2017年11月9日 星期四

未曾報名已DQ

雖然魔術師心知自己年屆中生,又缺乏公共政策研究的經驗,無資格申請呢份荀工(見《新聞雜評(一百七十四)》):

不過人一世,物一世,無乜幾可可以深入虎穴進入正苦腫部,於是便寫電郵去 book 位聽簡報會,順便睇下可以俾以777為首的特衰正苦以銀彈收買的新一袋年青人是怎生的一個模樣,又睇下會唔會有笨土有青夠膽踩場:

於是,這晚唔加班(反正魔術師都只係僱傭兵),提早搭港鐵(00066.HK)去正腫。果然不出所料,正腫門口一早就排哂大隊,目測所見新一袋年青人的確唔少,但都有約一成人係比較成熟的中坑,甚至係叔叔同嬸嬸(魔術師即時顯得唔係太老);入到會場坐定,在魔術師左前方第一行仲有一條地中海伯伯,個光頭都幾耀眼...
唔好話俾魔術師聽,呢班傷民都係怪獸嘉獎,「代子(女)從軍」走嚟聽簡介呀吓!
***
講者有三人,分別就係777,籮痣肛同另一位都係姓羅的老大,應該就係將來呢班「創新及策略發展顧問團」的團長。777話自己只係講開場白,跟手有事要走先,但一講就講咗成半粒鐘,由 objectives 講到正苦以往的創新經驗的 case studies 都有。不過最 key 嘅 points 就得兩個:第一就係呢次中插組改組係想請一袋年青人,不過正苦唔可以在招聘廣告中列明年齡歧視;第二就係正苦會用人唯才,因材善用,正字立場會放在一邊,即係不理藍黃有青笨土巷蜀都可以有機會入職。
然後就係由籮痣肛講點樣去做政策研究,再由羅團長講解聘請條件。其中講到要做上述孭住 Senior 銜頭、比較高薪那份「荀工」係要有五年公共政策研究的經驗,同埋要有能力 lead 一個 research project,又要在社科/法律/經濟底子。要有份咁靚嘅CV,應該都會有返些少江湖地位,年紀都唔細,點睇都唔係一般有青可以達到的境界,同「聽年青人意見」的願景未免有點自相矛盾...
除非係為咗某些政黨青年團「度身訂做」喇!
***
講完一輪,最搞笑的就是答問環節。茲摘錄若干例子如下:
男有青甲:我想問工作經驗的要求,係要計到 employment date 抑或係 application date?
官方答案:係申請日期
(魔:嘩!乜問埋啲咁無 sense 嘅問題!)
男有青乙:我想問個 Interviews 係用中文定英文
官方答案:中文同英文都會用。工作你時會遇到唔同文化嘅人,語文能力同溝通能力係非常重要嘅!
(魔:嘩嘩!真係一山還有一山低!你問用我城方言定蝗話做 interview 仲好喇!)
女有青丙:筆試嘅形式係點嘅呢?係選擇題定係要寫 essay。
官方答案:係 essay type。主要係要考你思考能力和寫作能力、表達能力。
(魔:點解依家新一袋年青人都咁鐘意問埋啲咁無聊嘅呢?)
女有青丁:聘請廣告話要交申請信,我可唔可以中英文信兩份都交呢?
官方答案:聘請廣告寫明用中文或英文寫就可以了,我地亦無咁多資源去睇。
(魔:條女唔聽書。呢條問題好鬼怪獸嘉獎 feel,以為好似報名校咁,愈交埋啲多餘嘢砌厚啲份 CV 就叫「贏在起跑線」。)
男伯伯戊:申請表係唔係初級同高級職位分開?係唔係一定要二選一?如果初級同高級職位係唔係都要交兩份申請表同申請信?
官方答案:我地份申請表並唔係二選一嘅。不過你最好知道你自己想報邊份工,你合唔合資格去報。
(魔:連「大包圍」都問得出,魔術師極度懷疑呢位伯伯係代仔/女去問!呢啲咁無 determination 嘅新一袋年青人,真係請到都喊三聲!)
女有青己:想問點樣去準備筆試。
官方答案:無乜嘢需要準備,你平時有留意時事、公共政策就得。考呢個試係唔使操練嘅。
(魔:D!佢唔係以為會有補習班下話!)
男有青庚:聘請會唔會有政治立場的考慮。
官方答案:正如777所言,我地係用人唯材,不以政治立埸作考慮。
(魔:又無聽書。呢啲標準答案,估都估到喇!)
女神經病人辛:我係工商管理畢業,然後進修MBA,GPA3.8...(然後講一輪對公共醫療的見聞感受...)
主持:請你問返有關招聘的問題...
女神經病人辛:(繼續自說自話,大談公共醫療 case study)...
主持:好多謝你對公共醫療嘅關心,下一位...(cut 咪)
女神經病人辛:(兀自在自己個位大叫大嚷)...
(魔:你唔係以為維園阿伯上身,出嚟用口 present 份 proposal 就有機下話?)
女有青壬:申請信規定只得兩頁,如果我有作品可唔可以寄俾你地?
官方答案:為咗公平起見,但兩頁紙你可以表達到幾多就幾多喇!呢樣亦都可以考到你點樣可以將事情以簡短嘅篇幅表達出來。
(魔:點解班一袋年青人都係以考名校嘅心態嚟問問題嘅呢?)
女有青癸:(𦧲𦧲脷)我剛畢業,但有做過政策研究的 internship,可唔可以都當成係工作經驗?
官方答案:我地講緊嘅工作經驗係正式的工作經驗,初級嘅呢份工都要有兩年經驗先合申請資格。我地好高興你有興趣向呢方面發展,請多加留意我地各部門的招聘廣告,或是將來你會有機會加入政府,為市民服務。
(魔:點解班一袋年青人都好似嚟搏大霧咁,以申請荀工(初級職位都有幾萬蚊一個月)同描新股係一樣?)
***
綜觀整個答問環節,真係無乜有 point 問題(其中一個問得算係好,但個問題要再 touch up 一下嘅就係「呢份工只係三年合約,又要做 research 又要做 implementation,怕唔怕唔夠時間完成,以致無乜工作成功感?」),唔係港孩問埋啲瑣碎都無倫嘅嘢,就係想捉題目捉考試技巧想搵補習天王幫手;再唔係就係由怪獸嘉獎發問,問埋啲「入學條件」咁。
睇見呢班慣性以應試思維來思考的有青,叫佢地搞「創新」、「政策研究」、同埋講究靈活應變的「推廣」(即係做 sales and marketing)、及「項目管理(project management)」的工作,真係唔開胃,只要一聽見佢地問呢啲問題就可以將之叮走了!
睇怕特衰正苦以銀彈收買回來的人心就只會係咁嘅質素...
***
伸延閱讀:
新聞雜評(一百七十四)

