大角咀見聞１. 真係估唔到呢位讀者就連「街友」都關心起來，只是不知這位「街友」在冷雨夜會否遇上不測（或者去咗訓通宵老麥？）。講到此處，魔術師當然就想起二伯父早年因出門丟垃垃時無帶鎮匙，結果給風吹關上了門，搞到要找鎖匠破門；最後二伯父因抵受不住野蠻村婦妻子的臭罵，離家出走在外過了一夜，就此終了一生之事（見舊文《鬧死》）。如果無呢單嘢，魔術師都未必會咁推祟電子門鎖（見《Low tech 公主屋》）。
數年前，有一段時間短居於大角咀，經常在上下班的途中，遇見一位街友（露宿者）。他正值壯年，看上去和常人無異，我感到有點奇怪，以他的年紀，照計在香港要搵一份正常職業，並不困難，雖然租金貴，總不至於流落街頭吧。當然每個人背後都有一個的故事，而且可能當事人未必肯講。
我每次經過只是匆匆一瞥，見他常在一個小推車上放上所有的家當，在街頭推來推去，但從來未見過他向別人要錢。夏天，有時見他短褲拖鞋，手中一罐啤酒，倚靠在路邊欄杆，慢慢地品嚐著；有時則見他坐在店舖門口看報紙；天氣稍涼，仍舊是一對拖鞋，但身上會多了一些衣服，應該是撿來的，因為有一次看到他在小販檔附近的垃圾桶裏翻找舊衣服。
我覺得他彷彿活在自己的世界裏，因為我沒見他和別人有交流。
那一年過年，天氣特別凍，還下著冷雨，看到他在我家斜對面大廈騎樓下避雨睡覺，當時店鋪因為過年未開檔，街上頗為清靜。第二天晚上，我打算給他一封利是，但當我去到的時候，雖然只是晚上九點多，他已裹著棉被，安靜地睡著，因為他是平躺，在街燈下能清晰地看到他的臉，是一張舒展的面容，雖然當時下著冷雨。
我心想明天一早再來吧，便打道回府。第二天早上再去時，當時雨已經停了，但他已人去「樓」空。而且再也沒有看過他在那兒打地舖睡覺了。
有一首歌，是小童與老人之間的對話，而其中一句歌詞是這樣寫的：
小童：「為何漂亮的花兒會凋謝？」
老人：「因為那是魅力的一部份」。
為何有人選擇去過別人不想過的生活？
可能因為這經歷是生命的一部分吧。
不管是天上飛的小鳥，還是水中游的魚兒，上天都把它們照顧得好好，更何況人類。對於一個街友，他們需要的，有時可能只是一份尊重吧。
２. 記得在《窮富翁大作戰》中好似提過，某些身心健全、因為生意失敗欠債走路流落街頭的「街友」依然係難搵工作，主要原因係佢地無固定地址，唔好話搵啲會用銀行過數出糧嘅工，就連做外賣仔都唔係咁易，始終老闆會覺得難搵到呢位「職員」也。順帶就諗起子華神呢個笑話：
３. 講起地址，魔術師最近轉按（其實申請其他服務都遇過）時，就遇上要向按揭銀行（即係小貓）提供「地址證明」呢樣咁搞笑的要求：魔術師話哂都係小貓銀行的長期客戶，由大學畢業開始便持有鄉大信用卡，搬咗屋亦有更新住址，咁點解仲要多此一舉問來問去呢？更何況，依家水電煤各項公共、商業機構都提倡環保，用電子結單結賬，邊得閒 download 張單落嚟再 print 俾佢地睇呢？當銀行職員幫魔術師開戶時提出呢個「住址證明」的要求，魔術師即時就話唔合理，叫佢地自己 check；開戶職員要去請示經理，搞一輪之後才可以 waive 咗呢個咁鬼無聊程序（Know Your Customer (KYC)？），真係拎時間來唗。
４. 最後，流浪貓就會有有心人撿回去收養，但流浪漢就唔會有咁嘅情況。想避免墮入無地址無工做要訓街的無限 loop，真係死都要死幾千蚊出來搵「有心人」租間劏房住。下篇再續。
＊＊＊
伸延閱讀：
Low tech 公主屋
鬧死
很多流浪漢是有精神病的。
回覆刪除好多傷民都有唔同程度嘅精神病，嘻嘻！
刪除