲品,大約兩個月可能有飲過1支/盒
    其實會健康很多,一包的糖份已超標仲有色素等等

    回覆刪除
    回覆
    1. //鳳凰單欉

      睇嚟呢隻茶都多人推介,可以留意.

      //基本上我不飲包裝飲品

      XX檸檬茶嗰啲我都係好少飲, 甜得濟. 如果唔係傷咗腳,我連鈣恩寶都唔飲添.

      刪除
    2. //普洱小青柑

      我想請教一吓應該點樣沖。網上話要篤幾個窿再整嗰去浸,但喺我通常喺一個人飲又似乎唔使用一整嗰。搣開嗰柑嘅話喺一整塊定喺搣到細細塊,同茶一齊放定喺先放?謝謝

      刪除
    3. 你好,茶行教一整粒原粒沖泡! 我相信飲法可以隨自己喜歡既~

      刪除