2018年4月29日 星期日

熊抱捉伊人

(幕開)
(華麉的大樓內,陽光從落地玻璃直射進長長的走廊中。)
(忽然,有一女聲尖叫。)
女子:哇!
(女子雙手拉起長裙,高跟鞋敲着地板,沒命價地奔逃。)
(女子背後有一男子猛追。)
(女子逃到走廊盡頭,再無去路。)
男子:來吧!美人,你無處可逃喇!來跟我玩撲蝶吧!
(女子轉過身來,氣喘如牛。)
女子:你...你咪再過嚟呀!
(女子作勢用手機扑那男子的個頭部。)
(男子一邊淫笑,一邊步步進逼。)
男子:(伸手抓向手機)嘻嘻!你想抄我牌就開聲喇!唔使扮嘢喎!(唱)
「頭皮多 每次make me cry
頭皮多 每天點樣去街
周面頭皮 點分中間界」


(女子急忙收回手機,雙手交疊放在胸前。)
女子:(大驚)你...你講乜呀!我只係負責將班中同學的去向抄低,小息打鐘前講俾班長聽架咋!你又唔係班內同學,問嚟做乜?
男子:(再伸手抓向手機)嘻嘻!你呢個西施捧心的樣子,真係秀色可餐。我每次遇見你,都見你將我嘅行蹤抄抵,仲話唔係想溝我?嚟喇!唔使怕醜喎!俾個手機我,我留個直線 Whatsapp 俾你,包保無其仔黨內元老知道!(扮女聲唱)
「插班生甲 動作很劉華 我真是好奇
插班生甲 一直人氣高企
告訴我其實你 原來曾為了他
曾瞞著我離去 做過普查
你與我都怕 提及他 連喉嚨亦會沙
偷偷的背著我 喝他的茶
誰料你為了他可這樣不雅」

(女子馬上將手機收在身後。)
女子:(花容失色)你...你莊重啲好喎!話哂你都有個尊貴身份!仲有,你唔係插班生,你係直接由人民選出來的。
男子:(又再進逼一步)你知就好喇!我嘅所有行為,都係由選民授權嘅!我係嚟監察你地嘅一舉一動。我既尊貴,又貼地。依家我要你俾部手機我,呢啲就係民意,知冇?
女子:(危厲內荏)呢度周圍都係閉路電線架!食Q!食Q呢?
男子:(得戚地)閉路電線只係有畫無聲,而且有死角位,做唔到證架!至於食Q,佢地做痴漢提糧油就叻,未經我地呢啲尊貴的傳喚,又點敢擅自行動呢?美人兒,你都係認命罷喇!
(女子再退後幾步,背靠牆壁。)
女子:(哭了起來)我...我係黃C嚟架!我...我住中西區...有投你一票架!你唔好做埋啲咁嘅嘢喇!你會令我好失望架?(唱)
「枉有千言萬語講 枉有千行情淚淌
這從前地方 只得失望
枉有千言萬語講 枉有千行情淚淌
你為何令我絕望」

(男子再踏前一步,幾乎臉貼臉;同時雙手環繞過女子的腰肢,輕觸她藏在背後的小手。)
男子:(姑爺仔口吻)嚟喇,乖乖地喇!俾部手機我,好冇?
(女子騰出一隻手,飛快地從肩上的手袋掏出一部釘書機,伸向男子的臉。)
女子:(近乎絕望)吖媽爹!你...你快啲擰歪臉呀!你啲暗瘡好核突!
男子:(輕佻地)哎呀!我好驚呀!要我擰歪臉,你出聲咪得囉,唔使出釘書機嘅!我咁瘦,最怕就係釘書機架嘞!不過呢,美人兒,釘書機唔係防狼啊器,要搵防狼器,我幫你搵朱仔呀!(唱)
「猶如巡行和匯演
你眼光只接觸我側面
沉迷神情亂閃
你所知的我其實是那面
你清楚我嗎 你懂得我嗎
你有否窺看思想的背面
和你每天 如情侶相見
說愛說天 偏偏講得太淺」

(女子一呆,男子趁機會奪過了手機。)
男子:嘻嘻,得咗!你咁可愛,等我睇下你有無 selfie 先!你咪追過嚟呀!
(男子快步逃往就近的男廁。)
(女子窮追不捨。)
女子:喂!喂呀!我打份工架咋!搵食啫,唔犯法架嘛?
(男子從廁所中傳來聲音。)
男子:如果你有侵犯我私隱,咁你就係犯咗法喇!除非...嘻嘻...除非我地一陣殘廁見喇!
女子:(不能置信)吓!原來呢啲就係基基教教徒的行為嗎?你對得住你的主嗎?(唱)
別怨新聞這麼假 (那需挑剔)天色這麼差
相信愛可統領天下
別怪煙花這麼花 (每一點愛)可修補傷疤
將那黑色世代轉化
機關槍 坦克車 狂亂地跳舞
戰爭裡 世界痛了信仰 那會被打倒
空中花園傲慢極沒法夠天高
慾念是甚麼 信念就是我的禱告 Oh

