2017年9月14日 星期四

城市論壇論有青政策(2017年9月10日)

估唔到今集竟然係群雌粥粥,來個四娘教子格!魔術師今次 quote 唔到咁多,主要都係評論下各女將的表達風格,有興趣的讀者就自己睇片喇!
城市論壇:論青年 ,囚學生;和風起, 歪風散?(How can Carrie Lam build up a competent and responsible youth force?)

RTHK 香港電台
Published on Sep 10, 2017
新一季的第一集, 10/9/2017 (星期日) 正午1200至1300播出!
地點 : 維多利亞公園公園
台上嘉賓:
游蕙禎 青年新政成員
Yau Wai-ching Member, Youngspiration
林琳 荃灣區議會議員
Lam Lam, Nixie Member, Tsuen Wan District Council
方國珊 西貢區議會議員
Christine Fong Kwok-shan Member , Sai Kung District Council
吳思諾 民主黨成員
Senia Ng Member, The Democratic Party
蘇敬恆主持
琳琳

如果大家對《垃圾會選垃圾2016》仲有記憶的話,無錯,呢位琳琳就係有單張中幫鼎爺派波餅的女將。今次魔術師真係第一次聽見其人開金口,原來口才都唔錯:雖然佢講嚟講去都係三幅被,小罵大幫忙,猛咁話特衰政府諮詢的方式太 out 唔理想(又係在社堂會堂搞個講壇,一人講幾分鐘咁),但又無咩嘢好橋段提議,但係起碼呢位琳琳姐夠膽第一個出嚟講嘢,擺脫以往建制派鵪鶉打守勢波敵不動我不動的戰法,兼且說話又流利,對游小三的質問亦有得體嘅回應,唔會顧左右而言他,已經係非常之唔錯。
而更難得嘅係,琳琳姐講起英文上嚟,竟然係有偽 ABC 口音!
如果俾魔術師揀,就寧願捧呢位琳琳姐同埋有KO小LLC戰績的何俊賢(見《笑笑小電影(三)》),都好過由過度拘謹李美人同講嘢甩牙無 point 的鼎爺同出嚟發噏風。
游小三

平情而論,小三做咗幾個月呃錢議員,書就似乎熟咗唔少,雖然都係滿口「無人聽佢地講,所以先至衝擊」(魔:「聽佢地講」就係「依從佢地的意見去做」),但開始有小部份嘢係有 point。好似小三話(38:51—39:35)諮詢唔係權力,決策先係權力,政府要放權俾年青新一袋等佢地做決策,大家對政府的信心就會高返(魔:想奪權的藉口)。睇嚟等班有青自己 run 一間大學真係可行的辦法。
不過小三EQ依然都係差,講講下就好易激動(佢應該係無意圖去控制自己的情緒);講嘢高八度不耐煩個格就會好衰,有 point 都變無 point。小三話(41:56—42:20)唔係個個有青都係講理想,都會講現實,只係因為政府政策影響到一眾有青的生活先至行出嚟(魔:民不聊生?)。琳琳姐馬上就話難道巷蜀就是現實?嚇得吳小妹馬上出來打圓場,但小三已好得戚地細細聲咁:「大家咪慢慢睇下囉!」哈哈,又真係幾抵死喎!
又,小三最後話無權無勢的人係無本錢同有權力嘅人妥協,用自己的身軀,用自己的前途同人生去妥協(45:50—46:27)?
魔術師聽見真係笑咗。點解小三講親嘢,啲用詞都咁易令人想入非非嘅呢?
吳思諾

唔好睇少呢位妹妹仔,原來佢係大律師(師父係李馬丁,仲有AV仁做 uncle),最重要嘅係:佢係吳明欽個女!
聽吳小妹講嘢啲 points,又係走販民凡事都懷疑,對特衰政府採取唔信任的態度。觀乎吳小妹在整個節目最有見地的就係提議將區域市政局復活,既可提供民生設施的支援,又可以提供晉升階梯俾區議員(45:09—45:40),作為做垃圾會議員之前的緩衝,即係好似公屋升居屋,居屋升私樓咁。
吳小妹要改善嘅係,講嘢黐脷根,懶音又多...同埋,有時用詞要小心啲,好似之前接受毒果訪問,就唔好俾班妓者跣到你先得架!

