貓與人的空間

年輕情侶年幾前以６００萬買入，５１１呎三房單位，住咗一排先搞裝潢，兩人兩喵共住一堂，究竟係乜玩法（３６：４７—４６：５６）？

樓盤傳真 2020/04/11 2020/04/11 22:35

疫市之下，銀行調低物業估值，個別屋苑的估值較疫情初期，跌幅高達一成。有按揭中介指出，多個行業如飲食業、旅遊業等，需要放無薪假，銀行對相關的按揭要求，較以往提高。
離島系列第二集，帶大家到坪洲睇樓。放盤距離碼頭只有 5 分鐘路程，不過中途要經歷「九曲十三彎」。這個 350 呎的村屋單位值多少錢？先賣個關子。
大埔白石角嘉熙入伙不久即有住戶確診新型肺炎，屋苑即時全面加強消毒，驗樓環節也趁機實測「遙距驗樓」是否行得通。公平起見檢驗兩個單位，得分有驚喜，證明發展商努力有回報。
年輕情侶居於位於大埔的海寶花園，把單位大翻新，總總設計意念都由家中兩位「主子」出發，營造簡約現代感覺的家。

Deep V 設計Ｃ話年輕情侶注重生活品味，多數宅在家中工作，又喜歡煮食（巷女 day day cook？）、招呼朋友，三房單位當然又係拆牆打通鑿一筆喇！

廚房有主力牆，改唔到開放式，Deep V 設計Ｃ雖唯有將主人房跟客房１打通，將客房１改成 Bar Area，前面仲有個 island，可以飲酒沖咖啡，小倆口談談體己話兒，又或者跟親朋好友吹吓水咁；然後就順勢在飯廳擺好飯枱和企身櫃，另一邊就係電視櫃同梳化（左上、右上）。但係估你唔到的是，在懶型格的酒櫃、酒杯、咖啡機（左中）和 island 內各式品味用具旁邊，竟然就是貓貓的進食區，磨爪區（右中）、與及睡眠區，睇怕 island 將會成為貓貓的跳台，而喵星人仲可以用倒掛的酒杯玩吓「酒杯敲鋼琴」：

飯廳靠背的企身櫃呈弧形，有一邊是用來放遮，但就離門口甚遠，隨時唔記得拎（左上、右上）。客廳梳化扶手位附有貓抓板（左中），電視櫃隔離有玻璃櫃放擺設，以防給貓貓掃跌（右中、左下），但影音器才卻毫無防備，電線、Lan線任咬：

本案樓齡較舊，屋內多橫樑，Deep V 設計Ｃ便以各種燈光及燈槽修飾（要維修就煩了），燈槽更可內藏冷氣機出氣口，改善外觀（左上、右上）。廚房空間有限，Deep V 設計Ｃ又運用上用種拉架與拉籃設計（最欣賞就係個拉籃），側側地身都拎到嘢，盡用每一處空間：

大門玄關無屏風，直望入屋；原來磨砂玻璃設在客廳梳化背後（左上、右上）。睇真啲原來貓廁所就在磨砂玻璃之後（左下、右下）：

Deep V 設計Ｃ將另一間客房改成衣帽間，順手改大少少個套廁（左上、右上）。女主人化妝品放在玻璃櫃中，同樣以防貓貓掃跌（左中）。套廁係明廁，算幾好，但洗手盤下放置石春就唔知做乜春（右中）。唔知點解戶主不欲將洗好的衣物晾在外頭（睇個則廚房旁有露台），反而要在主人房裝晾衫架靠衣帽間的浴窒寶吹乾，實在不明所以：

＊＊＊
假如不是有線客戶：