2007年8月13日 星期一

帝皇大道

《三國志·蜀志·后主禅傳》裴松之注引《漢晋春秋》:「司馬文王與禅宴,為之作蜀故技,旁人皆為之感愴,而禅笑自若.王謂賈充曰:『人之無情,乃可至於是乎!雖使諸葛亮在,不能辅之久全,而况姜维耶!』充曰:『不如是,殿下何由并之.』他日,王問禅曰:『頗思蜀否?』禅曰:『此間樂,不思蜀.』」
魔術師最近因工作關係,要幫小茶飯活動合剪一段影片出來作片頭.最後魔術師便幫片頭配上字幕,其間用上了一些英文簡寫.

魔術師做完後一轉後便將作品稿件給老細和各同事過目,給給意見.誰知阿雞毛將軍卻寫電郵來,說用簡寫不好,因為簡寫裡某些英文字母跟前大大老細的initials一樣,話題「敏感」咁話.
魔術師一聽之下頓時呆了,其實用簡寫抑或用全寫是閒事,可以有一百個理由不用簡寫,但都唔應該係呢個「文字獄」既理由掛.搞到魔術師以為返左幾一千百年前,果時「世民」呀、「元璋呀」之類,講左要殺頭家麻!而家廿一世紀,真係想唔到呢種思想竟然會係呢度出現,唔通香港而家真係唔俾人講「定康」?去到美國又唔俾人叫「林頓」、「布殊」?
大大老細係鬼佬,照計唔興呢d中國野架喎,難度又係一d華人中層管理既硬膠之作,以為「你唔能夠假設人人都胸襟廣闊」?咁,「你夠唔能夠假設人人都咁小氣啦!」
魔術師總認為,作為高級既管理人,肚內係應該可以撐船既,更加唔會為左小小既事,一兩隻無傷大雅既字而嬲d手下.況且前大大老細(華人)係榮休又好,被迫退休又好,甚至被人炒左都好;現在畢竟係現任鬼佬大大老細既強勢天下.成王敗寇,自古勝利者都唔會將亡國之君和其族人趕盡殺絕,反而會封候封爵,給他們一個小小的領地,只要看管著他們不要有兵力,自然樂得他們逍遙自在,也可減少新歸順既人民既反彈同怨憤,對新君絕對有利無害.
照計,唔使高手都會明白以上既帝皇手段,但係偏就係有d蠶蟲師爺諗埋d「x忽計」,真係唔知係阿雞毛將軍鞋油強勁定係個腦生左上「x忽」!
2007/08/13 14:57:54

6 則留言:

  1. 你係唔係火遮眼搞錯位置呀,乜唔係應該個腦生左 "落"「x忽」至啱咩? 點會係上面呀?

    回覆刪除
  2. 嘿,如果阿雞毛將軍係宇宙大王既族人咪得lor!

    回覆刪除
  3. 記唔記得四年前沙士,當時外國簡稱為SARS,阿董唔鍾意,夾硬用SRS,結果呢...

    回覆刪除
  4. haha,宇宙大王,久違了!

    回覆刪除
  5. 咁o岩o既!
    我第一份工個上司,就係因為見到我個名同一個鬼佬老闆一樣,所以就要我改名。最後,我連英文名都無用。

    回覆刪除
  6. 惡妹妹講果單野,AK果陣時睇到,真係笑到人仰馬翻...
    SARS,本人地通常叫「沙士」,實質全寫的Severe Acute Respiratory Syndrome ,官方中譯係「嚴重急性呼吸系統綜合症」,take out左個A...即係唔係急性啦...唔怪之後果陣react得咁慢...

    回覆刪除