哪吒

講嘢不着邊際之餘,又要群埋班後生女度,見唔夠人地搶咪便短話長說佔領 air time,嘥氣喇!
***
伸延閱讀:

維基百科:區域市政局
垃圾會選垃圾2016
笑笑小電影(三)
梁游指退還所有薪津要求不合理 更新:2017/09/12 14:05

立法會要求梁頌恆和游蕙禎退還全數議員酬金及預支的營運開支,交還限期今日屆滿,兩人去信立法會認為不合理。立法會指若未能收回款項,將入稟法院追討。
梁頌恆和游蕙禎分別被追討 92 萬多元,他們去信立法會秘書處,重申追討款項是不合理要求,又指部分資金已實報實銷,用作議員助理薪金及購買器材,認為即使議員身分被政府以不義手段暴力剝奪,實報實銷開支不應包括於追收款項之內,又認為歸還已購買之物資及有關單據,可抵銷部分追收款項比較恰當。
立法會秘書處表示已收到兩人的電郵,重申若兩人今天未能退還已獲發的議員酬金及預支營運開支款項,行管會將委托律師,盡快入稟法院追討欠款。

26 則留言:

  1. 林林最有大將之風, 功課做足, 立場清晰, 主動邀請吳妹妹去個什麼諮詢會, 表現出君子坦蕩蕩既胸襟

    禎禎 OK 啦,講野既力量強佐, 唔係出泥選果期只係識擺靚靚,不過個人唔覺係好事, 依稀有陳淑莊搞衰自己既影子

    吳妹妹把聲又尖又懶音,聽得好辛苦

    哪咤……忘記佐佢,出泥滾咁多年, 同禎禎有乜差距?!

    最後, 究竟討論緊乜㗎
    要政府聽年青人既聲音
    年青有乜要求?
    佢地知自己想點咩?
    唔駛做就有糧出有車有樓做人上人
    我唔知有邊個政府可以接納,接納佐又可以點做?

    ……俾份申請表佢地申請做卡塔爾公民

    回覆刪除
    回覆
    1. 同意呀, 係估唔到小三有唔錯嘅進步.

      琳琳講嘢幾淡定, 甚至勝過李美人, 可以睇高一線.

      吳小妹的懶音實在太多,又雞仔聲; 可惜吳明欽死得早, 無機會教好佢.

      //究竟討論緊乜㗎

      所以我呢一篇 capture 唔到 points,只係講三大女將的表現 XD

      刪除
    2. 有種感覺就係黃C好似頑童咁,超級唔抵得啲成績好同啲乖嘅學生。

      《負皮王引發公關災難
      唯唯做代言 網民嗌Cut卡》
      http://hk.apple.nextmedia.com/entertainment/art/20151115/19373240

      Dogdogchi
      //政府聽年青人既聲音
      年青有乜要求?
      佢地知自己想點咩?
      唔駛做就有糧出有車有樓做人上人
      我唔知有邊個政府可以接納,接納佐又可以點做?//
      莫講話年青人,就算曾經年青過嘅上一代都係咁。
      『有啲人有好奇怪嘅諗法,就曾經被欺負過就忽然終身有特權,以被欺壓嘅身份爭取過多或無關係嘅權益。又或是被欺壓過嘅人講嘅一定係合理。所以,一個二個有事無事爭住做受害人攞著數。』

      我家大爺一席話:
      「我(我們)沒有錯,是社會的錯、特首嘅錯、是地板太硬有錯。

      不肯認錯、不肯認低威是香港普遍的心理。小男人心態 ��

      現在香港人的心態非常矛盾。
      以前的香港人是傳統中國人心理
      對鬼佬,又敬又畏;
      對大陸人,又討厭人又要攞人着數。
      現在的香港人普遍學識好了(smart ass) 便扮鬼佬有主見,要民主,要當家作主。
      其實對住鬼佬,一Q樣��縮,淨係識求鬼佬、抄人哋啲舊嘢。
      加上大陸人開始有錢有才,香港人無主孤魂的自卑心又發作。連說句普通話都唔願意便知他們的水平去到邊。」

      上幾代畀鬼撳住欺壓,於是自卑。呢幾代呢?你睇班講毒,一個二個岩岩巉巉,邊個成績優異?憎人富貴厭人貧。追求成績成功名利唔啱、操練虎媽唔啱,反正對自己不利嘅都係唔啱唔「公義」。雖然唔係個個操練都會成功,但係如果想成功,又資質平庸,咁唔操練又點成功呢?究竟明唔明個世界係點運作㗎?就算你話返去原始世界都離唔開適者生存呢個道理架!

