2019年4月27日 星期六

佔中通識(五十二)之活出精彩人生

戴耀廷陳健民囚十六月朱耀明緩刑 更新:2019/04/24 18:23

佔中案判刑,四人要即時監禁,包括佔中三子的戴耀廷及陳健民判入獄十六個月,而朱耀明獲緩刑,可以離開法院則有五人,除了陳淑莊因腦瘤押後判刑,其餘四人獲判社會服務令或緩刑。
佔中三子和另外六個被告早上一起到法院,家人、支持者到場聲援,結果戴耀廷、陳健民都由囚車載走、即時收監。法官指判刑時已考慮兩名大學教授有良好品格、示威和平進行,減刑後兩項控罪判監禁十六個月和八個月、同期執行。同一架囚車離開的,還有邵家臻和黃浩銘,黃浩銘面露笑容。
目送他們離開的,有獲戴耀廷和陳健民為他求情的朱耀明,一項罪成的朱耀明雖然都判囚十六個月,但獲緩刑兩年。法官指是擔心他年紀大、身體不好,過去三十年服務社會,有良好品格、是很傑出的人。法官又被朱耀明在庭上親自讀出的陳情書深深感動。
四名即時入獄的被告被押送到荔枝角收押所,戴耀廷及陳健民兩人鎖上手扣、最先下車,兩度望向在山上的傳媒。邵家臻和黃浩銘之後下車,則做手勢示意。

1. 「唔知係邊度出返嚟」嗱!呢啲咪叫煽惑囉!係度暗示自己打直入打橫出,即係一係被囚友打死,一係被獄卒扣折磨而死喇!否則以我城監倉對囚友的福利而言,有乜頭暈身㷫都會送你入院,咁易捱唔住?
2. 「戴耀廷及陳健民兩人鎖上手扣、最先下車,兩度望向在山上的傳媒」哇,戴當家對鏡頭真係敏感嘞,當哂自己係明星咁,一定唔會怕俾人偷怕喇!
3. 魔術師最睇唔過眼就係三恥成日話呢個正苦好黑暗,又話要感召人心,又話無畏無懼,咁點解仲要上訴呢?正苦的控罪愈無稽,就愈顯得正苦不義,要打壓佢地呢班「政治犯」,豈不是正中三恥下懷?佢地都係想感召人心,多啲港豬覺醒啫,無理由要上訴架喎!

3. 又話社會黑暗,又話戴陳兩人係天上的明星,生命充滿光輝(人生必定很精彩)...呢位老牧師寫嘢真係最識得煽情催淚,勁過韓劇。難為假法人都睇完佢成篇《敲鐘者言》,仲要「大受感動」,認真辛苦哂!
***
陳淑莊腦部做手術押後六月十判刑 更新:2019/04/24 18:23

佔中案判刑,案中三名前任或現任立法會議員,只有陳淑莊要押後到六月判刑,因為她最近才發現腦有「比乒乓球大」的腫瘤,要盡快做手術。
三名現任或者前任立法會議員因為佔中案聚首在法院門外,但三人結果不一樣。兩項罪成的邵家臻被判囚八個月,曾經做過議員的李永達同樣被判囚八個月,但緩刑兩年。法官指考慮到邵家臻良好品格、扣減一個月,兩項刑期同期執行。而他立法會的議席亦可能受影響,因為連續三個月缺席會議而沒有合理解釋,主席可以宣布他喪失議員資格,主席梁君彥指暫時未決定。至於李永達,法官指考慮到他過往超過三十年投身公共服務,認為要回饋他的貢獻,決定判處緩刑。
一起離開法院的還有現任議員陳淑莊,不過她是因為四月初做全身檢查時發現身體出問題,她指醫生形容情況複雜及有生命危險,必須一、兩個星期內做手術,暫時亦未知腫瘤是良性或惡性,律師申請押後判刑。法官同意陳淑莊的理由,將判刑押後到六月十日再處理。

