鄧炳強上任後首次出席區議會會議 回答議員質詢2020/01/17 12:43
【有線新聞】警務處處長鄧炳強上任後，首次出席區議會會議。有議員批評鄧炳強監管不力，要求他下台。鄧炳強指警暴指控失實，又指自己「理直氣壯做得好」，只有懼怕正義的人才會想他辭職。
鄧炳強上任後第一次到區議會答問題。大部分議員都關注，警察過去半年如何使用武力。
有議員就拿出三張相片，問鄧炳強能否認出誰是下屬。鄧炳強指反修例事件，至今拘捕7029人、38人被定罪。到尾聲，有議員提出臨時動議，譴責鄧炳強包庇警暴。
連民政專員都離開，動議最終在14票贊成、1票反對下通過。
１. 區議會會議點講都算是正式場合，一入場就叫一哥做ＰＫ（炳強），大玩食字 gag，成何體統？咁多議員開會，咪搞到自己好似班維園阿伯咁捉棋吹水，又或網上討論咁 informal 先得架！
２. 咦？點解封請願信會係「支持香港警察嚴正執法」嘅？
３. 有關６１２中信大廈射催淚彈事件，魔術師真係對之無感，監警會話查咪查囉。PoPo 用強光射暴徒/示威者/記者，究竟可能犯咗乜嘢法，魔術師倒想聽聽呢位議員講解，點解會有「警察向市民射強光是否犯法」呢個問題。又，販民最鍾意用「市民」呢個字詞來混淆視聽。６８９係市民、７７７係市民、一哥都係市民喎，你班販民又咁鍾意針對佢地呢班「權貴」？
４. 哈哈，葉國歡都係「市民」，不過當佢揸槍搶銀行金鋪時，佢就係「悍匪」。咁如果有 PoPo 稱呼「任議員」為「曱甴」，咁好可能「任議員」當時係做緊有如「曱甴的行為」，不過由於「曱甴」呢個字詞帶有眨義，唔應該講，咁就應該叫「任議員」為「暴徒」；況且，事發時「任議員」是否已經當選為「議員」，還是未知之數呢！
特首網上撰文指中西區區議員沒尊重鄧炳強及警隊2020/01/17 07:51５. 依家兩級議會都已經變成政治演員表演的舞台，成個政制的設定，議員根本不需要做實事（負責制定政策的是正苦官員），７７７你在龍獅旗下由ＡＯ做起，唔係今日先知下話？
【有線新聞】林鄭月娥晚上在Facebook帖文，指中西區區議會非建制派的議員用各種手法，對警務處處長鄧炳強和警隊作出不實指控、出言侮辱、動議譴責，破壞議會應有規矩，以及議員和官員應互相尊重的基礎，令人遺憾。
她讚揚鄧炳強不卑不亢、據理力爭，是部門首長的好榜樣。又指自己出席立法會會議，亦受到非建制派議員同樣對待，反問這兩級議會何時才可回到正軌，為市民做實事。
＊＊＊
8人昨晚在屯門「連儂牆」被捕 消息指包括一名休班警員2020/01/18 15:38６. 如果呢位手足係臥底，點解唔叫「自己人」？又，如果呢位白警係手足，佢就好應該在打砸燒時故意「扮鬼」當眾被捉，只要佢犧牲少少肯被當場鶳，咁就可以令 PoPo 信譽大挫（PoPo 話「臥底不會參加違法活動」)，到時要「解散警隊」就不是夢了！
【有線新聞】屯門區議員李家偉凌晨拍攝到警方在新屯門中心截查8人，搜出電鑽及反修例單張，他們因為涉嫌藏有工具可作非法用途被帶返警署。
