2020年1月5日 星期日

黃色經濟圈

網友ec不太明白「黃色經濟圈」是如何運作,剛巧人言報最近有一篇文章解說其中意識形態,魔術師見佢大部份都講得合情合理,可以拎出嚟討論一下。
信報 2019年12月28日
李道
黃色經濟圈的背後意識形態
「黃色經濟圈」的討論,近日變得如火如荼。在坊間積極探討是否可行、如何執行的同時,筆者更想剖析其背後潛藏什麼意識形態。
「攬炒不自炒」的正名化
針對經濟一環,黃營所提論述遠遠不及政治、法治,以至手法方面豐富;相比「時代革命」、「公民抗命」、「不篤灰不割席」等等,過去只有「攬炒」一詞與經濟有關,直到近期才高舉「黃色經濟圈」。
心水清的朋友,誠不難發現「攬炒」跟「黃色經濟圈」帶有矛盾關係。不是嗎?「攬炒」旨在把香港經濟拖垮,故必然涉及「自炒」;至於「黃色經濟圈」則鼓勵大家到黃店消費,在整體零售市道蕭條的情況下,此招無疑有助同路生意人免於「自炒」。「攬炒」何其不智,相信不必多言;「黃色經濟圈」的應運而生,正是黃營經濟論述的重大自我修正。事實上,黃營所謂「攬炒」,從來只有「推人被炒」、「避免自炒」,當抗爭活動危及自身飯碗,由空服到公務員均難免傾向懸崖勒馬,「三罷」既是「量力而為」地參與,缺勤者數量極少,而網上展示工作證抗議時,亦會掩住個人資料,「自保」況味似足手法上的「齊上齊落」與「蒙面抗爭」。始終,誰又真箇打算在「攬炒」下「自炒」?早於「佔中」時期,「自首伏罪論」最後都響應者寡。所以,「黃色經濟圈」其實是「『攬炒』不『自炒』」的「正名化」或「變奏」,亦即把黃絲自己從「攬炒」的對象抽出,以致「攬炒」只剩非黃絲者受災。換言之,「黃色經濟圈」實則是「黃色自保論」與「藍色他炒論」的結合。經此蛻變,「攬炒」之謂已被「黃色經濟圈」取代,成為黃營的最新經濟論述。君不見,近來黃營裏頭已鮮少再提「攬炒」了嗎?有的也只是批評政府一方如何令香港「攬炒」……情況就似董建華的八萬五政策,「不提了就不存在」。
的確,「黃色經濟圈」不單有利自保,還有助強化排他以至壯暴的意識。
為何此語忽然風行?事實上,「黃色經濟圈」早就有人提出,甚至連「和你Eat」之類的app亦早於10月面世,惟當時討論卻遠不如今日熾熱,各路文宣並無卯足馬力加以推廣。回望時序,查「慧科新聞」的搜尋結果,單計12月的首3周,全港已有逾200條內含「黃色經濟圈」的報章資訊;至於11月呢?僅得70條。10月時更只得7條。
11月24日的區選,無疑正是分水嶺。區選之後,社會曾經歷一段「和平」時期,直至最近黑衣人才重操故伎,又再「裝修」藍店。正正大家有過「冷靜期」,多了反思空間與機會,坊間對「裝修」觀感才產生變化,非議聲音甚而開始增多——相信這令區選大勝的黃營始料不及。或基於此,後區選的抗爭主旋律,居然不是集中純政治議題,而是在經濟上的「黃色經濟圈」打轉。
後區選為「裝修」洗白補白
畢竟,過分的共同意識(we feeling)或群屬之感,很容易衍生排他傾向;「黃色經濟圈」論述的忽然冒起,便正可強化黃藍店舖的區別以至敵我思維,進而文過飾非「洗白」聲勢日減的「裝修」行動,達到「壯暴」效果。眾所周知,黃營政治上早有排他傾向,在圍爐取暖之餘,還會黨同伐異滅他人火、滅他人聲。如果說,「私了」是針對政見不同的個人,「裝修」則針對政見不同的商戶;「黃色經濟圈」乃於經濟層面為「裝修」的意識形態「補白」,好使「黑色恐怖」的氛圍進一步擴至商界,真正達致「順我者『昌』,逆我者亡」。
西方的「激進」組織,亦有針對一些不良企業,但其「激進」程度則差距甚遠,例如提倡另一顏色「綠色經濟」的環保組織,就未見以汽油彈之類襲擊油田、油廠。
進一步言,所謂「黃色經濟圈」或許言過其實,至少這很大程度僅為「黃色小店圈」。上文提過的「和你Eat」之類,便主要針對食肆或小店。背後原因,跟「黃色經濟圈」取代「攬炒」一樣,黃營多多少少奉行務實主義,政治口號縱可漫天殺價,執行手段卻十分折衷。黑衣人會針對破壞某些食肆,而他們亦料不會光顧相關店舖,畢竟市面上還有很多其他餐飲選擇,故對黑衣人來說,相關破壞不會構成負面影響。然而,黑衣人攻擊完港鐵之後,舉目所見不少還會繼續乘搭港鐵,又或繼續使用港鐵持有的八達通。毫無疑問,這跟「攬炒不自炒」的道理相同,黑衣人總會顧及自己需要,總之極盡「損人不損己」及「利己不利人」之能事。所以,當破壞完銀聯櫃員機後,總不能因「星火」一役連滙豐、恒生的櫃員機也破壞吧?即使破壞,還是適可而止、小懲大戒,規模難跟針對中資行的「裝修」相提並論。討厭這個政權嗎?黃絲卻不見得因此拒絕為政權服務,主動放棄公務員的高薪厚職。這也解釋了,為何「三罷」後來自我修正及簡化為「和你lunch」,為何文宣又要大力煽動學生進行違法抗爭,因為這可大大降低參與者被炒機會,特別是學校不會輕易把學生踢出校。總之,罷搭港鐵、罷用滙豐,以至公務員集體罷職之類,考慮到其「損人終損己」性質,均不會成為黃營的經濟口號;即使有人提出,也不會得到廣泛和議。反過來,「黃色經濟圈」之所以廣受簇擁,便源於其「損人來利己」性質。
黃色小店圈?黃色供應圈?
黃營的務實折衷,還在於所謂「黃色經濟圈」,實僅限消費層面,不牽涉供應層面。始終,由食材到食水,試問黃店豈不主要依賴大陸提供?為何黃店卻沒抵制到底,100%與內地隔絕?為何黃絲也沒抵制到底,100%隔絕於內地有任何關係的商店?較早前,遠至美國已有人親身示範,時至今日已難脫離中國的供應鏈了。也莫說,就連本港的電力來源,也仰賴內地提供的煤和天然氣,就似德國及歐洲必須仰賴俄羅斯的供氣(最新美國還像執行《香港人權法》般制裁了德國個別人員與企業)。也就是說,若然要搞個名副其實、全面徹底的「黃色供應圈」,而非純粹是個「黃色消費圈」,只怕這個「經濟圈」已因超高成本、難以貫徹而無法生存,不論小店抑或大企皆然。當然,務實折衷的黃營,既不會提倡自殺式的「黃色供應圈」,「黃色經濟圈」的定義僅限消費市場罷了,包括把生意好處放到最大,以及把貨源問題隱到最小。相對地,藍營亦不擬提倡「藍色供應圈」,在供應鏈上封殺「黃色消費圈」,至少在具體執行上存有極大難度。
無論如何,以上種種,是否說明黃絲到底並不那麼仇藍、仇中,都懂得理性思考利弊?特別是牽涉自身的利弊,即俗語所指「口裏說不,身體卻很誠實」?抑或是,只要文宣大台一日未搖旗,黃絲都不會或不知應該怎辦?
無底線談何民主自由良心?
說到底,「無底線」抗爭的意識形態,早就包含為求目的、不擇手段,以至什麼道德底線、什麼道理邏輯均已拋諸腦後。當中,什麼民主、自由,亦為「無底線」可以捨棄的部分,因為黃營最最最根本的意識形態只有一條,就是「政見至上」的「反共」。黃營在最新區選,誠然斬獲多數的57%選票;不過,這不代表他們獲得民意授權為所欲為,可以「恃票行兇」,否則這種民主實為「多數人的暴政」。要確保「少數人的權益」——特別是藍營所得的41%支持絕非小數目,就必須依賴法治,由蒙眼的法治女神不問政見、不問立場地平等捍衞全人自由,包括言論自由、營商自由、免於恐懼及生命受威脅的自由等。
敢問,社會賢達及專家學者在提倡「黃色經濟圈」的同時,有否譴責攻擊「藍色經濟圈」的惡行?有否譴責無端攻擊各大商場的破壞行徑?有否譴責上述有違民主、自由等文明基本的卑劣所為?「無底線」抗爭還可以去到幾盡?抗爭者連槍械都出動了,許多有識之士還是置若罔聞;難道要鬧出謀殺人命,他們才會「覺悟」?
其實,除了「攬炒」被「黃色經濟圈」取代而鮮少再提,「良心」二字也愈來愈少人提及。當然了,目睹上述一切,誰還大言不慚敢談「良心」?黃營文宣到底知所行止,就似二噁英的炒作,也在中大化驗報告發布後偃旗息鼓,另外太子站死人的「拜鬼」,亦於成功訪問相關「死者」後銷聲匿跡……之前曾經誤傳「假新聞」,以至落手落腳弄虛作假了嗎?相關抹黑文宣豈不掩住「良心」?誰又會追究了?誰又能追究了?
「攬炒」與「黃色經濟圈」既是互相矛盾,試問「無底線」又豈不跟「良心」自相矛盾?黃營目下的終極意識形態既是「反共」,這不單凌駕一切的「良心」,其餘所有民主、自由等等,俱只是等而下之、視乎需要為己所用的工具罷了。李道 時事評論員
1. 「攬炒」旨在把香港經濟拖垮,故必然涉及「自炒」;至於「黃色經濟圈」則鼓勵大家到黃店消費,在整體零售市道蕭條的情況下,此招無疑有助同路生意人免於「自炒」。...黃營所謂「攬炒」,從來只有「推人被炒」、「避免自炒」,當抗爭活動危及自身飯碗,由空服到公務員均難免傾向懸崖勒馬,「三罷」既是「量力而為」地參與,缺勤者數量極少,而網上展示工作證抗議時,亦會掩住個人資料,「自保」況味似足手法上的「齊上齊落」與「蒙面抗爭」。始終,誰又真箇打算在「攬炒」下「自炒」?早於「佔中」時期,「自首伏罪論」最後都響應者寡。...所以,「黃色經濟圈」其實是「『攬炒』不『自炒』」的「正名化」或「變奏」,亦即把黃絲自己從「攬炒」的對象抽出,以致「攬炒」只剩非黃絲者受災。換言之,「黃色經濟圈」實則是「黃色自保論」與「藍色他炒論」的結合。
魔:呢一段講得太好。魔術師再推薦兩篇伸延閱讀如下:
【來論】港人面對暴徒時的言行不一(橙新聞 2019-12-27 10:38)
【來論】再談「和理非」的可笑之處(橙新聞 2020-01-02 10:07)

