2017年11月21日 星期二

急症 ON9 5小時

上星期六(19 Nov 2017)救護員將魔術員師送到屯門醫院急症室登記的時候,已是凌晨四點半。在分流站,一名肥護士以泰式按摩泰山壓頂的手勢用手在魔術師的傷處按了幾下,便將魔術師列為「次緊急」案例。
排隊號碼是055。
但當時叫號好像是900。
那豈非是還有百幾個 cases 才輪到魔術師?
這時肌肉的疼痛稍減,痛的只是骨折處,於是便要想想如何叫人來幫手。
大舅母本來是最可靠的人,但最近身體違和,魔術師便不打搞他們。
堂阿哥是個老粗,連手機都無,叫佢嚟只會壞事。
結果決定打給住在沙田第一城、教小學的堂家姐。
鑑於輪候時間不定,還是等到六點才打給她。
在這數小時,就讓魔術師觀察一下,屯門醫院急症室是否就給外界所說的不堪。
舉目所見,大部分輪候人士都是「新傷港人」、南亞人、外傭、熱短褲抱B潮媽、與及因「違法達義」而被黑警拘捕的有青...
而又除了分流站的護士比較 poker face 之外,其他職工都是有禮親切,跟十幾年前魔術師送老父老媽走的情況大不相同。
這時有一名「基層爸爸」大鬧急症室(當然夾雜着無數粗口),話輪咗四個鐘,而家要佢由頭輪過...
「咁你真係無拎號碼吖嘛!」分流站護士繼續以 poker face 態度回應。
魔術師心想,呢種態度遇着老粗,一定係撻著摟屌 mode。
結果又係要黑警來調停。
終於等到六點,打俾堂家姐,在睡夢中將之吵醒。
魔術師將狀況告知堂家姐,堂家姐大驚,話「即刻來」。
但等呀等的,等到八點九都未見人。
急症室進度這時加快,看來是有些濫用急症室非緊急人士在生霸死霸,見到等得太耐便走人。
魔術師見就來輪到自己,但堂家姐遲遲未到,便打電話去搵,但又打唔通。
想起有一次大陸親戚來魔術師家拜年,叫埋堂家姐來食飯,但係佢一嚟就嚟咗三個鐘。
唔記得咗佢係「沙田笨土派」,一出本區就唔識路嘅添。
9點鐘堂家姐到了,買了些水和三文治給魔術師飲食。
然後就講埋哂啲無謂嘢,例如阿三姑六婆又點跌親,又例如「我去問個食Q點嚟,佢就叫我轉左轉右再轉左...」
魔術師知道堂家姐「嚟就人情,唔嚟就道理」,人家一分心意,「不忍深責」;但也實在是痛得厲害,無心跟她敷衍,只叫佢找個座位休息。
不久,輪到魔術師了。
護士竟然馬上就推了魔術師去照X光。
堂家姐又不知情。
魔術師怕佢在遊魂,但打俾佢又打唔通(究竟佢用嘅係乜嘢台?)。
只好用 whatsapp。
好在堂家姐都可以找到來,可以幫魔術師在入X光室前整理好啲衣物。
終於,照完X光,醫生說要留醫,堂家姐陪魔術師辦手續,總算是一切順利。
魔術師趁機問堂家姐佢點嚟,佢話:「由第一城搭到紅磡,再搭西鐵到兆康站,再轉輕鐵...」
點解要繞一大個圈?過時過節魔術師每次去佢屋企短聚都有講搭車返屯門的...
唔通真係教小學的人,思想都會小學雞一啲?
記得曾經有前同事話過魔術師:「你額頭就好似鑿住『唔信人』呢三個字。」
魔術師之所以樣樣都去學,真係基於「唔信人」,可以叫魔術師覺得可靠,可以幫得上魔術師忙的人實在是太少。
似乎又係重溫阿媽教落:「你咪以為自己好叻!」的時候。
***
伸延閱讀:
阿媽教落(一)之「你咪以為自己好叻!」

51 則留言:

  1. 聽講呢~~純係路邊社消息,好多老人院都會超額收客,夜晚唔夠床位時,就謊稱某些老人家身體有異狀,推佢地去急症室擺一晚,第朝天光無論輪唔輪到都「自動痊癒」鳥獸散。

    回覆刪除
    回覆
    1. 嘩!原來係老人院走鬼班!

