居屋當入樽

兩公婆兩年前買入樓齡十八年的居屋（即係以綠表買入），５成折扣率，３００多萬，生活質素好過住納米新樓多多聲(３６：１５—４６：４２）：

樓盤傳真 2018/08/25 2018/08/25 23:00

近日各銀碼二手成交都有劈價個案，一手新盤開價亦克制，樓市呈現微妙逆轉，究竟是否十年一遇的跌市之初？還是大漲小回、反而提供入市時機？同時分析今年最大型新盤、日出康城 LP6 位置優劣及景觀分布。
細碼單位配單幢樓，是過去幾年不少物業投資者的致勝之道，有如今集放盤單位的業主看準加辣前時機入市，三年鬆綁後果斷賣樓，租值、升值二者兼得，惟今後要再重演經驗就有難度。
新世界屯門 THE PARKVILLE 入伙，有 15 個單位屬新世代首置名額，驗樓單位正正是其中之一，業主現身說法， 7.5% 首期加上 40 年供款，上樓容易但有加人工壓力。
男戶主是籃球迷，球衣、球星模型、球賽照片，都是他的珍藏。新婚搬進粉嶺居屋昌盛苑， 650 呎只有兩人居住，當然要善用空間，展示他的藏品。

話說戶主有好多ＦＢ朋友要招呼，所以既要加闊客廳，又要增加主人房收納量，仲要展示收藏品。咁即係將客廳的空間用來擺啲唔等使嘢，而自己就攬住啲雜物一齊返房訓咯！

豬扒設計師先將其中一間客房斬去一半，變成雜物房；再拆去客廁浴缸，縮細客廁增大客廳；最後就係用例牌招數，拆牆以櫃來間牆，以增加收納量（左上、右上）。豬扒設計師在門前玄關地面鋪上雲石分隔（左中）；而一入大門要望見一扇窗直通天井位，風水不佳，所以豬扒設計師便索性將窗封掉（將來如何驗窗？），建上一幅牆，再砌上一片吧枱，讓兩夫婦一邊面壁一邊品紅（右中）。豬扒設計師又拆去廚房門旁的牆身，造出鞋櫃，以至一到儲物櫃直至客廳（左下、右下）：

間屋６５０呎，明明大把空間，設計卻要左偷右偷，原來就係要擺啲唔等使的籃球模型。客應展示櫃用來放籃球隊模型（左上），飯枱隔離就掛住件波衫（右上），日對夜對。客廳十分簡潔，連茶几都無張（左中）。由疑似是 Dyson 風扇隔離的隱藏門推門而入，就係雜物房，內有單人反床一張，都唔知可以招呼到乜嘢朋友（右中）。客廁整個無浴屏的花灑，十分公屋 feel；為免花灑整濕廁所門導致發霉，於是豬扒設計師便以不銹鋼將木門包住（左下、右下）：

整完客飯廳咁多陳列櫃，可能已經唔係好夠 budget，所以主人房直係齋到暈，丁點兒裝飾都無（左上）。豬扒設計師為免個睡房太寡，於是就在窗邊整咗張多用途枱，用來放電視，與及俾女房主可憐兮兮咁誓張凳化妝（右上）。戶主夫婦的衣櫃就是與客房相隔的入牆櫃（左中）。豬扒設計師又將主廁企缸拆去，造了浴缸以供將來生了ＢＢ可以一齊玩水，然後在主人房偷位放洗手盤（右中）。其餘無聊嘢包括「酒店式燈掣」（左上），與及將調味品放到低一低的拉籃，以供仲十分鍾意煮食的男戶主「享用」（右下）：

魔術師以前間居屋都係６５０呎，空間感一樣好足夠，最衰就係樓望樓風水麻麻地，所以先趁６８９的白居二重啟「換樓鏈」而搬上私樓，否則以一早供完的居屋來說，真係４０歲唔使都可以財務自由，印印腳唔使憂了。