新聞雜評（二百二十三）

警拘一男涉巴士上剪女乘客頭髮 2019/01/13 17:26

一名女子在巴士上懷疑被人剪頭髮，警方拘捕一名六十五歲男乘客。
城巴表示，一輛由九龍灣往華貴的 107 號巴士，早上約九時駛出紅隧往銅鑼灣時，車長接獲乘客通知，指上層一名乘客被人用剪刀剪頭髮，上層乘客合力制服該名手持剪刀的乘客及報警，車長在景隆街巴士站停車了解事件，其後交由警方處理。 
警方調查後拘捕一名六十五歲男乘客涉嫌襲擊致造成實際身體傷害，以及藏有攻擊性武器。據了解，該名男乘客案發時坐在二十五歲事主後方，懷疑因為事主的長髮觸碰到他，感到被滋擾，將對方頭髮剪短，他聲稱自己是髮型師，所以隨身帶備剪刀。

１. 呢單新聞真係搞笑！咁樣「長髮為君剪」都得！不過，呢位「髮型師」真係唐突了佳人（話哂人地都係２５歲卜卜脆），要知港女大好數都好 proud of 自己把長頭髮架嘛！剪就真係唔係咁好，可以試吓將港女的頭髮綁在巴土座位的扶手上都得嘅！
２. 魔術師自己在街上在港鐵（00066.HK）車廂上被港女用「水髮」揈過，好在上班時間，港女們的如果唔想用 pat pat 同陌生人打招呼，多數都會 set 好個頭兼且帶點洗頭水的香氣...當然，如果係大媽或者外傭（兩者都係嗶呢吧啦），就真係要速速遠離喇！

＊＊＊

旺角站縱火案警方拘捕一男子 更新：2019/01/14 00:06

港鐵旺角站昨日發生的火警，警方在長沙灣拘捕一名五十九歲男子，相信他用易燃物品燃點紙張，打算自殺，無意傷人，其後因為火勢太大，他受驚打消輕生念頭。
被捕男子五十九歲、黑布蒙頭，涉嫌縱火被警員帶走通宵扣查。警方檢走一批證物，包括打火機、煙盒、八達通及背包。警方指被捕男子無業，是退休人士，沒有精神病記錄，獨居於長沙灣元洲邨。初步調查相信他因為患病、年老及單身，原本打算自殺，用易燃物品燃點紙張引起火警，最後打消念頭。 
事發在星期六早上近十時，港鐵旺角站大堂近 E 出口地下有物件突然著火及冒煙，火警很快被救熄，沒有人受傷。警方指起火位置沒有閉路電視覆蓋，他們翻查天眼的行動，擴大至旺角站所有出入口，以及地面的閉路電視，逐一對比不同人的出入時間後，發現有幾個人行蹤可疑，最終追查至元洲邨，鎖定涉案男子。

３. Ｄ，人自殺你自殺，呢位阿伯真係連尋死都失敗過人，唔使講佢一生人都係咁失敗！去到港鐵站，要死的方法多的是...就是要自焚，就梗係要淋自己火水架喇！點會燃點紙張架？不過港鐵站多人，你死還死，連累到旁人就罪孽深重；計魔術師話就梗係搵埋販民，《十年之自焚者》咁，去門常開搞大龍鳳，以生命控訴７７７削減長者福利仲好喇！
４. 「警方指起火位置沒有閉路電視覆蓋，他們翻查天眼的行動，擴大至旺角站所有出入口，以及地面的閉路電視，逐一對比不同人的出入時間後，發現有幾個人行蹤可疑，最終追查至元洲邨，鎖定涉案男子。」嘩，黑警真係厲害！照計天眼片段的質素唔會好得去邊，真係唔知要唔知佢地用咗幾多人手，睇咗幾多小時的錄影片段，先能夠「鎖定涉案男子」呢？到時上庭，如果影片質素不佳，黑警證供又係估估吓，又會唔會俾個疑犯好似肥豬腱咁用「疑點利益歸於被告」去打呢（見《新聞雜評（二百二十二）》）？
＊＊＊

煥然懿居現逾八成申請者八九十後 更新：2019/01/13 18:36

市建局首置上車盤煥然懿居月初接受收表，一個多星期已經收到過萬份申請，超過八成申請者是十八歲至三十八歲的「八十後」和「九十後」。市建局指反應理想，又指項目對單身年輕人及年輕家庭有一定吸引力。
市建局以市價六二折推售首個港人首置上車盤煥然懿居，在大角咀的示範單位星期日下午都有不少人。市建局指項目反應相當不錯，過去一個多星期，已收到過萬份申請表。市建局行政總監韋志成在網誌撰文，指初步統計約六成四都是一人申請，約三成六則是家庭申請。 
市建局指超過八成申請者是介乎十八歲至三十八歲的「八十後」和「九十後」。屬於這個年齡層的家庭申請，則佔申請總數約三成。韋志成指可見首置對單身年青人與年輕家庭有一定吸引力。不少年青人都表示會靠父母付首期，然後自己供，不過有可能會有點勉強。 
市建局表示根據分析，一半申請者的收入都是剛好達到一人或家庭收入下限，即是二萬八千元與五萬七千元。約一半申請者的總資產淨值在六十四萬元或以下，韋志成推論申請者為數不少有較高收入，但因為儲蓄和資產關係，他們未能在私人市場置業。 
煥然懿居會在今個月二十三日截止申請，市建局表示會密切留意申請反應，完成銷售程序後，分析申請者特徵等，再檢視首置計劃，並向政府提交建議，為政府日後推行其他首置項目提供經驗。

５. 咳咳！呢對情侶真係...唔好話個女的扒扒地，兩人身高差咁遠，要拖手都唔係咁容易！
６. 竟然可以由「六成四都是一人申請，約三成六則是家庭申請」、「一半申請者的收入都是剛好達到一人或家庭收入下限，即是二萬八千元與五萬七千元。約一半申請者的總資產淨值在六十四萬元或以下」，推論到「申請者為數不少有較高收入，但因為儲蓄和資產關係，他們未能在私人市場置業」，真係奇怪。第一、以約３０歲的８０到尾一袋人來說，單人收入２８,０００，家庭收入５７,０００，大概不能說是「較高收入」，只能夠話係中中地偏低少少，未至於叫做「窮」咁解。第二、以呢個收入群組來說，根本就未夠實力買私樓，政府資助房屋正好提供了一個「置業階梯」，等佢地可以平平地慢慢供當儲錢。第三、如果連政府資助房屋都要「靠父母付首期，然後自己供，不過有可能會有點勉強」，咁就真係勉強無幸福；依家唔係「儲蓄和資產關係」，而係在我城生活，基本支出（衣食住行）連同唔太基本的支出（例如唔去旅行會死、得閒換下手機之類）令人儲唔到錢而已。
＊＊＊
伸延閱讀：
新聞雜評（二百二十二）
《十年（Ten Years）》之《自焚者（Self-Immolator）》：前人自焚後人花生