城市論壇 － 防干擾，逐出場 情理法，逐樣講（２０１２年１０月７日））

這就是黃之鋒的「辯才」，着實令魔術師大吃一驚啊！

 

 

主持人成日話開show之前會講明規則，唔遵守者會被請離場，來幫口質疑「觀禮守則」的合理性，有欠公允。

 

佢又唔代表民政處，又唔代表警方，又唔係法官，都唔知以咩嘢角色上來做嘉賓，結果淨係識講：「相信警方有佢地嘅理由，你地唔服可以告佢地」，依家個遊戲規則唔係咁，咁樣講法係唔掂嘅！（雖然，係人都知，反對派係為反而反，點講都唔會服架嘞！）仲要用「黑名單」來打比喻（魔術師倒是覺得這個比喻是恰當的），即刻俾痴瘋食住上，真係攞嚟搞！

 

呢位肥仔就直程似係度搭檯咁！

 

至於黃痴瘋，成個節目的主打就係以一臉嚴肅咁問：「點解唔俾着黑色衫？」乜人地真係有話係因為你地着黑衫而趕你地咩？「有着黑色衫的人被趕」不等於「因為着黑色衫而被趕」喎，咁簡單的邏輯都要強詞奪理，難得後面班粉絲係咁拍手撐場，真係燒壞腦。

痴瘋的第二點是「不知名大漢」趕佢地的原委，並挑戰何謂「觀禮守則」；之但係，日月神明早就有報導，「港大法律學院助理教授張達明指出，根據場地使用管理權，場地使用者可自訂守則，包括拒絕任何人進場、向違規者下『逐客令』，甚至不公布或隨時改變條款」，唔知係真唔係呢？

三來，是否要等示威者做出「行動」先可以趕佢出場呢？咁就要睇下個場合係有幾「嚴肅莊重」，好似主持人話齋，在「城市論壇」的不當舉動當然可以稍作容忍，但在國慶升旗禮呢？日月神報又話「學人高潮」中秋「夜襲」特首府不果，話明國慶日要去狙擊狼震鷹架喎！就點解人地唔可以「懷疑」你有不當舉動？反國教派話國民教育會「洗腦」都只係懷疑咋喎！又無人真係被人洗咗腦，點解反對派可以懷疑政府，政府就唔可以懷疑反對派，雙重標準得咁明顯，都無人即場丙佢嘅？

雖則黃痴瘋信誓旦旦話知會在警方「不會在升旗禮的一分鐘內示威」，咁係咪即係話「在升旗禮完成後的一秒鐘」就會示威？升旗禮是否在國歌最後的一粒音符完結後就不再「莊嚴」？

 

何姑姑呢，算吧喇！佢講嘅point比痴瘋仲低，可以不理。佢話警方主觀懷疑人地就係唔守法，咁魔術師就唔知點解警察可以查問街上「形跡可疑」的行人喎？係咪要等人地真係拎架生去老爆，人贓俱獲先可以拉人呢？

 

呢位青年民建聯的後生仔捉到鹿唔識脫角，只係識結結巴巴咁話「唔關着唔着黑色衫事」，俾痴瘋咄咄逼人咁兇幾下就窒哂，佢兇你你咪兇返佢，輸人不能輸陣呀，細佬！

最令魔術師廢解的是，痴瘋的破綻其實好明顯，點解當場無人義正嚴詞，好似佢咁一臉嚴肅以嚴厲語氣講出佢邏輯上嘅錯處呢？點解人人都好似就住佢嚟打咁？連老老實實講句「依家主辦單位係因為懷疑你地會搗亂，所以唔歡迎你，唔係因為你着黑色衫！」都講唔出？（更真確的inconvenience truth就係「既然有些市民唔信任政府，政府就一樣唔信任呢班市民。」）

＊＊＊

其實，警方又係蠢咗，點解唔搵幾個軍裝捉幾條靚仔埋一邊，以查佢地身分證為由拉佢地布呢？

又，唔知明年年宵會唔會有黃痴瘋吹氣公仔賣呢？

＊＊＊

參考資料：

國慶升旗驅黑衣人 觀禮守則杳無蹤影

400人圍梁宅 「狼叫」促撤科 學民今續狙擊升旗禮

愛香港都唔得　Madam擔人走就得

 

2012/10/13 01:24:18