2018年9月2日 星期日

新聞雜評(二百零七)

高鐵西九龍站一連兩日舉辦開放日 更新:2018/09/01 15:03

一連兩日,高鐵西九龍站都舉行公眾開放日,讓一早已取了票的市民參觀站內設施,了解高鐵的運作。
這項花了八百多億元的基建,很多人都有興趣去看看,入到站,當然要拍照,電子顯示屏、售票機和售票櫃位都變了「打卡位」。除了參觀,還可以預先學習將來如何用回鄉證買高鐵車票,不過現在學懂了,他日又是否真的用得著呢?
開放日、市民除了可以參觀站內設施,更有攤位遊戲及展版,不過月台就不開放參觀,不能參觀高鐵列車,港鐵擺放了這些列車展板,讓大家伸頭到「車窗」,拍照代替乘坐。
未能參觀的還有香港和內地口岸區,即是內地執法人員下星期二會開始進駐準備實施「一地兩檢」的地方。
一連兩日開放日的二萬張門票一早已經派完,港鐵曾指在通車前,可能會再舉辦其他活動供市民參加。
1. 真係未出發先興奮!無辦法喇!魔術師外公係東江游擊隊成員,退役後在新華社辦事,之後老媽子同舅父們都係左校出身,正式「根正苗紅」。日前二舅父見到膠鐵通車,「票價相宜」,於是便馬上開心 share,日後往返蝗國旅行,就方便得多了!


2a. 同舅父一樣,老一輩人都係心懷祖國,沒有國哪有家,施伯(左上)就話回蝗國旅行,去廈門、去杭州都好方便。
2b. 住屯門嘅周小姐(右上)就話票價偏貴,同埋由屯門出去搭膠鐵有啲無謂,倒不如經深圳出發;其實膠鐵都係提供多個選擇啫,無話一定要你搭,市民覺得邊樣方便邊樣平啲咪搭邊樣囉!
2c. 黃小姐(左下!?)就話一地兩檢無所謂,方便是大前提,只要係蝗方有蝗方做,巷方有巷方做就可以了。
2d. 三有青代表之黃先生(右下)是唯一的反對聲音,又係「背稿」式話「一地兩檢係講緊將地方租借俾人,實行人地的法律。咁多新聞導話禁錮(肥豬腱?)、捉人上洗頭艇(當事人林基基都無再澄清細節喎!)嗰啲,都有少少擔心嘅」唔知點解,只有「年青一袋人」先會咁「高瞻遠矚」。唔通我城未來的「社會棟樑」都係巷蜀份子,個個身有屎,下下都怕俾「強力部門」「邀請」以「自己的方法」return home?
***
港澳台居民今日起可以申請居住證 2018/09/01 13:16

在內地居住滿半年的港澳台居民,今日起可到公安局申請居住證,在番禺的辦證中心,一個早上已經收到二十六份申請。有香港的申請人表示,有居住證後,在內地工作、生活都更方便。
想申請港澳台居民居住證,就要去當地的公安局,有退休後常住內地的香港市民一早就來在廣州番禺公安局申請,他們指有居住證對他們生活更方便。
在番禺辦證中心這裡,光是一個早上,公安就收到二十六份申請,其中二十名是香港人,還有三名澳門和三名台灣人。
不過申請了居住證,除了享有同內地居民差不多的福利外,未來亦需要承擔相應稅項。人大星期五通過新稅法,任何人只要在內地住滿一百八十三日,就要繳交全球稅項,意思即是如果你在香港有樓放租,在內地都要交稅,稅率最高可達四成。
工聯會立法會議員黃國健相信,這會影響到市民申請意慾,他相信特區政府未來會和內地當局繼續商討稅務細節,希望盡快有公佈。
3. 呢位退咗休之後常住蝗國的黃伯就話現在買膠鐵票要親自帶埋 return home card 去廣州南站辦理,日後有了居住證,上網申請便可以了。雖然話退咗休大把時間去旅行好寫意,之但係「人大星期五通過新稅法,任何人只要在內地住滿一百八十三日,就要繳交全球稅項」,睇怕黃伯你買咗公共年金都走唔甩喎!?

