魔術師資產配置(2023年1月結）

本月結算，巷尾股債繼上月尾透一透氣，本月繼續炒通漲見頂，加息已到盡頭，無視衰退硬着陸，報復式大反彈繼續燒煙花直至過年。以尾股為主的沉船基金本月較上月大升8.80％，每單位收報＄153.74（我城貨幣，下同），穩守第一位。鈀金即使下跌但佔比重不多，商品組合繼續由不斷走高的黃金主導，每單位收報＄137.53，較上月升3.75％，依然佔第二位。以巷股為主的生活基金本月收市每單位報＄134.66，亦較上月大升7.14％，維持第三位。

複式盈富本月都係狂升10.36％，每單位收報＄128.59，升破合格線，上升一位佔第四位。合格線債券和現金組合則跌一格，佔第五位，每單位收報＄127.19，大升8.65％。

房託組合終於擺脫包尾，升一位佔第六位，每單位收報＄110.82，較上月狂升10.42％，但依然低過合格線甚遠。時常為資產配置策略「犧牲」作對沖逆向買賣的強積金組合就跌一位排第七包尾，每單位收報$109.35，依然大升4.79％。

本月資產淨值（身家）埋單每單位收報＄16,640，只較上月大升5.56％，但淨流動資產則較上月卻較上月大升8.81％（較2016年3月31日基數升84.79％)。原因除咗係巷尾股股債黃金全線攀升，仲就係自去年11月起信用卡分期入賬，多咗現金分5年還，而短期負債只係計1年，所以以定義來說「流動資金」係多咗嘅：

魔術師的長債和短債都因為申請咗尾帝錢莊的信用卡現金分期而增加，但得來的資金都放回現金及債劵項投資賺息差，資產同樣多咗，結果魔術師的資產負債表依然係正資產，相當健康。本地錢莊跟隨尾帝加P，樓宇供款息率增加令每月供款還息部份多咗，還本部份少咗：樓債跌咗（分母下跌），魔術師按揭比率（按揭貸款/樓價）由上月 48.79％ 升至 49.25％，物業淨值佔總資產淨值32.05％，同一般只識買樓做收租仔的傷民唔同：

最後，本月魔術師身家跟我城指數的 beta 值保持 0.30，跟痕指關連大升0.82%至 54.52%，繼續係因為樓市下跌跟我城股市V彈背馳所致；standard deviation of rate of return (month-on-month) 保持平穩，微升至 3.17％：