「無盡少年已失美夢，像我一樣夢已空」

日前客席主持摩摩寄來一段短片，甚為推薦：

魔術師破例花咗差不多３０分鐘聽完，其實佢講嘅嘢，好大部份都同魔術師咁多年來一直寫嘅 points 都差唔多（所以魔術師才有心機聽得完）。魔術師咁多篇都只係 on and off 咁寫，而佢要在半小時內講完，其實無乜可能：要講得 organised，份稿仲需要改善，同埋如果講者仲可以講得流利啲就更好。


１. 一開頭，講者質疑無大台的說法：為何區選前勇武忽然會消失哂呢？
魔：依照拉燈網當時的文宣來看，對個別事件，似乎抗爭者真係可以在「無大台」的情況下有「共識」的 — 尤其是蛇齋黨成日打開口牌話想因為有暴力事件，會令選舉不公，所以想正苦延期。販民、黃Ｃ、勇武同仇敵愾，都係唔想俾建制派贏，三方面可以達成共識並不出奇。

２. 講者認為販民、黃Ｃ、勇武係三種人，目的不同，做事方式不同，要「解決」呢班人的「訴求」，係要有唔同的切入點。
魔：可惜講者只係講咗黃Ｃ會係下一集講（見伸延閱讀），對販民和勇武的「解決」方法卻無詳細解釋。

３. 上圖嘅講法，可以話係同魔術師一向講嘅嘢無分別。不過，魔術師一向都假設「真・無大台」，而講者的意思，其實係認為有大台，而「大台」其實就係背後的黑手，將呢場運動設定成不可能成功。
魔：魔術師的理解是以「無大台」（即「誰也不代表誰」）、「缺一不可」、「核爆都唔割」等口號，去綁死抗爭者，將談判空間減到最低；令抗爭者認為在不讓步的情況下令正苦跪低，才叫做「贏」。而因為前線抗爭者（勇武派）真係「未贏過」，呢個 proposal 對佢地嘅吸引力真係好大，所以便真心相信「無大台」，結果就係被「大台」搵了笨都不自知。

４. 講者再解釋為何個設定係故意令到個「運動」（爭取訴求）不可能成功：就係勇武派並唔係針政權，而係對異見人士的打砸燒、刑毀傷人，要以傷害平民來逼政府就範。因為唔會有政府會向呢類「恐怖主義」低頭，所以運動個真正目的不是「爭取訴求」，而只係「撕裂社會」。
魔：魔術師不得不承認呢種想法頗為新鮮，「真・大台」的真正目的是「撕裂社會」，而「爭取訴求」只是欺騙抗爭者的一服催眠藥。

５. 講者指出拉燈網總係有解釋唔到，唔知點樣爆出來的活動日程表。究竟是誰制定？誰吹雞？和平示威之後，總有勇武出來打砸燒、刑毀傷人，務求要 PoPo 出來清場，藉此疲勞轟炸PoPo，直至佢地出錯，然後就鬧佢，呢個就係延續運動的最好方法。如此反覆操作，運動就會「贏」；至於「贏」咗之後，抗爭者可以得到什麼，卻永遠語焉不詳，全靠受眾腦補。
魔：正如講者所說，販民、黃Ｃ、勇武三種人各有目的，佢地各自對「贏」都有不同的定義，其中會有共識，也會有分歧，唔逐個分類拆開解釋，會好難達到結論。

６. 因為自己設定到抗爭不會成功，所以鬧政府不答應訴求；因為自己設定到一定會令到黑警濫暴，所以可以鬧黑警濫暴。
魔：正如魔術師一早對「修例風波」的評論，當時主要係由販民加埋黃霉毒果加力腦補想像某些「有可能發生」的事，藉此掀起殺人政權的恐懼。再睇返過去魔術師在縮骨遮革命所寫的文章（舊 blog 已不復見），為了要證明「殺人政權」真係會「殺人」，咁當然就係要百般挑釁佢，踩到佢上心口喇！

７. 上圖已係 self-explanatory，不解釋。
魔：成件事「手足」的亙助、brotherhood，完全係日系熱血動漫的套路，講得好聽就係聖鬥士為沙織打生打死，講得唔好聽就係「乜都無」的有青尋找精神上的支持一樣。唔去挑戰不可能的任務，就唔能夠燃燒到自己（其實魔術師懷疑，抗爭者其實都深信「俾黑警打死」的機會率係接近０），唔夠熱血，唔能夠將「美好的回憶」留給將來的自己。以摩摩在《摩摩電影節之《至尊無上（Casino Raiders）》：老千的最高境界》中的留言：

//而森哥也就話都無咁快用埋一啲好無稽的手段（太低能，不截圖）奪取了伊人的芳心
以前我都對嗰場扮打鬥戲無感，但後來終於明白“挑起情緒而無實際危險”的物事係觸動女性的不二法門，同一橋段亦在幾年後用在《天若有情》內（原來王晶係有份監製《天若有情》！）；至於手法低唔低能其實無需考慮，反正受眾接受得了，否則韓劇就唔會拍極都有女性市場...

８. 一個人要想乜，即係代表佢缺乏乜。抗爭者為了逃避「自己乜都無」（無友愛、無人關心、無人生意義），所以寧願沉醉在「抗爭的夢」，因為那裡可以有他們想要的東西...
魔：萬能 key：「裝睡的人不會醒」？

９. 上圖已係 self-explanatory，不解釋。
魔：以上都係一般說服他人的 influencing skills，最緊要令人聽得舒服。同埋，「接受呢個世界已經改變」，所以有些民間組織，想要「Save HK」，魔術師就覺得未免有啲嘥氣。至於「過得自己過得人」，其實就係講緊「換位思考」，我地都要「接受呢個世界已經改變」，「過得自己過得人」呢類咁 old school 的想法當然就係行唔通：「俾着你」當然係「過得自己唔俾人過」喇！

＊＊＊
伸延閱讀：
免於恐共的自由？
摩摩電影節之《至尊無上（Casino Raiders）》：老千的最高境界