2018年3月17日 星期六

《殺破狼·貪狼(Paradox)》:不聽戰狼言,吃虧在眼前

殺破狼》系到嚟到呢集,竟然係由文戲主導,武打場面只是聊備一格,最好睇嗰場打戲已經由客串的 Tony Jaa 完成,真在令人O嘴:


***
黑警李忠志(古天樂飾)在餐廳跟女兒詠芝(陳漢娜飾)慶生,並送上手鍊作生日禮物;而女兒仲帶埋條柒青嚟。忠志以為係女兒的男朋友仔,點知柒青話自己雖然讀唔成書在兜巴星沖咖啡,仲想趁有得免費考DSE報重讀,但都好希望照顧詠芝一生一世...正當忠志O了嘴,唔知好唔好以家長身份簽署結婚同意書的同時,阿囡仲話「想要個BB」,就令忠志個嘴不再O,而係扁扁嘴,心想:「做黑警可以儲到足夠父幹俾三小口共築愛巢嗎?」:

鏡頭一轉,只見詠芝獨自到芭提雅散心,也算是有相當的自理能力,但隨即被人擄走。詠芝在泰國的港女朋友致電志忠,報稱跟詠芝失去聯絡;志忠連忙趕到泰國,原來詠芝係到了港女朋友在泰國的紋身店懶係嘢咁紋上西班牙文「再見」二字(想死定以後唔返屋企?),一於自己身體自己管:

案件由懂得講我城方言的泰國華橋崔杰(吳樾飾)接手處理。崔杰去到現場時,發現已被志忠搶先搜過;看來我城黑警對泰國黑警也不是很信任,不惜跨境查案,完全無面俾。調查期間,發現原來志忠是個單親爸爸,並在餐廳裡致電手下,黑警便馬上將柒青以衰十一的罪名將其拘捕。詠芝明顯是為了逃避父親而到泰國,但志忠死都唔認衰,仲話只是做了一個父親應該做的事,更大膽提出要求,想一齊查案:

這時,正在競逐連任的阿齊茲市長因心臟衰竭昏倒,急需做換心手術,市長幕僚鄭漢守(林家棟飾)於是便四出為其張羅:

原來志忠那「好爸爸的責任」是包括逼阿女去做人流,真係拜幾多次四面佛都補唔返。這時警方在海邊發現屍體,志忠到場認屍,幸好不是女兒;志忠見有大量傳霉在場,便趁機跪求,借傳霉之力幫手搵女,直叫崔杰看傻了眼:

崔杰那識聽識講蝗話的泰妹老婆係警察局局長千金,臨盆在即;崔杰查案時不忘照顧老婆,十分之有 work-life balance。志忠見之十分羨慕,更憶起了當日因為一邊駕車一面擰轉面同老父和囡囡傾計而導致交通意外喪生的老婆:

華橋(又係!)泰國黑警斌(盧惠光飾)係個性變態,仲要叫華橋(都係!)G(蔡潔飾)唔俾錢,結果就俾靚小G爆大鑊,話俾志忠佢親眼見到斌就擄走阿女。志忠將斌將到當日造案地點打殘,在嚴刑逼供之下叫斌供出藏參之地:

正義的士司機發現車 cam 拍到線索,上載到警方網站後卻又被刪除。泰警IT人十分能幹,馬上便找到了那的士司機的IP,再搵到佢地址。崔杰出發調查時汽車故障,截下了同袍阿德(Tony Jaa 飾)的車子一起前往。這時三名壞人已上到的士司機屋企消滅證據,崔杰上到去以一敵三發生槍戰,於是德也加入戰團:

正當崔杰跟兩名嘍囉糾纏的時候,阿德已跟壞人頭子(Chris Collins 飾)在天台上決鬥。阿德幾下手勢已將頭子打倒,但頭子將圍觀的小孩擲出天台,趁阿德去救時將德踢落樓,應了阿德早前將幸運手錬交到崔杰手上的「宿命」:

斌供出那些人是活摘器官的販賣集團。志忠駕車將斌帶往藏參小屋,路上巧遇剛從小屋提貨而回的市長幕僚的車子,兩車發生輕微碰墥,而詠芝就在幕僚的車尾箱中。這時營救阿德的警車和救護車使至,於是志忠和幕僚便又很「暝暝中有天意」咁各行各路。志忠去到小屋,只找到女兒的手鍊。這時泰警因追蹤志忠超速駕駛而致,救起斌,並要拘捕志忠。志忠大發神威,打倒二警,逃去無蹤:

志忠找上了小G,以斌的手提電話內存的電話簿逐個找,扮買家看看是否有活摘器官集團。小G終於找到那集團頭子的電話,原來那老外是小G的舊恩客,仲帶過佢返工場搞(咁爆?),於是志忠便從小G得知活摘器官集團的地址:

崔杰查到斌就是刪除影片證據的人,要在醫院等斌醒來;但這時局長兼外父的局長出面,硬面拉杰去跟女兒吃晚飯,然後就有殺手到醫院以毒針殺斌滅口。崔杰收到斌的死訊後大驚,但這時局長終於爆出佢已被市長幕僚收買,在芭提雅這個威權政府的統治下,強力部門要誰消失,誰便可以被消失...你的孩子還未出世,你可以恨下心腸麼?