消息指警方凌晨約三時在屯門龍門站行人天橋的連儂牆拘捕8人，包括一名隸屬青山的休班警員，是反修例風波7個多月以來首次有警員因相關事件被捕。
＊＊＊
楊明燉湯店涉違規遭食環檢控無牌經營食肆：我而家係被攻擊嘅矛頭７. 本來魔術師都唔反對黃色經濟圈，但就真係諗唔明典解班妄民成日都話巷共正拳失信於民，但係又咁鍾意去投訴嘅呢？點解唔發動班勇武日日去裝修？黃Ｃ情緒化，勇武就更加似係有躁狂病，情緒失控易走極端，容易大喜大怒，呢類「真・妄民」應該好易煽動至係！
即時娛樂 撰文：葉詩 2020-01-17 20:04 最後更新日期：2020-01-18 11:25
楊明與女友莊思明一直高調撐警，甚至高調到警總「慰勞」警員，於是引來持相反立場的「黃絲」網民提出罷食他主理的燉湯店，同時亦引來大批「藍絲」前來撐場，楊明日前更特意與女友落舖感謝市民撐場，當時二人甫進入店內就引來食客的歡呼聲，更有人大叫「加油！支持你！」等打氣說話。怎料，燉湯店再遭網民狙擊，指楊明的位於荔枝角工業大廈地舖的分店涉嫌違規經營。
楊明曾於荔枝角燉湯店門外拍照。（燉．養生Facebook圖片）
據知，楊明的燉湯店位於荔枝角工業大廈地舖的分店為「食物製造廠牌照」，即只能招待該座工廈內上班的職工，街外食客則只能外賣，不能堂食。但食環署向傳媒表示收到相關違規投訴，指涉事燉湯店原來沒有「工廠食堂牌照」，於是向有關店舖負責人以無牌經營食肆罪行提出檢控。
楊明與女友莊思明日前到灣仔分店巡舖。（資料圖片）
《香港01》記者致電楊明查詢有關事宜，他說暫未收到食環處正式起訴：「呢幾個月不停有好多無理投訴，都會好小心。（什麼類型的無理投訴？）層出不窮㗎，又食物中毒、又防火條例、又話我用走私豬肉，其實四間舖每日或者隔日就會有政府部門嚟睇。」他續言：「有犯錯的話受到懲罰係啱嘅，但我想講返我諗成個香港嘅工廠大廈都係我呢個牌；大家都知道我同間舖而家都係被攻擊嘅矛頭，冇話無辜嘅，可能我做咗啲嘢令佢哋好憎我。（覺得被針對？）針對就一定㗎喇！頭一個月會驚啲，佢哋啲招數層出不窮，而家過咗咁多個月好多招數都見慣見熟！（為當初的言論後悔？）我又冇呢個感覺，我冇後悔過！」
８. 又，講到咁，魔術師都想外幫襯吓外賣燉湯。不過魔術師夜放工，好似黑超哥咁去到售罄，豈非嘥氣？
一哥都不知幾有台型，又關懷下屬，有阿頭撐好緊要，當然，有害群之馬瘀血嘅都要懲戒。
回覆刪除楊明湯址我唔就腳，要的起心肝特登走去品嘗，聽聞湯味不錯，佩服楊明不向惡勢力低頭，我也莫忘初衷支持警隊。
//楊明不向惡勢力低頭
刪除可能佢都算係公眾人物, 敢於「唔交保護費」. 一般商家就好難話唔向黑衣軍的拳頭和火魔法師低頭.
哈哈，上次我都係特登去荔枝角店，下午五點湯水最齊全。下次去佐敦店試吓。
回覆刪除睇返直播，一哥對住班只會鬧人的區議員，真係好高EQ，不卑不亢，對答流利，我諗佢係歷來最好嘅一哥。
當時有一班一哥嘅fans到場支持一哥，仲送花俾佢。：）
//我諗佢係歷來最好嘅一哥
刪除暫時俾佢「新官上任三把火」, 仲要睇耐啲先有實際評論. 畢竟近來太多評論話「我城安定靠哂警隊,唔能夠挫佢地士氣」, 我覺得呢種講法不太健康.
