水電鋪的貓仔（十六）

話咁快就連年三十晚都過埋，年初一已靜稍稍到來，先祝大家事事稱心，身體健康！
新年伊始，都係寫返啲 soft 啲嘅嘢。咦？夜麻麻，水電貓走出鋪前，望左望右，做乜呢？唔通想同大家拜年？

然後仲走到出花團坐係度望住馬路添，你唔驚嘅咩？

魔術師等了水電貓一陣，只見佢呆坐了一會，便用爪在地上撥...
原來是在便便！
水電貓用泥土將便便掩蓋後，便施施然走返鋪內，動作快到連想影張相都難。
＊＊＊
其實水電貓有時在早上都行得幾出嘅，周圍聞吓，挨吓搵紙皮當不求人搲痕，不過都只係限在鋪前的範圍，唔會走得太遠：

其餘時間都係做吓門口貓，得閒就舐吓毛，睇住你班工資奴為口奔馳，

當然，水電貓最可愛的就是牠的睡姿，同埋手仔腳仔的肉球喇！