2. 「攬炒」之謂已被「黃色經濟圈」取代,成為黃營的最新經濟論述。君不見,近來黃營裏頭已鮮少再提「攬炒」了嗎?有的也只是批評政府一方如何令香港「攬炒」……情況就似董建華的八萬五政策,「不提了就不存在」。
魔:不同意。觀乎拉燈網,和你 shop 就係「攬炒」手段之一,目的就係要令到個別商場休業一段時間,主要打擊面是小部份的餐飲零售;但少數商場提早關門數小時,對我城GDP影響有幾多,大家心中有數。所以,「攬炒」概念從來沒有消散,但就如「香港人加油/反抗/報仇」的口號一樣,「攬炒」口號再沒以前咁旺盛,這也是真的。
3. 「黃色經濟圈」論述的忽然冒起,便正可強化黃藍店舖的區別以至敵我思維,進而文過飾非「洗白」聲勢日減的「裝修」行動,達到「壯暴」效果。...「黃色經濟圈」乃於經濟層面為「裝修」的意識形態「補白」,好使「黑色恐怖」的氛圍進一步擴至商界,真正達致「順我者『昌』,逆我者亡」。
魔:同意「黃色經濟圈」是「經濟裝修」,但此舉純屬文鬥,並無犯法,跟造成物理上的破壞某些商戶私有財產大有分別,實在不必上綱上線至「順我者『昌』,逆我者亡」。畢竟,假如「黃店」是一個「笨土品牌」,其實就就如我城中剷巷豬巷女買名牌一樣,由屯門出對面海買LV而唔係在屯市買 Zara 一樣,純粹係一項理性的經濟活動。「非黃」或「反黃」的商戶若想自保,自然也可以結盟大搞「非黃/反黃經濟圈」。自由市場正是我城一向崇尚的商業模式,所以好似蝗媒呢類報導
(圖片來源:热评丨搞经济“港独”?趁早死了心吧!(央视新闻客户端 2020年01月04日 14:14))
以至施老闆、屈姐等人的文章(見《黃色經濟圈 中共跳大掣》(拉燈網))未免多餘。如果「黃色經濟圈」真係咁失敗咁不智,你由得佢地撼頭埋牆先我了斷豈不是最好?何必苦口婆心地「勸告」黃C咁做係唔得嘅呢?正所謂「唔提就唔存在」,你愈提其實就即係意味着你只係色厲內荏,黃C真的抓着你的痛點而已。
4. 所謂「黃色經濟圈」或許言過其實,至少這很大程度僅為「黃色小店圈」。
魔:同意。同時「黃色小店圈」基本上聚焦於餐飲業、零售業,大企業仍難動分毫。
5. 黃營多多少少奉行務實主義,政治口號縱可漫天殺價,執行手段卻十分折衷。...黑衣人攻擊完港鐵之後,舉目所見不少還會繼續乘搭港鐵,又或繼續使用港鐵持有的八達通。毫無疑問,這跟「攬炒不自炒」的道理相同,黑衣人總會顧及自己需要,總之極盡「損人不損己」及「利己不利人」之能事。所以,當破壞完銀聯櫃員機後,總不能因「星火」一役連滙豐、恒生的櫃員機也破壞吧?即使破壞,還是適可而止、小懲大戒,規模難跟針對中資行的「裝修」相提並論。討厭這個政權嗎?黃絲卻不見得因此拒絕為政權服務,主動放棄公務員的高薪厚職。
魔:大部份同意。唯一不同意的是有關大細貓的分析。也許上文寫於2019年年底,尚未發生「紅燒獅子頭」事件;但基本上,由於蝗資銀行分行眾多,要破壞便變成相當就手;反之大小貓分行數目比蝗資少,業務主要聚焦在個別大型分行,唔係「梗有一間係左近」,所以受損程度亦不能跟被「無差別裝修」的蝗資銀行相比較。
6. 為何文宣又要大力煽動學生進行違法抗爭,因為這可大大降低參與者被炒機會,特別是學校不會輕易把學生踢出校。總之,罷搭港鐵、罷用滙豐,以至公務員集體罷職之類,考慮到其「損人終損己」性質,均不會成為黃營的經濟口號;即使有人提出,也不會得到廣泛和議。反過來,「黃色經濟圈」之所以廣受簇擁,便源於其「損人來利己」性質。...「攬炒」與「黃色經濟圈」既是互相矛盾,試問「無底線」又豈不跟「良心」自相矛盾?
魔:其實,黃C一向祟尚「無底線抗爭」,即是一只是道德良知,就連理性邏輯也可以放棄,總之就要不擇手段去達到目的,再橫蠻無理的說話都可以講得出;所以指控他們「損人來利己」,「自相矛盾」,對黃C並無傷害。例如,黃C大談「良知」同時又跟鶳核爆都不割蓆,這種自相矛盾的思維對他們來說是可以接受的;反而 PoPo 畢竟有行動守則規範,不可能「無底線」,所以輿論戰時常陷於捱打。
7. 黃營的務實折衷,還在於所謂「黃色經濟圈」,實僅限消費層面,不牽涉供應層面。...若然要搞個名副其實、全面徹底的「黃色供應圈」,而非純粹是個「黃色消費圈」,只怕這個「經濟圈」已因超高成本、難以貫徹而無法生存,不論小店抑或大企皆然。當然,務實折衷的黃營,既不會提倡自殺式的「黃色供應圈」,「黃色經濟圈」的定義僅限消費市場罷了,包括把生意好處放到最大,以及把貨源問題隱到最小。
魔:其實有班(偽?)文青都好鍾意調理農務,可以有限地供應食材俾黃色餐飲業。
8. 「良心」二字也愈來愈少人提及。當然了,目睹上述一切,誰還大言不慚敢談「良心」?黃營文宣到底知所行止,就似二噁英的炒作,也在中大化驗報告發布後偃旗息鼓,另外太子站死人的「拜鬼」,亦於成功訪問相關「死者」後銷聲匿跡……
魔:其實黃C依然都大談「良心」的;二噁英主要係因為被暴大環評報告直接打臉,而太子站死人就係講得太耐太悶而沉咗底而已,信的人依然會係「寧可信其有」的。
9. 黃營最最最根本的意識形態只有一條,就是「政見至上」的「反共」。
魔:呢一點魔術師都講到口臭了。

