2018年7月3日 星期二

新聞雜評(一百九十九)

民陣估計五萬人參與七一遊行 更新:2018/07/01 22:22

民陣下午發起七一遊行,遊行隊伍按不反對通知書要求,準時由維園草坪出發,隊頭去到東角道,大會宣布遊行正式開始。不少市民在渣甸街附近加入,警方未有阻止。民陣指遊行有 5 萬人參與,警方指高峰期有 9,800 人,按警方數字,是 2003 年七一遊行以來最少。
下午三時維園草坪,當時只站滿一個角落,遊行隊伍準時起步。最初的口號和橫額,都針對警方遊行安排。民陣早前預告要以「最低限度」,滿足不反對通知書的要求。有政黨在中央圖書館對開加入遊行隊伍,直至高士威道,真正的大橫額才出現,民陣召集人葉志衍在東角道現身。
警方在崇光百貨對出圍起重重人牆以防市民插隊,在遊行路線沿途路口,警方都有派警力駐守,但並非全部都架起鐵馬封鎖,好像希慎廣場這個路口,市民可以在此中途加入遊行。有人就選擇在波斯富街加入。
七一遊行來到第十六年,訴求繼續圍繞不同議題,但近幾年人數較以前減少。有人就說走出來,希望改變香港問責文化。遊行隊伍沿軒尼詩道、金鐘道,龍頭大約下午五時到達政府總部東翼廣場集會。
港大民意研究計劃,點算到有 19,000 多人經過灣仔軒尼詩道與軍器廠街交界行人天橋,推算今日遊行總人數介乎 26,000 至 33,000 人之間,與去年推算的數字相若。
政府發言人回應七一遊行,說本屆政府自上任以來,一直以關心、聆聽和行動的誠摯態度,制定並逐步落實回應市民訴求的措施,為社會和經濟注入多元動力,為市民,特別是青年人創造機會。發言人又指,任何不尊重「一國」、無視憲制秩序、嘩眾誇張、不實誤導的口號,都不符香港整體利益,不利香港發展。
1. 「港大民意研究計劃,點算到有 19,000 多人經過灣仔軒尼詩道與軍器廠街交界行人天橋,推算今日遊行總人數介乎 26,000 至 33,000 人之間,與去年推算的數字相若。 」,一年容易又七一,但今日的七一遊行,卻由魔術師以前專門發文討論,轉化成依家只係變成新聞雜評的一部份,其行禮如儀的奄悶程度,可見一班。聞陣愈搞愈縮,但死唔斷氣,可見為了籌款,真係乜都做得出。

2. 聞陣召集人真係愈嚟愈騎呢。呢位葉君究竟是男是女?

3. 「遊行隊伍按不反對通知書要求,準時由維園草坪出發...最初的口號和橫額,都針對警方遊行安排。」遊行接照黑警的安排遊行,卻又抗議黑警唔俾你「自遊行(按自訂路線遊行)」?咁吊詭的議題都有?然後又話玩遍地開花,其實即係散兵游勇式的即興加入。依家係咪連一句能夠叫得響亮的議題,堂堂正正地召集群眾的力量都無?

4. 明哥你果然係黃C性格,唯恐天下不亂!乜你好鍾意成日成班無業遊民走出嚟示威遊行,佔呢佔路咩?市民無聲出,原因可以係因為無力感,也可以因為知道抗爭無用,不如做好自己;甚至乎係滿意正苦施政;就算係搞巷蜀,班友都轉做地下革命黨喇!如此這般,人人各有打算,結果少啲爭拗唔好咩?