(女子無言,呆站在男廁門前祈禱,達17分鐘。)
(這時,另有兩名穿西裝的男子從走道上經過。)
(搶手機的男子從廁所中走出來。)
搶手機的男子:(自言自語)咩呀!唔好事事都上綱上線去到主好唔好!人地都有需要架嘛!
西裝男甲:(奇怪地)你地兩個發生咩嘢事呀?
搶手機的男子:(搶着回應)報告!我在男廁獲得了你們同事的一部手機!
(西裝男甲接過手機。)
西裝男甲:(大駭,急忙把手機丟掉)嘩!咩嘢事呀!部手機立刺刺嘅!?
(幕下)
***
靈感來源:
標少:死蠢議員 2018年4月27日 下午3:08 匿名留言
***
伸延閱讀:
維基百科:許智峯
許智峯為擅取政府職員手機致歉 更新:2018/04/25 22:00

民主黨立法會議員許智峯涉嫌昨日在立法會,搶走一名保安局職員的手機,該職員報警。警方晚上到立法會搜證,列作求警調查處理。許智峯承認未得對方同意取走手機是不恰當,向事主致歉。民主黨表明不認同許智峯做法,會展開紀律程序。
警方傍晚到立法會搜證,約十名警員進入大樓,先到保安室聽取保安主管匯報,再到二樓事發現場搜證,包括涉事的電梯大堂及洗手間,逗留一個多小時後離開。立法會秘書處指,已經將相關閉路電視片段交予警方。
許智峯下午在黨主席胡志偉陪同下見記者,就事件致歉,又指希望親身向涉事保安局職員道歉。許智峯解釋,星期二早上召開一地兩檢條例草案委員會期間,在二樓電梯大堂發現一名政府人員,懷疑正在記錄議員的出入時間。
民主黨亦就事件致歉,許智峯被問到既然承認做法不當,會否辭職,他沒有正面回應。許智峯表示會向私隱專員公署投訴,政府手機收集了七十位議員的個人資料,又要求政府停止監察議員的行蹤。
私隱專員公署回應指,議員在立法會公眾地方的位置,並非敏感個人資料。政府收集相關資訊有合法目的,公署曾向政府了解事件,確認做法沒有抵觸私隱條例。至於許智峯查閱政府人員手機內容,是否涉及個人資料私隱問題,公署指要視乎個案而定,至今仍未接獲任何投訴。
葉劉去信內會提許智峯譴責議案 更新:2018/04/27 20:26