4. 呢位許小妹仲神奇,由小學開始便在蝗國讀書,依家在廣州讀研究生,閒時才會回來我城。許小妹話在蝗國想申請做 part-time girlfriend,但僱主卻不懂為持有我城身分證的傷民辦理工作證,令她難以考慮在蝗國就業;但現在有了居住證,就方便得多。睇怕居住證都唔係為我城一般「新一袋年輕人」而設。事關我城有青都反蝗,好人好姐都唔會好似許小妹咁長期在蝗讀書搵工,卻又拎住三粒星在我城「謀」福利。唔通許小姐係第一袋單飛雙飛兒童?
***
信報 2018年8月31日
紐西蘭小鎮擬推禁貓令
專家保生態 居民憂鼠患
紐西蘭南地大區(Southland Region)議會擬於區內小鎮奧茂宜(Omaui)首度試行禁貓令,作為「害蟲規管」政策的一部分,以保護自然生態及本地原生物種。有保育人士支持,指出家貓對雀鳥等其他野生動物其實構成很大威脅,但當地住戶及愛貓人士批評計劃。
當局周二起公開諮詢,料明年會有結論。在這項計劃下,所有貓主須於規例生效後6個月內,為家貓絕育、植入晶片及登記,在牠們自然離世後,不准再養貓。如果任何人不遵守規定,將會收到警告通知,須把貓隻送走,否則當局派人帶走貓隻。
全球十億計動物每年因貓而亡
禁貓令意在保護本土物種。全球貓隻被指每年導致數以十億計雀鳥及哺乳類動物死亡。雀鳥專家馬拉(Peter Marra)表示,貓隻雖是很好的寵物,但不應容許牠們在戶外四處走動,就如大家也不會任由狗隻在戶外走動,目前全球有63個物種瀕臨滅絕,正是跟貓隻數量急增有關,情況開始失控。
紐西蘭是地理隔絕的島國,除了蝙蝠,並無原生哺乳動物,擁有獨特的生態系統,鼠類是後來隨人類引入。南地大區區議會的生物多樣性專員米德(Ali Meade)指出,當地雀鳥及爬行類動物生存方式怪異,例如有不懂飛行及在地面築巢的雀鳥,而貓隻善於在夜間狩獵。
紐西蘭有近一半家庭養貓,奧茂宜鎮有環保組織稱,並非討厭貓隻,只是希望維持生物多元化,當地實在不宜養貓,而這是人類的錯。據悉,美國有約8600萬隻家貓,加上數量不詳的流浪貓,估計每年導致40億隻雀鳥及220億隻哺乳動物死亡。
列為害蟲 亂闖將被殺
惟禁貓令引起爭議,奧茂宜鎮民眾感到震驚,有住戶稱養了3隻家貓紓緩鼠患,倘不能養貓,恐引致衞生問題,批評這如同生活在警察國家。該鎮位於南島南部沿岸,生物多樣性豐富。
紐西蘭的奧克蘭今年初起公開諮詢把未植入晶片的無主貓隻列為「害蟲貓」(pest cat),牠們倘闖入生態保護區將被殺死。澳洲亦曾興建全球最長的44公里貓隻電圍欄,以防牠們闖入野生動物保護區,甚至研究實施全國貓隻宵禁。
5. 「紐西蘭有近一半家庭養貓,奧茂宜鎮有環保組織稱,並非討厭貓隻,只是希望維持生物多元化,當地實在不宜養貓,而這是人類的錯。」呢啲環保組織真氮DKLM,話啲貓獵殺那些「生存方式怪異」的雀鳥及爬行類動物(「例如有不懂飛行及在地面築巢的雀鳥」),所以就係「害蟲貓」;但明明貓係由人類帶來,千錯萬錯都係人類的錯。加上人類周圍破獲環境,直程係對整個地球有害,咁點解人唔係「害蟲人(pest human)」呢?
6. 「在這項計劃下,所有貓主須於規例生效後6個月內,為家貓絕育、植入晶片及登記,在牠們自然離世後,不准再養貓。如果任何人不遵守規定,將會收到警告通知,須把貓隻送走,否則當局派人帶走貓隻。」DKLM,同以前殺人政權捉孕婦去「強制人流」有乜分別呀!?
7.「澳洲亦曾興建全球最長的44公里貓隻電圍欄,以防牠們闖入野生動物保護區,甚至研究實施全國貓隻宵禁。」乜話?貓宵禁?呢啲事情的反智程度,真係唔會差得過蝗國的乜改物改喎!