5. 呢位莊小朋友細細個就識得舉標語,又話如果唔出嚟遊行就點點點,明顯係度背緊書,仲唔係俾黃C家長老師洗咗腦?
***
小組倡明確區分副學士及高級文憑 更新:2018/06/25 19:12

檢討自資專上教育專責小組發表諮詢文件,建議保留副學士及高級文憑課程,但就要為兩者定出明確區分。副學士被定位為支援升讀學位課程,小組主席張炳良多次被問到為何不取消副學士,他認為不是有難題就取消,應該提升課程及改革。
2000 年設立的副學士實行十八年,小組建議保留,不過則要與同樣是副學位的高級文憑有明確區分。小組認為高級文憑修讀兩年,六成內容教授職業技能,但學生實習機會有限。小組認為下一階段要集中研究課程結構,讓學校有更大彈性調整課程年期。當局亦應該要鼓勵課程,加入更多專門內容與計入學分的實習時數。
至於副學士以往至少六成是通用性質內容,例如語文、通識,報告指要更明確定位,支援升讀學位課程。對於外界一直有聲音,質疑是否應該取消副學士,張炳良指副學士有存在價值。
有 2011 年副學士畢業生正任職餐廳經理,他當年亦是選擇銜接大學自資課程,不過他就認為制度有問題,有必要改善。而有餐廳老闆表示,不曾遇過有人以副學士學位應徵。他又認為不需要直接取消副學士,因為副學士可以給予年輕人空間,去尋找自己有興趣的行業,例如調酒。
6. 魔術師真心覺得負學士只係「遺材賽」,俾個機會考唔到上大學而又不接受重讀或出社會做事的同學一個「working holiday」(未 work 就已經放緊 holiday),有决心有運氣嘅或者就可以反底成功,再唔係混混噩噩多兩年都係要接受現實。當然,嗯個以年計的「working holiday」的代價不菲,要付出不少的學債(去養活學店)及青春,以魔術師數口咁精,就覺得唔值了。

7. 同意高級文憑的認受性較高,起碼課程較着重應用性,教的都是 down to earth 的 technical know-how,始終 hands on 嘢始終都要人做,總好過負學士學人吹水又唔夠班「正學士」嚟;在「正學士」都要做「無兵司令」的環境,負學士的定位就更曖味,反而可能實係做過落手落腳的小兵,搵食就更容易。
***
信報 2018年6月27日
世盃影集
好肉緊
今屆世界盃分組賽,東道主女粉絲的光芒和姿色,完全蓋過球員表現,人們不想俄羅斯出局,也就是想見到她們幾面。(法新社圖片)

8. 本來預定嘅「霉西與蒙牛」因突發關係在上一篇文出咗(見《世界盃戰報(2018年6月27日)》),所以今次補回一張俄妹相撘夠。
【世界盃戰報】(7月2日)