之前佢上清心直說, 都頂住褚簡寧的攻勢, 值得一讚
刪除見到答英語記者發問，都無話口窒窒，算幾okay.
刪除今日警方比曱甴圍打，失策。
回覆刪除要缩短防暴同便衣既距離，曱甴先冇咁易走甩。
倫
要視乎PoPoo的戰術是什麼, 係唔係真係想捉人. 如果只係採取防守陣式, 個別黑警被人圍打真係避唔到.
刪除//要視乎PoPoo的戰術是什麽
刪除直頭慘不忍睹，點會人丁單薄走去向主辦單位宣布停止遊行，便衣真係諗住主辦單位不知情喇嘛！由此至終主辦單位就係幕後掌舵手，畀佢哋扇班便衣一鑊，暴露身份之如仲打爆晒缸。
//便衣真係諗住主辦單位不知情喇嘛！
刪除嗰班係警民關係組來的.
警方指多名警員被襲擊 施放催淚彈是最低武力 2020/01/19 22:21
【有線新聞】警方指施放催淚彈是因為當時有多名警民關係組的警員被襲擊，指警方是用了最低武力。
被問到催淚彈為何要射入遮打花園，警方指並非刻意，稱警員當時只是在對面的長江中心
驅散面前的人。他指在集會場地附近加強截查是為公共安全著想，指警方至少在8名男子身上搜出士巴拿、伸縮棍及鎚仔等工具，如不是主動截查，後果不堪設想。
其實班popo都幾委屈下，明明無哂警民關係都仲要硬住頭皮班人亙動。
刪除冇人會明白亦都唔想明白點解popo要咁做，解釋咗又唔收貨，態度好就話你假，揸正做就話你濫權。莫講話個社會，小學中學都係咁，你一日係呢個形象，到你grad嗰日都抹唔甩，香港地人善真係註定比人欺。
//解釋咗又唔收貨，態度好就話你假，揸正做就話你濫權
刪除其實解釋時個理由唔好咁牽強就得。
//你一日係呢個形象，到你grad嗰日都抹唔甩
80年代有云：「李香琴成日做奸妃，我諗佢個人都係一樣咁奸。」其實咪即無 perception is their reality 囉。
同721完全離題，但不知魔術師對元朗套丁和官商鄉勾結有什麼看法？
刪除鏗鏘集：套丁
https://www.youtube.com/watch?v=8_Cfy9iZFjg&feature=youtu.be
//鏗鏘集：套丁
刪除多謝提供，有時間要望吓。重申一次，本人時間有限，故不接受點唱評論。
//對元朗套丁和官商鄉勾結有什麼看法
Generally speaking，學當年愚苦美話齋：「唔犯法的就可以做。」當然，每人自己都會有一套價值觀、道德標準，好多嘢即使唔犯法，都唔會去做，或不屑去做；但這只是個人標準，不能強迫他人也跟你那一套。
「丁權」本可合法轉讓，但「套丁」過程就有可能犯法：
【丁權覆核案】郭卓堅稱判詞不准轉讓丁權？ 湯家驊：非判案重點
【01偵查】沙田套丁案 官斥虛假陳述如騙綜援
不過，玩呢啲法律罅，一般傷民也是優而為之，例如兩夫婦分次拆名轉讓業權，free 出「人頭」再買樓，並報稱「自往」，算不算是「虛假陳述」呢？乜 sir 那些教人「合規」令工資由無變有的方法，以糧單向銀行借錢，本質上又算不算是「騙取貸款」呢？
至於「官商鄉勾結」，不知道你是指那一種「勾結」。「秘密傾生意」算不算是「勾結」呢 ？
總之，如果市民如果懷疑有人違規犯法，例如牽涉貪污瀆職，或作出任何犯法行為，理應報警求肋。如果能提供證據，協助警方早日破案，就更為理想。
商人和原居民秘密傾生意，視乎內容是否合法，能否查證。
刪除商人和政府部門秘密傾生意，應屬於貪污行為。
