大貓延期年金計劃

近日政府落實有退稅優惠，既然有糖分俾客戶，一眾保險公司自然磨拳擦掌，延期年金計劃又炒得火熱。網友 June 亦提到提到可以考慮滿45歲時買大貓的延期年金計劃，話有人壽保障同埋退稅優惠咁話。當然，C9王國中的反保險主將就持相反意見，謂：

小心執條襪帶累身家~
唔好貪小便宜，保險公司便有好嘢㗎~

數字不說謊，魔術師作為數怪，自然就有興趣去計吓佢，睇下誰是誰非，好過憑空猜度。
根據 June 所說，要在45歲時夠資格買的，應是聚富入息延期年金計劃（盈達延期年金計劃要在46歲才開始受保）。

大貓提供了以下例子作參考：

魔術師從頭 validate 一次，假設 Simon 係以年供方式繳付保費，而日後則是每月收取年金。免稅優惠以單人計算，並在繳付保費後的下一財政年度入賬，攞盡我城偽中剷的最高稅階17%。由於資料不全，特別獎賞又是非保證的，於是假設為$0：

計算得出 IRR = 3.28%，比大貓官方數字 3.45% 低少許，應該是大家假設不同所致：

假設我城通脹率為2.6%，魔術師自家計出來的實際回報率為0.68%（=3.28-2.6），真係似有若無。呢個已經係計咗非保證回報；而實際分紅分到幾多，真係木宰羊：

Worst case 如果非保證回報係0，最終回報率為0.37%，即係倒輸：

再做多個 scenario analysis，如果無得扣稅，名義回報率跌到得返2.73%，即實際回報率為0.13%。咁即係話個回報基本上係因為退稅而來（但其實我們不應只因有得扣稅而去做投資）。如果無特衰正苦幫手，個產品可以話完全係廢嘅，只能夠話可以保本抗通脹：

至於「附送」嘅人壽保障，大概可以用大貓自己的 term life 去模擬。假設 Simon 在2019年4月滿45歲，即係話佢係在下1974年出生，以約10萬元帝幣（即77.5萬我城貨幣）的保額來說，非吸煙者每月保費為$133.88(或每年$1,606.56)。當然，保費會隨 Simon 年紀上升而增加，有興趣的讀者可自行計算。雖然話呢個 term life 亦唔能夠完全模擬到延期年金「附送」的人壽保障，即便如此，魔術師都可以幾肯定在呢個延期年金產品中已 price in 了有關保費：

(圖片來源：匯豐 > 定期壽險 > 即時報報價, retrieved on 8 Apr 2019)

另外，要留意的是：
1. 額外意外死亡保障係要受保人在（1）80歲前（2）因意外死亡，才可以多30%保障額。唔係意外唔死得就無得賠了。
2. 末期疾病就只去到65歲，方可提前索償。
3. 失業保障方面反而足夠。傷民大都唔使做到65歲便可以退休或打風流工唔使憂兩餐的。

「附送」埋啲咁嘢，實唔實用，真係好見仁見智了。
＊＊＊
參考資料：
「滙豐聚富入息延期年金計劃」產品冊子，retrieved on 8 Apr 2019
＊＊＊
伸延閱讀：
六月媽媽：延期年金計劃
C9王國 > 家庭理財：[積金保險]合資格延期年金保險, 每年可享最多6萬元扣稅, 大家點睇?#16

（圖片來源：香港統計資料＞物價＞概述，retrieved on 31 Mar 2019）