遲來的觀後感：《恐怖旅舍（Hostel）》／《恐怖旅舍第二站（Hostel: Part II）》／《救參９６小時（Taken）》

近年香港社會矛盾不斷，年輕人參與度日增，一旦有甚過火行為，輿論普遍都以「後生仔嘛，包容吓喇！」去鼓勵社會大眾不應對年輕人太嚴苛。之但係，以「核心價值輸出國」的老美來說，其主要外銷產品：荷里活卻不乏「勸勉」年輕人不要放縱（尤其是在性方面）的電影。最經典的例子莫如１９８０年的《黑色星期五（Friday the 13th）》），往後幾乎所有的Ｂ級狂殺片的最後生還者都是比較「純情」的女孩，而胸大無腦的女配角就只有在愚蠢的尖叫聲下成為殺人狂的祭品。

看官如果覺得１９８０年版的《黑色星期五》太古舊的話（其實掹車邊都算是８０後），那麼２００５版重拍的《恐怖爉像館（House of the wax）》應該頗對一眾宅男口味，單就是Paris Hilton的死法就夠好看：

 

＊＊＊

色字頭上一把刀：《恐怖旅舍（Hostel）》

同年還有一套虐殺片《恐怖旅舍（Hostel）》，講嘅係兩名美國大學生到東歐去，名為背囊遊，見識世界，實為獵艷，亂搞性關係。二人伙同路上遇到的「朋友」，一起去到斯落伐克的「人間天堂」。但事實上該「天堂」卻是由一個獵殺組織操縱：

組織專門向那失蹤了也無從追究的自遊行下手，尤其是那些下身主導追求「個人空間」的美帝，就是最佳的獵物，並提供場所、工具、清理一條龍服務，滿足「會員」們變態的虐殺慾望，包括剪腳筋、燒焊器燒眼等：

 

 本片主調灰暗，主角亦並非什麼英雄，只係一條色鬼雞蟲，尋花問柳尋出個禍來，絕對唔會有打敗組織的可能，最後能逃得性命已是上上大吉...

＊＊＊

金錢就是實力：《恐怖旅舍第二站（Hostel: Part II）》 

Elite Hunting組織實力強橫，上集的主角最後亦難逃毒手。第二集的主角就由變三名男大學生變成意大利藝術盛女三名，足見色慾不分男女，性別平等是也。

竟然要用美男計去溝咁嘅哨牙盛女，呢位貌似洪金竇的型男為咗組織真係大犧牲：

眾多受害人點死法按下不表，最頂癮就係「有錢就可以做會員」，只要受害人有錢，就可以將本來的會員「買」下來當獵物（女主角反撲起來可不是省油的燈，大剪鉗侍候呢位因為成日被老婆恰所以本來要殺佢的「會員」）：

 

＊＊＊

拳頭就係最後的實力：《救參９６小時（Taken）》

因為有續集，所以便先找來風評不俗的第一集睇吓，果然係絕無冷埸的動作片，甚至緊張過科幻大片《超級戰艦：異形海戰（Battleship）》（甚至令魔術師覺得捉本片的bug是有點吹毛求疵）。本片又係講美國青少年唔聽老父的謹慎論，獨自與同學去歐洲遊玩，以致被人口販子擄走的故事；結果Liam Neeson大發神威，以一敵百，拯救愛女，將壞人打個落花流水，毫無慈悲憐憫，亦沒有婆婆媽媽的包容，拳拳到肉腳腳精彩，總之係大快人心，並帶出全片主題：

１. 行使正義（或公義？），最緊要就拳頭夠硬；

２. 牙斬斬串串貢，唔係唔得，不過最緊要夠實力，得把口講係無用嘅（香港的反對派？），否則俾人打鑊金捉去坐電椅時酷刑拷問時，你就唔會笑得出了（如果係香港的反對派，最多只會投訴「差人打人」吧？）。

Liam Neeson「好言相勸」，但係綁匪不以為意，仲要串串貢：

"Good luck"咁串嘴吖嗱，電椅侍候：

＊＊＊

伸延閱讀：

《超級戰艦：異形海戰（Battleship）》：外星人侵略地球，就是註定要失敗

 2012/10/02　02:40:38