【Now新聞台】【十六強 俄羅斯十二碼淘汰西班牙】
俄羅斯法定時間1比1迫和西班牙,加時沒有紀錄之下互射十二碼,俄羅斯贏4比3晉級。西班牙的恩尼斯達賽後退出國家隊。
正選陣容收起恩尼斯達,希亞路稱淡定一點,沒有問題,皆因主場的俄羅斯壓力更大。
西班牙11分鐘便先開紀錄,鏡頭捕捉沙治奧拉莫斯開心慶祝,但入球的不是他,而是俄羅斯這邊。38歲老將恩拿舒域治「擺烏龍」踢入,只顧看守沙治奧拉莫斯後腳無心插柳,將皮球反彈入自家龍門。
他們追平一球要多謝西班牙,先是高基失誤將皮球撞出底線,就憑這個角球攻勢,蘇巴接應森美度夫頭槌,令碧基犯手球,球證看得相當清楚。
背向蘇巴的碧基舉高手未必有心,但明顯阻礙蘇巴的攻門。
十二碼由蘇巴操刀,射破門將迪基亞,41分鐘為俄羅斯追成平手。
首40分鐘沒有埋門的西班牙,臨完半場才有伊斯高射出今場第一腳,但被俄羅斯解圍。
雙方於換邊後踢得保守,俄羅斯由史摩洛夫入替蘇巴,西班牙就調入恩尼斯達以及艾斯柏斯。
似乎西班牙調動更加見效,艾斯柏斯回傳給恩尼斯達,埋門被阿堅費夫拍出,艾斯柏斯補射,再被阿堅費夫救到。
法定時間維持1比1,今屆第一場加時之外,俄羅斯亦首次利用新增的加時第四次換人,用伊羅軒入替古沙耶夫。
同樣第四次換人,這邊西班牙入替阿辛斯奧的洛迪高。
加時下半場埋門,阿堅費夫撲出,後上的卡華查又射中人;再來西班牙罰球傳中,禁區內的碧基和沙治奧拉莫斯似手被拉跌。球證透過收到提示翻看重播,認為恩拿舒域治和後面的古迪保夫都無犯規。
百二分鐘都未分勝負要互射十二碼,首兩輪雙方都射入,包括俄羅斯老將恩拿舒域治;第三輪西班牙高基被阿堅費夫「捉到路」,另一邊俄羅斯四輪全部射入,壓力就在第五輪艾斯柏斯身上。
阿堅費夫成為俄羅斯的晉級英雄,十二碼4比3淘汰西班牙,繼1970年前蘇聯時代第二次晉級八強。
最後一次為西班牙出戰世界盃的恩尼斯達則捧盃夢碎。
【阿堅費夫當選最佳球員】
救出兩球的阿堅費夫當選今場最佳球員。
32歲的阿堅費夫歷來第111次代表俄羅斯把關,他賽後稱他們的目標的確是想迫到西班牙去到十二碼階段。他稱最佳球員不是自己,而是全隊球員以及主場球迷。
至於退出國家隊的恩尼斯達,賽後稱以一場敗仗方式結束不是他的心願,但大家都需要接受。他稱目前是西班牙的艱難時期,他們以往都曾經歷過,但亦證明他們能夠重拾應有水準。他又為教練希亞路辯護,認為教練的決定不會滿足所有人,他有權力揀選最佳的陣容,以及最符合戰術的球員上陣。
【今場數據】
射門次數西班牙多達25次,是俄羅斯四倍以上。值得一提的是,西班牙今場完成1029次傳送,打破世界盃歷來單場成功傳送的紀錄。這個數字比起今屆部分參賽球隊三場分組賽加起來還要多,平均每分鐘成功傳送超過八次,但即使他們控球全贏,最終都是十二碼敗予俄羅斯。
【十六強 克羅地亞十二碼險勝丹麥晉級】
俄羅斯將會跟克羅地亞爭入四強。克羅地亞於另一場同樣於早段落後之下1比1追平丹麥,加時同樣無紀錄。互射十二碼雙方門將都有出色表現,克羅地亞十二碼贏3比2,淘汰丹麥取得八強席位。
繼2002年後再次躋身十六強的丹麥,面對1998年季軍克羅地亞,開賽不夠一分鐘就有進帳。
來自奇路臣的「手榴彈」攻勢,迪蘭尼交給辛卡起腳,射入他首個國家隊入球,亦為丹麥先開紀錄。
不過丹麥只是開心了兩分鐘,克羅地亞就憑文素基治的入球扳平。達斯哥想解圍誰知省中隊友,文素基治乖巧一腳就將皮球送了入網。
再來有基斯甸艾歷臣似傳非傳,皮球僅僅中楣角彈出。
換邊後兩隊明顯放慢節奏,列比治表演身價,在右邊一控再控再來個傳中,可惜比華域來遲一步,被對手及時封位。
丹麥在補時再有角球攻勢,蘇巴錫雙手拍出比夫韋治補多腳窩利,離目標不遠。
法定時間勝負未分,丹麥在加時差點落敗。列比治單刀殺入禁區,過了出迎的卡斯柏舒米高,空門就在面前,辛卡此時從後侵犯,球證直指十二碼點,但只給了辛卡黃牌,並無將他驅逐離場。
十二碼由摩迪主射,被今場主角卡斯柏舒米高接實,父親舒米高都很激動。
兩隊加時都無入球,要互射十二碼。基斯甸艾歷臣打頭陣,但他的射門被蘇巴錫撲到再中柱。
另一邊克羅地亞的巴迪同樣都射不入,之後兩輪雙方都射入,到第四輪的舒安和比華域先後射失。到最後一輪,尼高拿佐真遜這球被蘇巴錫用腳救出,克羅地亞射入就能出線。
拉傑迪不負眾望,帶領克羅地亞十二碼以3比2險勝丹麥,晉級八強。
【卡斯柏舒米高當選今場最佳球員】
為丹麥把關的卡斯柏舒米高當選今場最佳球員。
【今場數據】
射門次數,克羅地亞有22次,當中7次中龍,而丹麥15次埋門只有3次中目標,他們犯規亦較多。克羅地亞無論控球還是傳球成功率都勝丹麥。
【今晚戲碼】
晚上十時先有五屆冠軍巴西與墨西哥爭晉級席位。深夜二時,比利時會與唯一出到線的亞洲代表日本爭八強資格。
9. 結果,西班牙同德軍一樣,攻力無復昔年銳利,120分鐘遭俄仔守和,十二碼又射得差,就此陪同霉西、C朗一齊飲恨出局。而俄妹啦啦隊,就下場對格仔軍團時再見喇!
10. 真心唔明克羅地亞前鋒加時期間有單刀射空門機會,卻被丹麥守將從後踢跌,點可以 Last man defence 都可以唔罰紅牌?真係奇哉怪也!
***
伸延閱讀:
世界盃戰報(2018年6月27日)