      刪除
    2. 咁涼薄…好慘啊啲老人家。

      刪除
    3. 呢啲算唔算係「院舍霸權」,又加重了急症室的workload.

      刪除
    4. 係架。佢地仲會教埋老人家口供,有D話頭暈,有D話肚痛,搏當值醫生「判」個留院觀察,咁就可以慳返個床位。當值醫生就算懷疑有詐亦無可奈何,因為萬一誤診了真.病人就大件事。好多間老人院同時咁做時,「非緊急」、「次緊急」條龍想唔爆都難。以在下多番夜闖急症室的觀察,有兩種人士比較容易享受「緊急」待遇,一種係未滿周歲BB而外在病徵明顯者,一種係抵達急症室傷口仍流血不止者。像魔師兄這種骨折、骨裂的內傷,就有苦自己知了。

      刪除
    5. 如果根據之前經驗,老人家感覺呼吸困難而分流護士(或救護車上的救護員)亦證明其事,都會獲得即時處理。

      刪除
    6. 池兄:長見聞了。呢類將急症室當成係床位 buffer 的院舍,一定唔會係「真·傷港人」開的。
      摩摩:係呀,基本上所有呼吸困難,含氧量低的,應該都有 priority.

      刪除
  2. 六點到九點,學藍橘子話,可以搭一轉飛機去台灣有突喇!裝番個搭車app其實都唔喺好難呱。

    回覆刪除
    回覆
    1. 上次同怕貓一行人去南丫島小行山,中環碼頭等,佢住太古城竟然唔係搭地鐵而係塞巴士⋯有時啲女人點諗真係好難明。

      刪除
    2. 唔單止係女人嘅. 有時有啲人, 你講俾佢知, 佢條路會慢啲, 佢反而會小七你.

      刪除
    3. 中環站行去碼頭,好遠。 係長洲住幾十年,但係,如果有車直接去碼頭,都會試下o的新路綫。

      祝早日康復。

      Lawrence

      刪除
    4. Freelancer: 可能提佢反而會傷咗佢自專心。
      Lawrence: 中環站行去碼頭都唔係好遠啫,沿住天橋行囉。辦公室一族平日放工當做下運動都唔錯。
      謝謝祝福。

      刪除
  3. 我老爸尋晚落機,今日去睇我細佬,仆親。跟你一模一樣,盤骨手術。
    仆的季節嗎?
    我聽朝去馬鞍山,落嚟度去都係最笨嘅方法最方便,就係西鐵走落去紅磡搭東鐵到沙田轉傳吧。

    回覆刪除
    回覆
    1. ⋯⋯ 語音輸入真係睇少陣都唔掂掂,!
      「度嚟度去」⋯⋯ 轉「村巴」

      刪除
    2. 好在魔兄你醒,識得帶定d手機電腦上白車。否則那幾粒鐘都唔知點過.....

      刪除
    3. 響笫一城去屯門都真係要諗下點撘車.但情況急我一定唔諗咁多, 搭的士算.

      刪除
    4. C嬸:哎呀,世伯又整親!佢要好似我咁加釘定係換關節?請多加照顧,幫我問候下佢。在醫院吃喝不是問題,但日常生活郤要人幫忙。

      肥B:我的電源主要是用來叉電或緊急時用,不是用來娛樂用喇!

      無想:其實我已多次同堂家姐講點由第一城去屯門,係佢成日夢遊啫!所以我有一個偏見,教書教得耐,工作內容太routine,個人係會變鈍的。

      刪除
    5. //個人係會變鈍的

      佢唔係唯一一個, 都唔係最後一個. 可能佢哋嘅世界太純了, 所以, 個人鈍咗都唔知.