***
伸延閱讀:
標少:抑鬱焦慮症
【專訪】進貨困難、義工流失 黃店旗艦「光時」存亡關口:唔係咁易㗎葉師傅! (立場新聞 2020/1/5 - 19:58)
【來論】港人面對暴徒時的言行不一(橙新聞 2019-12-27 10:38)
【來論】再談「和理非」的可笑之處(橙新聞 2020-01-02 10:07)
热评丨搞经济“港独”?趁早死了心吧!(央视新闻客户端 2020年01月04日 14:14)
黃色經濟圈 中共跳大掣(拉燈網)

74 則留言:

  1. 我對「黃色經濟圈」最大嘅疑問,就係佢似乎唔係打開一個新嘅市場/需求,而只係最多令人由幫襯A店變成幫襯B店(因為唔會無啦啦食多咗飯、買多咗嘢),塘水滾塘魚,整體個餅其實無變大過(甚至可能會變細,因為遊客之類少咗)。唔知咁諗啱唔啱。

    回覆刪除
    回覆
    1. 肥左最黃果幾間.....龍門,渣哥 果D !

      刪除
    2. //只係最多令人由幫襯A店變成幫襯B店(因為唔會無啦啦食多咗飯、買多咗嘢),塘水滾塘魚,整體個餅其實無變大過(甚至可能會變細,因為遊客之類少咗)

      正解. 「黃色經濟圈」有兩個目的, 一個就係令黃C end user 的消費可以「用得其所」, 建立一個 sustainable 的經濟生態環境; 二就係逼死藍店; 所以呢個係一個零和遊戲,而唔係做大個餅.

      //龍門

      龍門冰室的發源地是屯門龍門居, 我以前就住係嗰度, 依家雖然搬咗都不時返去嗰邊食嘢. 目測8-10月時佢地生意係多咗, 但依家又好似變咗同以前差唔多.

      刪除
    3. 大埔開槍案搶犯嗰條友間茶仔,竟然有人排隊食,班黃人傻起嚟真係好神奇

      其實罷買真係好少事,我一直支持自由經濟但係刑毁破壞應該直接槍殺

      刪除
    4. //我一直支持自由經濟但係刑毁破壞應該直接槍殺

      PoPo 都無底線抗爭? XD

      刪除
  2. //攬炒」旨在把香港經濟拖垮,故必然涉及「自炒」;至於「黃色經濟圈」則鼓勵大家到黃店消費,在整體零售市道蕭條的情況下,此招無疑有助同路生意人免於「自炒」

    如果"攬炒"真喺最終成功,經濟活動一環接一環,黃色小店圈又好經濟圈又好之前做得點有聲有色冇「自炒」最終都會炒㗎啦,由以前有錢都唔敢出街到最後冇人有錢出街,點黃都冇用。除非嗰不人道基金科水救濟....如果咁易可以"中共跳大掣"呀侵侵就唔使同X共攪咁耐喇。
    其實如果真要做到黃色小店圈,黃C最好先瞭解一吓自己老母喺藍定黃,就算阿媽包容都要不飲盜泉之水,自己買餸煮飯洗碗...

    //若然要搞個名副其實、全面徹底的「黃色供應圈」
    前幾日搭敦倫黑的(黑色唔喺黑心XD),就突然諗起架的士其實喺吉利汽車(175)擁有嘅米帝企業做嘅,仲策劃做電動hybrid車減排...

    //「攬炒」口號再沒以前咁旺盛,這也是真的。
    //同意「黃色經濟圈」是「經濟裝修」,但此舉純屬文鬥,並無犯法,跟造成物理上的破壞某些商戶私有財產大有分別,

    少啲武鬥都未嘗唔喺一件好事。 冇犯法甚至喺擦邊球亦的確無需太大反應
    其實咁多黃C素人開始做區蟻員,日日十八區裝修令佢哋好難做㗎XD

    回覆刪除
    回覆
    1. //由以前有錢都唔敢出街到最後冇人有錢出街,點黃都冇用。

      可能拉燈仔以為黃C主力都是公墓園、教C、社工、醫護之類, 薪金是不受經濟環境影響的.

      //中共跳大掣

      其實殺人政權唔使講咁多嘢, 當班友無到就得. 要嘈咪等施老闆、屈姐呢班「香港人」嘈囉.

      //自己買餸煮飯洗碗...

      暴大保你大的廁所廚房表示無語...

      //架的士其實喺吉利汽車(175)擁有嘅米帝企業做嘅

      咁iPhone的用料都係來自蝗國...

      //冇犯法甚至喺擦邊球亦的確無需太大反應

      係囉. 班藍C成日哇哇嘈真係有啲煩.

      //黃C素人開始做區蟻員,日日十八區裝修令佢哋好難做㗎XD

      一係要父母陪, 一係學歷低 XD

      刪除
    2. //可能拉燈仔以為黃C主力都是公墓園、教C、社工、醫護之類, 薪金是不受經濟環境影響的.

      拉燈仔已經唔知幾多年前開始拉隊報果啲工,開晒telegram group,又有source又剩..
      其實呢幾行一直愈黎愈黃,仲有埋黃色工會添,啲會費唔知用去邊呢..
      呢幾行情況只會愈黎愈黃,非黃愈黎愈難立足..

      刪除
    3. 反證「黃色受薪圈」其實唔係太 work,始終係要靠政府接濟。

      刪除
  3. 十分認同所謂黃色經濟圈,只是小店,而且更可能只係,可取代性的小店,茶記 小食.... 一類, 高中檔次餐廳,由於市場份額比較細,一般都不會表明自己是黃藍店,而又由於可取代性低,顧客如果要食到指定水準嘅食物質數,又未必咁易找到。先不談出名中立小店,就算佢地最憎嘅美心集團,佢地可以迫到元氣執,不過千兩依然,其門如市, 主因係現今市場,千兩市場定位層同食物質數比例,根本找不到替代...

    回覆刪除
    回覆
    1. 睇吓班中剷食客, 正正就顯露出韋小寶本性, 口頭上支持黃C, 「光復香港時代革命」叫多幾次有乜所謂, 講到實質嘢當然係就係行利己主義, 不論係荷包定係生活體驗. 以中剷來說黃C隨時佔7、8成, 但目測屯門元氣, 生意係少咗啲, 不過人流仍然存在, 唔覺幫襯嗰啲全部都係藍C囉.

      刪除
    2. 以我自己角度,我唔會因為佢係黃店定藍店分顏色去幫襯,總之食物水準有heart係會知,唔會似得啲人咁幼稚咁無聊。
      楊明去支持警察佢間舖頭都受襲擊,佢一樣企硬堅持,聽聞佢舖燉湯飯好味,仍然咁多人幫襯,佢女朋友仲多謝幫佢哋免費宣傳班人。藍C多包容異見,黃C少有包容,霸道到死,我絕對唔會跟大隊去無理取鬧&歪曲事實&本末倒置,要我睇面色做人,我情願一個人自閉。
      依家多咗在區內消費,幫襯小店多過以前。傷巷壟斷情況又係好嚴重嘅,各大商場開來開去精一色連鎖食店或衣服鞋店咪搞到租貴,咁貴租咪個個打工,做老闆人工隨時少過打工。
      如果業主係黃C你估佢會唔會大幅降低租金給黃C做生意?!

