反新界東北示威者終極上訴得直 更新：2018/09/07 16:21１. 終嬸班假髮人輕判就預咗架喇！總之普通法之下，愈輕嘅案例就愈適合拎嚟參考。不過，如果無前人案例可以參考，咁班假髮人又會點定刑期呢？元祖案例係如何誕生出嚟嘅呢？真係木宰羊！
反對新界東北發展撥款示威者衝擊立法會的案件，十三名非法集結罪成的示威者不滿被判監禁，提出終審上訴獲判得直，全部即時獲釋。
終審上訴聆訊之前，上訴人先在法院大樓外示威。十三名上訴人因為二零一四年立法會審議新界東北發展撥款期間衝擊立法會大樓，非法集結罪成，在裁判法庭原審中被判處社會服務令，律政司不服上訴，結果上訴庭改判監禁八至十三個月。
代表部分上訴人的資深大律師李柱銘在終審聆訊中陳詞指，是否判處社會服務令，應該考慮涉案的暴力程度。但首席法官馬道立指出，上訴人當日的行為造成價值四十多萬元的損失，亦令保安員腳部受傷，即使上訴人不是預謀，事實上他們的確用了極度武力。
不過馬道立引用二零一四年一宗以鐵馬衝擊立法會的案例，質疑該案量刑起點是六個月，而本案則是十五個月，加上各上訴人已服部分刑期，所以裁定上訴得直。十三名上訴人獲准保釋候審前已經分別服刑三至五個月，終審法院決定減刑，令他們可以即時獲釋。
上訴人離開法院時表示高興，但仍然不同意法庭對案件中涉及暴力的看法。黃浩銘表示，將來的抗爭要更有組織和有紀律，以貫徹和平非暴力的原則。
＊＊＊
有市民開始排隊購買高鐵香港段車票 更新：2018/09/08 18:12３. 依家究竟係乜嘢時代呀？仲要人排隊買票？上網唔得？學啲食肆咁用派籌機唔得？港鐵（00066.HK）真係學埋地產霸啲衰嘢，係都要班買家排長龍製造「visual impact」。不過，班港豬又係嘅！新Ｘ坑係都要輪頭班車，免費幫啲極惡企業做宣傅都肯制，真係牛唔飲水唔撳得牛頭低！
距離高鐵香港段車票開售還有兩天，有市民開始在柯士甸站排隊，期間可短暫離開一兩小時。
西九龍總站未正式開，等待購票的要去旁邊的柯士甸站排隊，由於九月二十三日的首班車，港鐵沒有安排傳媒上車，一眾電視台、電台、報紙等為了部署採訪，星期五已經派人等通宵排了首二十個位。
居住北區的梁伯早上六時許到，市民當中最早到是他，他想買首班車車票跟太太去深圳，來排隊的人要填表、登記證件號碼及想買甚麼車次。到下午一時，港鐵作出特別安排，讓已經登記的傳媒先行離開，星期一早上回來按編號購票，其他市民就要繼續排隊。
一同商討新安排的記協主席楊健興表示，要排隊三天不合理，傳媒可以先離開，梁伯便排上首位，登記了的市民如果想去洗手間或用膳，可以告訴港鐵職員，兩小時內回來不算離隊，但時間過了便要重新輪候。有市民知道要排到星期一都即時離開，港鐵表示暫時無打算派籌，又提醒要帶回鄉證排隊，一人最多買八張，至少一張是本人的名。
港鐵稱內地高鐵站及網站會同步於九月十日早上八時開售香港段車票，有線新聞台早上登入內地售票系統 12306 的手機程式，找到多班九月二十三日由西九龍開去深圳北或廣州南的車票，系統顯示車票已售完未能購票，到下午就顯示正調整列車運行，暫停售票。
另外，港鐵又指開售首日只是買到首十天，即是去到十月二日的車票，但 12306 的網站已經找到十月七日的班次，據了解屬系統測試，並未正式開售。
＊＊＊
疑網上情緣騙案婦被騙一億八千萬 更新：2018/09/06 21:09