39 則留言:

  1. 咁就算將人列為害蟲人,又有咩相應措施呢? 唔俾生仔?
    好多養貓嘅人都係放養。啲貓出去出邊一日實好多小動物甚至昆蟲!
    據我所知呢一個問題好多地方都有。不過禁養措施,我第一個諗到就係毛毛叫全國殺麻雀!

    回覆刪除
    回覆
    1. //咁就算將人列為害蟲人,又有咩相應措施呢? 唔俾生仔?

      黃C話要有懲罰係要相對返件壞事嘅嚴重程度嘅. 咁既然唔俾養「害蟲貓」,以人類嘅罪, 至少都要殺滅一半人口啦!

      //啲貓出去出邊一日實好多小動物甚至昆蟲!

      響呢個層面來說, 都係生物鍊的運作啫.

      //毛毛

      嘔~~~

      刪除
    2. 從自然生態嚟講,毛毛殺麻雀是小事,最大的罪惡是殺華南虎!

      刪除
    3. 唔喺每隻貓都會出去殺雀殺小動物嘅,咁樣一棒打落去真喺癡線。

      //工聯會立法會議員黃國健相信,這會影響到市民申請意慾,他相信特區政府未來會和內地當局繼續商討稅務細節,希望盡快有公佈。
      //好人好姐都唔會好似許小妹咁長期在蝗讀書搵工,卻又拎住三粒星在我城「謀」福利。唔通許小姐係第一袋單飛雙飛兒童?
      許小妹將來搵工可以交少啲蝗稅?正呀喂 XD

      刪除
    4. //殺華南虎
      //唔喺每隻貓都會出去殺雀殺小動物嘅,咁樣一棒打落去真喺癡線。

      總之殺貓科都係唔啱! XD

      //許小妹將來搵工可以交少啲蝗稅?

      咁就要唔好住夠期喇!

      刪除
    5. //二舅父見到膠鐵通車,「票價相宜」

      魔兄外公嗰邊係龍崗坪山鄉下?

      //一地兩檢無所謂,方便是大前提

      我就好現實,當你成日要六點未夠就起身過關趕公司車,仲要撞正寒流襲巷時,真係可以為訓多一個鐘而得一地兩撿係我屋企門口進行,最好一搞掂就捉上洗頭艇咁捉上膠鐵,然後繼續訓到公司門口!

      //「一地兩檢係講緊將地方租借俾人,實行人地的法律。咁多新聞導話禁錮(肥豬腱?)、捉人上洗頭艇(當事人林基基都無再澄清細節喎!)嗰啲,都有少少擔心嘅」

      http://www.linepost.hk/index.php/blogger/3550-yn180828b04

      “高鐵我更是放心,正如去年的「釘書健」事件,泛民朋友告訴了我們,無高鐵,「強力部門」都可以為所欲為,話拉就拉,咁高鐵又點會令你更危險呢?「釘書健」和眾志路人甲都在反復說明一個道理:無高鐵的日子不會令你更安全,你還有什麼理由反對呢?”

      呢位有青連以上邏輯都搞唔通,真係好「背稿」下

      //以保護自然生態及本地原生物種

      因為與世隔絕而太安逸、一開放外來物種就迅速滅絕的動物,最經典是渡渡鳥:

      https://zh.wikipedia.org/wiki/%E6%B8%A1%E6%B8%A1%E9%B8%9F

      //禁貓令意在保護本土物種

      其實如果純粹因為因緣際會而被隔絕、結果做成獨特生態、卻一開放就天翻地覆(即是原本就是unstable equilibrium)的系統(例如我城),基於“物競天擇”下,是否值得過份呵護?