立法會議員許智峯搶保安局女職員手機事件持續發酵,新民黨葉劉淑儀已去信內務委員會,提出譴責議案。公民黨及議會陣線認為未至於要罷免,民主黨則未決定立場。
女事主不想公開事發片段,行管會只是閉門邀請全體議員觀看,事先還要交出手機,許智峯沒有現身。有議員說片段拍攝到許智峯把女事主迫到一旁,雙方拉扯,他搶走手機進入男廁十七分鐘。
葉劉淑儀說已經去信內會,下星期討論譴責動議,說希望得到民主派配合。不過有民主派議員看完片段,稱要講句公道說話。譴責動議最快五月下旬交上大會,之後會成立調查委員會,完成調查後交報告,大會就要表決,如果有出席議員三分二支持,該名議員就會喪失資格。民主黨前一日被問到議案上到大會,他們會如何投票,稱不會投票。一日後,胡志偉澄清,只是不參加調查委員會,最終立場未定。
民主黨前主席劉慧卿重申,許智峯不適合做議員。她說許智峯如果辭職,民主黨應該派人補選。
信報 2018年4月26日
金箴 金針集
「智」將行為太尖「峯」
小學雞肆虐立法會,先有熱血公民鄭松泰無無聊聊在議事廳倒插國旗,搞到自己一身蟻;今次就輪到「乳鴿」許智峯變身怪叔叔,在立法會走廊無無端端搶走女EO(行政主任)的手機衝進男廁,10多分鐘後才物歸原主,嚇得對方梨花帶雨喊住報警。正所謂盜亦有道,怪叔叔卻是尊貴議員「盜而不尊」,強搶手機欺負打份工的女職員,加上闖禍後危機處理零蛋,成為標準反面教材。
這場完美風暴集齊「大蝦細」、「恰女人」和「匿男廁」等等juicy元素,本來已經漂白水也洗不清。更難以想像的是,許智峯的公關救災三部曲:Shoulder、Sincerity和Speed竟全數肥佬,結果只能眼巴巴看着自己失救。
根據報道,女EO前日兼差政府「狗仔隊」,職務是在立法會一地兩檢法案委員會開會時「按圖索驥」,人盯人認住行出行入的議員,確保在會議期間和投票時有足夠「友好」在場。一向不滿「被跟蹤」的許智峯在會議尾聲見到女EO,忽然搶走對方手機,然後走進男廁察看電話內容,明顯是要讓嬌滴滴女兒家不敢越雷池半步。雖然之後交還電話,但對方不甘受辱而報警。
速度是危機處理的金科玉律,皆因紙終究包不住火。前晚陸續出現關於此事的報道,許智峯還向傳媒發出聲明,稱自己「獲得」一部政府人員手機,發現當中有大量議員個人私隱,事態嚴重云云。如果這不是愚昧無知的「此地無銀三百両」,就是嚴重誤判是非輕重。到昨日許智峯終在黨友陪同下致歉,說法改為「未得政府人員同意取走電話」,迴避「搶走」一詞。這些魚目混珠的語言偽術,聰明的香港人怎聽不出?
回應慢又欠承擔已是致命傷,加上道歉缺乏誠意則可以宣告Certified。許智峯昨日的聲明共有四段,除了開首一小段向女EO致歉,其餘三段都是長篇大論解釋自己正在跟進政府收集議員私隱的問題。連小學生都識講,解釋即是掩飾,昨天的所謂交代、道歉,是否心甘情願,大家有眼睇。
成也衝動,敗也衝動。本身為中西區區議員的許智峯向來是行動派,2014年以衝擊區議會保安一戰成名,兩年後也就給他衝進了立法會。民主黨乳鴿們一字排開,幾乎就數他最熱血。但正如股神畢非德話齋,只有在潮退後才知道誰沒穿泳褲,許智峯有勇而無謀,乳鴿心態乳臭未乾,在今次風暴中無所遁形。
許智峯名為維護議員私隱,實為強搶女職員手機侵犯對方私隱(誰也不知道他究竟看過什麼閨秀內容),躲進男廁窺秘一幕簡直把道德形象沖進馬桶。慘不忍睹至此,他幾經辛苦拼出來的政途假如到此為止,只能怪責自己改錯名,「智」將行為太尖「峯」。

20 則留言:

  1. 巫婆真攪笑,冇熊抱冇面貼面都可以拎出嚟講,搶就喺搶錄影都有仲要玩呢啲語言偽術。咁以後被人女女女嗰男人可以話我都冇冇熊抱冇面貼面冇揸波波冇搣pat pat,淨喺將我條X放咗入去妳嗰Y度十七分鐘嗟,之後都掹番出嚟啦妳仲想點。

    回覆刪除
    回覆
    1. 毛掹淨明顯係唔出聲會死嗰種人.

      刪除
    2. 咪係囉,我仲帶埋套兼無出嘢

      刪除
    3. //毛掹淨明顯係唔出聲會死嗰種人.

      因為佢係前文講嗰種對笨土理念有基本教義派式信仰的八婆.

      刪除
    4. //女事主不想公開事發片段,行管會只是閉門邀請全體議員觀看,事先還要交出手機

      咦點解唔透明啲吖,俾公眾評鑑一吓喺唔喺真喺"罪不至死"嘛,點解咁黑箱嘅?可惜冇蟻員識法院記者速寫繪圖之技,睇完畫番出嚟.
      巫婆有個洋腸老公,返屋企唔好掛住食,問吓西人政客喺呢嗰情況點做一嗰full unreserved apology先喇。再拖落去遲啲釘豬脾又開庭,十嗰關公都唔掂。

      刪除
    5. //冇熊抱冇面貼面都可以拎出嚟講//

      事實係好重要

      今時今日扮民主派仲有乜是非?
      做乜錯野都係可以戾橫折曲, 之後大堆傳媒出泥洗白,
      一句: 《政府錯先》, 可以洗白99%扮民主派既錯事,
      扮民主派信徒都會:係喎, 係政府錯先

      弱智鋒既說辭: 政府人員侵犯議員私隱在先(政府錯先), 佢要阻止先搶手機
      一般情況下, 扮民主派信徒係會受晒, 會理直氣壯咁鬧爆政府

      唯一可以入到扮民主派既控罪, 就係蝦女人(或者仲有出手打人),
      無人夠膽出聲幫蝦女人既人洗白
      事實唔係重點, 系操作民意上就係重點, 民意就係咁非理性化

      巫婆係醒, 最最重要就係洗甩/減輕"蝦女人"呢條罪
      其餘乜都有得拆, 搶手機呢D濕濕碎.....

