魔術師聽後一頭霧水，咩叫綜合能力？上網一查，原來而家會考中文既課程已經變成咁：
其實個課程都改得幾好丫，好處係無範文，唔使死讀書，唔好處又係無範文，少左好多讀古文既機會．
考口試直程係德政，而家ｄ細路滿口懶音（講野－＞趕野，恆生銀行－＞痕身ｕｎ寒，完全無鼻音可言），呢樣野唔可以唔考．綜合能力又係好，可以考思考、分析力同表達能力．其實呢ｄ野會有幾難，如果平時有同朋友吹開水，有point地鬥下嘴已經可以好ok．仲有，作文既「檸檬茶」．．．直程係正到無倫！
所以呢，魔術師最最唔鍾意就係中文唔合格既人，尤其是果ｄ話日常用口語所以寫唔出一篇通順既白話文的人．寫blog呀、ICQ、MSN當然可以唔使咁講究，但係即使如此，都唔應該係「寫唔出白話文」，而應該係「非不能也，實不為也」．
至於呀表弟，連金庸、衛斯理都唔睇，成日頭耷耷，唔知佢搞乜．其實舅父有問過魔術師點樣改善語文程度，其實呢ｄ野邊有得「學」架，只有「浸」返來．好似呀表弟乜書都唔睇，又點可以寫得出一手好文章呢？
2007/08/30 17:57:10
兩個課程都有好有唔好啦
回覆刪除舊課程有好多好值得讀既文章
不過太偏重死記硬背，填鴨啊
但老師講既時候，可以在內容上有更多發揮
新課程呢，真係考下能力，訓練思維
但有時為左考試，變得太重實用性
忽略左思想性，值得讀既文章少左好多，
即使有，有時都會側重左在工具性果度，
要靠老師講多一d啦~
口語呢，正音果邊仲有好多未講掂數...究竟跟何文匯派定其他派系呢？聽聞而家都係得過且過住先...
回覆刪除個syllabus好似幾好，但執行時似乎真係可鬆可緊.. 即係可圈可點喇。場天才波可以打到幾遠，真係考過先知囉。