Headcount 為我開（2nd edition）

在打風前的某一天，包青天上司靜雞雞走到魔術師身旁，細細聲講：「如果開個 headcount，請個助手幫你做 data analysis，你有無介紹？」
魔術師登時打個突。
唔係掛？魔術師一向係獨行俠，獨來獨往（其實都唔係的，不過魔術師只能跟思維轉數跟自差不多的同事合作，所以比較真係比較 picky），如何可以有同事介紹呢？無理由搵個博士Ｋ返嚟架嘛！
是咁的，自從新系統出籠之後，膠層又想知道系統表現是否良好，同事們是否識得使用等等，在在需要處理大量資訊，分析資料，做 dashboard 等。而更衰的是，由米帝統領（即係 project management），印度咖哩廠仔組成的電車部又成日做錯嘢；無論係幫佢地執鑊，上安撫膠層，下 hea 住 users，一樣要睇有幾多 backlog，影響幾多交易金額（仲要有不同貨幣），呢啲數就更加 tedious。
班洋腸膠層又最鍾意係問數字，究竟有幾多條 backlog，各項分類又有幾多，仲要問到去個位數。雖然魔術師對於呢類賴係認真但十分無聊的問題不以為然（唔通你有 1,001 條 backlog 就緊張啲，1,000 條就可以唔理），覺得好多時「模糊地準確」便可以了，無需要逐粒數字捉喧 tedious；但為了還未財務自由的包青天上司着想（要供兩條化骨龍到美帝讀大學呀陰功！），魔術師只好勉為其難幫下佢手。
至於點解包青天上司會搵魔術師做 data analysis？咁就梗係因為俾佢留意到魔術師的 Excel 功力不錯（鬼叫自己有多年 Excel 經驗去計投資回報都係），又識寫 macro，當然仲有做嘢主動（即係遇上屯門公路大塞車會主動跟包青天上司「協商」遲啲返）、 attentive to details、快手、諗埋對方諗乜（即係夠貼心）等等...所以除了分析資料之外，仲慢慢開始變成包青天上司的左右手之一。
最近，包青天上司又唔知知係邊搵到兩條叔叔輩的新同事。嘩，頂呀！魔術師叫佢地幫手做下 Excel 報表，呀大番薯叔叔（造型真係好似老夫子個大番薯）就走嚟問魔術師教佢用邊啲 formula 去做，仲要魔術師提供埋 formula 同 parameters 的用法（睇怕佢係會希望７７７幫佢出「全城病假紙」的人），魔術師實在頂唔住：「不如你試下撳 F1，睇下 vlookup，sumif 等 formula 點用喇！」

點知大番薯叔叔的回應就更特別：「我諗我唔識做呢啲 Excel 嘢，不如你搵過第二個做喇！」
魔術師沒好氣：「不如我 tune 下我嘅 expectation 先！請問你有乜 background 架？」
大番薯叔叔的回應就更型：「我只係一個 user 嚟架咋！」
魔術師甚為託異，便一路觀察大番薯叔叔的工作表現。大番薯叔叔返咗成個月工，寫電郵唔清唔楚，表達唔到自己想講乜，叫佢做 documentation 就一幅 screen capture 加兩句嘢，好似無能力寫得出一篇完整的文章咁...
而更攞命的是，咖哩廠仔成日做漏嘢不特止，魔術師要執佢地啲嘢，補返哂唔足夠的資料。但魔術師有時做到殘殘地，有些少 minor mistake 唔出奇；結果就馬上俾咖哩廠仔捉住話要魔術師改好才交回俾佢地繼續啲低端工作...ＫＬＭ，佢地唔小心千瘡百孔，魔術師「講人情」幫佢地執正啲 Excel，但一錯少少就俾佢地揸正來做指正錯誤，咁搞法蝕底嘅始終係自己。足證人情都係要睇人來俾。
呢個時候，大番薯叔叔又來了：佢一遇到唔識解答的問題，就掟來俾魔術師 follow up，將佢自己的問題變成魔術師的問題，完全唔會學習再跟進...
終於，魔術師忍唔住，去 LinkedIn 起下佢底：

Ｄ，佢啲 cert 同個 MBA 呃返嚟架？
包青天上司見魔術師開始做到燥底，有一晚便借啲易等埋魔術師放工請食晚飯。魔術師當然唔客氣，更在席間話自己「唔知點解要做得咁辛苦」...結果，包青天上司就有開 headcount 之說了！
哈哈！