      刪除
    3. //《負皮王引發公關災難
      唯唯做代言 網民嗌Cut卡》

      兩年的歷史證明了,梁烈唯仍然大把嘢做,啲妄民又奈得佢咩何呢?

      //現在香港人的心態非常矛盾。

      您做好準備仇中恐共了沒有?
      http://www.thinkhk.com/article/2017-08/15/22555.html


      刪除
    4. //有種感覺就係黃C好似頑童咁,超級唔抵得啲成績好同啲乖嘅學生。

      我細個就係成績好同啲乖嘅學生, 所以成日俾同學整蠱. 呢個就係點解我會學到同身刀的原因之一:因為我信唔過其他人, 自己先係最可靠.

      //不肯認錯、不肯認低威是香港普遍的心理。

      呢個係由毒果將「認錯」變成「跪低」開始演變的.

      //其實對住鬼佬,一Q樣��縮,淨係識求鬼佬、抄人哋啲舊嘢。

      Fintech 咪係囉! 下一篇寫.

      //加上大陸人開始有錢有才,香港人無主孤魂的自卑心又發作。連說句普通話都唔願意便知他們的水平去到邊。

      我記得我買而家呢層樓的時候, 個經紀成日都呻「嗰啲大陸佬乜乜乜」, 然後「嗰啲大陸佬」一個電話來, 就必恭必敬地以蝗話接聽... 份工做成咁真係好易精神分裂.

      //如果想成功,又資質平庸,咁唔操練又點成功呢

      所以我不嬲都反對依家的青年政策, 搞到好似個個要可以向上「流」咁, 唔俾有失敗者出現.

      //啲妄民又奈得佢咩何呢?

      「你吹呀!」呢句實在是講太好了!

      //您做好準備仇中恐共了沒有?

      其...其實我唔識得用支付寶.

      刪除
    5. //唔畀有失敗者//
      其實冇做第一名唔一定就係失敗者。係啲人係都要做第一名,覺得唔係第一就係失敗之嘛!

      //其實我唔識得用支付寶//
      我都唔識喎!應該好似當個電話係八達通咁。
      學定先。唔係一有E郁,要「向上流」就「背」啦!菜都唔識買呀!

      刪除
    6. //「你吹呀!」呢句實在是講太好了!

      我好少睇娛樂版,開頭C嬸quote仲以為是講之前內蒙朱日和個閱兵...點知原來係兩年前。所以句"你吹呀!"真係啱晒,事實上好似梁烈唯呢類可乖仔可混混既相貌唔易搵,聽聽話話勤勤勉勉cctvb無理由唔俾嘢佢做。登高妄民只是noise大,但又代表到幾多市場份額呢?隨時是最口爽荷包立的一批。

      //其實我唔識得用支付寶//

      我都唔識...不過我用開微信支付 XD

      刪除
    7. //係啲人係都要做第一名,覺得唔係第一就係失敗之嘛!

      「天生我才必有用」嘛,所以怪獸嘉獎便不斷地叫子女參加這樣那樣的比賽,不拿個冠軍證明自己資優勢不休囉。

      //事實上好似梁烈唯呢類可乖仔可混混既相貌唔易搵,聽聽話話勤勤勉勉cctvb無理由唔俾嘢佢做。

      做工資奴最緊要係聽話XD

      //登高妄民只是noise大,但又代表到幾多市場份額呢?隨時是最口爽荷包立的一批。

      有青都係noise,人就來來去去都係嗰班人。係股民政黨唔肯無視佢地,當佢地係票源,又可以幫販民自己make noise,便猛咁煲埋啲佢地啱聽的議題而已。

      //學定先。唔係一有E郁,要「向上流」就「背」啦!菜都唔識買呀!
      //我都唔識...不過我用開微信支付 XD

      哎呀,我尋日撳下撳下個browser,撳咗去香土蝗國旅遊版,𠴱度啲話題係「買電話卡做實名,然後到大陸銀行用戶,要用深圳地址,然後綁定支付寶」,仲有U盾(即USB)有乜又七,我見到好似睇緊外星話咁!