網上情緣騙案近年經常聽到，最新一宗損失金額更是歷來最高。一名六十六歲女子在交友網站結識一名自稱是海外工程師的男子，對方聲稱生意周轉困難，女事主過去四年匯款一億八千萬給他，最近與親友談起才懷疑受騙，報警求助。
警方在上月初接到報案，據了解懷疑被騙過億的報案人六十六歲，本身做地產生意，她的丈夫數年前過身。事主四年前透過一個交友平台認識一名自稱是英國工程師的男子，該名工程師多次指自己銀行戶口被凍結，生意不能周轉，要求女事主付錢幫他。
由二零一四年五月至今年七月期間，女事主透過銀行匯款超過二百次給這名工程師，總數達到一億八千萬港元。款項是女事主個人資產，並無借貸，工程師收款戶口遍佈世界各地，有香港、內地、英國、日本、東南亞等。兩人從未見面，一直是透過交友平台交往，到今年七月女事主與家人談及事件，家人懷疑她受騙，她於是報警求助。
警方將案件列作以欺騙手段取得財產處理，交由灣仔警區重案組跟進。據了解由於部份收款帳戶是香港戶口，反詐騙協調中心亦協助追截，但由於事隔太久，暫時未追到任何款項。
根據警方數字，不計今次案件，今年一至七月接獲網上情緣騙案有三百三十八宗，涉及金額近一億六千九百萬元，無論宗數或損失金額，都較去年全年多。
６. 又，阿枯井係咁易都可以有成億幾俾條洋腸呃咗去，睇怕苦主份身家都係以十億甚至百億計，足證我城的地產霸生意係幾咁好搵。呢單 case 應該 forward 俾風兄粉絲湯包君睇下，人地呃都係成億我城貨幣咁呃，揸住一億幾千萬呆幣就唔好擔心又話標參又話乜又話七，好似未見過大蛇痌尿咁先得架！
＊＊＊
伸延閱讀：
風兄：與台灣網友的交流（四）
有小甜甜先例，1.8億算甚麼?
回覆刪除港鐵係地產公司，我估佢將高鐵飛當成賣樓咁賣。
當你個量刑起點係6個月，踎得果3-5個月就放係咩玩法? 學楊onQ話齋，踎得果3-5個月，人生唔夠精彩喎
//港鐵係地產公司，我估佢將高鐵飛當成賣樓咁賣。
刪除咁不如出埋白手套黨喇!
//踎得果3-5個月就放係咩玩法?
點解坐監會有假期扣減嘅?
不過又咁。律師同法官嘅身份係唔，同任務亦都唔同。
回覆刪除律師係唔需要公義，佢只係要為佢嘅 client 爭取最大利益。
法官就唔同，經常要聽班律師發噏風，然後解釋比佢哋聽佢哋嗰啲係發噏風！巧辛苦㗎！
講開律師，做bar要搵師傅，啲師傅係用乜標準收徒弟嘅呢？有冇塞礙中下階層向上流？
我想聽肥豬腱的律師點樣發噏風法!
刪除有成億幾現金倒不如搵一大班後生model或明星仔啦，唔駛搞到而家連雀毛都未摸過。分分鐘仲可能係雜腸假扮洋腸添。
回覆刪除李處男唔好忘記你嘅同志釘豬脾喎，聽聞釘豬脾出親庭你哋一個人都冇去支持一下，好涼薄啫。
//連雀毛都未摸過
刪除十隻白虎
//釘豬脾出親庭你哋一個人都冇去支持一下
今次高佬廷無得狙擊689, 睇怕當日陪得肥豬腱開記招, 今次都要埋單喇掛?
//今次高佬廷無得狙擊689, 睇怕當日陪得肥豬腱開記招, 今次都要埋單喇掛
刪除高佬廷慘烈咁同班老嘢陪葬。不過奇在仲有人唔怕死搞單釘豬脾ver.2，今次連主角都慳番哈哈。
https://topick.hket.com/article/2147458/香港眾志兩成員於內地被疑似國安盤問入黨資料
／／６６歲的枯井，有無咁 simple and navie 呀？
回覆刪除有。真喺見過。又喺老公死咗！攞哂啲錢去鳩後生仔，但全部都見過面的。
玩鴨仔都係去實體店好啲.