      //總之殺貓科都係唔啱! XD

      亦不是貓不貓科的問題,而是獵殺直接導致野外滅絕;現在華南虎全球圈養有兩百幾隻,但都是來自70年代活捉的2雄8雌(確實數目待考),而多年來的近親繁殖亦令基因弱化,成為阻礙野化訓練成果的其中一個原因。

      刪除
    6. //魔兄外公嗰邊係龍崗坪山鄉下?

      講開我都唔記得老媽子邊樹鄉下, 重九拜山要去睇清楚先得!

      //最好一搞掂就捉上洗頭艇咁捉上膠鐵,然後繼續訓到公司門口!

      呢項特技又係港豬先做到.

      //無高鐵的日子不會令你更安全,你還有什麼理由反對呢?

      要捉都唔會捉去人來人往的膠鐵站喇!

      //渡渡鸟从不怕人,又不会飞行,所以非常容易遭到猎捕。葡萄牙人在1505年第一次登陆毛里求斯岛,便随意地捕杀这些鸟,爾后荷兰人取代葡萄牙人,成为这里的第一个殖民者,首批定居者的到达宣告渡渡鸟的厄运将至,他们不仅毫无理由地滥杀,而且砍伐森林,建造城市,一步步破坏渡渡鸟的生存環境。

      而且,随着人类的踏足,一些岛上原本没有的动物也被带上了小岛,如,绵羊、狗、猪、老鼠和猴子,这些动物佔據了渡渡鸟的领地,使他們無處生活。在渡渡鸟被人类发现后二百年的时间内,终于彻底地消失了//

      摩摩真博學!

      //一開放就天翻地覆(即是原本就是unstable equilibrium)的系統(例如我城),基於“物競天擇”下,是否值得過份呵護?

      係班有青無哂競爭力啫,就有如渡渡鳥一樣.

      //華南虎全球圈養有兩百幾隻

      老虎之所以瀕危,好多人都歸咎於蝗民相信虎鞭(點解蝗民咁着重壯陽嘅?)和虎骨及其他器官的藥效.

      http://yibian.hopto.org/yao/?yno=467

      刪除
    7. // 呢位有青連以上邏輯都搞唔通,真係好「背稿」下

      佢哋有, 就唔會信嗰個一百幻人的維族監獄啦.

      刪除
    8. //我就好現實,當你成日要六點未夠就起身過關趕公司車,仲要撞正寒流襲巷時,真係可以為訓多一個鐘而得一地兩撿係我屋企門口進行,最好一搞掂就捉上洗頭艇咁捉上膠鐵,然後繼續訓到公司門口!//

      心聲呀摩兄~~~

      //呢項特技又係港豬先做到//

      經過10多年的特「訓」,上車就訓,差唔多到廠就會「自然醒」都應算係一項特有技能。

      刪除
    9. //上車就訓,差唔多到廠就會「自然醒」都應算係一項特有技能

      唔練成唔得,唔係嗰朝到lunch午睡前都會變喪屍~

      刪除
    10. //佢哋有, 就唔會信嗰個一百幻人的維族監獄啦.

      班大學生話自己有獨立思考的.

      //差唔多到廠就會「自然醒」都應算係一項特有技能。

      但我試過訓到過站(在返家的路上).

      //唔係嗰朝到lunch午睡前都會變喪屍~

      我呢掛工作太 tedious,基本上日日都 exhausted.

      刪除
  2. 貓都列害蟲?有青都將內地人列為蝗蟲喎!希魔也把猶太人列為……

    回覆刪除
    回覆
    1. 其實紐西蘭係唔錯的地方, 估唔到今次班友咁反智, 同班有青有得比.

      刪除
    2. 西方特別多呢啲聖母心.
      但都係嗰句, 講就兇狠, 做就碌能.
      之前澳門啲跑狗, 如果咁中意, 咪自己出錢接返屋企啦.