      刪除
    8. 如果是微信支付,不一定要綁定銀行戶口,微信戶口錢包本身可以帶餘額,可以收錢(包括微信好友過數)亦可以付賬,香港Wechat戶口亦肯定不用實名制都有呢個功能。

      如果要綁定大陸銀行戶口,當然要上去開戶,近來開戶要住址證明(香港地址好似都得),而要綁定微信的話,開戶口時亦需要登記大陸電話號碼,但個號碼在中國移動香港開都得。開銀行戶口越嚟越麻煩係世界趨勢,呢個亦無辦法。開咗戶後綁定就很簡單,最緊要個大陸電話可以收到驗證SMS(一卡兩號一定可以)。

      其實微信亦可以綁定香港信用卡在香港用,之前有大新,而家加埋中銀,但香港有微信支付商戶唔多,所以我無開通。

      刪除
    9. 魔兄可以叫你啲蝗國親戚打幾蚊俾你,你再打返俾佢試下。微信錢包係自帶功能,唔使開通的。

      刪除
    10. //如果是微信支付,不一定要綁定銀行戶口,微信戶口錢包本身可以帶餘額,可以收錢(包括微信好友過數)亦可以付賬,香港Wechat戶口亦肯定不用實名制都有呢個功能。

      但要連接現實世界, 電子錢包一定要同銀行戶口 connect 先得.

      //開咗戶後綁定就很簡單,最緊要個大陸電話可以收到驗證SMS(一卡兩號一定可以)。

      多謝摩摩提供資料,果然係識揼老馬 XD

      我大陸有兩個銀行戶口, 一個係用來收「祖業」租的戶口,一個係大貓的Premier. 睇嚟返新工之前(agency 話竟然要用成個月做background check)要上去搞下港燦理財,同埋上次講過的「匯款渠道」XD

      //香港有微信支付商戶唔多,所以我無開通。

      我見到華潤超市(即 U Select) 有囉!

      //魔兄可以叫你啲蝗國親戚打幾蚊俾你,你再打返俾佢試下。微信錢包係自帶功能,唔使開通的。

      返到上去聚舊可以試下.

      刪除
    11. //但要連接現實世界, 電子錢包一定要同銀行戶口 connect 先得.

      假設一個散工,工頭每日用微信支付出糧,而散工生活周邊消費全部可以用微信支付,咁佢真係可以完全get rid of銀行戶口的。

      我第一次用微信支付,就係同friend在深圳食飯,friend用微信俾錢我,然後我再去櫃檯俾錢,當時我都未綁定銀行戶口。

      當然要經常用微信支付是很難唔綁定銀行戶口的,但呢個真係微信支付同支付寶已經形成一個"金融生態系統"的象徵; 馬雲仲曾經高調利用客戶支付寶余額,搞余額寶等實際上的金融服務,這已經威脅到傳統的金融建制,只是後來被"約談勸喻"兼出台新法例監管,馬雲在呢方面先轉趨低調(但相關服務仍在新例內運行).

      //多謝摩摩提供資料,果然係識揼老馬 XD

      始終我唔係用大陸戶口出糧,所以三位數以上消費我好少用微信支付。不過而家太多服務甚至只support微信支付或支付寶,例如共享單車同手機買戲飛(上面現場排隊買戲飛貴網上買一倍,所以無人會到戲院排隊的),無是但一樣就會體驗少好多嘢.

      刪除
    12. //散工生活周邊消費全部可以用微信支付,咁佢真係可以完全get rid of銀行戶口的。
      //呢個真係微信支付同支付寶已經形成一個"金融生態系統"的象徵

      但係咁就會固定咗佢在「微信支付生活圈」裡生活了(其實港豬也有「八達通生活圈」)。

      //上面現場排隊買戲飛貴網上買一倍,所以無人會到戲院排隊的

      呢一個 point 正呀, 等我加埋入去下一篇.

