其實呢個特衰正苦都唔衰得哂，間唔時都有啲德政嘅。就好似以下呢個小膠樽回收計劃咁，回收一個樽經發達通回贈一毫，小小心意。魔術師間唔時經過 V City，都不時見到部機頗受家庭主婦、外傭、甚至拾荒者歡迎：由於每張發達通最多回十個樽，睇嚟一眾拾荒者都帶備好幾張卡去儲回贈：
|
| （圖片來源：環境保護署 入樽機先導計劃） |
魔術師當然唔係貪回贈，不過咁難得正苦有「Hi tech 嘢」玩，梗係要去實測吓，以下就唔係魔術師親手示範的例子：
其實依住畫面上的指示去做，操作相當簡單，魔術師亦無咁傻瓜好似上述片段咁將個樽頭尾調轉咁去入...不過，唔知魔術師係咪有啲閱讀障礙，完全睇唔明個條碼方向應該要點擺。初頭幾次條碼依圖示向左放，某啲樽 scan 到成功回收，某啲樽卻又唔得，試咗幾次都搞唔掂，搞到排魔術師後面的Ｃ９有點煩厭，忍唔住出聲「指導」魔術師要將條碼向上放。一試之下果然又得咗！魔術師只能認手勢真係唔及一眾街坊咁好，同埋正苦啲 instructions 應該寫得清晰啲囉！
正苦網站仲有地圖 show 埋回收機的地點同埋每架機的使用狀況，是否已經滿瀉之類。本來呢個設計係幾好，但回收機的剩餘容量卻用漸變色顯示，好似魔術師呢類對某些接近的顏色間唔中有分辨困難的人（唔係色盲，可能係色弱）就唔係太方便了：
|
| （圖片來源：環境保護署 入樽機先導計劃 > 入樽機地點, captured on 15 Aug 2021） |
查實李氏力場都有膠樽回收機：
|
| （圖片來源：Green Point智能膠樽回收機使用詳情, captured on 15 Aug 2021） |
不過呢壇嘢要先登記做會員，又限定只係回收飲用水的膠樽，茶同埋汽水之類嘅樽就唔收喇！咁鬼小家，魔術師就無興趣實測，留返俾以下的巷女懶興奮咁試吓算了：
又，膠樽有得回收，咁口罩呢？
＊＊＊
伸延閱讀：
一張發達通一次最多可以回收三十個樽，我屋企樓下架機日日都大排長龍。一件用幾張卡就冇乜可能，一來有職員趕，就算職員唔喺度後面啲人都會小。
回覆刪除//一張發達通一次最多可以回收三十個樽
刪除吓? 我見部機話一張發達通一次最多只能增值$1, 仲以為每次 limit 係10個樽添!
我玩開綠在區區,一堆嘢拎去,幾乎乜都收,儲分換禮品http://hk.ulifestyle.com.hk/cms/images/topic/1024/202104/20210408161238_1_13.jpg....但係進展緩慢,哈哈.........睇嚟回收機有錢收返,實惠啲.....
刪除一次最多三十個，開始時個螢幕會出30，入一個樽個數會減一，扣到零就會強制logout
刪除關於入樽機先導計劃
//幾乎乜都收,儲分換禮品
刪除如果有 app 可以儲分換會好玩啲.
//一次最多三十個，開始時個螢幕會出30
多謝提醒, 可能我真係睇錯.
//我玩開綠在區區,一堆嘢拎去,幾乎乜都收,儲分換禮品
回覆刪除我冇儲分，不過佢哋定期嚟屋苑收電器真係好方便。我架壞雪櫃都係俾佢哋收走，如果唔係都唔知可以點處理。
//我架壞雪櫃都係俾佢哋收走
刪除咁正! 我仲以為呢啲大型家電一定要call「勾綠帽」去收.
我係儲埋幾大袋,拎去佢個中心個到,佢其中一個中心就喺我屋企附近。原來連電器都收,下次問下先。
刪除//原來連電器都收,下次問下先。
刪除我屋企大把 outdated 的小電器、火牛、HDMI 線等, 可回收的都可以去試下.