2018年3月10日 星期六

要光有光屋

日前晚上魔術師返屋企一落巴士,就見到前面有中慘父母拖住巷孩一字排開,成個家計會 logo 咁欄住成條路慢慢行...魔術師住的中慘屋苑已經咁鬼眼冤,豪宅區豈不是更多呢類個世界只係圍住自己巷孩而轉的中慘家庭(36:02—47:00)?
樓盤傳真 2018/02/10 2018/02/10 23:37
九肚麗坪路一帶洋房豪宅新盤,包括新地雲端流標、資本策略九肚山峰減價,是否「新九肚」仍未成氣候?全個新區只靠一條麗坪路上落,交通是否負荷得來?
屯門新市鎮發展半個世紀,一直是「上車樂園」。但資金追落後至屯門,樓價、租金皆升,或致置業階梯斷裂跡象。以叫價 450 萬元放盤為例講解。
朗屏 8 號入伙,驗樓得分 63 分。樓盤部份單位貼近西鐵路軌,開放式戶型更是固定窗,只能透過露台通風但要面壁,呎租卻高達 39 元,淨租務回報 3 厘半,越細越貴,租客無奈也要就範。
廿四孝父母為添丁計劃周詳,早於一年多便購入擎天半島單位,小朋友降臨便住新居。歐式設計,用上聲控的智能家居設備,十分先進。
習慣 smart living 的 kidult 夫婦為添丁作好準備,晨咁早便在2016年中買入擎天半島三戶一套單位(是否做住收租仔,叫租客食住塵先?),到依家時機成熟、瓜熟蒂落之時便收樓裝潢(人地話大肚婆不宜搬屋),聽落就知道呢對年輕夫婦必定是人中龍鳳:

由於單位的主力牆唔少,設計師無法大幅度拆牆改建,最多只係小修小補式將房門移下位,改趟門之類(左上、右上)。廚房沒有改開放式,只係剷起哂廚櫃,全做做新;不過新做的廚房門好似好薄咁,目測也不知是否符合防火規定(左下、右下):

飯廳貼近廚房的牆身做企身櫃,可以放拖喼(左上);而由於櫃身厚度加長了玄關走廊長度,於是便在櫃側連同牆身加上鏡面修飾,兼作出門前整理儀容用(右上)。飯廳例牌金碧輝煌,又雲石圓檯,又氣泡吊燈,又金色矮檯加上線條鋼框,可以看得出年輕夫婦戶主的口味非常「貴族」;飯廳另一邊採用展示層加而不用玻璃櫃,以免阻擋遼闊海景(左中)。梳化後的壁燈可以以語音控制,例如設計師以鴨脷洲口音大呼「Alexa, turns over to green」,燈光便會變成綠色(左下、右下):

戶主夫婦的嗜好十分奇特,都21世紀喇,仲喜歡招呼豬朋狗友返家和理非非大唱K(唔怕嘈親阿B?),於是設計師便很貼心地將卡拉OK和音響設備收在電視櫃中,唔用時櫃門仲可以完全將音響設備遮住,雖然話可以防塵同埋比較美觀,但恐怕定死哂啲位, upgrade買新機的彈性就唔夠大(左上、右上)。設計師同時在廳和房間之間設暗門做分隔(左下),而其餘的音響設備則放在暗門後(右下):

搵設計師幫手裝潢,最怕就係搵着啲科技盲、影音盲,真係好難同佢地溝通,預定好走線同埋各項設備的擺位。今次呢位女設計師似乎並唔係「機器天敵」(所以收費貴得有道理!),更是愈說愈興奮,更即場以以鴨脷洲口音示範如何叫 Alexa 關燈開電視(不過唔知 Alexa 識唔識聽 DLLM):

行入走廊第一間房是書房,兩邊牆身加咗櫃之後令房間變得窄長同堆壓逼(左上、右上);窗台造書檯,照例頂腳(左下)。男戶主是 Lego 迷,設計師便將模型放進玻璃櫃,以防BB將細粒 Lego 吞落肚仔(右下)。