      刪除
    3. 你唔用蝗term“聖母婊”都算好俾面~

      刪除

    4. //聖母心
      //聖母婊

      原來有呢啲網絡用語, 我真係太笨土了.

      圣母婊
      圣母婊描绘的是一种思想体系,它有两个要点:1、不论客观事实,强烈主张爱护社会中的弱势群体,直至形成对弱势群体的偏爱和特权。2、主张用爱、包容等理念来解决一切社会冲突。跟中国的圣母婊对应的西方概念,是政治正确

      刪除
  3. //「例如有不懂飛行及在地面築巢的雀鳥」

    應該係指Kiwi。 咁要禁埋鼬、狗同車

    http://www.backyardkiwi.org.nz/useful-information/dangers

    回覆刪除
    回覆
    1. // 咁要禁埋鼬、狗同車

      咁不如以後騎馬代步算了.

      刪除
    2. //咁不如以後騎馬代步算了.

      馬都係外來物種,行路啦

      刪除
    3. 白人都係外來物種...紐西蘭的原住民係毛里族...

      刪除
  4. 張蝗國身㾗症真係幾趕客下,全球稅項喎大佬,即係本來只係想身請張嚟傍下身,點知香港份工都要交埋上面既稅?(即係雙重比稅乎?)

    其實上面啲福利真係唔多想要,北上工作興趣都不大,只係買下大陸樓呀,開下銀行戶口呀,炒下A股呀,開間公司呀呢啲,其實係咪拎張return home card一樣做得晒呢?

    回覆刪除
    回覆
    1. https://m.mingpao.com/pns/dailynews/web_tc/article/20180902/s00001/1535825390188

      全球稅項同張證無關。

      刪除
    2. 好似係無論有冇證,住多過半年都要交税。

      刪除
    3. //全球稅項同張證無關
      //好似係無論有冇證,住多過半年都要交税。

      無錯,居住證只是令自己行踪expose給居住地政府,自動投案要報稅而已

      刪除
    4. //只係買下大陸樓呀,開下銀行戶口呀,炒下A股呀,開間公司呀呢啲,其實係咪拎張return home card一樣做得晒呢?

      應該都得.

      //全球稅項同張證無關。
      //住多過半年都要交税。
      //居住證只是令自己行踪expose給居住地政府,自動投案要報稅而已

      各位都是正解,謝謝!

      刪除
    5. 我用我的理解講下大陸居住證同交税。

      大陸的居住證,即是某地非戶籍人士因為在某地長住,而需要在當地辦理的證件,好多大公司都會為非當地戶籍員工代辦居住證;居住證只是為能在當地簽正式勞動僱傭合約下工作、以及方便生活,與本身戶口並無矛盾和必然關係。內地人嚟講,通常出外打工會並用當地居住證和戶籍地身份證(後者才是真正全國有效),而各處鄉村各處例,好多當地福利並非單純一個居住證就可以享用的(所以點解一線城市的戶口咁值錢,甚至越嚟越多港漂寧願唔要三粒星都要保留),有些福利亦要戶籍地才可享用(例如醫保);套用港人身份,回鄉證就是“戶籍地的身份證”,香港能取得的福利不會受居住證影響。

      我前文都提過,基本上除了不能ticket-free掃卡坐高鐵外,其他日常數碼化服務return home card都搞掂晒...其實與其做居住證,回鄉證號碼能同內地身份證系統互通先最重要,不過呢個可能要第三代return home card先能implement.

      關於稅項:所有人留在大陸超過183日,理論上都要交大陸稅;但這只是理論,因為除非已證實漏稅嚴重,否則大陸任何出入境口岸都不會單純因為一個人出入境時證實超過183日而被留難(否則港人水貨客就好唔得閒了)--因為入息稅是在工作地點的地方政府收取的,口岸公安根本無誘因亦無證據追查一個出入境人士在什麼地方工作(稅又唔系我收既!),我羅湖過關之後可以去到新疆霍爾果斯,你點查?