      刪除
    13. 其實微信支付的實名要求,我估計係隨住政府的要求而增減,今年初過年時試過有親友發紅包俾老婆,但微信要求佢要實名左先可以收紅包,但有些朋友就毋需咁做但只可以收,要實名才能發,亦有朋友係未實名亦可收和發,可能係程式新舊版本問題。而唔同時期的要求亦不一樣。非常有趣......(我統稱為「大陸式管理」,既靈活又高不確定性,令人又愛又恨)

      當然,唔實名的情況下,無記錯收和發都有上限,好似¥200收內。

      其實微信和支付寶的成功,有賴寬鬆(過低)的監管、大陸的廣闊地域以及相對封閉的商業環境。對微信而言,可以在現行金融政策下容許做金錢相關的處理而唔算洗黑錢,可以話靈活,可以話無規範。大陸地方大,銀行分行少,紙幣面額最高100,下下到櫃員機或分行提款會好費時。另外,信用卡,支票等支付方式在大陸並不流行,以往大部份人停留在現金交收,對於用家,第一次接觸到呢類低門檻的免費電子付款方式,小額咁試下何樂而不為?

      而家唔帶現金出街係完全無問題,假設自己部車維修,出門口前就用滴滴call 車,上車就可以用美團搵定目的地附近有乜餐廳有團購做緊,用支付寶或微信俾錢買coupon, 落車時可以默認免密碼以微信錢包小額支付車資,或24小時內用微信或其他電子支付方式俾錢。 到餐廳就show 個coupon 的QR code 俾侍應掃描,咁就坐低食飽,拍拍欏柚就可以走人。睇戲,超市購物等亦可以咁樣支付。

      再舉個例,連我搵順豐寄奶粉俾舊同事家鄉的愛兒,都係經微信的順豐公眾號落單,該系統會自動安排該區負責的快遞員來收件,即時用部手掌大小的打印機出單,快遞單費可以用我微信錢包掃佢部機的QR Code 付款。 我連筆都唔駛用,單都唔駛寫就寄左件貨俾人。實在太方便了。

      刪除
    14. 魔兄,SPAM 中有我的留言嗎?煩請打撈一下,謝謝。

      刪除
    15. //其實微信和支付寶的成功,有賴寬鬆(過低)的監管、大陸的廣闊地域以及相對封閉的商業環境。
      //可以在現行金融政策下容許做金錢相關的處理而唔算洗黑錢,可以話靈活,可以話無規範。
      //信用卡,支票等支付方式在大陸並不流行,以往大部份人停留在現金交收

      傷港就係人人驚損失(其實邊度先係人傻錢又多), 怕被人呃, 所以就愈來愈多監管. 監管愈多就愈不利創新科技.

      //到餐廳就show 個coupon 的QR code 俾侍應掃描,咁就坐低食飽,拍拍欏柚就可以走人。睇戲,超市購物等亦可以咁樣支付。
      //我連筆都唔駛用,單都唔駛寫就寄左件貨俾人。

      簡直係天堂.

      刪除
  2. //琳琳講嘢幾淡定, 甚至勝過李美人, 可以睇高一線.//

    民建聯既班次建設係高一班
    最老餅既譚耀宗蔡蔡子果班, 一係京官樣一係太監樣, 超趕客
    去到李美人鼎爺已經似模似樣, 不過都難免感覺到浸建制除: 你都係企政府果邊為政府講野O架啦
    而林林姐姐同漁農何就再進一步, 建立到一個建制議員應有既角色定位: 同政府合作, 推動政府改善社會, 覺得政府不足都會小小佢, 小既同時都會發揮到幫政府向公眾解釋政府難處既功能

    //所以我不嬲都反對依家的青年政策, 搞到好似個個要可以向上「流」咁, 唔俾有失敗者出現.//
    香港最大獲係無工業
    因為無工業, TECHNICAL STAFF 既功能被無限縮小
    唔上流,就變基層

    保你大同食屎大前身都係理工學院, 出既係HD, 係TECHNICAL STAFF
    依家唔係, 全部都係學位, 個個都係管理人....個個都做管理, 邊有人俾人管

    當然, 比較返保你大同趕大既學科,
    都會見到部份學科本身都係TECHNICAL GRADE
    只係為升格而升格
    比如 保你大既傳統強項: 會計

