望 . 兩秒

（幕開）

（早上，路面冷清。）

（一輛巴士駛至，乘客魚貫而下。）

（一中年漢下了車，見路上無車，便快步走過馬路，去到一個有二十多級的平台，拾級而下。）

（石級下的路面有一白衣貌美女子，正要等路面無車才橫過馬路。）

（女子身材不高，帶着一頭捲曲的秀髮，嘴角微翹。）

（中年漢的腳步聲頗大，引起了白衣女的注意。）

（白衣女回頭一望，抬頭向上，然後又回過頭去，凝視前方。）

（兩秒後，漢子又行前了幾步，白衣女再回頭一望。）

（漢子四處張望，見並無其他人，手指自己鼻子，露出疑惑的眼神。）

（白衣女微一點頭。）

（漢子大喜，快步跑到白衣女的身前。）

漢子：小姐，乜你識我嘅咩？

白衣女：師兄，乜你咁無心肝，咁快就唔記得咗我嗱？我可是時時記掛着你呢！（唱）

「仍狂想　這幻覺多逼真

　聽到你聲音　猶像置身白雲

　是我未壓仰的興奮

　令我樂意傾心

　每隔兩秒我都想起你

　但我不懂使你心歡喜

　每隔兩秒我都想起你

　完全忘掉了自己」

漢子：你....你係？

女子：我咪係讀中文系，低你一屆嗰個師妹囉！師兄！

師兄：吓！原來係你！搞到我仲以為係玩「猜猜我是誰」添！講開又講，咪叫我「師兄」喇！我無做師兄好耐喇！（唱）

「師兄　何其動聽　充滿黑色　娛樂性

　叫我師兄　猶如贈慶

　全憑因愛受傷命名

　太受誘惑太感性　誰碰碰我也會有反應

　而老友說這叫暗戀症　神經最過敏的類型」

師妹：師兄你真係風趣嘞！講到好似豪哥咁！嘻，我唔叫你「師兄」，叫你咩嘢好喎！

師兄：你可以叫我「校長」！

師妹：（挽起師兄的手臂）原來師兄做咗校長，好威啊！

師兄：（苦笑）算係咁喇！

師妹：係呢？你太太呢？

師兄：（奇怪地）咦，你點知架！乜你唔係去咗外國升學，同我地失哂聯絡，你點解會知...

師妹：（幽幽地）當年我有啲朋友怕我變剩女，所以叫我回港多多參加人家的婚宴，睇吓識唔識到啲筍盤咁話。點知，有一次，去着的婚宴，男主角竟然就係師兄你...（唱）

「避開這一種舖張的快樂

　坐最遠的角落　我怕寂寞

　然而幸福感覺　叨光不算多

　同輩說：「赴更多的婚宴　對我有幫助」

　筵席散　要孤單歸家　已剩低我

　別人全部都找到　託付那位

　我的身邊　還是永遠　尚有空位」

師兄：乜...乜你有返過嚟咩？我...我記得好似無同你影過相，否則我一定會好似當年咁，將我地張相貼在水松板上架喎！

師妹：（嘆氣）我呢個無謂人，唔通仲嚟贈興咩？（唱）

「哪可春風滿面　來陪你應對與敷衍

　萬千雙眼面前　見識恩愛場面

　數年不見　願你任性不變

　再十年不見　你會跟她一家幾口糾纏

　然後漸漸暴露彼此缺點」

師兄：唉...俾你講中咗，一家幾口就真係幾口嘞，不過...

師妹：師兄，睇見你個樣，我都猜到幾分架喇！衰嘢唔好再提！（一手搭在欄杆上）敢唔敢同我「再續前緣」，同我一齊倚着欄杆傾天光！

師兄：（一手按在師妹的手臂上）怕你呀？唔好以為依家係朝早，聽日又唔使返工，我同你傾２４小時都得呀！

師妹：乜你唔使返工咩？

師兄：呢啲嘢，留返拜山先講喇！係呢，師妹，點解你個樣好似無老過咁，成手又白又滑，後生過我成廿年！你係咪練咗「玉女心經」？

師妹：（咭咭地笑）嘻嘻，乜「玉女心經」呀？我去咗做醫學美容之馬！

師兄：你啲皮膚真係好滑，個身又香喎，不如你好似以前同我一齊搭船咁挨過嚟喇！

師妹：好呀！

（白衣女依言挨在漢子身上。）

師兄：有美相伴，呢次一定掂！（唱）

「忘掉的幸運 終於都可發生

　如絃樂響亮 融合我微暖體溫

　和你的心跟心接觸 改寫了結局 終止一顆心靈自我放逐

　和你的心跟心接觸 可使我預見 來年能以幸福歡呼掌聲結束

　你是路上唯一我的觀眾 我寂寞面容 熱戀中難以自控」

師妹：幸運？好呀！師兄，今晚溜溜長，我地做乜好呀？

師兄：（從褲袋裡掏出了一部智能手機）師妹你有無智能手機呀？今日一於陪我打機打天光喇！我就唔信「雀王會館」入唔到頭１０名！

（幕下）

＊＊＊

參考資料：

望 . 兩秒

「雀王會館」

那夜非夜

虛擬同寐

師妹還好嗎？

2012/10/24　23:39:32