4. 有無咁啱呀,戲子陳?臨坐監就嚟腦生瘤?呢幾個月仲見佢行得走得成日串特衰正苦架喎!魔術師仲好記得當日佢去西九膠鐵站驗屍咁驗嘅嘴臉,仲話「好擔心」洗頭列車會跳班老解出嚟周圍捉人。戲子陳吓吓都懷疑呢樣、擔心嗰樣,魔術師都「好擔心」、「好懷疑」佢嘅病情係做假架喎?如果唔係,話哂會有生命色險,點解佢唔一驗到有事就馬上辭去垃圾會議員職務,專心養病呢?係都要等到上庭先嚟講?
5. 「法官指考慮到邵家臻良好品格」唔同意!魔術師再重申一次,小膠樽當年謊報軍情,藉此策動龍和道大混戰,真係睇唔到佢品格有幾「良好」喎!
6. 「連續三個月缺席會議而沒有合理解釋,主席可以宣布他喪失議員資格,主席梁君彥指暫時未決定」學《銀河英雄傳說》中同盟議長特留尼西特的投票哲學,明知公投只係由(愚)民粹主導,投出嚟的結果必定搞到一鑊粥,咁就不妨公開投反對票,即使一時落胸,長遠反而可以獨善其身,爭取政治籌碼。梁君艷醒嘅就唔好將班販民趕狗入窮巷。
***
張秀賢鍾耀華輕判黃浩銘即時入獄 2019/04/24 18:24

佔中案判刑,三名最年輕的被告各有不同結果,兩名學聯前常委張秀賢及鍾耀華獲法官輕判,黃浩銘則唯一不獲減刑,判即時入獄。
兩名案發時只有二十及二十二歲的被告、學聯前常委張秀賢和鍾耀華判刑後一起步出法庭,張秀賢穿上當年學聯 T 恤。法官指張秀賢案發時是學生、年輕且缺乏人生經驗,考慮求情後給他一個改過自身的機會,接納感化報告建議,判處二百小時社會服務令,亦是案中唯一一名被告沒有判監禁。同樣兩項罪成的鍾耀華雖然沒有求情,但法官同樣考慮他年輕,決定給他一個機會,判囚八個月、緩刑兩年。
至於案發時二十六歲的黃浩銘,針對他在分域碼頭街的公眾妨擾罪兩項罪成,不過法官指那裡的佔領規模影響相對小,但就沒有任何求情因素,決定判囚八個月、即時入獄。各被告之中只有黃浩銘有案底,他亦是唯一一個法官沒有為他扣減刑期。

7. 年青真係大哂。你睇肥仔張同埋瘦佬華個表情,就知佢地根本就唔會反省,俾機會佢地都係白饒。由於全城都知道佢地個朵,佢地已經無可能從良做返個平凡的打工仔或生意人,社混路亦只有硬着頭皮走下去,出入監倉當係食生菜!
8. 肥仔張話無人願意坐監,坐監並唔係光采的事,佢咁講就錯嘞。站在肥仔張隔離的戲子陳是公文袋人,其袋魁楊ONQ正正就推崇「坐牢令人生更精彩」論;而9人中的蝗好瞑開口閉口都話「社混是走向監牢之路」,有監可住都唔知幾自豪,就如梁山好漢臉上的金印刺青一樣,係你肥仔張貪生怕死唔識欣賞啫!
9. 「各被告之中只有黃浩銘有案底,他亦是唯一一個法官沒有為他扣減刑期。」呢條蝗好瞑成日都好似對坐監好有自豪感咁,睇嚟最 buy 楊ONQ的「精彩人生」論的就係佢,真係無理由唔俾佢求仁得仁架!
***
法官指案情已不符「公民抗命」 2019/04/24 19:37

