2017年11月23日 星期四

新一袋醫護人員

魔術師入到病房,只覺充滿青春氣息,個人都為之精神一振:唔只係靚女主診醫生,其他醫護例如職業治療、物理治療、護士助護,不論男女,都咁鬼後生嘅!?
睇怕都係以老帶新,由少量有經驗年紀大些少的醫護,帶住一班後生 on the job training。
而更難得的是,似乎班後生都幾 enjoy 份工,例如要幫一些缺乏自理能力的老人洗腳趾甚至抹屁股,都未有口出惡言,以專業態度面對,認真值得一讚。
當然,對於一些要求比魔術師還要高的刁民而言,後生仔偶爾犯錯,待慢了「客戶」,也是接受不到的「服務態度」,唔推上報又點得呢?
星期日早上要去照 X 光,當時未做手術,魔術師就只能躺在床上被助護推動。咁啱嗰次幫魔術師推床的是一位大眼睛,梳着馬尾,中間分界,頭髮兩邊垂下(有點像《龍珠》中的十八號),雖然鼻子咀仔同下巴都被口罩包住,但照計都算是一件樣貌標緻的 MK 港妹...
(網上圖片)
搭 lift 去 X 光室期間,遇着一群醫護同事;當港妹「十八號」一開聲,魔術師就吃了一驚。
「嘩!我尋晚買條大眼雞返去煲湯,竟然成200蚊條喎!」
估唔到港妹竟然會買餸煲湯!魔術師一貫的工作環境真係見唔着!
於是一班醫護同事又取笑「十八號」買餸唔知價。
魔術師想起老父的食譜,便搭訕說:「靚大眼雞梗係唔係用來煲湯喇!加陳皮豉汁蒸就一流!」
「乜你好肚餓咩?」「十八號」竟然回應。
但這時已到了 X 光室,要跟「十八號」說再見了。
到了下午二時,輪到魔術師去做手術了。
跟先前的理解不同,魔術師是可以用半身麻醉便可以了。
而跟魔術師解釋的,又是一名嗲聲嗲氣的妹妹仔麻醉師!
究竟邊間大學教出咁多妹妹仔醫護出嚟架?
打了麻醉針之後,妹妹仔麻醉師便跟魔術師「玩冰」,用冰測試一下魔術師對腳是否還有感覺。
魔術師回應說沒有感覺,站在魔術師右手邊的妹妹仔麻醉師竟然俯身橫跨到魔術師左手邊搞些什麼。
喂,魔術師只是下半身麻醉,上半身還是感覺到吃了兩記波餅的!
難道這是「另類麻醉」?
妹妹仔麻醉師給了一些安眠氣體,令魔術師迷迷糊糊。
手術開動,魔術師感覺到醫生在劏開左邊大腿的肌肉,然後傳來鑽骨聲。
不知時間過去,迷迷糊糊間便傳來妹妹仔麻醉師的嬌聲嗲氣在魔術師的耳邊細語:「手術就嚟做完喇,有無覺得痛呀?」
魔術師心想都係唔好掛住撩妹妹仔:「有你把聲係側近,梗係唔痛喇!」,只係正式地回應:「唔痛。」
於是,魔術師這宗「骨髓釘」手術便完成了。魔術師被推出去觀察病房裡靜候一會,確定沒有異樣之後便被推回病房去了。
這時已是下午五點半了。
***
其實,現在的「手術」,已變成是「半電腦術半手術」,真正倚靠「精湛手藝」的程度,應該無以前咁多。
另外要注意的是,魔術師呢類「急症手術」,是跟所有病症同排一條隊的,所以如果有雙非產婦衝急症室,魔術師就要被打尖了。
又,睇見班年青的醫護人員,如果唔知,在街上隨時以為係一件 MK 妹或是有青,看來我城還不致太絕望。
最後,病房裡的清潔、捧餐等都是外判的,佢地嘅 job description 係唔包括幫病人做任何事,就連病人跌咗條毛巾都唔會幫人執的。呢一方面病人和家屬都要留意,不要見到醫院員工態度冷漠便亂發脾氣。

34 則留言:

  1. 講到好吸引咁...
    祝早日康復🙏🏻🙏🏻

    回覆刪除
    回覆
    1. 我咁大個仔都未試過俾咁多囡囡圍過,又真係幾吸引的!

      謝謝祝福!

      刪除
  2. 佢請你食餅,係試吓你下半身係咪麻醉咗。

    回覆刪除
    回覆
    1. 我下半身的血液依然是流通的!

      刪除
    2. //我下半身的血液依然是流通的!

      咁仲有無子彈呢?

      https://www.youtube.com/watch?v=LsRY5ojAMDI

      刪除
  3. //睇見班年青的醫護人員,如果唔知,在街上隨時以為係一件 MK 妹或是有青,看來我城還不致太絕望。

    呢幾年我都有教唔少「未來年青醫護人員」思方。普遍來講,佢地唔算醒,但態度良好,係細佬仔D.

    //未試過俾咁多囡囡圍過

    班「未來年青醫護人員」近90%係女,比囡囡圉我試得多.XD

    又,睇魔兄呢兩日文字,好似生猛番晒喎。

    回覆刪除
    回覆
    1. //「乜你好肚餓咩?」「十八號」竟然回應。

      「喺你煮嘅就一定會」...

