2020年5月7日 星期四

DSE中作試答2020:嚴以律己,寬以待人

在我認識的人當中,他最能體現「嚴以律己,寬以待人」的美德,試寫作文一篇,描述這位人物的言行。
(圖片來源:DSE 2020│中文科作文考題 需描述「嚴以律己,寬以待人」的人物
***
黑警死全家!
黑警還眼!你地點解要射人隻眼!
還有831、暴大、理大、和那些被黑警以性暴力欺負、被失蹤、被變成浮屍的手足!
黑警還命來!
每當想到這處,我都想大叫出來。
只有怒吼、只有淚水,
但我控制住自己,努力不讓自己發作。
因為疫情,運動「暫緩」了好幾個月,正如給我一個空間,給我整理好這大半年來所發生過的事。
也因為這裡是法庭,雖然香城的法治而死,但庭警依然存在。如果我有甚麼妄動,萬一我被抓了去,那我就會見他不着。
或者,最起碼,見「他們」不着。
他,當然就是天哥,我最敬佩的人。
他們,就是天哥的律師團隊。
我的文件夾中,有着多個月來的剪報,與及網上討論區的截圖。
我不冀望天哥能當庭獲釋,只昐望天哥能親手接下...不,這也不太可能...只昐望天哥的律師團隊能將檔案轉交天哥,讓他在獄中細想我們要如何走下去。
只要你能嚴以律己,行為良好,自可扣減刑期,提早出獄。
我知道你一定可以的。
沒有你的引領,我只怕我們成不了事。
「我們一直都是反對領導的;我們支持群眾自發,去進行他們想要的抗爭。」
我們一直奉你為領導,但你卻絕不認同,你要我們自發,自我覺醒。
授之以漁,而不是授人以魚。
我知,你害怕權力令人腐化,絕對的權力令人絕對腐化;所以,拒絕成為我們的領導,就是你的自我約東。
你律己之嚴,直叫我們將黃袍加身也是不可能。
我們只能默默地視你為先知。
何況在那年那夜,你已被抓去,被控以暴動罪。
但天哥,你有所不知。四年前魚蛋革命,我雖然只是初中生,我也披着藍衣在場聲援。
我見到恆哥哥跳上的士逃了...也見到小三姐姐跟人跑了。
只有你仍留下來,在前線跟黑警對着幹。
我見到你拿着卡板,明明可以給那黑警致命一擊(起碼在好多電影中都是這樣),卻故意地打偏了,沒要了那狗察的性命。
就算後來那交通警向天開槍示警,那又怎地。
他只有十二飛子彈,敵得過我們藍衣軍麼?
「你們或許因而心中充滿憤怒,這乃是人之常情。但我懇請你們不要被仇恨支配自己,在危難中,仍要時刻保持警覺與思考。」
這不是你在獄中想出來的,而是在魚革當時已經體現出來。
你喝止手足,約束他們,只叫他們逃走,不要跟黑警纏鬥。
你是為了手足的將來着想,同時也寬待了敵人,沒有取他們性命,反而以身作則,完善了法治。
你實在比那些前學生會會長、那些只有一剎那光輝的政治小鮮肉偉大得多了。
以德報怨,何以報德?
「律己以寬,待人以寬」就是 hea;「律己以寬,待人以嚴」正正就是黑警這壞榜樣;「律己以嚴,待人以嚴」則容易被仇恨支配...
但...你放過了黑警,但黑警卻將你送進了監牢,而你還叫我們「不要被仇恨支配自己」。
「律己以嚴,待人以寬」你絕對承受得起。
天哥,你永遠是我的偶像。
我也會默默地等你出來。
(1,080字)
(本故事純屬虛構,如有雷同,實屬巧合。)

***
魔術師 DSE 中作 Universe:
***
伸延閱讀:

29 則留言:

  1. 甘拜下風!

    魔兄你是觀摩了多少黃暴文宣論壇,才能模擬寫出一篇如此惟妙惟肖厚顏無恥的黃絲文啊。

    回覆刪除
    回覆
    1. 若非早知,看了此文會以為你才是黃暴背後的文宣主冷氣軍師 XD

      刪除
    2. 莫非大家一直以來都被這黃暴“魔”頭騙了?

      刪除
    3. 只要夠「文青」,咁就成浸黃味出哂嚟...

      刪除
    4. 文青=文宣

      學d人網上教人借平錢投資話齋, 好多人聽完以為自己明哂, 結果 .... 然後責任推哂落聽果班人
      究竟傳道果個人有冇責任 ....

      刪除
    5. //究竟傳道果個人有冇責任 ....

      佢地assume 咗受眾有能力有資訊去「查找」真相架, 無理由人講你就信架馬!

      刪除
  2. 今日見到班仆街垃圾有會唔開,又玩到赤腳,又推撞真係想中央炒能晒佢哋,等佢哋收皮。反還反都唔做嘢,一事無成。

    回覆刪除
    回覆
    1. //想中央炒能晒佢哋

      蟻員唔係殺人政權聘請的, 炒唔到佢地; 要DQ 都要找個藉口, 這就是「民主」的可愛之處...

      //反還反都唔做嘢

      會做事就不是反對派喇... 販民的存在價值不嬲就是反共:「共」不在了, 販民就沒有存在價值; 幫「共」做嘢搞好民生, 就更加係出賣手足...