37 則留言:

  1. //明哥你果然係黃C性格,唯恐天下不亂!

    唔怪得咁多黃C鍾意移民去呆灣,而家執政黨正是為嘈而嘈既“選舉怪獸”就啱晒你地啦

    回覆刪除
    回覆
    1. //就算係搞巷蜀,班友都轉做地下革命黨喇!

      都唔係全地下,好似有十零人通宵留守米領館,話要歸米喎~

      刪除
    2. 台灣依加要做綠色順民架, 施政不滿你想示威? 你見過蔡天后去軍校畢業典禮既維安排場, 仲有依家拒馬鐵絲網圍成機動堡壘的總統府, 你就知台灣人多想民退黨消失。

      刪除
    3. //唔怪得咁多黃C鍾意移民去呆灣

      咁又算唔算係「種敵清洗」,改變基因呢?

      //好似有十零人通宵留守米領館,話要歸米喎~

      唔知黃細侄、王ON9之流又在埸石?

      //蔡天后去軍校畢業典禮既維安排場

      呢啲咁嘅排埸,就連689都望塵莫及。

      刪除
    4. //好似有十零人通宵留守米領館,話要歸米喎

      米腸掛著睇波睇到痴晒線,鬼得閒理呢啲無哩頭嘢。

      刪除
    5. 我最怕米軍今年拎到世界盃,我城班遺民實會打JJ打到上天花板。

      刪除
    6. 我不認為佢地會過到瑞典。

      博彩角度,法定時間亦讓唔起-1/-0.5.

      刪除
    7. 只能話哥倫比亞柒下柒下,輸十二碼;其餘時間米軍都係攻力欠奉。

      不過今年米軍好似幾好運,有時好運真係緊要過好波。

      刪除
    8. 衰左...瑞典比我想像中弱得多。

      好彩我唔使好似大奉先同鹹哥打賭,而家揾次要著三貓衫坐溫布萊睇三貓軍.

      刪除
    9. 三貓前幾年U21拎冠軍,可能真係中興可期.

      刪除
    10. 嘩癲哂咯,天氣又熱,四處都係曬到紅卜卜嘅白皮豬同小背心鬼妹彈下彈下咁。 睇嚟米軍真好運,會唔會英法終極大戰呢。

      刪除
    11. //三貓前幾年U21拎冠軍,可能真係中興可期.