      刪除
    6. 係囉,啲老師思想可能都簡單啲,所以先可以有肥校長屈餅卡的情況發生。

      刪除
    7. 有心。聽講係換骨。
      我最中意搭的士。再唔係叫烏巴。

      刪除
    8. //我最中意搭的士

      C嬸住過無地鐵時的西環,當然養成了搵巴士坐的習慣--小弟同好多住過西區既朋友都會習慣性搵最短路程巴士線,instead of乜9都mtr。

      不過真系見過好多西區外既人系“地鐵伸手黨”的,而且對巴士有極強的不信任--even你已經身體力行證明過某路線是點對點巴士是平均時間更快和更舒適。

      而且佢地亦寧願迫地鐵都唔迫巴士,我就相反:點對點巴士嚟計,頂多同一個位置由頭企到尾;但地鐵就要停下開下,仲要人流不停在你身邊擠過...

      我個港婦家姐住沙田新城市附近,日日返工返尖沙咀,結果就好因循咁全程港鐵;但其實佢樓下就有個280X巴士站,經尖山隧道15分鐘就到尖沙咀,佢甚至唔系我講,根本唔知我城有條尖山隧道...

      刪除
    9. C嬸:要換骨肯定嚴重過我,要好好照顧老人家啊!
      摩摩:目測所見,好多港婦都係「地鐵伸手黨」,可能搭巴士要「用腦」,留意上落車轉車的站頭和路線。對於愈來愈喜歡講「我唔理,你要幫我搞掂佢」的傷民來説,「用腦撘車」是需要一定程度的「自理能力」的。

      刪除
    10. 我最中意搭 taxi 喎,唔係 bus 喎!
      查實搭乜都冇所謂。最緊要係滿足到 priority。
      譬如捉緊時間,多畀幾蚊我都唔介意。
      好似我搭西鐵一直轉地鐵係可以去到老銅。但係響紅磡轉 102,106 就呯一聲去到維園,過條馬路到皇室堡。全程 45 分鐘。
      有時係時間難控制,咁就要搭地鐵嘞!雖然轉車行嚟行去好煩,但現在唔使過馬路,唔使淋雨,行得快行得慢隨便你。
      的士有錢就搭。決定咗搭就唔好慳果幾蚊,又叫個司機咁,又叫個司機咁。不如你來渣喇!

      刪除
    11. 哈哈!完全同意!我都係返工地鐵放工巴士,前者時間上容易掌握,後者平幾蚊又可以行去巴士站當做運動。

      刪除
  4. 介紹個政府網頁俾大家,雖然對於識路的人來講呢個網頁作用唔大,但對於盲中中的人,和面對人生路不熟的情況,還是幾有用的。

    乘車易
    http://hketransport.gov.hk/

    回覆刪除
    回覆
    1. 哈哈,謝謝推薦,已加 link。

      不過我堂阿哥手機都無,又話自己係老粗,唔識用電腦,對佢都無幫助。
      堂家姐呢,我可以話下俾佢聽嘅。

      刪除
    2. //hketransport//
      我都係用呢個app,但係有陣時啲窿路你要識,邊度起點邊度終點,要識靈活變通,唔能夠死估估真係由屋企出發去到目的地門口。譬如去機場,佢會叫我全程地鐵,或響大欖轉車嗰度轉E字機場巴。但係其實可以地鐵中途一啲大站轉機場巴。

      刪除
    3. 依家呢個世代,要人識「靈活變通」,好似已經係一項好高的要求。

      刪除
  5. 魔兄觀察力仲咁鋒利,痊癒之期不遠
    MAX

    回覆刪除
    回覆
    1. 哈哈,我係跌親腳,唔係跌親頭。

      Anyway, 都多謝你嘅祝福。

      刪除
  6. 祝 早日康復,惡運遠去﹗

    有一段時間沒上來逛逛,一上來就看到這標題,嚇了一跳。請魔術師哥哥萬事小心,注意身體。

    我也有兩次陪人到急症室的經驗,但不是屯門,而是伊莉沙伯。一次是工人姐姐��傷腳指,列為非緊急,等足一晚超過6小時。一次是女兒手撞到頭,流血但清醒,及已有初部急救處理,但可能是小朋友,為次緊急。最後檢查加縫針大概只用了3-4小時。

    想不到有人需要急症室服務,但居然沒有攞籌。難道他入了去以為好似超市排隊埋單,而沒有找過護士檢查,然後被派籌?