有人作出投訴，執法部門明知而不作為；司法部門明知而不作刑事檢控；甚至林鄭放款條文比原居民，就是我所說的官商鄉勾結了。
//商人和政府部門秘密傾生意，應屬於貪污行為。
刪除知情人士有無報廉署？
//有人作出投訴，執法部門明知而不作為；司法部門明知而不作刑事檢控；甚至林鄭放款條文比原居民，就是我所說的官商鄉勾結了。
假設你上述所講屬實，咁呢個政府，其實係呢個社會，有某些方面真係好黑暗。
於是，俾着你，你會點做。俾着我，我會接受呢個世界唔完美，以前九龍城寨時都係「無王管」，總有你睇唔過眼，甚至明知乎犯法但存在的事情在發生。我相信在世界任何角落，呢類不理想的事都會發生。
如果你接受唔到，你可以移民，睇吓呢個世界有無一個的地方更適合你生活。你也可以建立一個新政權，令正義等以彰顯，方法可以係武力造反，推翻呢個政府；又或者軟性革命，攬炒令自己被踢出局。這就是「留誰逃」。
假設性既問题，魔兄都花時間解答，真係比值得尊敬。
刪除若有根有據，相信會上千上萬人投訴。喊公義那方，大把律政人馬，肯定幫到你。
倫
//若有根有據，相信會上千上萬人投訴。喊公義那方，大把律政人馬，肯定幫到你。
刪除可能佢以為睇緊《竊聽風雲3》...
https://magicianyang.blogspot.com/2016/07/overheard-3.html
不是假設性的問題，根據在鏗鏘集內，不是竊聽風雲。
刪除有民間人士就套丁、丁屋潛建、墳地佔用公地等問題作投訴，但目前沒有見到大把律政人馬幫手。
香港電台也被打壓撥款、被警員稱「第4權不存在」。
作為小市民，只能投訴、不能執法；不欲移民又不欲攬炒的人又如何自處。
//作為小市民，只能投訴、不能執法；不欲移民又不欲攬炒的人又如何自處。//
刪除不想走出舒適區, 就只可以繼續繼續唔開心
--Dogdogchi
//目前沒有見到大把律政人馬幫手
刪除以上我 quote 的新聞不是法庭判決嗎？
//作為小市民，只能投訴、不能執法
世界上有「文明政府」可以容許小市民私自執法嗎？
//不欲移民又不欲攬炒的人又如何自處
「留進逃」已經係好 comprehensive 的 solutions。有 solutions 你唔接受，這是閣下的問題。
就當是「丁權」引伸出一連串不平事，我城社會也有更多不平事，依家問題係，你自己想點面對呢啲不平事。唔敢造反、唔想攬炒、唔想移民、唔想忍受，你講咗好多唔要嘅嘢，咁你究竟想「要」乜嘢？世事有無限可能，無限大減一都係無限大（三兄口吻），你只係指出唔想點係無用，你要指出自己想點，才能找到自己的路向。
//香港電台
香港電台一向出政府糧反政府，同佢地網站所講的「約章」不太吻合，被打壓不是不合理。
//不是假設性的問題，根據在鏗鏘集內，不是竊聽風雲。
刪除節目當真材實料。
//有民間人士就套丁、丁屋潛建、墳地佔用公地等問題作投訴，但目前沒有見到大把律政人馬幫手。
根據鏗鏘集，都好多人為公義發聲的。咁係鏗鏘集唔堅，還是D嘢冇法律問題? 還是公義之士都有關連?我地唔係睇戲咁簡單，何謂公義响丁呢個topic, 每人各自表述。
//香港電台也被打壓撥款、被警員稱「第4
港台應係做政府把口，依家比錢咬主人，唔合理。第四權?若你係持平，中肯，正直先好講。成羣甴曱打人，妓者掩護兼睇水:「喂，有防暴有防暴。」
作為一個人，要知自己方向。小茄變大茄添。
倫
//咁係鏗鏘集唔堅，還是D嘢冇法律問題?