佔中案判刑,四人要即時監禁,包括佔中三子的戴耀廷及陳健民判入獄十六個月,而朱耀明獲緩刑,可以離開法院則有五人,除了陳淑莊因腦瘤押後判刑,其餘四人獲判社會服務令或緩刑。法官判刑時,有否考慮「公民抗命」這個因素呢?
法官陳仲衡表示,案件所構成的公眾妨擾,無論在時間、地點、人數等,都屬於嚴重罪行,程度遠超同類案例。雖然三子指「公民抗命」時會考慮損害是否合比例,但法官認為他們用的標準錯誤,為了爭取普選,呼籲人長期佔領中環及金鐘,最後演變成大規模阻路,案情已不符終審法院在黃之鋒案所界定的「公民抗命」。
至於警方出動催淚彈這一幕,法官指被告沒可能預計不到,只是影響出乎他們意料。法官又提到戴耀廷說過,佔領期間見到很多感動畫面,但法官指事件其實有另一面,便是阻路對公眾造成極大不便。
法官指九名被告都毫無悔意,所指的悔意並非要他們放棄政治信念,而是為自己對公眾造成的不便致歉,但公眾得不到應有的道歉。法官相信九人並非為貪慾或錢財犯案,但考慮到案件嚴重性,除了最年輕的張秀賢,其他人都有需要判處監禁。
律政司回應佔中案,表示會研究判刑理由和主控官的報告,再決定是否需要跟進。

10. 「法官認為他們用的標準錯誤」、「法官指被告沒可能預計不到」哈哈,假法人今次真係「一招殺敵」。上次假法人話三恥太天真,陳教授卻說「有乜嘢比相信一國兩制更天真呢?」,一旦被人KO就係顧左右而言他,呢啲就係黃C慣技。
11. 「為自己對公眾造成的不便致歉,但公眾得不到應有的道歉」假法人唔通唔知道呢個馬屎撈金字塔?站在金字塔頂層,已經覺醒的佔派要向最底層,只係識食、痌、訓、扑的豬道歉?開玩笑!呢班只懂「搵食」嘅豬根本不配稱之為人,只係地底泥,佢地應該感謝佔派的犧牲,而唔係反而要佔派道歉!
(圖片來源:舊文《佔中通識(二十三)之看圖釋歪理》)
***
伸延閱讀:
佔中通識(五十一)之生於亂世,有種責任
佔中通識(二十三)之看圖釋歪理

19 則留言:

  1. 四條粉腸入冊,洗唔洗檢查肛門之內有冇藏毒既呢?

    回覆刪除
    回覆
    1. 應該要吧? 呢啲叫程序公義啊!

      刪除
    2. 哈哈佢地又會唔會好似河童咁去投訴要除晒衫做咁多花式呢?

      https://news.rthk.hk/rthk/ch/component/k2/1439744-20190124.htm

      黃之鋒庭上表示,2017年10月由壁屋懲教所轉倉到東頭懲教所,脫光衣服搜身檢查時,被懲教人員「摸身」,並要求他裸體蹲下回答問題。黃之鋒引述懲教署職員說,要求他蹲下是因為東頭懲教所用「踎廁」,要看看他蹲下時有沒有困難。
      黃之鋒又說,裸體後要做不同動作,例如要蹲下檢查下體和肛門、背向懲教職員單腳站立檢查腳掌,並要赤身蹲低以45度角抬頭回答懲教人員的問題近5分鐘

      刪除
    3. 哈哈哈!笑死我!爆菊都叫程序公義。

      刪除
    4. 黃之鋒的描述,似是做契弟的基準試。嘻嘻!

      刪除
    5. 俾全身赤裸的痴瘋仔由下而上含情脈脈咁望住真係好難頂架!

      刪除
  2. D犯人會識對鏡頭笑,真係閃亮人生。
    小膠樽仲想伸請出席垃圾會,若佢仍可出席,就可繼續收垃會人工。D二線梯隊謀住個位,今次又來籠裡雞造犯

    回覆刪除
    回覆
    1. //小膠樽仲想伸請出席垃圾會,若佢仍可出席,就可繼續收垃會人工。

      DK!又話糖尿眼又話高血壓, 仲咁搏為乜? 我真係未聽過有坐緊監都可以照上班返工逗人工嘅囚犯!

      //D二線梯隊謀住個位,今次又來籠裡雞造犯

      成日話殺人政權啲長老退而不休,班販民咪又係咁!