      刪除
    3. 唔去黃經圈,米豬連鋪。原因係,成班黃人圍埋,做乜都唔舒服,黃色恐佈,睇魔兄文章怕比人打。

      刪除
    4. 最討厭一些打住政治旗號然後賣屎比你食嘅鋪頭,劣幣驅逐良幣就係咁產生。
      其實都唔明點解好多巷豬明明知道排隊排成X粒鐘食某啲店都要堅持落去,可能排隊食嘢都係一種優越感呢,話比人聽我嘥得起時間XD

      刪除
    5. 祝魔術師哥哥新年快樂!身心健康!
      ...也祈望香港來年會逐步回歸平靜吧...

      //明明知道排隊排成X粒鐘食某啲店都要堅持落//
      我從來也不會排長龍也要一定要某間食店的,尤其是只是開張期/某成功宣傳影響下的長龍!如果那條龍超過平年以上,才會考慮一下。不過也只會在長龍未開始前入座。除了$嘥得起外,所有東西也嘥不起,特別是時間!

      刪除
    6. 條龍超過平年以上 —> 條龍超過半年以上

      刪除
    7. //祝魔術師哥哥新年快樂!身心健康!

      謝謝 Flora, 大家咁話!

      //睇魔兄文章怕比人打。

      我照計唔係咁出名啫...

      //我唔會因為佢係黃店定藍店分顏色去幫襯,總之食物水準有heart係會知,唔會似得啲人咁幼稚咁無聊。
      //最討厭一些打住政治旗號然後賣屎比你食嘅鋪頭,劣幣驅逐良幣就係咁產生。
      //除了$嘥得起外,所有東西也嘥不起,特別是時間!

      呢間黃店似係NGO多過一盤正式生意,主要係賣光環(虛榮感、贖罪感,呢樣中剷黃C會有比較多資源去 support),而唔係正式的 goods and services。開零售網店,問人攞貨神神秘秘,送貨又神神秘秘,請人又唔係睇能力,員工又鍾意炒散,返唔返都由得佢,呢個咁嘅 business model 點 work?又係攬炒不自炒的好例子。

      【專訪】進貨困難、義工流失 黃店旗艦「光時」存亡關口:唔係咁易㗎葉師傅!

      去年 6 月,二百萬人的群眾力量,促發連登巴打出了一個帖子,題為「200 萬人既社運購物平台」。帖文提議成立非牟利機構買賣日常生活用品,聘用被捕者營運,以 200 萬人的消費力撐起自給自足的群體長期抗爭。帖子一呼百應,義工透過網上通訊軟件埋班,傾足三個多月。10 月初,網店「光時」誕生。
      作為第一家專為支援反送中運動而成立的網店,光時盛載大眾很高期待。第一批顧客購物後紛紛截圖分享,未有貨想買的亦查詢捐款方式。網民想像光時可以取代百佳、惠康、被視為「藍底」的網店「士多」,消費之餘又養起同路人;甚至有人提出將來以送貨車隊和貨倉支援社運物資運送,或帶頭罷工。
      但理想與現實總有差距。開業以後,有物流公司明言不做光時生意,入貨亦比想像中困難和耗時,顧客落單個多月仍未收到貨。網店內,有些商品種類只有一、兩款貨品,不少支持者表示:「真係無嘢買得落手。」12 月,群眾對於何謂「黃店」的討論越來越仔細,所租店舖的業主、原材料產地、製造地點都要研究,最好一分錢不落藍絲和中資之手。再看光時的貨物清單:「中國貨嚟嘅?」
      原有難題未解決,新的挑戰又來。最初從網上相約的 50 人義工團隊,現在活躍參與的只剩約 10 人。開業三個月之際,核心義工不諱言身心疲累,形容光時面臨存亡關鍵點。
      *   *   *
      靜靜雞贏真係唔得?
      「收唔到貨,同埋少貨揀,我哋其實知道嘅。」義工 Joanne (化名) 迅速的概括光時開張以來兩大問題,因為同樣的投訴和提點,團隊已回應過無數遍,每日為此奔波煩惱。
      但追本溯源,光時最急待解決的一點,可能是它作為商業機構與社運背景之間的矛盾。「因為我哋嘅立場,做好多決定時都唔同一般公司,雖然我哋好想做到一間一般公司。」她說。
      最初的連登帖子裡,發起人曾提出以眾籌或向抗爭基金借款作為起動資金;然而團隊認為靠捐款長貧難顧,應該找出一套即使以商業運作都可行的營運方式,光時才會持久。於是他們決定不籌款,開始營運後接到訂單便會有錢,以第一批顧客所付款項向供應商入貨,亦在網上對客戶解釋了當中操作,預計落單後兩至三星期才會收到貨。
      當時黃絲客戶群對光時期待已久,樂見其成,不介意遲一點收貨,開業首天便接到 728 張訂單。未料運作起來,進貨所花的時間遠超兩星期。主要原因是,即使對供應商,他們也不願意曝露光時的地址。
      接洽時不透露公司名稱,或幾經轉折地收貨;有些供應商因為交易對象不明而拒絕合作,尤其是一些大品牌。有些公司第一輪供貨時讓光時含糊帶過,但第二輪補貨時沒法再避答問題,於是就不再供貨。
      結果,不只第一批顧客等了超過兩、三星期,第二批等待的時間仍未能縮短,沒法做到像一般網店那樣幾天內出貨。
      目前光時仍沒打算在這環節上改變,「一開始已經決定咗,倉的地點要好保密嘅。因為我哋所有資產都喺裡面,義士又喺度返工。我覺得保障到佢哋安全係比生意發唔發大更加緊要囉。如果哩啲嘢衰咗,基本上盤生意都唔駛做架喇。」Joanne 說。
      送貨給客戶也是大問題,他們不希望員工身份曝露,故不會去送貨直接面對顧客,「就算唔係受薪的義士,都唔想啦。而家白色恐怖咁嚴重,義工都唔知道露面之後會受到佢公司或者出面啲藍絲點樣對待。」但負責送貨的人會知道光時的客戶地址電話等資料,又必須要找信得過的合作伙伴,「無奈物流哩一行係好藍嘅,我哋最近先搵到一間黃的 logistic partner。」
      就連送貨的紙箱,都沒有光時的名字和商標,因為考慮到客戶收貨時未必想讓旁人知道自己的政治立場。
      打開箱,則有一封來自受聘「義士」的感謝信,然而也有客人特別註明不要附上,以免藍絲家人發現。在光復之前,同路人的一句感謝,也只能如此秘密傳遞。
      *   *   *
      杯葛中資的理想與現實
      開業初期,光時最暢銷的貨品為熱浪薯片,最近則變成津路烏龍茶。以現時黃色經濟圈的標準,前者來自「撐警藍絲」四洲集團,後者則是中國製造,都理應屬罷買之列。但如果下架,失去熱門暢銷產品,收入會否進一步受影響?
      「哩個都係好得意的現象,其實反映緊我哋香港社會係俾咩壟斷咗。」義工 Ken(化名)說,「我哋都知道長遠要避免入中國製造的貨品,最好全部品牌都係黃。但係一開始的時候,我哋(入貨)的選擇真係好少,選擇權唔喺我哋度。咁都要賺錢去維持架嘛,所以慢慢加新貨時,我哋會諗辦法再篩走佢哋囉。」

      最初光時的構想只是提供 100 種貨品,因貨種少必定較易管理,入的貨都比較大路。但現在徇眾要求,貨品已增加至 280 種,仍經常有支持者反映「無嘢揀得落手」。
      「都有啲黃嘅供應商主動話供貨俾我哋嘅,亦都好多黃店聯絡話想傾寄賣,但我哋對於應該入邊類型的貨,係討論得比較耐。」Ken 說。光時本身沒有設限於只做日用消費品生意,而很多主動接洽的「黃店」所提供的產品類型都算是合適,例如手作產品、肥皂、BB 用品等。但要落實去選貨時,團隊成員則不易達成共識。
      價錢是其中一個重要考慮,始終光時資金有限,部份貨品利潤率可能高,但貨價也高,是否要冒險投資?受歡迎的產品亦不一定等於應該入,例如樽裝水,因運輸及倉儲的成本都高,其實沒什麼錢賺。「我哋都知道唔夠貨,好落力去入返多啲貨。但要決定入咩貨時,究竟應該 base on 咩準則?嗰啲準則嘅優先次序係咩?都仲摸索緊。」Joanne 說。「我哋唔係 set 咗套評分方式,哩個有 4 分,哩個有 5 分,過咗 5 分就入啦,無哩樣嘢嘅。」
      如果在一般公司,這件事可能就由採購部門決定。但光時是全義工班底,雖然義工都各自有倉儲、物流、行銷、採購等經驗,但大部份沒有做過這一類型的網店;曾任職於快速消費品類網店的義工只有一位。但以光時的客戶群及營運模式,其實一般網店的經驗也未必能套用。
      Ken 說:「本身我哋都有指定一、兩個義工主力負責入貨嘅,但做起來又會有其他人唔滿意,於是就拎出嚟傾。」然而大家都有正職,要約齊人開會是極困難;有意見分歧時經常只能在 Telegram 群組打大篇文字去表達,往往討論良久都難有結論。