      入息稅是工作地的地方政府負責,港人在大灣區工作大部份都是在香港簽聘約然後上去長駐,好多大公司會為呢類人士做豁免兩地課稅--即是僱員只需要向香港稅局報稅,用大陸稅嚟計多出未交的部份,公司會負責交;但好多堪比明朝特務機關的工廠--即是“西”廠,係完全無理呢樣嘢,我識有人返咗間“西”廠十幾年,個個禮拜留五日,公司無搞兩地課稅之餘亦從來無被追過大陸稅!以前聽人講地方稅局會突擊檢查工廠,抽check廠內港人同查僱傭合約...不過都係傳上傳,無識人真正遇到過...

      另外根據一國原則(所以先有豁免兩地課稅),香港的收入如果已經在香港完稅,應該是不需要當全球收入交大陸稅的;不過相信除入息稅外,仲有好多灰色地帶,需要慢慢釐清。

      //炒下A股呀

      A股在大陸只能俾大陸股民炒,境外人士請繞道滬深股通.

      //居住證只是令自己行踪expose給居住地政府

      如果香港公司已經做咗兩地課稅(即是公司負責大陸稅多出部份),咁就算expose都無問題的。

      刪除
    6. //有些福利亦要戶籍地才可享用(例如醫保);套用港人身份,回鄉證就是“戶籍地的身份證”,香港能取得的福利不會受居住證影響。

      這個比喻很貼切.

      //回鄉證號碼能同內地身份證系統互通先最重要

      千祈唔好話要同微信戶口綁定就得!

      //因為入息稅是在工作地點的地方政府收取的,口岸公安根本無誘因亦無證據追查一個出入境人士在什麼地方工作(稅又唔系我收既!)

      海關邊防也不是捉人逃稅的吧?

      //另外根據一國原則(所以先有豁免兩地課稅),香港的收入如果已經在香港完稅,應該是不需要當全球收入交大陸稅的

      大部份國家都有協議可避免雙重徵稅,更遑論我城自古就是蝗國領土?

      //好多堪比明朝特務機關的工廠--即是“西”廠

      笑咗!

      //境外人士請繞道滬深股通.

      都無乜大分別了.

      刪除
    7. 多謝各位大大分享,真係誤會晒XD

      刪除
    8. //我用我的理解講下大陸居住證同交税。

      摩兄的了解反映了現實,而家仲有好多「西」廠架,尤以細廠為主。稅局唔查由自可,查起上來都唔知個員工點俾......

      而「全球稅」的措施,雖有5年寛限期,但目前看到最受影響的是那批住深圳每日過關返香港工作的人.

      刪除
    9. 順帶一提,居住證亦唔係話攞就攞的,要證明在當地居住超過半年,除了出入境紀錄之外,仲要當地房產證/租約/僱傭合約等等。

      個人睇法是,除非唔多返港澳台(最主要是weekend兩天經常留在當地),否則真係無申請既必要,今日報導亦印證咗呢個睇法:到現在兩萬個申請,台灣人竟然佔一半,最少反而係最“人心回歸”的澳門人(少過一成,當然人口比例都係因素),就係因為台灣人除非老家在金門,否則回老家點都隔咗個大海,唔係話返就返;反而澳門人即日來回過關多過食飯,關閘一返嚟就係市區,再加埋橫琴24小時通關,在周邊城市長期唔返澳門既誘因不大。

      //海關邊防也不是捉人逃稅的吧?

      如果走稅太勁成為“老賴”級,應該都會捉下既...

      //而家仲有好多「西」廠架,尤以細廠為主。稅局唔查由自可

      以前好興一招將人工對分,部份糧出人仔(或等額港紙),大陸稅在人仔部份扣;咁樣通常有著數,因為港紙糧少咗會入少咗香港的高%稅階,最後總體兩邊交稅仲少過剩係計香港稅。不過呢招係旁門左道,近年已經好少有公司咁行。

      //但目前看到最受影響的是那批住深圳每日過關返香港工作的人.

      就算豁免重覆徵稅,要交埋計大陸稅多出的餘額都幾係嘢。

      住深圳離香港咁近,無咩特別的話,真係唔使申請居住證,免得行踪expose.