刪除１－d法棺咪又係劣師出身？人地出動亂黨幕後大老，棺大人咪比下面囉！第日阿邊個個仔啊親烕啊要搵師傅，得罪晒啲藍血朋友點入行？需知中國人做野最講關係，想上呢啲世襲制油水位，識人緊要過識字囉！
回覆刪除２－今時今日，連去食壽司都可以㩒app攞籌既時候，堂堂膠鐵竟然要排隊攞籌... 記得呢種盛況只會出現係幾廿年前大陸春運列車買飛既年代囉！話時話，其實係咪一定要買飛先入倒閘既呢？用支付佬／we7／百達㝫一嘟就上落車先計錢唔得嗎？
３－可能真係錢多又帶唔倒落棺材既煩腦，2億買個希望，見面不如聞名，正如睇書都好多時正過拍戲，皆因未知世界充滿美好幻想。
//第日阿邊個個仔啊親烕啊要搵師傅，得罪晒啲藍血朋友點入行？需知中國人做野最講關係
刪除咁又係, 係咁易罰下咪算囉!
//睇書都好多時正過拍戲，皆因未知世界充滿美好幻想。
仲有「伴娘索過新娘」.
//人地呃都係成億我城貨幣咁呃，揸住一億幾千萬呆幣就唔好擔心又話標參又話乜又話七，好似未見過大蛇痌尿咁先得架！
回覆刪除哈哈，魔兄應該明白愈係辛辛苦苦賺雞碎咁多嘅，愈係少少錢睇到地球咁大。做地產霸生意嗰啲，一二億過眼雲煙啦。我相信個枯井只係嬲條洋腸失咗踪，嬲佢無繼續冧佢俾錢，而唔係嬲佢呃錢，。生意糾紛，生意糾紛。
//生意糾紛
刪除做鴨仔都係皮肉生涯... 辛苦錢來的.
//如果無前人案例可以參考，咁班假髮人又會點定刑期呢？
回覆刪除可以用其他普通法適用地區的案例，太陽底下無新事，剩係米字旗國五六百年的判例同米國的二百幾年，點會揾唔倒參考 XD
巷蜀對比唔到蘇獨喎!
刪除能搜索到10月7日的车次并不是live test，只是记者不懂还乱讲。更新车次数据库和车次开始售票是两个操作，并不是同时就行，这个情况只是车次数据库已经更新，但是该班次还没有开始售票。并且，12306是提前30日开始售票，30日内的车次数据应该都已经更新。
回覆刪除咁記者都只係話「據了解」啫,可以了解錯的 XD
刪除车次数据库更新後,只容許read only, 不開放買票就可以了,也不是甚麼重大的 user experience 發明.
呢幾日搜到下啲資料，要吐槽下幾件膠鐵我城方的柒事。
回覆刪除https://www.highspeed.mtr.com.hk/
「網上售票系統暫只支援桌上或筆記簿型電腦，您亦可按此查閱高速鐵路車票預售安排。」
呢樣在現今世代真係柒過777，難為佢仲有個App，但個App只提供資訊，而且部份會彈返落去用browser開！
「停止取票時間 開車前45 分鐘」
這是最柒的一點。長途車由自可，但短途可快至全程13分鐘，你要我最遲預先九個字到場取票，咁同紅磡坐東鐵去羅湖有乜分別？定話逼人提前攞票？還是逼人站內消費？？？
蝗國取票是可以5分鐘前都得，你趕唔趕得切上車係貴客自理，所以回程先在12306買然後到站攞飛，都算可以盡用膠鐵的高速。
「甚麼情況下需要取票? 在香港訂了回程車票可以在内地取票嗎?
於港鐵提供的網上或熱綫電話購票，或透過指定代理購票的旅客，不論是去程或回程車票，必須於香港西九龍站取票。」
「在内地網站12306.cn訂了車票可以在香港取票嗎?