      「咁好疲累喎?」記者不禁說。Joanne 和 Ken 相視苦笑:「你總結咗我哋哩幾個月嘅生涯。」
      *   *   *

      刪除
    8. 義工與義士 無法穩定的人力資源
      儘管光時有很多問題未解決,Ken 目前稍感安慰的,是起碼聘請了十幾個「義士」,實在地令一些抗爭者受惠。但光時目前的人力架構亦有些奇特:最核心去營運公司的都是義工,有薪的「義士」反而參與度較低,大部份選擇以兼職或散工形式受聘,只有兩、三人願意做全職。
      這點也是超乎當初預期的。最初義工們並沒打算長期參與,一旦聘請到適合的「義士」,就準備將工作交托給他們,最好的結果是「義士」主力營運、變成一間由受薪員工運作的正常公司。但做下去發現,這交接並非預期中容易。
      「好多義士因為個人因素,例如佢係學生仲返緊學,或者要定時定候去差館報到,都會選擇唔做全職,咁我哋都係好有彈性咁俾佢處理返自己的事。」Ken 說:「有時佢哋都會返一陣就唔返。有啲罷工嘅日子,佢哋想出去,我哋都歡迎佢哋發聲。」但受薪「義士」因各種原因未能上班時,工作又不能拖,就唯有由義工應付,而這些情況其實也常常出現。
      另一方面,他們請人時考慮的主要是對方需要的急切性、受抗爭影響的程度,多於其工作能力。「被捕者係我哋 top priority,基本上一收到都一定會派人去聯絡。」Joanne 說,「其次就係一啲白色恐怖被公司炒咗的人,同埋受傷嘅。最近有幾個學生,因為屋企係藍,於是被經濟封鎖,得返幾十蚊咁向我哋求助。」
      「咁我哋要幫佢,就係請咗先諗有啲咩可以畀佢做,唔一定係 fit 到我哋公司需要。」比如光時需要市場推廣和採購的人才,但「義士」未必有這方面的能力,至今只見過一位有市場推廣經驗的人,而「義士」連長期穩定地上班都未必能保證。
      目前「義士」主要負責物流和倉儲工作,從頭開始訓練到熟習,需要不少時間。
      Ken 說,這幾個月以來公司的主要運作仍由義工「擔大旗」,「但義工係有正職,我哋都做到自己份正職唔知搞緊乜咁,好難兼顧,又無晒自己私人生活。」若說辭工變成光時的全職僱員,又有違當初對公眾的承諾,「我哋成立的時候,係講咗全部義工同埋請義士架嘛,如果公司拎咗啲錢嚟請我哋,出面會唔會有人唔同意呢?」
      他們舉例,早前未能找到黃絲物流伙伴時,有很多人向光時表示願意做義務司機送貨,於是他們就在 Facebook 出帖想集合義工司機,希望有系統地處理申請和編更。結果網民反彈很大,一方面指責光時所收集的司機資料太多,認為會構成危險;但另一個主要批評就是光時不應該用義工,「佢哋覺得我哋有收運費,但係用義工司機,即係你食咗份運費啦?」Joanne 說,「咁嗰下我哋都幾驚訝嘅,會覺得,吓?我哋都係見好多人申請做義工先至想安排得好啲。見到迴響係咁,之後就無做喇。」
      於是形成一個怪現象:義工無酬,但承擔著比受薪「義士」更困身的責任,一些無法投入那麼多心力的義工便慢慢離隊。甚至義工團隊都討論過,就算有薪,自己是否就可以辭去正職全力做光時?
      目前義工團隊大部份都是三十歲上下的青年,正值事業發展黃金期,「本身賺緊 4、5 萬蚊一個月,仲有得上架喎,要放棄然後瞓身走過嚟,係咪個個人都願意呢?」
      Ken 說,就算請大學畢業生,對方也有很多其他發展機會。「而哩度係咪可以 sustain 到?風險大過其他工好多,因為我哋嘅立場,隨時可能聽日就會被人冚檔。」
      然而光時的工作量做到義工平日上班都心不在焉,他們都自嘲毋須辭工:「可能老細會炒咗我哋先。」Joanne 說,「我哋都講笑話,遲早自己變埋義士,受社運影響無咗份正職,就可以受薪喇。哈!」
      *   *   *
      存亡的十字路口
      「其實我哋當初真係無諗過要做到咁大。」Joanne 說,「大」並不是指生意額,而是外界的迴響,很多傳媒想報導、很多黃店想合作,甚至開始常常收到有人說也想開一家黃店、希望光時分享經驗,「which 其實我哋都好新同埋好多嘢做得好差。」
      現在團隊再回想起光時最初那個連登帖子,都十分汗顏。本來的想像是從細做起,只有 100 種貨品;發起人粗略估計,200 萬黃絲當中的 1% ( 2 萬人),每月消費 100 元,便是 200 萬生意額;若貨品毛利有 30%,支付各樣運輸倉儲人力成本雜費,就可以收支平衡。此後每多 1 萬名顧客 ( 或 100 萬生意額 ),就可多聘 10 個「義士」。
      實際局面是,光時一推出就很大迴響,但迴響跟生意不成正比。「我哋 Facebook 有 12 萬 follower,但每日係少過 100 張單,甚至有些日子少過 50 張單添。」送貨太慢,顧客未收到貨,自然推遲了下一次的消費;貨太少,揀不到心頭好,又沒法下單。「啲客內心係好支持我哋架喎,所以即係我哋做得真係差。」支持者沒有想買的東西,就購買光時禮物卡。雖說像預付形式的禮券,但很多人以捐款心態去買,向光時表明不會使用。目前的營業額裡,約一半都來自禮物卡銷售。

      眼見光時營運上遇到各種問題和困難,支持者或投訴、或提點,團隊每天都收到很多意見,但落實需時。比如不少人提議用黃店網絡作為自取點,減少送貨成本,但 Joanne 指出,真正要執行時就要細想 —— 網站要增加自取點的選項和清單,每間願意自取的黃店要逐一去商討,可以有多少空間擺貨、可以擺多久;萬一擺了貨但顧客逾期不取、或想改成送貨上門,怎麼辦?期間貨物有損毀,誰負責?
      又如很多黃店提議在光時寄賣貨品,團隊是樂意合作的,亦有助增加貨品種類和吸引力;但要有系統地做,便要找法律顧問處理好寄賣的條款和合約。例如有黃店想寄賣手造食品,就牽涉食物安全問題,存放期限會否太短、製造廠有沒有適當牌照?「長遠我哋都想做嘅,但就真係要逐個去傾同埋做 research。而家送貨、入貨都未搞掂嘅時候,真係唔係太多人力物力去諗哩方面。」Ken 嘆氣。
      但時間未必站在光時這一邊。王維基辦 HKTV Mall 蝕足幾年,仍可以試下去,因為他尚算有資金可以不斷燃燒,光時卻沒有,「我哋靠嘅只有義工嘅免費 man-hour。」然而義工也開始 burn-out ,本來由友好人士免費借出的工廈單位,又即將不能再用,要自費租倉。團隊判斷,如果顧客對光時失去熱情和興趣,新單越來越少,資金耗盡便會終結。
      由籌備至今半年、開業三個月,光時已經要面臨存亡關口。「加快物流速度,一定係我哋首要工作,然後貨品種類都要加,如果哩兩樣嘢 meet 到,生意應該都爭好遠。」Joanne 說。「其實都好現實架嘛,如果啲客三、四個月都收唔到我哋啲嘢,自然唔買架啦,咁你嘅錢都會耗盡。或者你追到個速度加新貨,啲人就會返嚟繼續買,我哋就會多啲錢可以入貨。」
      團隊預見,同類理念的生意只會越來越多,光時如果無法在短期內改善以上兩大問題,結業並非一件遙遠的事。「如果我哋一路都追唔到個速度,啲人就會唔信光時,就會開始 bad-mouth 我哋,咁到時就唔再係買貨可以解決到。」Joanne 說,目前送貨、執貨的速度是改進中,貨品的種類也在一步步增加。但究竟是否趕得及在支持者失望離去前力挽狂瀾?「係繼續 uptrend 越來越好,定係大家開始忘記光時、冷淡咗喇,我諗應該都差唔多會見到,唔會唔知得太耐囉。」

      刪除
    9. 顧主有冇商業登記,幫員工買保險供mpf?
      係咪用愛發電?唔靠大亞灣或大陸燃氣?
      問誠哥攞D,光時上市都得。
      做日本,台灣水貨,大把黃人幫襯,生意實好,除非二百萬人係假數。

      交收做到交贖金咁,唔見人,唔知交收對家,都幾好笑。

      刪除
    10. //顧主有冇商業登記,幫員工買保險供mpf?