      刪除
    10. //個人睇法是,除非唔多返港澳台(最主要是weekend兩天經常留在當地),否則真係無申請既必要

      同意到極!!

      //部份糧出人仔(或等額港紙),大陸稅在人仔部份扣;咁樣通常有著數,因為港紙糧少咗會入少咗香港的高%稅階,最後總體兩邊交稅仲少過剩係計香港稅。

      鑽空子諗呢啲財技又係港豬特技.

      刪除
    11. 大陆收税的是国税总局,边检是公安部的移民管理局,海关是海关总署,三个部门各不统属,吵架还吵不完,是没有心情帮其它部门的忙的。边检和海关是不会管你有没有缴税的。

      刪除
    12. 信你,除非係欠稅欠到被通緝吧(爻未未?)....

      刪除
    13. //吵架还吵不完,是没有心情帮其它部门的忙的//
      這個非常認同,好似對付水貨客咁,海关边检各自為政,其實邊檢有出入境記錄,邊個人每日進出多次點會唔知? 我估就係呢個情況,令到上年開始在邊檢閘口後、傳統海关櫃台前、多加一度海关閘來收集入境記錄,多此一舉......(最近又好似「放你一條生路」咁熄左這度閘了.....)

      刪除
    14. //最近又好似「放你一條生路」咁熄左這度閘了.....

      梗唔係,只係升級左做人面辨識而已。據聞目標人物一行過,後台就會出alert。

      刪除
    15. 兩位真係蝗國通, 我張 return home card, 一年都唔唔知用得幾多次!

      刪除
    16. //梗唔係,只係升級左做人面辨識而已。據聞目標人物一行過,後台就會出alert。//

      咁勁 ?! 我大部份時間都係過福田關,目測就仲未安裝新設施 (D頭頂CAM一直都有,你咁講又好似安多左少少在牆頂)。總之呢種「大陸式更新」我到而家都仲係適應唔到。


      //我張 return home card, 一年都唔唔知用得幾多次!//

      老實講,有兒女家室在香港的要這樣兩邊跑,絕對不是爽YY的,有得選擇我都想唔駛經常用。(哭)

      刪除
    17. //咁勁 ?! 我大部份時間都係過福田關

      福田關係水客黑點,之前第一個裝海關閘機既就係福田。

      我都係睇唔記得邊個廣東台話而家用人面辨識了...仲話已經拉到幾多水客、以及成個鏡頭都係人依然都唔會認錯咁話.

      //老實講,有兒女家室在香港的要這樣兩邊跑,絕對不是爽YY的

      所以我一直好佩服好多人工作地點遠至東莞都日日即日來回的,基本上每日有五個鐘頭就浪費在路上。

      唔好話有家室,成日騰上騰落同幾個豬朋狗友weekend上去吃喝玩樂完全是兩回事。

      但兩地融合尤其是工商業上根本不可能以有青意志轉移,唯有希望深圳發展再快啲,將啲同我城接口既業務集中晒係深圳,等大家唔使走咁遠。

      所以正苦個膠鐵廣告,開頭咩杭州旅遊、廈門探親、廣州開會都是幌子,最貼地係臨尾在廣州南站打俾老婆話而家返嚟食飯...當本來經常要浪費五至七個鐘來回,你絕對會肯付出溢價節省到三至五個鐘;話短途無人坐既絕對係離地,我睇唔出除左車費原因外,住油尖旺、港島西甚至香港仔葵青區如果去短線沿途的話點解唔坐膠鐵;而且亦會對東鐵有分流作用.

      刪除
    18. //D頭頂CAM一直都有
      //成個鏡頭都係人依然都唔會認錯咁話.

      蝗國的AI發展,足以震懾老美了!

      //基本上每日有五個鐘頭就浪費在路上。
      //最貼地係臨尾在廣州南站打俾老婆話而家返嚟食飯...

      好奇怪一直以來都有新舊同事話我住屯門遠,每日用上兩小時往返公司就係好花時間。
      唔通港豬只識住鐵路沿線?

      刪除