BB房的佈置甚為簡約,只係牆紙比較兒童feel,就連床都唔係見慣的BB床;設計師就話戶主想留返俾BB日後自己揸主意佈置(左上)。魔術師心諗,咁即係要等到幾多年後?到主人房,套廁無乜裝潢好講(右上);床尾則做大衣櫃兼放電視(左下),床頭則跟客廳一樣,金框到頂床頭板連金色吊燈,貫徹歐式中古貴族風格,只係床頭櫃加咗隻 Alexa,更添現代感;不過扑嘢時就要記住唔好叫錯名,一陣叫咗「Alexa,fuxk me harder!」時,就唔知點算了。

明顯係科技盲的男女主持最後話,戶主夫婦的寶貝還在大講BB話,唔知會唔會亂咁叫擾亂語音系統,到時可能要語音變手動云云。查實,呢套語音系統的指令都係要以 Alexa 做 wake word 啟動,同時亦支援用戶自訂功能,所以唔怕BB叫錯;反而笨土版就可以變成「DLLM, turn off TV」了 - 不過前提係笨土派要識鴨脷洲口音英語,Alexa 係唔識聽我城方言同埋蝗話的。
***
伸延閱讀:
How to change the wake word on your Amazon Echo

8 則留言:

  1. //早於一年多便購入擎天半島單位,小朋友降臨便住新居
    贏在起跑線喇!

    設計師面如明月,人如其名,小修小補都可以做到百五萬,好!
    喺牆上搞咁多呢啲角線(panel moulding)死充米帝大宅(同天花嘅三嗰盒仔燈真喺好鬼死襯),只喺會令間屋睇嚟更加細。冇壁爐冇樓身三四米就唔好攪喇。

    //由於單位的主力牆唔少,設計師無法大幅度拆牆改建,最多只係小修小補式將房門移下位
    咦,冇整嗰櫃俾工人姐姐"瞓"喎,第時唔請工人��?

    //設計師就話戶主想留返俾BB日後自己揸主意佈置
    BB日後話冇私淫空間,冇得扑嘢,要搬出自主。你地兩老同Alexa咪得囉。

    //一陣叫咗「Alexa,fuxk me harder!」
    Alexa, 吖嘛嗲!都得㗎!

    //Alexa 係唔識聽我城方言同埋蝗話的
    點解唔用ling long ding dong呀。

    //唔知會唔會亂咁叫擾亂語音系統,到時可能要語音變手動云云
    唔知BB會唔會以為吊燈電視音響統統都喺Alexa XD

    回覆刪除
    回覆
    1. //贏在起跑線喇!
      //設計師面如明月,人如其名,小修小補都可以做到百五萬,好!

      唔恨得咁多...

      //喺牆上搞咁多呢啲角線(panel moulding)死充米帝大宅(同天花嘅三嗰盒仔燈真喺好鬼死襯)

      睇咗咁多設計單位, 好多時出現呢類設計都係「女主人喜歡」,可能真係公主病發作.

      //冇整嗰櫃俾工人姐姐"瞓"喎,第時唔請工人

      可能人地係 full time mom 呢!

      //Alexa, 吖嘛嗲!

      Alexa 會否遞上震旦?

      //ling long ding dong

      咩嚟?

      //唔知BB會唔會以為吊燈電視音響統統都喺Alexa XD

      「Alexa, 幫我做功課!」

      刪除
    2. linglong dingdong:

      https://mall.jd.com/index-1000039942.html
      我城話都得㗎!

      刪除
    3. //linglong dingdong:

      果然是山寨大國!

      刪除
  2. //不過扑嘢時就要記住唔好叫錯名,一陣叫咗「Alexa,fuxk me harder!」時,就唔知點算了。
    食緊嘢,差啲笑到噴飯!

    回覆刪除
  3. //套廁無乜裝潢好講(右上)
    唔係㗎,呢個單位有上CCTVB 《家居.築則》。
    留意下個水龍頭,係戶主要求整嘅。
    個設計師仲要強調好大工程,由天花板垂落嚟要駁過啲喉管,吊住喺正中間擋住塊鏡好過癮㗎。

    //戶主夫婦的寶貝還在大講BB話,唔知會唔會亂咁叫擾亂語音系統
    https://youtu.be/r5p0gqCIEa8

    回覆刪除
    回覆
    1. //個設計師仲要強調好大工程,由天花板垂落嚟要駁過啲喉管,吊住喺正中間擋住塊鏡好過癮㗎。

      真係有錢便是任性。

      //Amazon Alexa Gone Wild!

      都話將個wake word 改做 DLLM 架喇!

      刪除