刪除如果記者掌握了證據，為何不執報警、報廉署？如果無人執法，咪正好有幾會煲大佢，爆黑警黑廉大鑊囉！
//第四權?若你係持平，中肯，正直先好講。成羣甴曱打人，妓者掩護兼睇水:「喂，有防暴有防暴。」
正解。食君之祿，擔君之憂；咬正苦糧，又受正苦制度庇蔭，唔使出去同人爭市場，仲要咁反骨，呢啲「不平事」，小市民見之，又如何自處？
擔君之憂：申訴專員公署、審計署一樣可以檢察其他政府部門、獨立行事。
刪除食君之祿：祿來自政府、政府收入來自納稅人，香港電台應該向出糧的公眾負責；何況他們的上司不是警察。
記者也該進行獨立調查，作出比較，（儘量）還出真相，才是長遠辦法。
//申訴專員公署、審計署一樣可以檢察其他政府部門、獨立行事。
刪除申訴專員公署、審計署 的 function 一是接受投訴, 一是查找不足,建議改善; 沒人說港台不可以「獨立行事」, 但為何他們的行事方式, 跟反對派帶有強烈政治立埸的霉體一樣呢?
//祿來自政府、政府收入來自納稅人，香港電台應該向出糧的公眾負責；
又, 如果要講「祿」來自何處, 你呢種當政府是一個pass through agent 的看法, 大有問題. 如果講政府收入來源, 恐怕賣地收入, 利得稅才是最大份, 況且大把基層唔使交薪俸稅. 咁講法, 香港電台豈非要為向地產霸、大商家傾斜的政策護航才對?
//何況他們的上司不是警察。
沒人說港台要為警隊講好話. 持平報導, 不要姒採訪為名拖延警方執法就得.
點解三人行停咗留言？
回覆刪除三兄個blogpost 第一段已經update 了原因, 請自行查閱, 我唔再 quote 了.
刪除魔兄，我自己解釋吧。[基於風兄在上篇文留言要求停止討論其文章，為尊重風兄個人意願，本文將關閉新留言功能，但仍舊保舊所有現有留言。]上述安排只涉及筆者的二篇文章，其餘均不受影響，仍舊開放留言區。謝謝！
刪除三兄你早就應該快出新文，網絡上嘅嘢，沉咗底就無事 XD
刪除謝謝提醒。其實我一早有這個想法，可惜我倉底連一篇文都無...
刪除//如果呢位手足係臥底，點解唔叫「自己人」？又，如果呢位白警係手足，佢就好應該在打砸燒時故意「扮鬼」當眾被捉，只要佢犧牲少少肯被當場鶳，咁就可以令 PoPo 信譽大挫（PoPo 話「臥底不會參加違法活動」)，到時要「解散警隊」就不是夢了！
回覆刪除太遲了，自這一單白警貼連儂被捕開始，暴徒在警方的臥底就暴露了，以後即使有警員參與裝修被捕，市民也會相信是臥底暴徒做的。
//以後即使有警員參與裝修被捕，市民也會相信是臥底暴徒做的。
刪除咁警察公共關係科要大肆宣傳，警隊一早就被暴徒滲透，濫暴濫捕的都是暴徒，721 走咗去的軍裝，999控制室延遲通報搞到警隊遲大到的都是暴徒內應所為。
如果警察肯嚴懲呢班人既話先會有d效囉
刪除臥底暴徒會無哂退休福利的！
刪除甘樣叫一哥就知道班區議員水平有幾高,一哥仲肯場都俾曬面佢地啦,如果係我就走人,都廢事同d唔會尊重人講甘多野.