      刪除
  3. 佔中終於告一段落lu~

    心中有理想是非常好的,但每人心中理想都不一樣,區分「對錯、是非、好壞、道不道德」,只是其中一種表達方式。更好嘅方法可能是「是否行得通」的觀念,如果經驗告訴我們此路不通,最好作出調整,尋找行得通嘅方向和行動。

    當年如果鄧小平堅持在香港實行社會主義,大概也不能和平收回香港。同樣,持繼地癱瘓交通以達到自己的政治理想,在香港也不是一個行得通的方法。

    回覆刪除
    回覆
    1. //佔中終於告一段落lu~

      未完, 仲有上訴呢!

      //持繼地癱瘓交通以達到自己的政治理想,在香港也不是一個行得通的方法。

      「持續地癱瘓交通」跟「實現自己的政治理想」邏輯上無必然關係. 如果係以「脅持人質」的概念去威逼政府就範的話,相信世界上無一個政府會答應.

      //如果經驗告訴我們此路不通,最好作出調整,尋找行得通嘅方向和行動。

      黃C的可惡之處就在於, 經驗告訴我們此路不通, 都依然要其他人跟佢地一齊撼頭埋牆, 美其名謂「唔試過點知唔得」(又唔見佢地「試吓」跳樓?), 一係就浪漫化自己為硬撼高牆的雞蛋、明知不可為而為之, 似係傳教多過真係為人民; 再唔係, 人地唔同意佢地, 班黃C就會話人係「裝睡/未覺醒的豬」,唔配做傷港人. 呢種狹隘的排他性, 明顯跟民主思想背道而馳, 查實只係佢地想奪權做皇帝而已.

      刪除
    2. //未完, 仲有上訴呢!//
      唔會完。仇恨萌芽,點會咁容易化解?有排演化。

      //「脅持人質」的概念去威逼政府//
      //黃C的可惡之處就在於, 經驗告訴我們此路不通, 都依然要其他人跟佢地一齊撼頭埋牆//
      班傻瓜根本唔覺得自己係「脅持」,而係為我哋「犧牲」。所以佢哋係唔覺得自己錯。你同佢哋講我唔同意你哋,佢就話我哋被洗腦呀!五毛呀!剩。反正就只有佢哋啱晒。佢哋心目中嘅民主只係工具用嚟迫其他順從佢哋,至於其他人諗咩都係唔重要,唔需要尊重,因為只有佢哋先係啱晒。一班自以為是嘅小學雞,野心大,能力小,成日覺得自己懷才不遇。整咗個大頭佛出嚟又怕樣衰,賴呢樣賴果樣。

      C 嬸

      刪除
    3. //係為我哋「犧牲」

      所以要搵牧師來傳教,講到自己好似就嚟俾殺人政權釘十字架咁。

      //佢哋心目中嘅民主只係工具用嚟迫其他順從佢哋

      因為人人都覺得「民主」是件好東西,多人支持投票自然會贏;所以乜都好,將之包裝成「民主」就可以吸引民眾支持。

      //整咗個大頭佛出嚟又怕樣衰,賴呢樣賴果樣。

      乜唔係愈大冤情愈易感召人心咩?做乜要賴三賴四唧?

      刪除
  4. 法官大人鐘意就作啲理由自圓其說減刑/放人,什麼標準都是大爺說了算,甚至有圍威喂放生當做人情之嫌,就像香討啲版主ban account的準則一樣,真係唔知可悲定可笑。

    回覆刪除
    回覆
    1. 用陪審團仲衰,到時成班黃C,隨時好似天哥同班 friend 咁全部被判無罪。

      刪除
  5. 魔兄驚唔驚飯民靠《逃犯條例》反底?

    回覆刪除
    回覆
    1. 出嚟遊行班人未必同《逃犯條例》有關, 可能係班黃C唔服9死士的判刑, 畢竟佢地講嘢夠哂煽情, 而我地中剷濫情的眼淚就最廉價.

      我依家反而希望正苦可以drop 咗《逃犯條例》, 唔通過就算,反正係民意所歸, 唔好俾藉口班黃C去搞事.

      刪除