水電鋪的貓仔（十三）

小學都學過，貓科係夜行性動物，畫伏夜出，日頭睡大覺，夜晚才走出來活動，而水電貓就是其中的典型，佢幾乎都訓到中午都唔起身的（可能有飯食會醒一醒）。可能係因為佢窩在床裡捲成一團貓餅的睡姿實在太可愛，店家主人特意把床仔放回鋪內，避免途人撩醒佢。水電貓發起惡來隨時會咬人的！

難得日間見佢在人字型坐係門口舔毛，魔術師便走去望下佢，點知隻衰嘢一感覺到有目光便馬上停下來怒睥返轉頭。搞到魔術師要扮望其他嘢，好一會後水電貓放下了戒心，繼續梳毛，才影到呢幅相。

某夜，魔術師返回龍門居食街「掃街當晚餐」（其實都係打包拎返屋企食，雖然要搭車，但返到屋企啲食物都仲係熱的），一落車便見到有個嬸嬸蹲在已關門的水電鋪門前哄水電貓。原來這天水電鋪關門後，沒有帶貓回家，獨留貓仔看鋪（也可能是關鋪時水電貓出外視察，未及返歸），似乎十分危險，但看來這種「散養」方式也是懶了的，鋪面留有一小洞可以讓水電貓自由進出。唯一的危險除了是有歹人會將水電貓捉走，便是怕食環在附放毒餌滅鼠，水電貓容易誤服出事，呢一點鋪主應該會留意嘅。

見水電貓在鋪前左望右望，魔術師走埋去睇吓。今次佢無話惡恨恨，反而喵了一聲便走來在魔術師腳邊轉了一圈，挨了一下，留下氣味宣示主權。

魔術師買完吃的便歸家去了。翌日早上再來，見水電貓安然無恙，又在大覺訓。