19 則留言:

  1. 睇返所需經驗同學歷,都知呢個位要求唔低,但竟然有咁多人問埋啲咁低能既問題,我係interviewer一定搵人記低哂呢啲智障人士,下次可以直接DQ,唔洗黎interview。

    回覆刪除
  2. // 男有青乙:我想問個 Interviews 係用中文定英文

    答:In 你就梗係用福建話啦. next!

    // 女有青丙:筆試嘅形式係點嘅呢?係選擇題定係要寫 essay。

    答:仲要識畫公仔, 特別係懶人包.

    // 女有青己:想問點樣去準備筆試。

    答:背熟唐詩三百首,不會造詩也會淫....吟...

    回覆刪除
    回覆
    1. //In 你就梗係用福建話啦

      「你識唔識講流利粗口?」

      //懶人包.

      呢項技能應該幾有用。

      刪除
    2. //In 你就梗係用福建話啦.

      用「鴨脷洲口音」得唔得嘅呢?

      //仲要識畫公仔, 特別係懶人包.

      要識寫潮文同埋登高文。

      刪除
    3. //「鴨脷洲口音」

      哈哈, 同我城方言有乜分別?

      //要識寫潮文同埋登高文。

      呢個又係特殊技能, 一般公關大員都未必識做...

      刪除
  3. Thanks, Magician. I had a good laugh.

    Old BJ

    回覆刪除
  4. //魔:點解班一袋年青人都係以考名校嘅心態嚟問問題嘅呢?//
    呢種心態係注定失敗。應該話呢個係一個失敗者嘅心態。 XD XD
    搵工嘅其中一個能力就係你識唔識得分析聘請者想要啲乜。依家唔係請 data entry 囉!

    //(魔:點解班一袋年青人都好似嚟搏大霧咁,以申請荀工(初級職位都有幾萬蚊一個月)//
    Can't read between the lines. Zero or negative analytical skills. XD XD

    佢哋誤會左「初級」等於「低能」。 XD XD

    回覆刪除
    回覆
    1. //應該話呢個係一個失敗者嘅心態。

      最弊俾班怪獸嘉獎講到「考到名校」就係「贏」在起跑線。

      //依家唔係請 data entry 囉!