市長幕僚提供了資料給局長,要他連志忠及活摘器官集團一起都滅了。局長下了格殺令,崔杰正要帶隊前往剿匪,但這時卻見到志忠走入那活摘器官集團的廠房內。局長要崔杰連志忠都殺了,一於未審先判死刑,真係習帝都無面俾,泰仔比《戰狼II》的非洲反政府軍更狠:

往後的就係志忠以剪接技術一個打十幾廿個,但打到後來仍然被頭子用鐵勾傷了小腿;幸而這時崔杰不聽命來到,在特種部隊將嘍囉殺清場前救走了志忠:

崔杰將真相告訴志忠,志忠難以相信自己女兒的心臟而被取走。志忠本來跛下跛下咁要以辦公椅借力走動,但當去到停屍間逐個雪櫃打開嚟睇時好似無事一樣,得到真係搵到阿女,又踎又企都無難度。志忠替女兒戴回手鍊,回頭把已經跟崔杰打到兩敗俱傷,筋疲力竭的活摘器官集團頭子殺死。局長到來想將志忠滅口,但被崔杰喝止;局長將手電拿出來,原來女兒已被市長幕僚挾持,局長也只是為勢所逼:

泰國的醫療制度十分先進,市長做完換心手術竟然可以好快好返,仲同幕僚商議選情。志忠跟崔杰到市長豪宅講數,但一到埗志忠便將崔杰以手銬鎖起,連槍都搶埋。志忠潛入市長睡房,趁佢訓咗就聽下自已女兒的心跳。這時幕僚出現,話唔關市長事,一切事情都係幕僚呢位工資奴的杰作。志忠問幕僚其他人的生命,對他來說是否沒有價值呢?幕僚只說天災都是如此,天地不仁,只是志忠女兒唔好彩而已。志忠再一次確定如果自己消失,崔杰一家是否就沒有麻煩呢?當幕僚一答應,志忠便將他一槍斃了,倒沒想到誰人會執行幕僚的承諾(兩人對話時市長好似未醒):

最後,志忠憶起了女兒最後寄來的自拍片段,便吞槍自盡;不過未完善到個法治之前,就已經給蝗泰外交帶來唔少麻煩:

***
雖則話古天樂演活了「好爸爸泰國尋女」的內心戲,加上仲要化身 Liam Neeson 憑剪接以一敵十,算是本片的精彩亮點,不過整套戲都十分多 bug,實在難以令人釋懷!
最簡單的 bug 就係 Tony Jaa 在跟活摘器官組織頭子決鬥大獲全勝,又使乜同佢企定定戴手扣?點解唔將壞在地上再扣起?以致俾頭子有反勝之機?真係攞戲嚟做。
另外,明明唔係打星的古天樂竟然可以使出 Tony Jaa 式關節技,傷完又好似無事咁,真係講都無信。如果傷港黑警個個都咁好武功,仲點會有位俾班黃C違法達義呢?
但係更離譜的就係導演眼高手低,要玩到有「世界觀」,學人講政治黑暗面。其實如果俾着一般傷民(包括我城黑警)遇上類似情況,照計都會好似《戰狼II》咁去蝗國使館尋求幫助,而唔係私底下調查大鬧芭提雅。話哂依家有傷民在泰國境內失聯,受害人父親仲要係我城黑警,但我城保安局卻不聞不問,實在是奇哉怪也,不合情理,起碼都要學似《寒戰》咁搵劉華出嚟客串做吓保安局局長行出嚟講兩句吖!
再睇返,依家外地有乜天災人禍,我城傳霉必定率先報導有否傷民失聯;依家講話志忠利用泰國傳霏幫手搵女,搞到件事到咁大,返都嚟我城,傳霉無話「美少女芭提雅失聯」、「好爸爸跪求尋女」,仲要唔見有記者親赴泰國做狗仔隊,就真係出奇過出奇老鼠。
好嘞,如果當事人想私下解決,就唔會搵傳霉報導,呢吓犯駁真係好離譜吓。
當然泰仔同賓仔一樣竟然唔怕得罪特衰正苦?真係打狗都要睇下主人面,話哂777背後都有習帝同13億人口支持喎!仲有一帶一路呢~~
***
伸延閱讀:
中華人民共和國 外交部 驻泰王国大使馆
摩摩電影節之《戰狼II(Wolf Warrior II)》:一帶一路守護者

10 則留言:

  1. 啱啱見到古天樂係個乜乜亞洲乜乜攞咗最佳男主角。

    回覆刪除
  2. 即時諗到巷男呆灣行李藏女友屍之後用女友卡㩒錢⋯

    回覆刪除
    回覆
    1. 我寫嗰陣時都諗起呢單嘢!

