雖然係天台特色戶，但係得３００幾呎，又要做運動，又要招呼朋友，又要多收納空間，又要有空間感，仲要型唔可以失禮人，五個願望咁多，又要搵設計師出馬先搞得掂喇！
預算案公布，來年潛在供應 25,500 伙單位，按年減少兩成，成近 8 年新低，加上來年市區地皮較多，業界相信地價將持續高企。而預算案後第一個新盤，由會德豐推出將軍澳康城區Malibu，貼市價逾 14,000 元一呎，雖然屬上蓋新盤兼海景比例高，但優勢似是而非。
觀塘重建項目第二、三期， 預計今年會推售，屆時會否將區內樓價再推高，仍未可知。但第一期觀月樺的業主，由惜售、轉趨觀望，只租不賣，等候好消息。
現時不少新盤地下已是住宅，加上緊貼地界線興建，住宅與街外行人只有一牆之隔。皆因停車場要起在地庫，才可全數獲豁免計入樓面，但原來商場車位計算方法更為寬鬆，以將軍澳海天晉作為例子講解。
業主是運動教練， 318 呎窩居，需要有一間練習室。設計利用摺門，劃分練習室之外，又可以放大睡房、放大客飯廳，一門三用，而且裝修費 29 萬元，價錢也算大眾化。
原來圖則廁所門置中，電視櫃反而偏埋一角（左上），不太合理；於是設計師將原來的雪櫃位拆去，廁所門靠向廚房，令電視櫃得以伸延（右上）。全屋只得３２０呎唔夠，真係一眼睇哂，不過戶主是單身狗就無乜所謂（左中）。細單位照例都要做開放式廚房，死都要有個紅酒櫃同吧枱用嚟招呼朋友（右中）；原來的雪櫃位無咗，新的雪櫃位就收到吧枱下，餸菜拎出拎入極不方便，預咗只能放些飲料生果之類（左下）。大門後有個梯狀的遮架，然後成個廳貼牆都係櫃，甚至廳正中下方的櫃門會被梳化頂住，拎嘢就要搬梳化（右下）；雖然戶主係健身教練但張梳化都唔可以太大張：
全屋最爆的是這幅用來分隔客廳和睡房區的活動鏡牆（圖第一行）；遮住睡床就可以將睡房對出的空間變成健身室（圖第二行）；半掩睡床就可以當成係睡房門，戶主訓覺時似乎會用呢個 config（圖第三行）；半掩客廳就可以將睡房與運動區半分隔起來，但實際用途不明（圖第四行）；最後如果想將睡房、運動區、與客飯廳連貫起來的話，就可以將鋼牆遮住電視櫃，無錯住開放式可以招呼多啲朋友，但就無電視睇了（圖第五行）。
這時疑似是戶主的女子粉壘登場，示範了一兩式 Barre 給觀眾看看：
睡房甚為狹窄，放了床褥已經無其他空間（左上），床尾有個書櫃仔（右上），而個衣櫃就甚有公屋 feel，同樣地衣櫃下方被床褥擋住，甚難取用（左中、右中）。廁所在電視櫃隱藏門背後，企缸馬桶洗衣機乜都放哂入去（左下、右下）：
單位是天台特色戶，行上天台，景觀甚為開揚，但疑似是預算所限，只係油了防水油，添置了幾件傢俱；但都係嗰句，雖然今次戶主係健身教練，但打風落雨要收埋啲傢俱都幾費力氣；同埋，如果話叫班豬朋狗友上來跳起 yeah BBQ，戶主廚房個雪櫃肯定不勝負荷：
今次個案雖然係平價之選，但魔術師對呢類機關設計實在唔太欣賞，皆因一旦機件損耗需要維修都唔知點算。好似本案的活動鏡牆，一旦鉸位損壞，移動唔到就出事了 — 尤其是戶主係孔武有力有健身教練，用力過度也不出奇啊！
＊＊＊
伸延閱讀：
//全屋最爆的是這幅用來分隔客廳和睡房區的活動鏡牆
回覆刪除圖第二行仲要遮唔晒嗰睡房，會有條罅喺天花。不過搞到嗰房咁細都要有條罅透吓氣，唔喺放嗰屁有耐都唔散。
//這時疑似是戶主的女子粉壘登場
對住嗰鏡笑咪咪腿擘擘咁，呢嗰先至喺最爆嘅位。XD
//單位是天台特色戶，行上天台，景觀甚為開揚
用嚟晾下衫種下花算啦。或者做嗰吸煙區可以俾朋友又煙又酒。
呢間巷女屋冇公仔figure一堆手袋高跟鞋，都算幾中性....
//會有條罅喺天花。
刪除好似遮到天花, 但就無可能裝到燈了.
//搞到嗰房咁細都要有條罅透吓氣，唔喺放嗰屁有耐都唔散。
咁佢可以半開睡房門.
//對住嗰鏡笑咪咪腿擘擘咁，呢嗰先至喺最爆嘅位。XD
//呢間巷女屋冇公仔figure一堆手袋高跟鞋，都算幾中性....
呢位女士個樣．．．我 skip 咗無乜仔細研究。
//用嚟晾下衫種下花算啦。
BBQ完仲要執拾,單身狗一個人住點搞呀!?
其實呢次設計算係咁喇, 至少無咩唔等駛裝飾, 而且鏡牆都有實際用途.
回覆刪除d 擺位係侷促左攞野又唔方便, 不過鬼叫人窮咩, 個女戶主算係唔離地了.
桑梓
//至少無咩唔等駛裝飾
刪除應該係 budget 有限.
//鏡牆都有實際用途
係有咁嘅需要,但我覺得咁整法好睇唔好用.
//d 擺位係侷促左攞野又唔方便
張床搞到好似訓棺材咁我就接受唔到.
咁大個天台，做乜運動都得啦，硬係要屋入面做，可能係為左方便做到攰立即攤上床瞓。
回覆刪除屋主係教練, 隨時屋企要招顧客, 着住 bra top 上天台玩咪俾人睇蝕哂? 衰過老人院上天台沖涼虐老呀!
刪除