於内地網上或熱綫電話訂票，必須於内地車站或其他指定地點取票。」
又係柒，完全無互聯互通。
//依家究竟係乜嘢時代呀？仲要人排隊買票？上網唔得？學啲食肆咁用派籌機唔得？
排隊只是其中一個途徑，阿伯可能唔識上網啫（不過根據上文佢上網買可能仲眼火爆）
況且我城個網站咁柒，你係一定唔夠上12306搶的；順帶一提：上12306不一定係蝗民，大把傷民（包括我）只要有蝗國手機號碼同銀行戶口早就買慣買熟。
//更新车次数据库和车次开始售票是两个操作，并不是同时就行，这个情况只是车次数据库已经更新，但是该班次还没有开始售票。并且，12306是提前30日开始售票，30日内的车次数据应该都已经更新。
正解，只是今次情況特別，10號前不能賣飛，所以會有10號前純粹顯示30日內車次而不能購票的情況；而我10號前上過12306，車次其實顯示不全，但今日已詳盡顯示並可購買至下月9號的車次。
//記得呢種盛況只會出現係幾廿年前大陸春運列車買飛既年代囉！
而家仲有好多蝗民係唔識用12306的，亦唔知點解唔用身份證掃卡入閘，甚至唔用自助機掃身份證買飛，亦不一定是身份證未升級至二代。以下是幾個月前我在廣東某站排隊遇到的一件事：
我（排隊攞飛，吐槽中）：屌，點解仲有咁多人排隊唔用12306
突然前面有個有青擰轉頭，求助眼神用廣東話問我：我想問嗰邊啲機可唔可以買票？
我：當然可以，掃身份證就得，我用回鄉證掃唔到先要排隊。你係香港人？
有青：唔係啊。
我：咁你點解唔用自助機？
有青就走左去用機了。我心諗：睇你個樣都唔夠廿歲，點解會咁柒架$@*~xyz
當然佢識唔識用部機我就幫唔到佢了。
//話時話，其實係咪一定要買飛先入倒閘既呢？用支付佬／we7／百達㝫一嘟就上落車先計錢唔得嗎？
唔得，因為要實名制。而回鄉證並未支援掃卡識別身份。
//個App只提供資訊，而且部份會彈返落去用browser開！
刪除跟據我做website同app嘅經驗, 呢啲情況一係就係趕出街,部份screen flow 未做得切, 一係就係coding 遇到問題, 尤其是係買嘢個API 未能整合入個app 內, 所以一買嘢要高 high security 便飛返去website版.
//逼人站內消費
世事都給摩摩看穿了.
//完全無互聯互通。
學班有青話齋: 各有各做.
//上12306不一定係蝗民，大把傷民（包括我）只要有蝗國手機號碼同銀行戶口早就買慣買熟。
其實點解叫12306?
//睇你個樣都唔夠廿歲，點解會咁柒架
乜唔係依家個個蝗民都係活在手機應用程式中嘅咩?
//因為要實名制。而回鄉證並未支援掃卡識別身份。
忽然發現揸 return home card 才是二等公民...
冇記錯12306喺鐵路局電話號碼, 好多正苦熱線電話都係123開頭
刪除簡單啲講，拎住張垃圾return home card用唔倒國內既網站，而垃圾講鐵既伏務係差天共地。
刪除咁即係香港人要搭高鐵，基本上只有外國人待遇，所以呢條香港段真係起來都晒氣，原來基本上只係比大陸人落嚟用，真係失敗！
唔係，return home card是用到12306的，但前提是要有大陸電話號碼及銀行戶口（不論直接過數及微信支付都需要）。
刪除你可以話係要一個頗蝗化的傷民先用得到，對剩係攞住張return home card但好日唔返去的，就只能用個頗廢的巷鐵網站；不過12306只能在蝗國攞飛，所以蝗化都好但在我城出發，都係用唔到12306的.
返廣州撘和諧號動車可以用自助售票機, 原來高鐵唔得?
