今日人傳信不訛

魔術師真係幾鍾意睇黃職獵人啲帖文，尤其是嗰啲疑幻似真的「讀者投稿」(有啲似乜 sir 同埋一眾開班財務教練的讀者來信），黃得嚟真係好好笑，仲要睇埋嗰班加把口真心（膠）地提意見的妄民留言，簡直就係「文字版 tiktok」!

窮L拖鞋王

和另一半嚟到英國，期望越大，失望越大！老公之前在香港份糧，都叫做比上不夠，比下有餘，我呢幾年都係家庭主婦；嚟到英國，我都預咗佢人工會少一截，無諗過唔駛做，預咗公一份婆一份，大家努力返工，跟住可以買間屋，享受外國生活，但無諗過嚟到英國佢唔肯捱，反而放「pair」，我要一個人揹起頭家…

我自知英文唔好，又好多年無返工，嚟到英國最初幾個月都搵唔到工，四圍託人介紹，又不停睇YouTube學英文，終於搵到份part time ，最低工資都無所謂。

但另一半就唔生性，佢學歷好，英文又唔差，到埗第一個月就搵到份文職，但佢嫌工作刻板、人工低，做咗兩個月就辭職，之後開始「躺平」唔再搵工，仲成日約人周圍吃喝玩樂，當作自己嚟旅行。

佢身邊班香港朋友，個個身懷巨款，買樓買車後都唔駛憂柴憂米，可以揸住寶馬返工廠賺最低工資，心態當係體驗生活，鍾意做就做，唔鍾意做就唔做；但我地唔同，係香港無樓，唔係帶住一大筆錢過嚟，睇住銀行存款越來越少，而家成日因為叫佢搵工而嘈交。

佢最大問題係唔承認自己來到英國變窮L ，佢又唔肯面對現實，就算我唔介意養佢，但我份糧都係唔夠開支，積蓄就快見底，之後日子都唔知點算…

1. 比上不夠，比下有餘，我呢幾年都係家庭主婦...預咗公一份婆一份，大家努力返工...我自知英文唔好，又好多年無返工，嚟到英國最初幾個月都搵唔到工，四圍託人介紹，又不停睇YouTube學英文，終於搵到份part time ，最低工資都無所謂。

個老婆響我城都有「唔返工」，仲要英文唔好，憑乜咁把炮認為可以在嬰國搵到工？又，點解黃人在巷讀咗咁多年書，英文程度竟然要「睇 youtube 學英文」？

2. 另一半就唔生性，佢學歷好，英文又唔差，到埗第一個月就搵到份文職，但佢嫌工作刻板、人工低，做咗兩個月就辭職，之後開始「躺平」唔再搵工，仲成日約人周圍吃喝玩樂，當作自己嚟旅行...我地唔同，係香港無樓，唔係帶住一大筆錢過嚟

嘅然老公在我城「比上不夠，比下有餘」，老婆可以唔使做（在家做家務慳返個姐姐），又唔使供樓（唔知係咪黃人思維：唔做樓奴），理應可以儲埋唔少，點解會仙都唔仙吓？

3. 最大問題係唔承認自己來到英國變窮L ，佢又唔肯面對現實，就算我唔介意養佢，但我份糧都係唔夠開支，積蓄就快見底，之後日子都唔知點算…

心理上、財務上都未 ready 說學人移民，究竟《國安法》係咪真係咁恐怖，兩夫婦身有X要畏罪潛逃，定係羊群心態人走你又走學人「買保險」，「不自由 毋寧死」？

＊＊ ＊

I love you ok?

單身麻甩仔嚟到英國生活，識唔到合眼緣港女，諗住有排dry，點知英文唔好，都俾我追到鬼妹女朋友。拍拖幾個月，覺得歐洲鬼妹好nice又貼地。早兩日大家行超市，情人節到，鮮花無特別加價兼且仲有特價，3鎊一大束鬱金香，即興買一大束送佢，已經氹到佢好開心。

自己英文唔好，開頭都有少少自卑，但發現歐洲人好多英文都一般，女友來自斯洛伐克，有時唔明我講乜，佢都會好專注望住我，努力俾反應，然後大家都唔駛講咁多，攬下錫下就乜都明哂；唔似我之前女友，大家都係香港人，其實仲難相處，少少唔高興就唔理我，好無癮。其實英國好易溝女，大家唔好驚到單身過到嚟冇女。放膽啲講英文，好似平時香港咁樣溝女就可以。仲有「I love you」呢句說話，佢地唔隨便講，女友到而家都只講「I like u 」，我就唔理咁多，成日講I love u！

