樓盤傳真 2018/12/15 2018/12/15 23:27七十歲的婆婆同工人姐姐一齊住，本身行得走得，但都要預咗會有坐輪椅的一日，所以就要設計Ｃ預先整定啲無障礙設施了！畢竟戶主年邁，將來回頭再幫襯的機會不大，設計Ｃ當然要斬得就斬：
買家轉買為租，業主轉售為租，始終拉扯租金向下跌，重貨區有啟德、將軍澳、荃灣西，近日均有劈租、鬥快搶租客情況，今次租金走勢，是否一如以往數次跌市般，跟足樓價跌幅？另觀塘大盤凱匯低價開盤，引出大批購買力，信置加價加推，是否帶動樓市止跌？
一千萬元、三房、九龍區，三大換樓盤要求，在目前市況下選擇範圍闊得多，今集到鑽石山站上蓋星河明居參觀一個三房一套最大戶型，分析下中高價樓走勢。
將軍澳南壓軸入伙盤 MONTEREY 入伙，平均租值較同期交樓的藍塘傲及海翩匯高出 8-11%，驗樓得分又怎分高下？
七十歲的單身女戶主，裝修家居希望加入無障礙設施，以助居家安老，設計師指單位是開拓銀髮市場的頭炮項目。
雍慧閣係單幢式物業，全屋８７３呎，三房一套加工人房，兩個人住，非常鬆動（左上）。設計Ｃ雖則話大搞無障礙設計，但防盜鏈和門鎖都係在正常高度，防盜眼亦唔係用「潛望鏡」模式，無話刻意遷就萬一戶主要坐輪椅時的需要，睇怕開門應門呢啲粗重嘢都係預咗由工人姐姐代辦（右上）。但睇真啲，除咗廚房門無端端改成玻璃設計之外，廚櫃底仲有伸縮板俾工人姐姐墊高一級站立，睇怕工人姐姐身材甚矮，咁大門防盜眼對佢來說又會唔會太高呢（右上、左下，右下）？
入到屋內，設計Ｃ開始顧及戶主將來有坐輪椅的需要，故此全屋地板都以耐磨防刮花的物料鋪成（左上）。客廳露台和落地玻璃採光度十足，不過遇着打風落雨，執拾戶外傢俱的工作又要落在工人姐姐的身上（右上）。設計Ｃ又用戶外木將露台地板墊高，跟客廳地面對齊，方便日後輪椅出入（左下）。盆栽後面懶細心咁鋪上透板，給戶主在外哂太陽唔使俾風吹親（右下）。
戶主對工人姐姐十分之好，唔使工人訓廚房內的工人房，反而俾間客房佢訓，不過設計Ｃ就將工人房變咗用趟門，兼拆埋連接書房（或客房）的牆，縮細咗工人房用來偷位造櫃（左上、右上）。成條走廊都係無門框，方便未坐輪椅的戶主將來以輪椅出入；兼且上下格櫃之間設有凹坑，以供戶主扶手；燈掣仲故意裝低啲，都係預咗戶主將來坐輪椅用，夠哂 robust（左中、右中）。之但係，咁多隱藏門，戶主一旦按錯位置，會唔會失重心ＰＫ嘅呢（左下）？戶主不時會有朋友上來探望暫住，設計Ｃ又在書房中造個反床，出奇地仲有個摺合式床頭板，叫做有少少靠山，算是比較用心之作（右下）：
設計Ｃ在書房／客房跟走廊設有第一道趟門（記者妹身處位置）作分隔，閂埋便可以書房／客房「心理上」納入主人睡房空間（左上）；如有客人留宿，戶主又可關上第二道趟門，跟書房／客房分隔，確保私隱（右上）。女戶主有啲料到，除咗主人睡房可三邊落床之外，仲擺有大型紫水間洞吸納財氣；加上老伴照片伴在窗台，俾太陽哂住背脊...（左上）。主人睡床還設有電動床頭板，十足十將加護病房搬入屋一樣（右下）：
最後，設計Ｃ將浴缸改企缸，唔使老人家跨來跨去咁危險，再將馬桶方向改側，擴闊通道，省回來的空間又可以用來造櫃（左上）。企缸門採用雙摺門設計，可供輪椅出入，十分新穎（右上）。企缸內設有摺椅，老人家坐係度沖涼都得，花洒都故意裝矮啲，方便坐係度用（左下、右下）...不過，由於節目無影客次，就唔知客次的潔具會唔會回復正常高度，以供工人姐姐及留宿的客人使用呢？
伸延閱讀：
香港房屋協會：「長者安居樂」住屋計劃
香港房屋協會：雋悦
淘宝有大把防盜眼，背後是個五至七吋螢光幕，甚至可以接駁Wi-Fi。這個設計師，似乎喺科技盲。嘻嘻！
回覆刪除可能設計C都同某些網友一樣, 覺得用電子嘢唔穩陣.
刪除