      佢地應該可以做到工資低到唔使供MPF的...

      //做日本,台灣水貨,大把黃人幫襯,生意實好,除非二百萬人係假數。

      哎呀, 啲保釋條件隨時係唔準出起, 無得人肉走水貨 XD

      刪除
    11. //「本身我哋都有指定一、兩個義工主力負責入貨嘅,但做起來又會有其他人唔滿意,於是就拎出嚟傾。」//

      有青就係迷信集體決策,乜都要全部人一齊傾一輪先叫「有代表性」,仲要分分鐘唔係全部人都有相關經驗,外行指導內行。

      佢地成日話打仗,但偏偏軍隊從來就唔係講「民主」嘅組織,俾有青去指揮就死得。

      刪除
    12. 只要一間公司有 CEO 有 department head 就會有大台,不可能各有一做。以有青咁「民主」(其實即係議而不決,決而不行)又不覊的性格,佢哋只適合炒散做 freelancer,做體戶或少數幾個人一齊接 job,根本就 manage 唔到各有司職的團體。

      刪除
    13. //其實即係議而不決,決而不行//

      "議而不決, 決而不行", 對有青泥講係褒詞

      實際既層面, 有青係無權力架構, 個個想出意見加把口, 到要做野就無人肯出力
      開初有小部份抵得諗既出泥捱義氣, 最後必然會因為撟埋手既人太多而放棄
      系太多"無人島"類既文藝作品已經一再討論
      終極既自由民主 在人類劣根性下永遠唔WORK

      執行力無限低接近零 - 可能係更接近 有青既"組織"

      --Dogdogchi

      刪除
    14. //但偏偏軍隊從來就唔係講「民主」嘅組織,俾有青去指揮就死得。

      令我諗起坎尼會戰 (Battle of Cannae),當時迦太基統帥漢尼拔大敗羅馬軍團。

      其中羅馬軍團是由2名執政官統領,每人輪流指揮一日,有青的話應該都會是這樣,日日唔同指揮。

      刪除
    15. //開初有小部份抵得諗既出泥捱義氣, 最後必然會因為撟埋手既人太多而放棄

      又話核爆都唔割嘅?

      //"議而不決, 決而不行", 對有青泥講係褒詞
      個個想出意見加把口, 到要做野就無人肯出力
      開初有小部份抵得諗既出泥捱義氣, 最後必然會因為撟埋手既人太多而放棄
      系太多"無人島"類既文藝作品已經一再討論
      終極既自由民主 在人類劣根性下永遠唔WORK//

      世事都給你看透了 XD

      //有青的話應該都會是這樣,日日唔同指揮。

      天使指揮,日日不同!

      刪除
    16. 改寫一吓:
      ...但理想與現實總有差距。巷蜀以後,有外國公司明言不做巷蜀生意,入貨亦比想像中困難和耗時,傷巷人落單個多月仍未收到貨。傷巷店內,有些商品種類只有一、兩款貨品,不少傷巷人表示:「真係無嘢買得落手。」
      「因為我哋嘅立場,做好多決定時都唔同一般政府/國家,雖然我哋好想做到一個一般政府/國家。」她說。
      最初的連登巷蜀帖子裡,巷蜀發起人曾提出以眾籌或向米帝美帝基金借款作為起動資金;然而團隊認為靠捐款長貧難顧,應該找出一套即使以商業運作都可行的營運方式,巷蜀才會持久。

      //就連送貨的紙箱,都沒有光時的名字和商標,
      好似買情趣用品咁XD信用咭單都要冇名先得

      //「佢哋覺得我哋有收運費,但係用義工司機,即係你食咗份運費啦?」
      哈哈典型傷巷人心態,半慈善仲要計較咁多

      //「本身賺緊 4、5 萬蚊一個月,仲有得上架喎,要放棄然後瞓身走過嚟,係咪個個人都願意呢?」
      呢句簡直...你死得我唔得㗎仔細老婆嫩,我好在乎馬C撈金字塔底層啲嘢...
      又點解冇諗吓反黃都賺緊 4、5 萬都想正常生活都想"仲有得上"

      //「我哋 Facebook 有 12 萬 follower,但每日係少過 100 張單,
      FB呃like打咭etc嘅嘢都咁認真...如果真喺,啲小店老店就唔會執啦XD

      ***
      其實樂觀啲睇,經歷過呢個之後黃C可能會多啲同理心亦都識得好多時要妥協慢慢來(例:慢慢加新貨時,我哋會諗辦法再篩走佢哋囉。民主派都要派派派蛇齋餅糭)唔會鑽牛角尖諗/做得咁激/脫離現實。

      刪除
    17. //應該找出一套即使以商業運作都可行的營運方式,巷蜀才會持久

      使唔使公怖業績派股息?

      //哈哈典型傷巷人心態,半慈善仲要計較咁多

      總之「李呃人」就唔得!

      //你死得我唔得㗎仔細老婆嫩,我好在乎馬C撈金字塔底層啲嘢...

      其實保你大廚房哥、黃圈食肆小店都係在馬屎撈最底層搵飯食。班有青憑乜睇唔起人呢?

      //FB呃like打咭etc嘅嘢都咁認真...

      要呃人先要呃到自己。

      //黃C可能會多啲同理心亦都識得好多時要妥協慢慢來(例:慢慢加新貨時,我哋會諗辦法再篩走佢哋囉。民主派都要派派派蛇齋餅糭)唔

      其實佢地「缺一不可」的口號先至係最離地,最不顧現實。

      刪除
  4. 我自己向來都相信中國的玄學,我能力有限我緊係算唔到自己乜野,不過我覺得我能力理解到玄學
    例如玄學並不是算你幾時發達之類
    最近社會事件,好多所謂玄學家講野,我緊係覺得馬後炮啦,雖然佢可以FILL IN THE blanks,而果d字我地緊係寫唔出啦,咁但係你作文姐, 對我黎講,真正既玄學家係講未來的,帶人民避開,而不是講過去式,咁文中又見唔到你有咩方向同意見比到大家wor
    而且佢地班友竟然搵返2019通勝既地母經出黎,大佬我2018年12月已經買左本2019既通勝啦
    你有咩高見?

    回覆刪除
    回覆
    1. //而且佢地班友竟然搵返2019通勝既地母經出黎,大佬我2018年12月已經買左本2019既通勝啦

      其實我唔係好follow 到你呢個point.

      //你有咩高見?

      高見唔敢, 淺見就有. 2020年7赤金入中, 真係有機會打仗的.

