2018年3月3日 星期六

躁動的魔術師

日前魔術師放工,照例都係搭九巴回家。點知甫上車無耐,車長大佬竟然開咪(原來司機位有咪!)叫「阿婆,唔該玩手機唔好開咁大聲!請用耳機!」
車長用咪叫完,無幾秒仲要用口大聲嗌!
魔術師當時坐下層,四處張望,都聽唔到任何聲響。啲聲無理由會來自樓上掛?車長對耳竟然可以咁利?
話說當時仲搞緊車長大聯盟大罷工,聽車長把聲有少少躁,真係有啲心驚驚!
又咁講,魔術師耐唔耐都見到有長者開大個手機 speaker 睇片聽收音機,真係幾無公德心架!
返到屯門,順便去埋超市鳩嗚入貨。當時魔術師推住載有一箱12罐無糖檸檬可樂與三盒裝高鈣低脂奶(工作天用來早餐煮麥皮食,你話死唔死!)的鳩嗚車到收銀處埋數,見到有「一條隊」排前後兩架收銀機,而排最後的男子又好似無乜嘢買咁,於是便馬上跟隊。
點知,個男子對住手機講咗兩講,無幾秒之後便有一條港女從後推住架鳩嗚車飛快殺埋嚟插隊。
架車仲裝住鬼咁多嘢!
原來係一對中剷夫婦,男方排定隊霸住位先。
今次真係中伏。
由於港女架鳩嗚車強硬地「從後插入」,魔術師自然地向後退兩步,俾位阿港女入。
點知,做乜有啲嘢頂住背脊嘅?
原來,魔術師背後跟了個戴住耳機周圍望的有青,而有青手中抱住一盒二盒唔知乜,總之就搵個盒的尖角頂住人。
這時中剷夫婦向前行在收銀機1前付款,魔術師終於有些空間可以泊好架鳩嗚車,唔使咁逼。
但這時忽然又有個阿婆走過來,指住魔術師車鳩嗚車包牛奶,又指下自己手上的牛奶:「呢個買一送二...」
原來係想魔術師幫埋俾錢,益佢免費有包奶。
呢啲老人家 cheap cheap 舉動(尤其是加埋巴士上俾車長鬧的阿婆),令魔術師忽然感到好厭煩,真係唔怪得連日來咁多人要劏房波派錢,就算係老人家都無情講:「阿婆,你要買自己俾錢買喇!」
正當阿婆悻悻然離去(多數心中正在咒罵魔術師「損人不利己」)的時候,收銀機2已收咗上一個客錢,正在呼喚「下一位」。
這時魔術師心中仲諗緊會唔會對阿婆太惡,還未回過神來;但背後的有青卻塞住對耳都可以留意到收銀機2 empty queue,便一個箭步要從魔術師身邊爬頭前進。
有青一郁,魔術師便定過神來,馬上推住鳩嗚車「入線」。
卻幾乎和有青墥在一起。
阿有青又使唔使咁心急呀?
今次反應真係慢,想唔認老都唔得。
同埋,真係好憎一條 queue 排幾個 counters,但又無燈號指示的安排,queue management 做到天一半地一半。
有青無奈退後,魔術師便到收銀機2付款。

付款完畢,見到門外又有一眾阿蟬伸手想問人攞印花,馬上急步兜路走。
魔術師見之便墥火,只係希望劏房波派多啲錢,等班「基層」唔好咁乞兒。
返到屋企,沖好涼,「內視」一下。
做乜呢日咁鬼躁,樣樣睇唔過眼?
唔通又係M到?