      刪除
    2. 咁可以將垃圾會執笠,全體乳豬蒸炒炸焗煎,重新委任職務名銜,只要777一聲令下。

      刪除
    3. //只要777一聲令下

      《基本法》只容許重選,不容許委任制。在比例代表制下,基本盤局面不變,依家無論係建制派同販民都係要劍指「35+」,拎到簡單多數為之贏。

      刪除
    4. 同一份工, 人工一樣.
      一係就諗方法解決問題.
      一係就諗方法增加問題.

      你會點揀?

      刪除
    5. 梗係增加問題喇! 有事有得屌咗政府先, 又有得睇人PK最開心!

      刪除
  3. 魔術師嘅千字作文似係出自你嘅手筆,笑C人了

    回覆刪除
  4. 而家似興嚴以律警,寬以待黃(/黑?)

    話時話呢排爆唔少黑警嘅野,好似毒品果單,懷疑都唔係短期發生嘅問題,希望係佢地內部揸返正規矩嘅好開始,查清楚,抽返晒啲真黑警害群之馬出黎,樹大有枯枝,最緊要修剪有道
    同埋唔知係咪佢地工作壓力大,好似細個已經聽過佢地會有債係身,咁樣好易行歪路,除左去蕪存菁,請人審批得嚴啲,可能都要做多啲提升精神健康野,例如安排下啲運動, meditation,藝術之類嘅野減壓

    -Z

    回覆刪除
    回覆
    1. //嚴以律警,寬以待黃(/黑?)

      黃C自縮骨遮革命起, 佢地犯嘅法都唔算係嚴重, 最多都係非法集結之類, 你見劣C黨根本唔會有人被告(更遑論入獄令人生更精彩); 係笨土同埋勇武先至會參與嚴重罪行. 可以話黃都會分兩個極端.

      //抽返晒啲真黑警害群之馬出黎,樹大有枯枝,最緊要修剪有道

      其實任何政府、企業、團體、組織都有害群之馬, 不足為怪, 只要秉公處理則可. 黑警之所以時常「受針對」,主因都係因為佢地係執法者, 形象「正義」,而且可以「治理」佢地嘅制度唔係咁多, 所以對佢地嘅要求會較其他組織為高, 唔怪得人.

      同樣地, 醫護界的專業性及可取代性都係低, 而且工作牽涉人命, 可以審理違規事件的制度同樣會有「醫醫相護」的情況, 所以對佢地嘅操守亦都會較高.

      傳霉記者反而較次, 因為正反兩方都可以進入「市場」, 自然會有競爭淘汰(所以我舉腳贊成反骨電台可以私營化).

      //佢地會有債係身,咁樣好易行歪路

      有亙助社, 借錢易咗...

      //去蕪存菁,請人審批得嚴啲

      之前我先貼過有篇報導話多咗偽俊仔申請入職...唉 -_-

      刪除
    2. //係笨土同埋勇武先至會參與嚴重罪行. 可以話黃都會分兩個極端

      我意思唔係法律方面也,係啲人把道德尺,睇完立場就可以“不完美,可接受”

      //黑警之所以時常「受針對」

      我覺得係因為佢地真係有野做/處理得唔好俾到位人入..

      //醫護界..操守亦都會較高

      呢點我有啲疑問有啲保留,啲醫療事故好似無乜人會有事要揹鑊..

      //有亙助社, 借錢易咗

      我以為壓力大有不良嗜好例如賭果啲差人錢..

      //偽俊仔

      唉..因為份工真係好唔吸引,咁嘅人工同其他工比又危險又大壓力又會影響屋企人..不過學歷低唔係太緊要嘅,人格可以同學歷無關..

      -Z

      刪除
    3. //呢點我有啲疑問有啲保留,啲醫療事故好似無乜人會有事要揹鑊..

      我係指我自己對佢地的要求會較高... 但社會好似唔同意我的想法, 有醫療事故亦唔似黑警咁窮追猛打.

      //不過學歷低唔係太緊要嘅,人格可以同學歷無關..

      好多時人會受朋輩影響的...

      刪除
    4. //我係指我自己對佢地的要求會較高... 但社會好似唔同意我的想法

      i see,sorry我誤會左in general,我都覺得社會同專業人士自己對自己要要求高啲..求其會令好多野變得危險..

      -Z

      刪除
    5. //我都覺得社會同專業人士自己對自己要要求高啲..求其會令好多野變得危險..

      依家求求其其都可以做記者,霉體質素唔低落就有鬼。

      刪除
    6. 依個世界係憎人富貴厭人窮,狗眼看人低多的是。醫生一向地位崇高,乜嘢事故都判死於不幸,依家嚴謹咗要停牌一段時期。

      真係多人揀霉體科讀,可能會識多啲人8多啲嘢。

      刪除
    7. 跑新聞又唔係做娛記,好辛苦的, 點都唔似係為咗八卦囉.

      刪除
  5. 睇睇下真係感覺場運動永遠都唔會完咁

    回覆刪除
    回覆
    1. 其實「運動」的目標早就變成「報仇」,主要就是要打倒黑警了。黑警一日不倒,運動就不會完。

      刪除
    2. 係咪仲有打倒共慘呢?唔知會唔會好似屋邨領X咁(用玄學?)改下名呢XD

      -Z

      刪除
    3. //係咪仲有打倒共慘呢?

      唔會喇!笨土派話無精力理上面,自己巷蜀、巷中區隔就夠。

      刪除
    4. 其實黑警就等如共慘在香港代表, 根本無可能倒

      刪除
  6. 所以已經同武漢肺炎一樣,要同全人類共存....so sad, 所以10幾廿年後仔女真係好大可能要離開香港發展

    回覆刪除