      我城十年

      2019年(春分起,下同),己亥年,下元八運,八白土星入中宮。八白星為財星,亦為艮卦,有利地產(土)。天干己屬土,地支亥屬水,水被土剋,缺流動性;土氣亦在相剋之間被洩走,故整體地產市道只能為平穩中帶點弱勢。180年前,即上一個下元八運己亥年,為1839年,林則徐虎門銷鴉片,為當時中西貿易糾紛引伸至戰爭的契機。
      2020年,庚子年,七赤金星入中。七赤金為兌卦,主口舌、盜賊、軍吏、刀戟,發武貴,是故殺氣騰騰,可發戰爭財。天干庚屬金,地支子屬水,金生水,稍為中和一下。紫微斗數四化星文曲化忌,文曲主辯論,化忌就怕講多錯多。由於2020年係選舉年,侵侵未必真係會發動戰爭,似乎都係主玩口水戰,但投資市場最怕玩驚嚇,一旦軍演搞到擦槍走火就好唔掂。180年前,即上一個下元八運庚子年,為1840年,第一次鴉片戰爭開始。

      刪除
  5. 中聯辦換人,來了一個封疆大吏屈位來做,北京的決心暴露無遺

    回覆刪除
    回覆
    1. 陳義莊話前主任楷泥問責落台咁話喎。新任又有乜葫蘆賣,借個場拉晒入去集中訓練營定監粗尼亞公打七七四十九大板呢。學肥侵話齋14分鐘就可以剷平傷巷,洗乜幹那麼多花腎。

      刪除
    2. 新人事新作風, 暫時難以定論. 可以睇定啲睇吓PoPo士氣如何.

      刪除
  6. 祝魔兄同各位網友新年進步,平平安安!

    我成日有個疑惑,啲黃店(其實是小店)好似講來講去都係食肆,做得起似乎得渣渣同聾門?
    佢地有無興趣將啲「黃色事業」發大來搞,搞下「黃色架步」?XD

    佢地本來要區分黃店出來幫襯無問題啊,殺人政權都有紅色經濟圈,話block你唔俾return home 就冇得返唔受你玩,但走去label 人家藍店走去「裝修」人根本係黑社會行為。殺人政權都冇佢咁惡啦。

    有啲「藍店」其實係咪「藍店」都成疑,茶餐廳播CCTVB又話藍;有啲係喺暴亂地區唔俾手足入去避,又有次係MK有條有青墮樓,對面小食店唔肯交出閉路電視片段又被人砸店了。
    係暴亂中開檔係好危險,俾手足左警察追入嘅話,俾警察入又話出賣手足,唔俾入又俾警方話包庇罪犯,點都係死,唔係黃店嘅話,一暴亂最好都係果斷落閘!

    同埋連鎖店客群好大,話晒區選黃/非黃都六四開,如果表明其中一個立場就冇一半客,執都似....

    回覆刪除
    回覆
    1. //我成日有個疑惑,啲黃店(其實是小店)好似講來講去都係食肆,做得起似乎得渣渣同聾門?

      請睇樓上我引臘腸的專訪, 似乎成班手足都係原教旨理想主義者.

      //點都係死,唔係黃店嘅話,一暴亂最好都係果斷落閘!

      咁咪達成攬炒囉!

      //同埋連鎖店客群好大,話晒區選黃/非黃都六四開,如果表明其中一個立場就冇一半客,執都似....

      做非黃小店其實好簡單, 不設流膿牆、不貼標語、米豬連 icon 等、電視轉去 viuTV 或開電視, 唔使俾錢都搞得掂.

      刪除
    2. 講到尾,黃人只係一大群二世祖,讀多少少書,上多少少網,就覺得天下無敵,就乜都自己啱,少少唔啱聽就杯割,不停劃地為牢,自製敵人⋯⋯

      今次就係聼理D啱聽嘅啊邊個學者、教授、權威話,「乳散」的原因係唔團結,產生企碩「永不」割席。但係,上次的死因,根本就係企硬,談判時仲要10億人的政府向果幾十萬人道歉,有得談先奇⋯⋯
      毫無自醒,再不停為自己製造敵人,失敗只係時間問題。

      樹^_^

      刪除
    3. //上次的死因,根本就係企硬//

      有青民主運動既死因核心從來都係目標定立錯誤

      搞死/亂香港 達至 香港獨立/中央影響力遠離香港 本身就係唔WOKR

      如果目標只能定為:
      撈多D政治籌碼, 贏多幾個民選議席, 最後在談判桌上向中共爭取影響力最大程度遠離香港
      乳散和暴亂至少贏多佐位先

      而班傻仔定立一個佢能力以外既目標,
      要"強迫"中共影響力完全離開香港,
      根本係唔可能
      連台灣隔住個海, 民賤黨當權, 都唔可以將完全大陸既影響力隔絕
      更何妨係香港

      隨住熱情退卻, 剉敗感累績, 最後只會輸俾時間

      -- Dogdogchi

      刪除
    4. //就乜都自己啱,少少唔啱聽就杯割,不停劃地為牢,自製敵人⋯⋯

      佢地就係因為成日輸,做乜都唔靈,所以「唔想再輸,要贏返一次」,便要不停地自製敵人來「打倒」。

      //今次就係聼理D啱聽嘅啊邊個學者、教授、權威話,「乳散」的原因係唔團結,產生企碩「永不」割席。但係,上次的死因,根本就係企硬
      //而班傻仔定立一個佢能力以外既目標,
      要"強迫"中共影響力完全離開香港,
      根本係唔可能//

      其實袋住先全民有得投票,到時邊個可以出閘都未知,總之變數點都大過1200人小圈子,理性來說就一定是袋咗先。不過販民的存在價值就係反共,妥協無得反同佢地嘅agenda 相違背。

      //撈多D政治籌碼, 贏多幾個民選議席, 最後在談判桌上向中共爭取影響力最大程度遠離香港

      販民根本就係唔想嬴,只有輸佢地先有生存意義;奈何有青仲以為殺人政權才是主謀。

      刪除
    5. // 販民根本就係唔想嬴,只有輸佢地先有生存意義;奈何有青仲以為殺人政權才是主謀。

      所以, 咪ON 周周, 俾人忽悠到做咗炮灰都唔知.
      政府攪民生攪得好, 佢哋嘅存在價值就會變細, 咁咪即係減自己油水. 邊個咁抵得諗先?

      刪除
    6. 所以「有事一定要屌咗政府先,如果唔係我味無哂存在意義?」

      刪除
    7. //販民根本就係唔想嬴,只有輸佢地先有生存意義;奈何有青仲以為殺人政權才是主謀。

      點解販民根本就係唔想嬴, 但佢地明明係最大得益者

      刪除
    8. 佢地只係想贏議席, 而唔係想贏執政權. 因為佢地只係識有事梗係屌咗政府先.

      刪除
  7. //又有次係MK有條有青墮樓,對面小食店唔肯交出閉路電視片段又被人砸店了。
    係暴亂中開檔係好危險,俾手足左警察追入嘅話,俾警察入又話出賣手足,唔俾入又俾警方話包庇罪犯,//

    邊個叫你"扮黃店搵著數", 梗係要包庇到底, 齊上齊落, 黃人叫你捐錢就捐錢, 捐命就捐命

    -- Dogdogchi

    回覆刪除
  8. 所有這種帶有政治色彩,以政治行先,而將實際經營效果放在次一級考慮的實體,充期量只可作義工團體,要長遠能獲利經營完全離不開真正的商業考慮。
    請人以義士為先,所以說如這義士只有理念(當是真先),而好食懶做,也都炒不得了?這最終只會走向大鑊飯年代,這些一個個冠冕堂皇的口號經濟是否更像他們所反的大陸?

    回覆刪除
    回覆
    1. 未必係大鑊飯,我覺得似係庇護工場、更生中心多啲。總之上司同顧客都唔會對員工有好高期望,做咩到就得。唯一不同的是庇護中心都有「畢業」的一天,但黃店可能要養人成世。

      刪除
  9. //PoPo 畢竟有行動守則規範,不可能「無底線」...

    笑咗。

    回覆刪除
  10. 經營黃圈所用的手法和黑社會所用的很相似, 都是地下式經營, 見不得光。黃圈和黑社的主要分别是前者偏重政治意識形態而後者只為求財。如黃圈有政治和道德潔癖又受其束縛不涉本小利大的黃賭毒等偏門, 相信很難自給自足和長期經營。


    虾佬

    回覆刪除
    回覆
    1. //經營黃圈所用的手法和黑社會所用的很相似, 都是地下式經營, 見不得光

      我唔覺得似喎。黃圈手法喺辦公時間問候人喎,會幹大龍鳳。仲惡過黑社會,黑社會通常聽到都係半夜三間劈友,邊有咁猖狂明目張膽 訴諸拳頭。

      刪除
    2. //黃圈和黑社的主要分别是前者偏重政治意識形態而後者只為求財。

      黃圈仔其實唔知想點。間「光時」主要營業額竟然係賣 coupon 當捐款,咁即係做NGO多過做 business.