      //手術開動,魔術師感覺到醫生在劏開左邊大腿的肌肉,然後傳來鑽骨聲。

      嘩原來唔喺全身麻醉。我小學時跌斷手喺全身麻醉,醫生話驚我嚇到郁郁貢會做唔到。我記得都喺姐姐/囡囡多,醒咗推番出嚟姐姐有餵奶奶俾我飲咁 XD。可惜當年實在太細真正毛都未生齊...

      //又,睇見班年青的醫護人員,如果唔知,在街上隨時以為係一件 MK 妹或是有青

      做醫護人格品德脾氣細心好重要,所以篩選過嘅喺唔會太有青,唔會有太多懶醒嘴藐藐玩小聰明嗰啲。講真亦唔使太醒目,小心謹慎反而重要啲。

      刪除
    2. //我小學時跌斷手喺全身麻醉

      我中學時跌斷腳都係全身麻醉,亦冇魔術師咁快起到身,果然今時唔同往日。

      刪除
    3. //普遍來講,佢地唔算醒,但態度良好,係細佬仔D.

      懶醒反而易被黃C歪理所騙。乖乖地聽話,夠細心 attentive to details 就得。

      //比囡囡圉我試得多

      可惜你唔可以好似我師兄湯兆昇咁連女學生都娶埋。

      //好似生猛番晒喎。
      //冇魔術師咁快起到身,果然今時唔同往日。

      醫學真係一日千里。我今日已經可以用士的在病房半邊大樓內行一圈,雖然有啲倦同氣喘,都叫有上佳的進步。

      //「喺你煮嘅就一定會」...

      擺明我真係唔識溝女。

      //醒咗推番出嚟姐姐有餵奶奶俾我飲咁 XD。

      有無「醉臥美人膝」?

      //篩選過嘅喺唔會太有青,唔會有太多懶醒嘴藐藐玩小聰明嗰啲。講真亦唔使太醒目,小心謹慎反而重要啲。

      呢樣嘢下一篇寫。

      刪除
    4. //我今日已經可以用士的在病房半邊大樓內行一圈

      竟然輪椅都唔使(諗起CCTVB劇集啲例牌病人坐輪椅去花園"呼吸新鮮空氣"同時講數/講家事情節...)可以企係身又行得到,唔使瞓床幾日唔郁得,真喺進步神速!

      刪除
    5. CCTVB嗰啲似係療養院⋯

      訓床幾日唔郁,對腳好易無哂力架!

      刪除
  4. //感覺到醫生在劏開左邊大腿的肌肉,然後傳來鑽骨聲。//
    我老爸都準備星期五做。都係今日先知唔係全身麻醉。但聽你咁講應該唔係微創。不過唔知點解我細佬話係換骨。

    回覆刪除
    回覆
    1. 我做完手術第二日已經已經可以下床企同坐一陣,應該唔係開大刀。我唔係換關節呀。

      祝世伯手術順利!

      刪除
    2. 多謝。做完啦!但發燒。老人家比較弱啲。

      刪除
    3. 咁就好,多啲休息,麻醉藥力要半夜凌晨先過,呢段時間可能要插尿喉幫助排泄。

      刪除
  5. 魔術兄似乎因禍得福HAHA

    回覆刪除
    回覆
    1. 畢竟要接觸C尿血,肯做護士的應該較少係扮上菜的港女。

      刪除
    2. 係時候重鎚出擊啦。

      機會嚟啦,飛雲!

      刪除
    3. 哈哈,我仲未捉得緊佢的輪更表 😆

      刪除
  6. 十鬆 D 年前, 我係廣華既熟客仔
    當時已經覺得公營既醫護人員好唔錯
    除左人手唔夠, 想搵佢地交流下醫護心得難少少之外 ^O^
    其實無乜好投訴
    搞到我覺得醫療保險可有可無, 一直都無買

    //我咁大個仔都未試過俾咁多囡囡圍過,又真係幾吸引的!//
    魔兄試過大醫生帶住實習醫生巡房未?
    仲大班妹妹仔

    回覆刪除
    回覆
    1. //醫療保險

      用來claim lab test 或是小手術(即是所有正苦排得耐的醫療服務)就有用。

      //實習醫生

      呢個未有,反而實習護理就成日有。

      刪除
  7. 所以呢家D仔愈來愈有MARKET, 特別係有幾個錢而個樣又唔太衰的

    回覆刪除
  8. 我有次入法國, 又係勁多靚女

    回覆刪除
    回覆
    1. 聽講話護士因為要輪班工作,生活社交圈子細⋯

      刪除
    2. 咁魔兄你快啲打入人地個"圈"啦,你康復咁神速話唔埋一個禮拜後就同人告別了 XD

      刪除
    3. 手術是靚女主診醫生親自操刀嗎?她也好似幾吸引。 :D

      刪除
    4. 其時成班人圍住我,個個包住塊面,我又只能望住天花板,所以無留意。

      刪除
  9. 講到入廠咁吸引,嗰度需求大,老兄有機,祝你好運!

    回覆刪除
  10. 魔兄定是後悔當年冇入醫護系了 :p
    Max

    回覆刪除