      香港幾咁反智!! 選民既眼光雪亮?? O米笑死人

      刪除
    6. //我仲帶埋套兼無出嘢

      實在是傷盡了女EO的心。

      //係前文講嗰種對笨土理念有基本教義派式信仰的八婆.
      //巫婆有個洋腸老公

      我話佢同鄭蟲蟲一樣,都係當選民係白痴至真!

      //俾公眾評鑑一吓喺唔喺真喺"罪不至死"嘛,點解咁黑箱嘅?

      說好的公眾利益呢?

      //可惜冇蟻員識法院記者速寫繪圖之技,睇完畫番出嚟.

      邊有蟻員有咁好才華?唔會將「廁所」寫做「次所」已經偷笑。

      //西人政客喺呢嗰情況點做一嗰full unreserved apology先喇

      學侵侵咁成日話自己完勝都得。

      //一句: 《政府錯先》, 可以洗白99%扮民主派既錯事,

      仲有「政治逼害」呢~~

      //事實唔係重點, 系操作民意上就係重點, 民意就係咁非理性化

      人民就如風箏一樣,自以爲飛得高,卻並沒有實力。

      //巫婆係醒, 最最重要就係洗甩/減輕"蝦女人"呢條罪
      //其餘乜都有得拆, 搶手機呢D濕濕碎.....

      最弊死角位影唔到,當事人又唔敢出嚟 #ME TOO

      刪除
  2. 班飯民成日想搵空位轉視線,不過今次主角太出位喇。响所謂既大是大非前,殭屍多並人多?

    回覆刪除
    回覆
    1. 幾時都係人(能力低)多過殭屍(能力高)的!

      刪除
  3. 飯民收工已不遠矣
    家下市民要求的係實事求是, 唔係搞屎棍...
    多謝許議員俾子彈王國興出戰補選....
    多謝哂

    回覆刪除
    回覆
    1. //飯民收工已不遠矣

      但讀開番書的傷民始終對民主主義有種情意結(而無去考慮我城民智是否已開的問題)。

      刪除
  4. //冇熊抱冇面貼面//
    陳屬髒都有講,話係完全造出嚟作出嚟喎!
    Natural selection 開到行呀!哈哈哈哈哈哈哈!

    回覆刪除
    回覆
    1. 我記得九品芝麻官有幾幕老屈橋段,明眀係太監,點搞女人喎!

      刪除
    2. //陳屬髒都有講,話係完全造出嚟作出嚟喎!

      婊子無情,戲子無義。

      //Natural selection 開到行

      弱智瘋:慘得過我有大把民意支持?

      //明眀係太監,點搞女人喎!

      當眾除褲喇!公眾知情權呀!

      刪除
  5. //再拖落去遲啲釘豬脾又開庭,十嗰關公都唔掂。

    釘子健面皮成尺厚, 恐怕唔駛關公
    https://www.thestandnews.com/politics/他沒有人格問題-許智峯是民主黨內一位有情有義的人/

    現在泛民只管一票也不能少, 所以天大錯事都要死撐許智峰到底,他們保住了否決權但展現了整個泛民的無恥,是對香港民運嚴重的傷害。

    回覆刪除
    回覆
    1. 無所謂啊,從政人員的羞恥心唔係私隱,公眾有知情權 XD

      刪除
    2. //若要DQ許智峯,那麼應由選民決定。

      最難頂的是販民成日都話乜都話由選民決定...選民只係民智未開的生番, 販民咁講只係為了保障自己的行益.

      //從政人員的羞恥心唔係私隱,公眾有知情權

      所以肥豬腱不停地騷大脾俾大家睇, 夠哂透明度.

      刪除
    3. //若要DQ許智峯,那麼應由選民決定。

      咁至少都要俾選民睇吓條片先有得決定嘛,今次連一條大脾毛都冇得睇。。

      //...他沒有人格問題,純粹是性格上有點自我和固執,未必令所有人接受。然而,在相知相交中,小弟認為他是黨內其中一位有情有義的人。至少,我敢說他絕對是我們抗爭者的同路人。

      好似喺講緊自己多過許至瘋多啲啵.

      刪除
    4. 明明係搶人手機果個“加害者”,俾人公審1-2日就可以變身做“受害人”,仲要其他人橕佢,夠晒on 9 9。

      刪除
    5. //今次連一條大脾毛都冇得睇。

      女EO應該唔係短裙妹咯!

      //好似喺講緊自己多過許至瘋多啲啵.

      寫給自己的自白書。

      //明明係搶人手機果個“加害者”,俾人公審1-2日就可以變身做“受害人”,仲要其他人橕佢

      所受懲處要成「比例」吖馬!受盎千夫所指,瘋仔係時候要發圍唎!

      刪除