回覆刪除其實成班小學雞式潑婦罵街，自己出醜而已。俾著我係一哥都係睇佢地出盡飲奶力耍馬騮好過。
刪除昨日喺元朗有曱甴區議員擺檔寫“廢春”,行過嘅時候聽到佢哋話中西區個主席好好嘢，大快人心...真係吹脹。
刪除//聽到佢哋話中西區個主席好好嘢，大快人心...真係吹脹。
刪除有青的自 high 手法，非你我所能想像。 例如，竟然有個咁嘅「演唱會」，睇見個 venue 真係嚇親：
Tommy開騷搞「沒有國泰，還有民安2.0 演唱會」 大中小學生免費入場
近期行得很前，被網民形容「型過余文樂」的前男子組合E-Kids成員阮民安（Tommy），繼早前於銅鑼灣街頭舉行「『沒有國泰，還有民安』港島區流動演唱會」和示威者齊抗爭之外，昨晚(6日)在個人facebook宣佈開騷，舉行「沒有國泰，還有民安2.0 演唱會」，而且全球大學、大專、中小學生都免費入場。
他在前日已經出了一張拿著疑似「防暴盾」的東西影的相片，指明天有重要事公佈，原來就是開演唱會。之後他出了超長文解釋今次演唱會怎樣營運，首先香港小、中、大學、大專生全部免費入場，只要登記時出示有效學生證，當日便可免費入場，至於正常票價則分$380、$280，他說：「我哋會分為『民安A、B隊』97回歸前兩種價格，睇場Show啫，唔使下下980，1680嘅～」還有「打狗價」門票套餐，$721買到兩張門票和一件演唱會「還有民安」「極權對抗」Tee，其中一張票價用來贊助學生觀眾。
不過地點暫時未落實，他說會用10日時間去接受登記及購票，再決定演出場地，日期會是「10月、11月、12月呢三個月入面嘅其中一個星期五，呢個安排係因為唔希望影響到香港人每個周末嘅抗爭日程。」
阮民安《沒有國泰 還有民安2.0》演唱會 2020
2020年1月23日 (星期四) 下午8時 ‑ 10時 (2小時)
ClubONE 水中天 2/F 宴會廳 》香港沙⽥大涌橋路55-57號
$300｜$400｜$721｜合資格學生免費
《沒有國泰，還有民安2.0》演唱會全企位，如有行動不便的朋友，例如長者或不能長時間站立者，需要在購票時於「備註」位置特別註明，大會作特別座位區域安排。
票價
民安 A 隊區域 $380 ＋ $20 行政費
民安 B 隊區域 $280 ＋ $20 行政費
「打狗價」 $721 套餐：
$380 門票 x 1
$380 門票 x 1（呢一張係你幫手贊助一個學生入去睇嘅門票）
「還有民安」 「極權對抗 」tee x 1
不撤不散！
＊＊＊
而我不知 Tommy 仔是誰？
維基百科：阮民安
2019年8月31日港島及九龍區示威中，阮民安在銅鑼灣東角道舉行「沒有國泰，還有民安」港島區流動演唱會，又稱會「一路同您哋唱到去金鐘，中環」，又與市民大叫「香港人加油」及「五大訴求 缺一不可」。阮民安又說即使在上海以至其他內地工作機會被取消，但都不會害怕[13][14]。
我細個根本唔識阮民安係邊個，佢啲歌我未聽過我亦都唔想聽，聽下陳奕迅容祖兒唔好？ 唯一係記得佢同另外兩條友(e-kids)會考加埋5分都冇XD
回覆刪除仲有冇後生仔上大陸
人都從來只係得把口，自己想做咩咪做囉，之後啲人咪當冇事發生過
今晚包青天上司請食飯, 新請的三位妹妹仔(真係好妹妹仔, 竟然會問「咩嘢係綠寶?」)都有出席, 仲大談抖音同返大陸(即係有 return home card 喇)...
刪除