刪除屌，從來就只有廣深線動車啲機先support return home card，其他線我從未見過可以。廣深線某站年前係《一路向西》故事發生現場，當然對傷民持support態度勒。
刪除//冇記錯12306喺鐵路局電話號碼, 好多正苦熱線電話都係123開頭
刪除好似美帝咁，好多時都會用英文字母代替數字，例如曾幾何時，美帝大貓的電話號碼就好似係1-PREMIER咁。
//拎住張垃圾return home card用唔倒國內既網站
//前提是要有大陸電話號碼及銀行戶口
最近收到蝗國大貓來信，要我申報居住地作報稅之用，仲要搞乜鬼微信綁定，睇到我眼都突。
//對剩係攞住張return home card但好日唔返去的，就只能用個頗廢的巷鐵網站
正是在下。
//返廣州撘和諧號動車可以用自助售票機, 原來高鐵唔得?
//廣深線某站年前係《一路向西》故事發生現場，當然對傷民持support態度勒。
摩摩果然係巷慘片之王！
呀，剛剛睇新聞又留意倒樣野
回覆刪除https://news.mingpao.com/ins/instantnews/web_tc/article/20180910/s00001/1536547209977
//職員又提醒，若在開車前不足45分鐘才入閘，需聯絡港鐵職員，確定是否有足夠時間清關。
45分鐘前取飛的要求可能是因為清關需要吧？計番埋排隊等過關的時間，應該都快過東鐵不少的。
現在已經不是廿年前在羅湖老翻城外打蛇餅過關的時代，以一個尋常壯漢的步速，就算羅湖關，絕大部分時段都可以連10分鐘內完成由東鐵落車到步出大陸關，15-20分鐘已是低概率的繁忙度，超過20分鐘多數是有意外發生了。
刪除其實用坐船做比較，港澳碼頭啲艇仔到15分鐘前都會叫賣「即班即走」的，坐船都要落兩層，係比高鐵過少個大陸關咁大把，人地賣咁多年都未驚過你過唔切，你巷鐵懶貼心做乜？老弱婦孺腳程慢自己會計時間架啦！
可能45分鐘係計最 worst case 的所需時間吧
刪除記得幾年前經深圳灣入大陸，香港果關的確幾步路就過倒，但大陸關港澳人仕條隊打好長蛇餅的...
//45分鐘前取飛的要求可能是因為清關需要吧？
刪除//以一個尋常壯漢的步速，就算羅湖關，絕大部分時段都可以連10分鐘內完成由東鐵落車到步出大陸關
我舊年做跛豪時返過一次蝗，真係跛都可以在20分鐘內過到關。
//廿年前在羅湖老翻城外打蛇餅過關
//大陸關港澳人仕條隊打好長蛇餅
應該係一家大細死小孩，證件又過期又乜又七，加上當時蝗國未曾電腦代，靠班乜鈄著眼做又做36唔做就37的關員，就真係蛇都死。
//點解坐監會有假期扣減嘅?
回覆刪除判果個係最長要坐幾耐，行為良好最多扣三分一，鼓勵在獄中唔好搞事。拘留期間都計埋刑期
//屌，點解仲有咁多人排隊唔用12306
去我城郵局睇下，大把人仲排隊繳費 (包括交稅)，仲要未必係上年紀
//蝗國取票是可以5分鐘前都得
用電子票嘟QR code 已搞掂取票問題，同搭飛機一樣
/／行為良好最多扣三分一，鼓勵在獄中唔好搞事。拘留期間都計埋刑期
刪除所以都唔明點解貪曾好似好慘咁。
//大把人仲排隊繳費 (包括交稅)，仲要未必係上年紀
呢下嘢又係真心/／行為良好最多扣三分一，鼓勵在獄中唔好搞事。拘留期間都計埋刑期
所以都唔明點解貪曾好似好慘咁。
//大把人仲排隊繳費 (包括交稅)，仲要未必係上年紀
呢下嘢又係真心/／行為良好最多扣三分一，鼓勵在獄中唔好搞事。拘留期間都計埋刑期
所以都唔明點解貪曾好似好慘咁。
//大把人仲排隊繳費 (包括交稅)，仲要未必係上年紀
呢下嘢又係真心唔明。
//電子票嘟QR code
連老M都支援支付佬QR code 買包了，巷鐵落後成咁，真令人睇唔過眼。