2012年11月7日 星期三

尋人(2nd edition)

魔術師一向最樂於助人,深信為善最樂,福有攸歸,錢財只係身外物,見呢何姓港女遭人奚落,心有不甘;現在公開呼籲,如何小姐不嫌鄙人低俗,唔介意魔術師係個三九唔識七的陌生人,便請將請柬電郵至undefeatablemagician@gmail.com,不用怕被人笑話厚顏無恥,魔術師一向逢請必到,逢到必早,一人食量,兩人禮金又點話!

重覆,魔術師的電郵是undefeatablemagician@gmail.com,何小姐一定要將請柬寄來呀!

Picture

 

至於各方貧友亦都要多加諒解,千萬唔好誤解何港女係缺錢之人,又或者係借錢結婚結大咗,所以下下計得咁盡。皆因等錢使之人,不嬲都係多多益善,少少無拘,八百最好,五百都照殺,無理由如此趕客。人以群分,物以類聚,對何港女來說,可能佢嘅生活圈子中的朋友,日常食自助餐的機會真係唔多,現在何港女有機會帶挈眾貧友進出五星級酒店,出入有門僮開門,眾人理應感激才是。貧友們切勿多疑,何港女絕對不是貪錢或睇唔起人,況且香港地,應該唔會有後生仔因為俾幾百蚊禮金出去就會造成經濟困難,相信何港女都係只係想個婚禮可以搞得體面啲而已;所以記住記住記住,粗粗地男嘅都要著返套D&G,女嘅起碼都要agnès b.囉!

Picture

魔術師好明白嘅。貧友們,說到底,有個童話式婚禮係所有港女的願望,俾你面請得你嚟,當然唔係食餐飯,敬個假酒,影張相就完事。你要記住,你依家有得睇人地嘅成長過程、浪漫相識拍拖、接新娘等喜慶事,又有真人騷睇、甚至係走音星光大道之類的環節,仲有唔見咗隻豬的乳豬食,最最最後仲有新娘子親手選擇的騎呢回禮,試問你又點好意思只係俾五百呢?

即係好似人地江湖賣藝咁,耍完功夫打個賞,買樽藥,當然你可以話「多少都係心意啫」,無問題嘅,過到自己嗰關咪得囉!

 

2012/11/07 00:10:07 

18 則留言:

  1. 咁刻薄的人怎可做人生伴侶?!

    還有什麼時候開始香港的婚禮要搞五星級王子公主的童話婚禮?普通工薪階層的就腳踏實地不用作無謂幻想。貴族是世襲的不是扮的。而且婚姻幸福和婚禮盛大無半點關係,不過好像每對在香港要結婚情侶並不這麼認為,最開心的肯定是婚慶公司。

    回覆刪除
  2. 其實佢呢啲心態嘅女仔真係幾普遍,好似好有道咁,只不過佢難得咁坦白啫。

    回覆刪除
  3. 有七個人LIKE,仲有條友現身認同呢,呵呵!

    回覆刪除
  4. 咩叫請飲呢?係請親友黎分享你們的喜悅,見證你們的關係。親友做不做人情,做幾多人情都不是你們該諗去諗的。
    這中間又涉及一個問題,擺酒嘅心態係揀至豪嘅場面,被請嘅就完全無 say 咁去會鈔,問題係憑乜由你地去決定我嘅做人情水平呢?這是徹底徹尾的軟性暴力呀!
    老實講,要我成千文食一餐,又貴又咸又高膽固醇,根本就係戇居同傷身,如果你介意我做幾多人情嘅,即係我地並非交心友喇,甘拜託,咪鬼請我喇,真係!

    回覆刪除
  5. 魔術師,借你嘅 cap 圖一用,我把留言貼做正文咯!

    回覆刪除
  6. 不敗的魔術師2012年11月8日 上午9:57

    我幅圖的來源都係「網上圖片」啫!

    回覆刪除
  7. 不敗的魔術師2012年11月8日 上午9:59

    //擺酒嘅心態係揀至豪嘅場面,被請嘅就完全無 say 咁去會鈔
    咁就要各親友公投下去邊樹擺酒咯,咁先叫民主公義嘛!

    回覆刪除
  8. //香港的婚禮要搞五星級王子公主的童話婚禮
    我不嬲都唔明香港點解會咁buy呢種中世紀歐洲貴族的價值觀。

    回覆刪除
  9. 「坦白嘅女仔無機心,好cute架!」

    回覆刪除
  10. http://www.youtube.com/watch?v=BmfkpccKkIw

    回覆刪除
  11. QUOTE
    不敗的魔術師 :
    //香港的婚禮要搞五星級王子公主的童話婚禮

    我不嬲都唔明香港點解會咁buy呢種中世紀歐洲貴族的價值觀。
    UNQUOTE



    非常簡單,因為整個香港的思維,就是維持在中世紀歐洲落後時代的水平,封建,守舊,自以為是,不自量力等,想得出來的形容詞,放進去都錯不了。
    他們迷戀中世紀歐洲,但對那個時候的情況又明瞭多少?
    老豆可以決定女兒嫁給誰;人家欠債,可以上門倒紅油然後拉人家個女來填數;出門小心,注意屎尿倒頭淋.....。反正想得出來的,都可以填上去,這就是中世紀歐洲的情況。
    這群無知自大,不知所謂的港人!很可惜,是你我的同鄉!

    回覆刪除
  12. 如今的港人很多都是缺乏獨立思考兼人格分裂!好像年前那個年輕人,做兩份工做到過勞死,是自取的,怪得人,怪得社會,自己有幾大能耐,又要供車,又要籌措世紀婚禮,結果當然只有透支!

    回覆刪除
  13. 不知從甚麼時候開始,一群對歷史非常無知的港人,特別喜歡用一個歷史名詞。甚麼都用世紀,這真的是甚麼世紀?
    任何玩弄歷史的人,反受其害,這是歷史教訓。
    如今玩弄歷史名詞,也害得不少人雞毛鴨血。
    歐洲中世紀,是甚麼概念?落後無知的代名詞也。沒錯,香港現在真的是回到歐洲中世紀的情況。
    世紀婚禮,我們可否解釋為提早舉辦的葬禮?嗚呼哀哉,一雙新人尚饗!

    回覆刪除
  14. 不敗的魔術師2012年11月9日 上午8:13

    呢啲咪就係俾人洗咗腦囉!

    回覆刪除
  15. 不敗的魔術師2012年11月9日 上午8:17

    仲有,養隻黑貓就會俾人屈你係女巫,拎去火祭!
    歐洲人咁歧視貓隻,最後被黑死病蹂躪可謂咎由自取。

    回覆刪除
  16. 不敗的魔術師2012年11月9日 上午8:20

    簽名時送其輓聯一則:
    琴弦音斷,白頭永訣

    回覆刪除
  17. QUOTE
    不敗的魔術師 :
    簽名時送其輓聯一則:

    琴弦音斷,白頭永訣
    UNQUOTE



    可能已經不用到白頭就要永訣。為了那提早安排的葬禮,兩人都已經孭了一身債,會因為一些非常簡單不過的吵鬧,就你劈我一刀,我砍你一劍,來個六指琴魔大結局。唉!究竟為的甚麼?

    回覆刪除
  18. 咪就係為咗一個「一世人得一次」的婚禮囉!

    回覆刪除