4. 單身麻甩仔嚟到英國生活，識唔到合眼緣港女，諗住有排dry，點知英文唔好，都俾我追到鬼妹女朋友。拍拖幾個月，覺得歐洲鬼妹好nice又貼地。...3鎊一大束鬱金香，即興買一大束送佢，已經氹到佢好開心...女友來自斯洛伐克，有時唔明我講乜，佢都會好專注望住我，努力俾反應，然後大家都唔駛講咁多，攬下錫下就乜都明哂

點解黃人總係「英文唔好」？咁易「氹」嘅原來係東歐妹...又，呢位首觸毒男咁肯定斯妹真係「又 true 又 pure」，而唔係PTGF在做戲？

5. 仲有「I love you」呢句說話，佢地唔隨便講，女友到而家都只講「I like u 」，我就唔理咁多，成日講I love u！

即係鬼妹仔唔同你呢隻宅男有 committment，即係做G唔俾錫嘴仔咁。你「成日講I love u」係沉船，人哋當你自作多情，係「英文唔好」咋！

＊＊ ＊

魷魚遊戲

加拿大辦公室文化和香港好唔同，朋友移民加拿大，人到中年好不容易搵到工，點知剛過試用期就被解僱。打咗咁多年年工，佢一向係交名炒人嗰個，無諗過自己會經歷被炒。

佢話之前見過老闆和一位同事講咗一句：you're done today ， 仲以為話今日工作已完成，點知其實係要辭退佢。所以自己未過試用期，都提心吊膽，直至試用期pass ，工作評價又OK ，以為進入「安全期」之際，竟然接到大信封！Why me ? Why me ? 佢話早排與老闆在pantry遇見仲有講有笑，點解唔傾下先？唔滿意又唔講，點知改善唔到？又無先兆，連「死因」都唔知，好唔甘心喎。

一班老友的whatsapp group入面， 有一位早十幾年前已移民加拿大，聽佢呻完就叫佢「睇開啲！」原來在加拿大辭退員工不一定要有理由，跟足合約條款及補償金便可，為免在公司內發生衝突，好多時即日通知，員工帳戶權限即時失效，有時和同事講聲Bye Bye嘅機會都無㗎。呢啲場面，睇戲見唔少，佢話現實就係咁，仲勸佢唔駛再諗點解被炒，不如慳番啖氣快啲搵過份工！

6. 老闆和一位同事講咗一句：you're done today ， 仲以為話今日工作已完成，點知其實係要辭退佢。

以「英文好差」地去理解：「I am done」係「我唔玩了」（食嘢指食飽、感情指分手、職場指辭職），咁「you are done」即係「被唔玩」，即是「炒魷魚遊戲」囉！

7. 佢一向係交名炒人嗰個，無諗過自己會經歷被炒...試用期pass ，工作評價又OK ，以為進入「安全期」之際，竟然接到大信封！Why me ? Why me ? 佢話早排與老闆在pantry遇見仲有講有笑，點解唔傾下先？唔滿意又唔講，點知改善唔到？又無先兆，連「死因」都唔知，好唔甘心喎。

炒你咪炒你，點解要俾你知個「死因」？「莫須有」得唔得？呢班「朋友」都移得民，人又唔係細，仲傾乜鬼？俾乜鬼機會你改善？同你有親咩？你估係公墓園（或其他「好難炒人」的大機構）咩！仲話「一向係交名炒人嗰個」，即係做開嘅職位唔係低，佢交人時又有無同被炒者「傾」、「俾個機會佢改善」？

8. 原來在加拿大辭退員工不一定要有理由，跟足合約條款及補償金便可，為免在公司內發生衝突，好多時即日通知，員工帳戶權限即時失效，有時和同事講聲Bye Bye嘅機會都無㗎。

其實即日通知最好，對無良僱主同工資奴都有着數，雙贏方案：無良僱主炒得人，自然驚對方條氣唔順整蠱返自己，在電腦網絡搞搞震就仲衰，所以無良僱主炒人一定要即時走；對工資奴來說，就算無良僱主唔驚你搞事，你俾公司炒魷魚，在「通知期」都唔知點面對班同事，都係即時走無謂尷尬也。

＊＊＊

參考資料：