帝皇大道

《三國志·蜀志·后主禅傳》裴松之注引《漢晋春秋》：「司馬文王與禅宴，為之作蜀故技，旁人皆為之感愴，而禅笑自若．王謂賈充曰：『人之無情，乃可至於是乎！雖使諸葛亮在，不能辅之久全，而况姜维耶！』充曰：『不如是，殿下何由并之．』他日，王問禅曰：『頗思蜀否？』禅曰：『此間樂，不思蜀．』」
魔術師最近因工作關係，要幫小茶飯活動合剪一段影片出來作片頭．最後魔術師便幫片頭配上字幕，其間用上了一些英文簡寫．

魔術師做完後一轉後便將作品稿件給老細和各同事過目，給給意見．誰知阿雞毛將軍卻寫電郵來，說用簡寫不好，因為簡寫裡某些英文字母跟前大大老細的initials一樣，話題「敏感」咁話．
魔術師一聽之下頓時呆了，其實用簡寫抑或用全寫是閒事，可以有一百個理由不用簡寫，但都唔應該係呢個「文字獄」既理由掛．搞到魔術師以為返左幾一千百年前，果時「世民」呀、「元璋呀」之類，講左要殺頭家麻！而家廿一世紀，真係想唔到呢種思想竟然會係呢度出現，唔通香港而家真係唔俾人講「定康」？去到美國又唔俾人叫「林頓」、「布殊」？
大大老細係鬼佬，照計唔興呢ｄ中國野架喎，難度又係一ｄ華人中層管理既硬膠之作，以為「你唔能夠假設人人都胸襟廣闊」？咁，「你夠唔能夠假設人人都咁小氣啦！」
魔術師總認為，作為高級既管理人，肚內係應該可以撐船既，更加唔會為左小小既事，一兩隻無傷大雅既字而嬲ｄ手下．況且前大大老細（華人）係榮休又好，被迫退休又好，甚至被人炒左都好；現在畢竟係現任鬼佬大大老細既強勢天下．成王敗寇，自古勝利者都唔會將亡國之君和其族人趕盡殺絕，反而會封候封爵，給他們一個小小的領地，只要看管著他們不要有兵力，自然樂得他們逍遙自在，也可減少新歸順既人民既反彈同怨憤，對新君絕對有利無害．
照計，唔使高手都會明白以上既帝皇手段，但係偏就係有ｄ蠶蟲師爺諗埋ｄ「ｘ忽計」，真係唔知係阿雞毛將軍鞋油強勁定係個腦生左上「ｘ忽」！
2007/08/13　14:57:54