    回覆刪除
    回覆
    1. //想不到有人需要急症室服務,但居然沒有攞籌。難道他入了去以為好似超市排隊埋單,而沒有找過護士檢查,然後被派籌?

      呢個世界總係有刁民

      謝謝祝福

      刪除
    2. DIU.... 飲個茶都要攞籌啦. 係咪火星人嚟架.....

      刪除
    3. 十足我堂阿哥咁,粗人吖嘛。

      刪除
  7. 題外話:
    中小學老師多數同世界脫節,但仲以為自己識好多嘢
    遇過幾位中學校長都喜愛教人點點點,高高在上咁,離地到不得了,唔講仲以為係咩大富人家...
    教師呢,好多都唔鍾意聽人講,即使你係某範疇嘅專業佢哋都會唔信你,有佢哋一套意法
    唔知係咪因為小小一個學校就係佢哋個世界而令都佢哋咁

    回覆刪除
    回覆
    1. 可能真係工作關係,教師多數唔會從 find a solution 的角度出發,而係話㸃做先至啱,點做就唔啱。例如我堂家姐,佢睇啲細微嘢好叻的,但對大局無乜影響的事情,例如佢會問我拖鞋應放在旅行袋的那一格,我真係俾佢激親。

      刪除
    2. by the way, 祝早日康復 :)

      刪除
    3. //例如佢會問我拖鞋應放在旅行袋的那一格,我真係俾佢激親。//
      呢份工令智力倒退得好緊要喎。

      好多工作都會令本身既專業知識同智力倒退,尤其充斥中小學雞或者非內行人士既工作環境,例如中小學教師、成日接收非語文學位人士來稿的翻譯人員、教練、跑腿...

      刪除
    4. 如果一份工會令人愈做愈蠢嘅,咁就真係唔做好過。

      刪除
    5. // 如果一份工會令人愈做愈蠢嘅,咁就真係唔做好過。

      呢個係大格局嚟, 無得改變. 自從工業革命以來, 人類已經無以前咁多技能了. 所以以家啲手造嘢, 鬼死咁貴.

      刪除
    6. 依家就連做手術都變成「半電腦術半手術」喇。

      刪除
    7. //如果一份工會令人愈做愈蠢嘅,咁就真係唔做好過。

      所以咪想贖身,做啲人工低少少但又唔會做蠢個人嘅工囉:(

      刪除
    8. 咁呢個世界工種多的是,要搵你一定搵到的!

      刪除
  8. 四點半等到九點幾,等咗五個鐘,典型傷港急症室等候時間。
    教堂家姐用Google Map搭車啦,依家已經係小學基礎知識啦。

    回覆刪除
    回覆
    1. 要我教個小學教師一啲小學生的基礎知識,真係情何以堪!

      PS:結果佢尋晚嚟睇我,係撘 GoGoVan 返歸⋯

      刪除
    2. //係撘 GoGoVan 返歸⋯

      都好丫,有進步! 可以在「階段性評估」中加COMMENT喇
      (小學TERMS,我女小學係無測驗,變左「階段性評估」「階段性評估」......)

      刪除
    3. 佢算係開始無咁遊魂架喇!

      刪除
    4. 喂,你堂家姐攜帶物品多唔多先?少的話,我可以搵黑警放蛇,話佢同van仔司機用貨van載客,"違反電召貨van條件"告佢地架 XD

      刪除
    5. 我知呀!我已經無踢爆佢架喇!佢都無帶貨。

      刪除