又,小雪變咗中女都仲係靚女一名!
**
伸延閱讀:
有青三氣魔術師
信報 2018年2月28日
金箴 金針集
叫座不叫好的「獨角戲」
「是誰導演這場戲,在這孤單角色裏,對白總是自言自語,對手都是回憶,看不出什麼結局。」這是台灣女歌手許茹芸主唱名曲《獨角戲》開首的歌詞。香港近日也上演了一場儼然獨角戲的工業行動,九巴「月薪車長大聯盟」發起人葉蔚琳自編自導自演一場罷駛,由始至終幾乎都是獨自一人面對傳媒或接受訪問(其丈夫雖一直站在身旁,卻只擔當背後男人的角色,鮮有發言),而她發動的罷工也響應者寡,黯然收場。
這位最近日以繼夜曝光的罷駛搞手,原來真的識做戲,曾於演藝學院念戲曲,擔任過粵劇花旦,數年前才轉行成為九巴車長。換言之,她領銜主演的這齣「獨角戲」,竟是其人生至此最多觀眾的一場演出,可說過足戲癮。難怪記者問她如何評價行動的成敗時,她回應說:「對於我個人來說,是成功的。」
原本寂寂無聞的葉蔚琳,平地一聲雷,幾日之間成為傳媒追訪的新聞人物,上埋大台《東張西望》,叫座力毋庸置疑;其中除了話題吸引,行動後果隨時影響萬千市民以外,經演藝訓練的主角、聲情並茂,懂得「裝腔作勢」也是吸睛原因之一。只是這場大戲叫座卻不叫好,引來不少負評,到底是成是敗,全港觀眾心中有數。
首先,上周六的罷工,只有寥寥幾架巴士響應參加,堪稱鑼鼓震天響,台上沒看頭。事關一場因農曆年尾大埔公路奪命車禍而衍生的勞資角力,牽涉車長的薪酬和行車安全等問題,而由於九巴年度加薪有固定機制,每於6月生效,這次鑑於翻車意外而作出的額外薪酬調整,確令大部分車長先有一點得益;葉蔚琳策動成立的「月薪車長大聯盟」縱有不滿,惟第一步抗爭已經是巴士行到邊、停到邊的罷駛,如此急進激烈,與其訴求根本不成比例,市民擔心蒙受影響之餘,亦不會貿然支持。不得民心的行動,結局可想而知。
第一輪鑼鼓啞了聲,沒有令葉蔚琳退回「虎度門」後,她依然心口掛個勇字,繼續踏上台板,即使「底牌」已暴露,卻一於「愛鬥大」,揚言要行動升級,更聲嘶力竭哭訴資方以市民性命作賭注,又呼籲加價;可是如此一來,反令人感覺更似是她以乘客安全當籌碼,角色變得吃力不討好了。
慘劇發生後大半個月,九巴公司一直採取柔性「關公」策略,以免再掀波瀾,於是前晚終順應葉蔚琳要求,與「大聯盟」會面商談。葉蔚琳會後也借勢走落下台階,三更半夜宣布暫停一切工業行動,一場「獨角戲」在幾十人充撐場面之下草草落幕。
《獨角戲》最後一段歌詞︰「沒有星星的夜裏,我把往事留給你,如果一切只是演戲,要你好好看戲,心碎只是我自己。」在葉蔚琳眼中,夜裏沒有星星,地上卻有可以燎原的星星之火,在她最後的台詞,以此「祝福」公司,寄語資方好好體恤前線員工;這倒是各企業老闆應該記取的。
從這場突如其來的「獨角戲」中,大家可以再體會到社交媒體的威力,也可以預示日後的工業行動隨時會有不一樣的模式,過往資方僅與主流工會談判、靠獲多數共識行事,或許是時候要深思如何優化,以適應網絡新時代的玩法;而給予員工合情合理的待遇,多關顧他們的實際需要與訴求,始終是勞資和氣生財的王道。

24 則留言:

  1. 推薦埋呢個俾你:

    https://youtu.be/AuwPtj6D46E

    回覆刪除
    回覆
    1. 哈哈, 當年的「芸腔」真係迷死唔少宅男...

      刪除
    2. 將許茹芸嘅歌又重新再loop幾次...

      刪除
    3. 留低這串鎖匙,回歸這碟情書...

