禪味佛系屋

女戶主要襌修，會唔會搞到男戶主欲求不滿架（３６：５１—４７：１７）？

樓盤傳真 2019/01/05 2019/01/05 23:53

2019 新盤巡禮︰推盤量介乎 15,000 至 26,000 伙，視乎市況如何，五大重貨區面對推盤壓力大，打頭炮是大埔的天鑽，只敢貼市價開出，以價換量。而首個港人首置上車盤、馬頭圍的煥然懿居，暫定六二折定價，但折算市價後，比私人樓凱匯貴，而且有五年轉售限制，究竟是否入得過？
新盤由大埔區掀開序幕，對同區二手氣氛有一定影響。參觀區內對上一個千伙大盤嵐山，二手盤開始減價出售。兩年多樓齡、可以即時入住，或有資格與新盤對壘。
2019年首個驗樓盤，信置粉嶺囍逸，位處聯和墟，主攻細單位。樓盤未過 SSD 禁售期，已出現首宗二手轉售，對比放租有 3 厘以上淨回報，反映部份投資者意向。
太太禮佛兼有禪修習慣，丈夫也有供奉祖先的要求，要把家居設計融合宗教信仰，設計師用了17種物料，營造禪味十足的家居。

單位戶主兩夫婦與工人同住，仲養咗三隻狗仔（但係無出鏡），但係女戶主又有禪修禮佛的習慣，故此便以１,１９３萬買入了這間位於一樓望向內園，，附設大露台，較為寧靜（？）的單位。可是本單位向東，下午較暗，設計Ｃ便又有得借啲易搞呢搞路：

本案單位８７３呎，但竟然就間了四房一套，可見每間客房都十分迷你，唔實用（左上）；於是設計Ｃ便將好地地一間新屋的所有客房間牆拆去，製造建築廢料之餘，將兩間客間合成成為開放式工作間，並升高地台；又將細客房（儲物室？）跟主人房打通，成為衣帽間並納入走廊通道，擴闊主人房（右上）。廚房次所設備新淨，不用修改，但就連浴屏都無裝，呢個年代新屋仲用浴簾，實在難以想像（左下、右下）：

露台設有戶外傢俱，可以供戶主夫婦享受人生（左上、右上）。全屋以木系、金系設計，走佛系簡約路線，所有房門櫃門都係以隱藏式設計，又栽種有植物，製造寧靜和詣氣氛（左中、右中）；但客廳中央的金色裝飾櫃卻裝滿烈酒，要知酒肉穿腸過，真係罪過（左下）。至於金光閃閃的效果，當然就要交俾射燈處理（右下）：

書枱面由原條樟木造成，電腦旁仲放咗個佛頭；金光閃閃的矮櫃上有疑似係達賴喇嘛（ＤＬＬＭ）張相（誤）、同埋一個用來化緣的缽來做裝飾，再延伸過去是一個入牆式的神位，男戶主仲可以對住神位做健身添（左上）、（右上）。所有櫃桶都同埋地台櫃都係用無手抽設計，貫徹簡約風格（左下）。而更離奇的是，在工作間的天花設有路軌，記者妹話如有客人留宿，可以掛上布簾打地鋪咁話（右下）：

走廊與衣帽間中間的間牆其實係個共用櫃，兩邊都有門對穿，用來放些日用品（包括次紙），設計Ｃ話咁樣工人就唔會打擾到戶主，保障到戶主私穩咁話（左上、右上），就係唔知工人使唔使幫戶主洗次所？衣帽間有幾層嘅櫃，可以見到男戶主有勁多眼鏡，而女戶主都唔係一名尼姑，隨了有幾串念珠之外，仲有唔少首飾（左中、右中）；另外一面牆有金色梯子用來掛手袋同埋放高跟鞋，仲有全身鏡幫手作打扮，明顯兩夫婦都十分着重副臭皮嚢同埋名相，十分入世（左下）。主人房升高地台，床頭板又係金箔色，十分大雄寶殿 feel（右下）：

成間屋唔知有乜空間俾狗仔活動，唔通要訓露台？