      刪除
    2. 去呆灣殺人傷巷黑警都冇計。潛咗去嘅巷蜀女要小心啲喇。

      刪除
    3. 哈,一言驚醒,寫埋落下一篇新聞雜評度...

      刪除
  3. //《殺破狼·貪狼(Paradox)》

    哈哈,呢套已經系2017年港產片票房十大的第十名!

    //正當忠志O了嘴,唔知好唔好以家長身份簽署結婚同意書的同時,阿囡仲話「想要個BB」,就令忠志個嘴不再O,而係扁扁嘴
    //並在餐廳裡致電手下,黑警便馬上將柒青以衰十一的罪名將其拘捕

    我睇嗰陣最O嘴系立即報警拉條有青衰十一!

    //市長幕僚鄭漢守(林家棟飾)

    我覺得佢個造型有啲抄考第二集,古天樂嗰個四眼光頭助手

    //更憶起了當日因為一邊駕車一面擰轉面同老父和囡囡傾計而導致交通意外喪生的老婆:

    做老婆系千禧年間曾經我城紅過一陣的馬拉妹雪兒,佢同古仔曾經在1999年的《爆裂刑警》合作過

    https://youtu.be/zhH2XFHG3yc?t=18m1s

    咁就十八年!大家都老勒.

    //案件由懂得講我城方言的泰國華橋崔杰(吳樾飾)接手處理
    //華橋(又係!)泰國黑警斌(盧惠光飾)係個性變態,仲要叫華橋(都係!)G(蔡潔飾)唔俾錢

    泰國真系好多華人,據聞even好多用泰文姓氏既都系華人祖先,只是避免排華而放棄中國姓而已。

    不過蔡潔做嗰隻G好似講佢唔系泰國人來的

    //竟然係由文戲主導,武打場面只是聊備一格,最好睇嗰場打戲已經由客串的 Tony Jaa 完成
    //正當崔杰跟兩名嘍囉糾纏的時候,阿德已跟壞人頭子(Chris Collins 飾)在天台上決鬥

    Tony Jaa咁早死,我都O咗嘴.

    打戲唔夠精彩,我覺得同Chris Collins個奸角唔夠勁好大關係。都系懷念第二集既張晉...

    //仲帶過佢返工場搞(咁爆?)

    工場以肉食屠宰場做掩飾,都唔算太爆嗻

    //局長兼外父

    呢個泰國演員在好多有泰國戲份既港產片都出過

    //往後的就係志忠以剪接技術一個打十幾廿個

    除了剪接外,埋身徒手格鬥個架式古仔都算似模似樣,應該除了佢自己苦練過之外,武指洪金寶都度過晒點樣避重就輕。

    不過一使長距離招數,個架式就露底唔系練家子,尤其系出腳。

    回覆刪除
    回覆
    1. //呢套已經系2017年港產片票房十大的第十名!

      有「殺破狼」三個字加持吖嘛!

      //我睇嗰陣最O嘴系立即報警拉條有青衰十一!

      Me Too!

      //做老婆系千禧年間曾經我城紅過一陣的馬拉妹雪兒,佢同古仔曾經在1999年的《爆裂刑警》合作過

      同古仔合作的仲有CCTVB的《尋秦記》呢!

      //泰國真系好多華人,據聞even好多用泰文姓氏既都系華人祖先,只是避免排華而放棄中國姓而已。

      仲要係好多人都識講我城方言,邊有咁容易消滅?

      //Tony Jaa咁早死,我都O咗嘴.

      剪埋啲 trailer 令人唔覺 Tony Jaa 只係客串,呃人入場。

      //我覺得同Chris Collins個奸角唔夠勁好大關係

      Chris Collins 在上環有間拳館。

      http://www.chriscollinsaction.com

      //工場以肉食屠宰場做掩飾,都唔算太爆嗻

      點會去犯案老巢搞嘢?無錢開房乎?

      //埋身徒手格鬥個架式古仔都算似模似樣,應該除了佢自己苦練過之外,武指洪金寶都度過晒點樣避重就輕。

      https://www.youtube.com/watch?v=_Gj7NrB89zI

      刪除
  4. 恭喜古仔同洪金寶憑此片獲獎(當然文柒嗰套乜獎都無就更開心)

    回覆刪除
    回覆
    1. 其實古仔都唔係拍好多爛片啫 XD

      刪除