      //黃圈手法喺辦公時間問候人喎,會幹大龍鳳。仲惡過黑社會

      其實嗰個DSE 0 分,連偽俊都畢唔到業的區議員,大可以請呢類惡過黑社會的義士幫手,話哂手足嚟。

      刪除
    3. //「黃色經濟圈」實則是「黃色自保論」與「藍色他炒論」的結合//

      黃店如參與上述所謂的"黃圈"就有道義去間接或直接救濟負責打砸搶燒藍店的“義士",直接救濟義士的黃店為安全計就要轉為地下式經營。間接參與則視乎風險考量有無需要。

      無參與打砸搶燒的黃C恃人多勢眾時都會大大聲兇阻頭阻勢的非同路人,尤其是在遊行示威時當街當巷兇popo都得,大聲講吓不能以言入罪喎。


      虾佬

      刪除
    4. //大可以請呢類惡過黑社會的義士幫手,話哂手足嚟。

      好提議,蒙住面幫手好會做得放啲,凶人做嘢,行另類,咁佢區就優勝,18區試下比賽 褒獎分明都幾好。

      刪除
    5. //直接救濟義士的黃店為安全計就要轉為地下式經營。

      義士可以匿埋係倉度包貨, 鋪面可以用返正常人.

      //凶人做嘢,行另類,咁佢區就優勝

      做大判. 街城投訴塞渠 -> 搵手足凶清潔公司, 唔做就裝修 -> 清潔公司做完 -> 匿議會領功

      刪除
  11. 哈哈哈,班友搞乜,摸石頭過河啊,以前大陸就計劃經濟改革搞市場化,而家黎市場经济轉頭計劃經濟,套路還是城裡人會玩

    回覆刪除
  12. 楊明的舖頭現在很出名,朋友好鍾意飲湯,她試過後 話好正。上星期我又去試,果然又平又好味。 不過缺點係燉湯一盅盅上,心儀嘅湯水賣完就冇喇。

    回覆刪除
    回覆
    1. 等我搵日去試下, 荔枝角店應該近一啲.

      刪除
    2. 燉湯一盅盅先好味,我都會去試下,依家想飲 天麻魚頭湯添。

      刪除
    3. fb睇地址順便見到有紫薯玉露年糕賣,好特別啊呀。

      刪除
    4. //燉湯一盅盅先好味

      和你「盅」

      刪除
  13. 黃色架步sell本土情懷天使服務
    有得做喎
    Low yeah

    回覆刪除
  14. 太太跟小弟都認為魔兄這篇文章寫得很好。過來點讚一下!
    順道支持魔兄繼續點評時事,及其他評論員文章!

    回覆刪除
    回覆
    1. //過來點讚一下!

      謝謝三兄支持!

      //順道支持魔兄繼續點評時事,及其他評論員文章!

      既然三兄講起,那就加一條 bonus track:

      RC7/1/20 08:21
      你言論非常好笑,我唔係要講道理,講認唔認數。只係想解釋好多和理非嘅心態。示威者都係嫌惡,同仇警。同時間亦都係恐懼警方。所以所謂嘅警民合作基本上係冇可能發生。同時亦都解釋點解有部分和理非會支持 或可以接受裝修。
      ***
      既然唔係講道理,只係「解釋心態」:咁好簡單,因為葉國歡等錢使,所以打劫金鋪;佢唔想被捕,所以同警方駁火;子彈無眼所以會誤傷途人。呢個都係講緊悍匪的心態啫,要「 理解和明白」很容易,但咁又是否等於我們要接受、認同呢個「因果論」囉。

      呢一類「歪理因果論」我之前都講過(見《思辨練習之淺談因果論》),根本只係 present 出個藉口出來:你做某事當然有某個原因,但呢件事是否邏輯上講得通、社會約定俗成有無普遍性、是否在法律上容許,可以以思辨找到答案。傷民放棄思考,寧願接受「歪理因果論」作「解釋」,甚至自己都做埋一份,這才是「自殺」行為。

      刪除
    2. 魔兄,我都留一條BONUS TRACK。

      - 自己講人地,就一句[隨心分享]化解。
      - 當人地講到自己,即刻不遠千里,衝到其他人個場,同人地割席。

      刪除
    3. //面談可以看到表情,聽到語氣。看文字,一切只能猜。看者理解錯誤,或作者表達不清晰也經常出現。

      「原來你對我這麼不滿」在某些語境,其實也很冤氣的~~~~(逃)

      刪除
  15. 看黃色經濟圈的景況,或可給大家預視讓泛民掌權後,香港的未來發展方向:

    1. 白色恐怖橫行,親中以至中立的商店都會被公權力打壓,而自己人則獲針對性政策優待扶持。故此,向政權獻媚的宣傳廣告將隨處可見,而生意人向政黨疏通,並把成本轉嫁給市民,也將成為常態。

    2. 就像黃店經營的生意類形一樣,除了民生必需的小生意,如低檔飲食/糧油雜貨之外,稍為高檔或奢侈點的都做不住。而剩下的民生小生意,也因有青們無所事事,只能競相爭奪餅碎,致利潤低迷,導致人工,物價回到沙士年代。

    3. 就像黃色網店的貨物品種一樣,因為政權有很多安全方面的考慮,能發展的產業選擇也少很多,而且發展起來的速度,也像黃色網店的送貨速度一樣,別人一天就能做到的事,香港要花一個月時間才行,成本也像黃店的貨品價格一樣,總比別人高出一截。最多只能附上多謝支持民主自由香港心意卡一張,給投資者們聊以慰藉。

    4. 香港的財政狀況亦像黃色網店一樣,由於需要濫發福利,以養活大量無生產力兼無心工作的廢人爛人,收入卻只能靠各方好友捐贈,無法維持,因此只好到處開空頭支票,以類似黃店賣現金券的方式發債渡日。到有天債權人發現這些現金券,能換的貨品又貴送貨又慢,不再繼續買入,結果只能破產收場。

    到時候,人們才會明白,到底"光復香港"是什麼意思,"時代革命"革的是誰人的命。

    回覆刪除
    回覆
    1. //故此,向政權獻媚的宣傳廣告將隨處可見,而生意人向政黨疏通,並把成本轉嫁給市民,也將成為常態。

      黃C會話依家紅色資本都係咁。

      //低檔飲食/糧油雜貨之外,稍為高檔或奢侈點的都做不住。而剩下的民生小生意
      //人工,物價回到沙士年代。

      這就是呆式慢活的小確幸。偽文青呢家嘢,我真係識條鐵。

      //政權有很多安全方面的考慮,能發展的產業選擇也少很多

      要「反滲透」呀!

      //似黃店賣現金券的方式發債渡日。到有天債權人發現這些現金券,能換的貨品又貴送貨又慢,不再繼續買入,結果只能破產收場。

      美帝皇軍肯支持買債嗎?

      //到底"光復香港"是什麼意思,"時代革命"革的是誰人的命。

      條路自己揀,仆街唔好喊。

      刪除
  16. 國家迫中資發債要用澳門個債券交易中心, 係的話其實真係可以短時間被迫變得好大.但好多人竟然當得啖笑

    回覆刪除
    回覆
    1. 最好就係啲投資者信唔過馬交政府, 搞到債券有 discount,到時一定去掃貨 XD

      刪除
    2. 喂!如果係就大家研究下飲頭啖湯呀。

      刪除
    3. 都係等其他財博「誘導」讀者去抄功課先喇!

      刪除
  17. 其實是否黃店,我不太在意!
    但,如果要我,入去飲嘢,食嘢,時,喊 口號,!我 真的 不去幫襯!
    食嘢啫!
    你有 好嘢,安全,衛生的食物!
    哪怕 黄或藍!
    但,你可以 有啅頭!
    我哋 不應破壞 抹殺!

    回覆刪除
    回覆
    1. 對我來說, 只要有同類型選擇的, 我都唔會去黃店, 那怕只係在店子FB專業講了一句「傷巷人加油」亦然, 因為我無從得知佢地係真黃.

      例如以食店來說, 如果真係無可取替咁好味, 只能話佢真係以實力取勝, 黃店我都會幫襯 (當然唔包括入去要叫口號幫襯嗰一類).

      所以在我的價值觀裡: 實力 > 政治

      刪除