    有返工業安置返班高不成低不就既人先係正經出路 - 又係時候要永遠懷念董伯伯O勒

    回覆刪除
    回覆
    1. //而林林姐姐同漁農何就再進一步, 建立到一個建制議員應有既角色定位: 同政府合作, 推動政府改善社會, 覺得政府不足都會小小佢, 小既同時都會發揮到幫政府向公眾解釋政府難處既功能

      民賤亂的青訓開始有成果, 林何兩人的賣相都唔差(我信相由心生, 以上譚蔡李周等人個樣真係好麻麻), 口才又好;睇返白鴿黨, 老嘅就同釘樞機一擔擔, 後生嗰班乳鴿個個都面目模糊, 就連英文唔合格要考六次會考先得嘅逗號王都要力捧. 依家阿吳小妹呢... 死喇, 我雖然係吳明欽粉絲, 但白鴿黨要捧佢個女, 就好似蜀漢關公死咗要捧關興一樣...

      //保你大同食屎大前身都係理工學院, 出既係HD, 係TECHNICAL STAFF
      //只係為升格而升格
      //有返工業安置返班高不成低不就既人先係正經出路

      同意, 深得我心呀!

      以前HD的定位算係寫字樓工中的紅褲子, 再低一層的IVE(工業學院)就傾向藍領學徒制多少少. 在以前的機制裡面, 晉升階梯幾明顯, 亦都俾畢業生睇到前路(生涯規劃).

      依家? 考唔到大學就負學士, 再唔係就偽俊剪趐, 然後升返上大學. 個個都想做 management 財務自由, 無人再肯做紅褲子(但就大把人肯做巷蜀的爛頭卒), 而同時大機構又做緊 transformation, 追求 flat hierarchy, 結果 manager 就變哂無兵司令, 咪又係要自己落手落腳去做。

      刪除
    2. //依家? 考唔到大學就負學士, 再唔係就偽俊剪趐

      依家就算讀完HD,大部分學生都係升翻上大學(本質上同副學士冇乜分別,只係HD少啲通識科要修讀), 所以開有大學始質疑HD的存在價值.

      //然後升返上大學. 個個都想做 management 財務自由

      我又唔覺佢地有好多係咁諗. 基本上大多數人要升上大學,係因為有個degree 係做大多數行業嘅基本要求.


      刪除
    3. //所以開質有大學始疑HD的存在價值.

      同負學士一樣, 算做有個milestone,考唔上大學都有個 qualification, 唔似當年我等中大暫取生, 如果大學畢唔到業, highest qualification 就跌返落去「中五會考畢業」的程度.

      //基本上大多數人要升上大學,係因為有個degree 係做大多數行業嘅基本要求.

      說得也是. 但這也說明了讀大學只是為沙紙, 所以依家普遍成年人都係缺乏研究學問或解決問題的能力, 伸手者眾, 思考者稀 (呢個係我從投資文章/blog/討論區得來的印象); 見到邏輯數學就怕怕, 講文史哲藝術又話太離地, 文又唔得理又唔得, 淨係識得講飲講食去健忘旅行, 成個社會的氣氛都唔 support 「知識型經濟」.

      刪除
  3. 雖然只看了一半節目,但 絕對同意各位的意見,琳琳確有大將之風,說話同論點都非常清淅。或許香港應該有更多的這類人才。
    Roger

    回覆刪除
    回覆
    1. 同意。

      節目睇完嘉賓發言(一半左右)就夠,觀眾發言可以skip,直接跳去最後總結嗰part。

      刪除
    2. 不敗的魔術師和各位朋友,有誰知道這琳琳的更詳細資料嗎?十多年前我有位網友,她的女兒就叫這名字,好像還是嶺大的。但自從阿虎改版,取消了博客,大家就失聯了。
      Roger

      刪除
    3. Roger 兄,

      林琳係荃灣區議員, 有名有姓, 你大可以去佢議員辦公室探下班呀!

      http://www.districtcouncils.gov.hk/tw/tc_chi/members/info/dc_member_list_detail.php?member_id=1454

      刪除
    4. 魔術師一言驚醒,一於明查暗訪。唉!放洋太久,人都out啲。thx!
      Roger

      刪除