白色都係一種顏色

有錢就是任性。退休夫婦見女兒已到外國升學，於是便 downgrade 自己由獨立屋搬到千呎豪宅咁委屈，梗係要搵鎢絲 sir 賀一賀佢，以免自己心理唔平衡也（３５：３３—４７：２０）：

樓盤傳真 2020/05/02 2020/05/02 22:35

負資產數字回升，第一季384宗，創四年新高，業界相信今次不會重演03年沙士期般慘烈，但對於有財困的業主，有什麼方法減輕供樓負擔? 另法律環節會探討新盤入伙即「爆糞渠」，業主可以追討什麼損失? 租金普遍回落，惟碧瑤灣有業主叫租進取，開價高市價一成多。另外，「疫市」之下，客人難以出外睇樓，代理為促成生意，自行拍片上載網上，這種睇樓形式的接受程度如何？ 新地與市建局合作馬頭角Downtown38驗樓結果力保佳績，是否足夠支持租金企穩的原因？裝修解密環節換個話題，跟大家認識水喉物料，如何確保食水與喉管安全。 富現代感的全白設計不是年輕人獨愛，已屆退休之齡的夫婦也要求把全個單位化為純白世界，與一貓一狗共住一堂，長遠要保持淨白，保持衛生最重要。

單位主調係白色，白到有啲似精神病院，搞到主持都話「白到盡頭便是型」，「寵物要乖同埋工人姐姐要勤力啲清潔」，唔知又算唔算暗寸鎢絲 sir 的整色整水呢？

話說屋主對單位間隔好熟悉，傢俬擺位一早諗好哂，男女主人各有書房及衣帽間，而且單位主力牆係正屋中心（左上），鎢絲 sir 可以亂來的機會唔多，只係將套廁和原衣帽間拆去，造個衣帽間俾男戶主，而女戶主的書房和衣帽間則佔了兩間客房（右上）。鎢絲 sir 話「白色都係一種顏色」，但存在感會低一啲，所以枱椅可以多啲色彩都唔怕（左下、右下）：

男主人書房被踢出廳，仲被設計到好似 reception desk 咁，書枱前面係清玻璃，可以鈄鈄地睇到電視，但就唔知聽唔聽到聲（左上）；書房後方係櫃，櫃底下仲係一件翻新咗油到變白色打頗擺的舊傢俬（右上）。記者妹話戶主夫婦退咗休，在家最大的娛樂就係睇電視；但電視卻又唔係對正梳化，鎢絲 sir 的解釋係咁樣嘅設計可以令書房、客廳、飯廳都「有唔錯的角度睇到電視」，並謂這是屋主想要的擺位...先解畫再戴頭盔，收人２００幾萬的鎢絲 sir 認真有諗頭（左中）！之不過，咁擺法梳化就對正工作平台，直望其他單位的樓景（右中），於是鎢絲 sir 便叫戶主夫婦面壁，造個條子趟門遮住工作平台的落地玻璃（左下）。電視櫃另一邊是黃燈裝飾櫃，同樣用條子設計，跟工作平台趟門相後斜向另一邊（右下），做成尖角射住飯廳：

鎢絲 sir 將所有房門改成趟門（左上）。其中之一間客房為女主人書房，書枱放在房中心，似乎很有霸氣，但鎢絲sir 又整幅牆拆去，改為條子趟門，不倫不類，話可以將光線帶入室內云云（右上、左中）。另一客房則為女主人衣帽間，兼作晾衣用途；女戶主身材矮小，衣帽間無需到頂，但就整咗好多條鐵通用來「開放式掛衫」，又或者跳鋼管舞都得（右中、左下）；房間另一端有樓梯，俾阿囡返嚟訓（右下）！阿囡竟然要訓阿媽衣帽間的「屋頂閣仔」，真在寒酸得可以，阿女倒不如住酒店獨自隔離算！

話就話有貓有狗，但就唔見影（可能未收樓？），兼且又無給貓跳上跳落的設計，只是在客廁的洗手盤設手貓廁所，就連貓抓板都無，戶主有幾重視寵物的福祉，實在令人懷疑（左上）。主人房延續全屋近乎清水房設計，就連床頭燈都要戶主後加；床尾個櫃會唔知會唔伯唔用嚟擺電視，抑或真係對住幅車頭相訓（右上）。男主人衣帽間瑟縮在主人房角落，都係以 pole dance 設計為主，乜都無（左下）。最後係廚房，廚房櫃用灰色，工作枱面用雲石（唔知道會唔會易裂易碎），盡頭係工人房，無影出來唔知會唔會連工人都訓得好過阿囡：

＊＊＊
假如不是有線用戶，可以睇 summary：