      可能班有青真係以為「秘書處」就係做「秘書」工作

      //初級」等於「低能」

      政治助理都係負責影印而已。

      刪除
  5. 有料而又會去應徵果批人應該無嚟...

    回覆刪除
  6. //女有青丙:筆試嘅形式係點嘅呢?係選擇題定係要寫 essay。

    除咗呢條外,我諗唔到even我啱啱大學甚至A-level畢業時會問得出其他問題。

    //男有青乙:我想問個 Interviews 係用中文定英文

    例如呢條,即使當年最柒時都預咗我城見工會唔會用英文,係要兵來將擋水來土淹的。

    回覆刪除
    回覆
    1. //我諗唔到even我啱啱大學甚至A-level畢業時會問得出其他問題。

      我覺得籮痣剛同另一位羅團長返到出去會DD連聲,成班有青都係嚟混桔,再唔係就係「愛子(女)深切」的怪獸嘉獎來打醬油。

      //例如呢條,即使當年最柒時都預咗我城見工會唔會用英文

      呢條問題真係白痴中的經典。

      刪除
  7. //有料而又會去應徵果批人應該無嚟...

    好同意呢個見解。邊間公司會為左請人而開個talk 俾你問野咁有趣呢?

    回覆刪除
  8. 真喺冇人問嗰份工嘅工作性質細節同埋晉升機會之類?問埋晒呢啲好似中小學考試嘅嘢,俾我喺面試官就會特登相反唔依規則嚟做,睇下你點即時反應喇(反正你哋班有青最識玩呢啲野㗎啦喺唔喺?)。

    //要有份咁靚嘅CV,應該都會有返些少江湖地位

    我諗呢啲人都未必個個想做正苦工呱?

    //男有青庚:聘請會唔會有政治立場的考慮。

    "我冇咗return home card可唔可以apply㗎"

    //有料而又會去應徵果批人應該無嚟

    我覺得喺做騷,要請想做嘅人一早就內定咗,呢啲喺陪跑嘅,好似選港姐面試時攞嚟恥笑嗰一批咁。

    回覆刪除
    回覆
    1. //真喺冇人問嗰份工嘅工作性質細節同埋晉升機會之類?問埋晒呢啲好似中小學考試嘅嘢

      由此睇得出我城好多人以為社會的考驗=考試,呢份工既"考試"就只局限於招聘呢關,只要考試過關就是好結果(薪高糧準的荀工),後續的發展從來不在考慮之列...可能要直至年資夠鐘可以見board或考升級試(如果有的話),到時再鑽研下一關的"應試技巧"未遲。

      刪除
    2. //真喺冇人問嗰份工嘅工作性質細節同埋晉升機會之類?

      正面啲諗:777、籮痣肛同羅團長早前都已經講得好清楚了!

      //直至年資夠鐘可以見board或考升級試(如果有的話),到時再鑽研下一關的"應試技巧"未遲。

      因為份工係3年合約,基本上係「無得升」:你在三年內賺到嘅經驗,足夠成為你日後在其他領域中發展的本錢。

      //俾我喺面試官就會特登相反唔依規則嚟做,睇下你點即時反應喇

      咁即係會點做?玩返班有青轉頭?

      //我冇咗return home card可唔可以apply㗎

      份 job description 無要要返蝗國架喎!

      //我覺得喺做騷,要請想做嘅人一早就內定咗,呢啲喺陪跑嘅,好似選港姐面試時攞嚟恥笑嗰一批咁。

      可能只有蛇齋黨青年團先有資格申請.

      //呢份工既"考試"就只局限於招聘呢關,只要考試過關就是好結果(薪高糧準的荀工),後續的發展從來不在考慮之列...

      都唔出奇. 傷民已經將所有人生事件都變成「考試」, 只求掌握好「應試技巧」和「攻略」, 過到眼前一關就算, 其他深層次的理解和認識, 都不在考慮只列.

      亦即是佢地一生人的經歷和考驗都只係 fragmented projects, 只求完工, 而不求自身修為的長進.

      刪除
    3. //可能只有蛇齋黨青年團先有資格申請.

      睇番份招募廣告,落咗喺日月神報,兩大X匪黨報,人言,經濟,星島,南早,獨獨冇毒果,都似喺喇。

      //都唔出奇. 傷民已經將所有人生事件都變成「考試」, 只求掌握好「應試技巧」和「攻略」,

      同時又精神分裂咁話「讀書不是求分數」

      刪除
    4. //獨獨冇毒果,都似喺喇。

      「黃C免問」是不言而喻的。

      //同時又精神分裂咁話「讀書不是求分數」

      但係班猛咁背 model answer 的學生仔就唔係咁諗。

      刪除