      那是舊年既事,U20世界杯(世青杯):

      https://en.m.wikipedia.org/wiki/2017_FIFA_U-20_World_Cup

      英格蘭青訓近年的確有很大進步,但呢班國家隊仲未算受惠者。反而未來幾年應該會有更好表現,就像而家「16年磨一劍」的比利時一樣。

      //嚟米軍真好運,

      羅剎佬靠個主場,拖格子軍入12碼,對三貓四強戰的確是利好。

      刪除
    12. //小背心鬼妹彈下彈下咁

      咁有無玩 free hug?

      //反而未來幾年應該會有更好表現

      哎, 我最怕我城班米帝遺民成日話「對米國有情意結」,下下打JJ打到上天花板.

      //拖格子軍入12碼,對三貓四強戰的確是利好。

      格仔今場都跌哂watt... 不過三喵的把握力又真係唔好, 到時隨時係好運緊要過好波.

      刪除
    13. //哎, 我最怕我城班米帝遺民成日話「對米國有情意結」,下下打JJ打到上天花板.

      尋晚睇Viu,有條友又係話因為我城球迷睇英超而乜乜乜...但其實英超近廿年的成功是因為國際化同商業化,同三貓並無絕對關係...例如小弟睇咁多年,最深印象的英超球員是法蘭西的亨利,我仲記得雲加係第一個排全非英籍正選陣容...小弟偶像本尊摩佬係葡萄牙的...

      我估呢個遺毒只會「傳承」到90後,00後睇英超已經好難將英超correlate to三貓...除非三貓人才井噴到擠壓外援位置。

      如果齋講今屆英超球員,我覺得比利時嗰班絕對勁過英格蘭.

      刪除
    14. //我估呢個遺毒只會「傳承」到90後,00後睇英超已經好難將英超correlate to三貓...

      我覺得係當年只有米國足總盃直播的年代遺留下來的「情意結」.

      //比利時嗰班絕對勁過英格蘭

      米軍邊度搵個迪布尼同夏隡特出嚟? 仲有古圖爾斯呢!

      刪除
    15. 如果真喺入決賽,唔知米國正苦會唔會反囗去睇?咁大好機會抽水攞彩半世紀一次冇理由唔支持,偏偏今年同俄羅斯有牙齒印…

      刪除
    16. 到時又有藉口話「政治的歸政治,體育的歸體育」喇!

      刪除
  2. 遊行搞左十六年,樓價一路咁升,越來越離地。好心佢地轉一下方式,攪七一裸跑,可能仲有生氣,仲多人嚮往。

    回覆刪除
    回覆
    1. //好心佢地轉一下方式,攪七一裸跑,

      我怕佢地裸跑都無人睇。

      刪除
  3. 的確依家搞到係為遊行而遊行,連遊行主題都係抗議遊行唔夠自由,搞到咁都真係幾無聊

    老老實實,依家要求結束一黨專政更加係不合時宜,三十年前爭取都仲講得過去,依家唔好話台式垃圾民主,想像下港式民主垃圾會取代共產黨會點?唔好話諗點打貿易戰同特朗普對抗,應該會有成班漢奸爭取無條件投降,搞到中國變做美國提款機了

    回覆刪除
    回覆
    1. //應該會有成班漢奸爭取無條件投降,搞到中國變做美國提款機了

      因為這就是他們幕後金主的終極目的。

      刪除
    2. 成日話蝗國有民主我城先有民主,但點先可以令蝗國有民主?又係流於叫口號;況且民主又未必適合蝗國國情(及我城區情)。

      //幕後金主

      我怕呢位金主會走數呢!

      刪除
    3. 以呢班人既聰明才智和辦事效率,我係幕後金主都走數啦。

      刪除
    4. //我係幕後金主都走數啦。

      糧油連眾籌都搞唔起,真係死得.

