流浪蝸居

今個案例個重點唔係間屋嘅設計同埋收費，而係設計Ｃ個造型（３５：１０—４６：１３）！

樓盤傳真 2019/03/23 2019/03/23 23:13

近一個月，樓市需求重現，但註定好淡爭持。首先，銀行雖然一個月之內，調升十大屋苑估值 2% 至 7%，但部分單位的成交價甚至已超越銀行估價，買賣雙方重新拉鋸。而銀行透過提升物業估值兼破頂現金回贈，爭取客戶加按及轉按，但兩、三年前，以高溢價開售的新盤，如今根本難以轉按。 
南區豪宅市道，紅山半島連環有投資者沽售洋房，資金會否轉投回報率較高的高座分層中型單位？今集參觀屋苑入門兩房放盤，享有大潭港一線自然景色。 
筲箕灣形薈入伙，樓盤主打兩房，仍是開放式廚房格局。留意入伙後租盤量大佔四、五成，計及管理費差餉物業稅等雜項，部份租務成交，租金要上升三成才平手。 
一家三口住 300 多呎單位，廚房廁所原封不動，能改動的空間只有 200 多呎，要劃分客飯廳、兩睡房，設計採用了空間互補的方法，將客飯廳傢俬隱藏在睡房地台。

話就話２４萬裝潢費，但其實廚廁都無掂過；真正裝潢的空間只有廳同房，面積只有２００呎，造型十足流浪漢設計師 He-man（誤）的收費其實係每呎＄１,２００：

原則雙房頗細，放得床又放唔到櫃，廚廁分隔係主力牆又唔改得做開放式（左上），流浪漢設計Ｃ唯有將兩間房打通，將其中一間房的門口搬入大房，再升高地台以提高收納空間（右上），仲可以將地台用來收藏長椅同埋電視、網絡儀器（左中）。廚房無改動（右中），廁所只係加個櫃（左下），而露台則是戶主ＤＩＹ翻身（右下）！

窄長的客飯應前後一眼睇哂（左上、右上）。男戶主鐘意沖一個人咖啡，三部咖啡機已經霸佔咗半個櫃，如果要食飯就要將收在主人房地台底下的長椅與及藏在櫃中的一塊板作枱面（左中、右中）。隱藏式長椅可以收埋囝囝的玩具，例如蜘蛛俠頭套（左下）；而咖啡機上層就用來擺男主人旅遊時買來的戰利品（右下）：

客飯廳的收納空間唔大，來來去去都係幾個櫃，呢啲就係「簡約」的代價（左上）。拉開客廳工業風的趟門（右上），便見到升高了兩級的地台（左中）。阿囝間房與客廳以條子玻璃分隔，既可引入光線，又能保持私隱（右中）。主人房與阿囝房以趟摺門分隔，同樣以條子玻璃分隔；咁樣即使爹地媽咪在房中扑嘢，阿囝都只能看到隱約的身影（左下、右下）：

因為主人房太細，雙人床只能貼牆放（左上）。另外轉角窗前裝有 projector，可以供男女戶主一齊睇吓ＡＶ做前戲再扑嘢，真係蝸居得來夠哂有情調（右上）。男女戶主共用一個衣櫃，個衣櫃仲可以深入地台（左中、右中）。阿囝間房只係得幾個咕𠱸，唔通玩日式訓塌塌米（左下）？最後，流浪漢設計Ｃ使出絕活，就係在阿囝房地台空間用來放電視盒同 router，用來慳返客廳的空間唔使擺電視櫃；而阿囝就晚晚食幅射，睇下會唔會變 spiderman。