      刪除
  2. 魔兄長期被本質躁底"空講人"薰陶,少不免沾染啲躁氣
    Max

    回覆刪除
    回覆
    1. 尤其是依家工作上面對的多數是秘書呀、sales呀、蹺起對手乜都唔識做淨係識手指指的「高級管理層」咁, 個個都係科技盲、文盲(其實唔係唔識,係懶,唔想學用新system,有人服侍埋幫佢地做埋就最好,等我遲啲寫一篇), 有時真係俾佢地啲廢問題激到出煙, 唔躁就有鬼.

      刪除
  3. 魔兄, 小弟住係屯門 3X 年, 老實講, 我自己真心唔想住係屯門, 其中一個原因就係人既素質問題。
    你可以話我一竹杆打一船人, 但每次我一上到輕鐵, 我D 火就係咁黎。
    一. 唔知架車長期都係臭既 (魚腥味, 汗臭味, 藥油味)
    二. D人唔坐好似會死咁 (D阿婆/C奶可以完全無視你咁衝入黎, 仲要幫埋人地霸位)
    三. 永遠有人開住 SPEAKER 打機, 聽歌(主力粵曲)
    四. 有D 阿叔(行我走得)覺得要你讓位係佢既權利 (有次我老婆唔舒服, 佢屌9我唔讓位俾佢坐, 我讓座係我既美德, 不讓座是我的權利)

    以前屯門人係窮, 偏僻 (有好多人成世都未入過屯門), 但係D人既素質無咁低。 我自己覺得係自從有自由行, D阿婆/C奶見到D 內地人就有樣學樣, 自甘墮落, 搞到神憎鬼厭, 呢個都係點解宜家有咁多憤青同廢老對立既其中一個原因。

    回覆刪除
    回覆
    1. 唔止輕鐵,西鐵都係,只不過卡數多,無咁差。紅磡站,佢哋真係好似冇得坐會死咁,點知原來尖東落車。呢種唔好洩底嘅心態,香港人一直都有秉承。我認為係資訊發達導致。知道咗自己有咩權利著數就想著點去濫用,三姑六婆互相 share 啲錯誤傳聞同應變手法。反而因為自由行被標籤做無文化,令某些人怕被視為佢哋唔鐘意嘅大陸人而會檢點啲。

      刪除
    2. 教育好緊要, 有一部份人抱住「執輸行頭, 慘過敗家」既心態, 有著數就R到盡, 仲要出埋書/BLOG等教人一齊R, 最有印象就係D 買衫既連鎖店一個月免費RETURN, D人買完衫用黎換泊車COUPON, 再退番件衫 / 夠18歲就排公屋, WTF...

      我以前老豆老母教做人要有骨氣, 有手有腳唔好靠人/政府, 雖然係今日既社會到一到會輸蝕 (人地上左樓我仲租緊樓), 但係我地要諗究竟我地要一個點樣既下一代/未來, 當成個社會都係R著數為先, 我見唔到呢個社會既未來...

      刪除
    3. //呢種唔好洩底嘅心態,香港人一直都有秉承。我認為係資訊發達導致。知道咗自己有咩權利著數就想著點去濫用,三姑六婆互相 share 啲錯誤傳聞同應變手法。

      我又唔覺呢個淨係屯門的問題,其實係我城人民質素低落的問題,只係基層有基層cheap cheap地𢱑著數,中慘有中慘文明地𢱑著數而已。屯元天基層至偽中層較多,所以會有多啲你所見的現象;你搬去愉景灣,同班洋腸為伍,就唔會有呢啲事情發生了 XD

      //有一部份人抱住「執輸行頭, 慘過敗家」既心態, 有著數就R到盡, 仲要出埋書/BLOG等教人一齊R, 最有印象就係D 買衫既連鎖店一個月免費RETURN, D人買完衫用黎換泊車COUPON, 再退番件衫 / 夠18歲就排公屋

      正如C嬸所言,依家資訊發達,cheap 精𢱑著數的方式容易「開心share」。魔術師一向唔貪小便宜,親戚朋友同事同埋我老豆生前成日都話我「曲高和寡」:即係唔跟風一齊人窮志短一齊cheap,就埋唔到堆,係異類。

      //當成個社會都係R著數為先, 我見唔到呢個社會既未來...