      刪除
    5. http://www.thinkhk.com/article/2017-08/22/22696.html

      一年後睇返呢篇文,亦印證了金主為何走數,要捲起衫袖親自打貿易戰了。

      刪除
    6. //一)最好是得到中央政府的支持和大陸人民的理解同情,前者決定了香港政治體制的變動,後者會為前者掃清允許香港政改的阻力,何況,三年前,大陸民眾喜歡崇拜香港的,不在少數。

      二)次優的策略,我稱為司徒華八九民運後的策略,是把中央當做對立面,指責他們包庇香港大資本,但是一定要爭取大陸民眾支持,以民主自由(針對大陸自由派)和反抗資本支持勞工(針對大陸左派)的口號,呼籲大陸民眾向政府施壓,至少是輿論上的同情。

      三)最差的策略,也是泛民、自決、本土、獨立派等反對派過去三年的策略,就是把整個大陸,無論是政府還是民眾,都推到了對立面。從「扔掉簡體書」到「侮辱內地遊客」到「自決」、「港獨」到「支那」等。 //

      (一)和(二)均不採用,是和笨土思維的 assumption 有關: 佢地自以為唔理蝗國, 蝗國就會唔理你 (但其實巷蜀和自決都隱含的蝗國的份兒:沒有宗主,何來蜀立? 沒有人限制你,何來「自決」?). 所以笨土很自然的便只有(三)這條註定自己係小丑,遭人撻訂的死路。

      刪除
    7. 最好的策略應是, 由中英聯合聲明後, 就立即編列秘密預算, 或是召集有錢人眾籌, 由廣東省開始買官, 一路買到上北京, 在中共內建立香港派, 才是香港自治以至獨立的最佳保證.
      但目光如鼠又自私的香港人, 怎會有這種需時橫跨半個世紀的政策, 世上也只有中英美蘇等立志全球爭霸的國家才有, 再加一個李光耀吧.
      香港人懂的, 只有丐求美英中等霸者的憐憫, 用的就是遊行示威等裝可憐的手法.

      刪除
    8. //目光如鼠又自私的香港人, 怎會有這種需時橫跨半個世紀的政策, 世上也只有中英美蘇等立志全球爭霸的國家才有, 再加一個李光耀吧.

      不要小看了我城! 國父孫中山也是藍大出身的!!

      刪除
    9. //就立即編列秘密預算, 或是召集有錢人眾籌, 由廣東省開始買官, 一路買到上北京

      這種事美帝上至中情局下至法輪功早就想做了,能滲透早就不是今天的局面了,美帝想借我城代理人都做不到的事我不相信早年的元祖笨土派可以單打獨鬥做得到

      刪除
    10. //這種事美帝上至中情局下至法輪功早就想做了,能滲透早就不是今天的局面了

      我記得笨土派當年有話要加入威權政府去進行滲透的(考ACO?)...可能滲透巷共正拳會比較容易吧?

      刪除
  4. 明哥可以試下夜晚落公園,大把大媽同佢一齊發聲,溝通到又你情我願的話,仲可以上樓繼續發聲。

    回覆刪除
  5. 無論如何,星期六要避難-四圍都嘈到拆天。尤其米爆嗰班hi到要死,德荷西意都死哂…

    回覆刪除
    回覆
    1. 無記錯的話,ec兄應該係身在蘇格蘭格拉斯哥。蘇格蘭佬都咁捧三貓軍?

      刪除
    2. 無理由會「米爆大和解」的説⋯

      刪除
    3. 哈哈兩位好記性,公司今年搬咗去敦倫⋯講起蘇格蘭,嗰蘇獨黨星期三國會開會時玩嘢,特登拖長,搏少人留低投票,搞到唔少工作人員睇唔到波,狂轟唔好咁小學雞。

      刪除
    4. //搞到唔少工作人員睇唔到波

      龍獅隊永遠入唔到大賽,我城肯定唔會有同樣的事情發生。

      刪除