      好似博士K咁,當年仲興jailbreak dowaload 免費 app的時候,成日都以 crack 到某某 app 為榮。我話我地搵幾幾萬蚊一個月,做乜要做埋呢啲嘢,慳嗰一蚊半蚊美金?人地寫 programme 唔使食飯的嗎?一時間所有同事都碌大對眼擘大個口得個窿,十足十見到異形咁,得妹頭幾個較高級的出來打圓場。

      成件事(人文質素 transformation),根本同殺人政權和特衰正苦、地產霸權無關,只係我城人民自甘墮落,學壞容易學好難而已。

      刪除
    4. 所以我情願匿埋係西區,樂得清靜,西營盤一帶又多舖頭貓~

      強烈要求"西環治港" XD

      刪除
    5. //西營盤一帶又多舖頭貓~

      一大賣點!!

      //強烈要求"西環治港" XD

      「親中的」

      刪除
    6. 我覺得都喺人多人少之分別,人多自然啲唔順眼嘅事就會多啲。正如魔兄所言基層有基層cheap cheap地��著數,中慘有中慘文明地��著數,我相信如果愉景灣人口多十倍,啲洋腸嘅醜態就會容易見到(例如飲到大晒四處小便鬧事,雖然睇大波鬼妹醉態喺可以當作娛樂之一 XD)。

      刪除
    7. 係深圳搭地鐵會見到啲死細路一開車門就衝入去鬥快搶位,然後搶到就笑住同老豆老母報捷,心諗,係呢啲細路身上就可以見到未來幾十年中國既公民質素都只係會停留係呢個層次。

      點知,呢一兩年,係屯門搭輕鐵/西鐵,除咗司空見慣既丫伯丫嬸衝搶空位,仲多咗啲死細路...

      香港公民質素已死。

      刪除
    8. 有咩大人我有咩細路。教仔不如 upgrade 自己。

      刪除
    9. //我相信如果愉景灣人口多十倍,啲洋腸嘅醜態就會容易見到(例如飲到大晒四處小便鬧事,雖然睇大波鬼妹醉態喺可以當作娛樂之一 XD)

      一眾有青又蜂擁而至去拍片了!

      //係呢啲細路身上就可以見到未來幾十年中國既公民質素都只係會停留係呢個層次。
      //除咗司空見慣既丫伯丫嬸衝搶空位,仲多咗啲死細路...香港公民質素已死。

      咁咪好囉,大家level終於一樣。

      //教仔不如 upgrade 自己。

      乜你唔發覺依家「生仔/女」都係潮流,可以用嚟鬥哂幸福嘅咩?

      刪除
    10. //死細路一開車門就衝入去鬥快搶位,然後搶到就笑住同老豆老母報捷

      呢樣嘢好似我細細個就見過啦...呀唔係,其實我都做過 XD(重申多次本人70後)

      刪除
    11. //其實我都做過

      蝗祖藍: 你地傷呢都只係行快人地幾步, 其實傷民以前都係咁啫.

      刪除
    12. 我最記得嗰日係阿媽帶住我同佢朋友個女(大我兩年)出街,我做咗呢樣嘢仲沾沾自喜時,朋友個女用鄙視眼光(雖然有啲戲虐成份)望住我...之後我就一次都唔敢做了...

      中一時有啲同學仔在中環地鐵總站都會做...後來自己同友儕都大,嗰個年紀開始又點會留意細路仔做乜(注意力都攞晒嚟睇女啦),就唔為意究竟呢個做法係咪真係在巷孩中消失。

      刪除
    13. 哈哈,「唔衰得俾港女睇」,就係港男的源動力,你我都一樣。

      刪除
  4. 我既應對方法係盡量少出街,入貨盡量多少少以及減低繁忙時間買野
    以免傷肝

    回覆刪除
    回覆
    1. 我都係多數星期六、日,夜晚九點半之後才去鳩嗚的了!

      刪除