無糖童話(一)

七十樓的「無糖童話」．
魔術師的「無糖童話」：

志‧明：「魔術哥哥，講個故事俾我地聽啦，你好耐無講啦～」
阿妹豬：「係丫講啦哥哥～」
魔術師：「嘿嘿，要我講故事？得～咁，你地要點先？」
阿妹豬：「又係咁～ errrrrrrrrrrrr 」
志‧明：「得得得，魔術哥哥你又靚仔又叻，你咁叻，就講個故事俾我地聽啦，其他人講果ｄ硬係無你講得咁好聽架囉～」
魔術師：「好啦，見你地咁乖，我就講故事啦！

從前，有個樣貌好標緻的優雅女生，大學甫畢業便入了一間設於金融中心地區的甲級善堂去滯世為懷。由於相貌娟好，同事們都很喜歡她。於是，這位女生便快快樂樂地在這間甲級善堂滯世為懷下去了。

講完。」

阿妹豬：「下？咁就完？無理由既，魔術哥哥你快ｄ講埋落去啦～」
志‧明：「魔術哥哥你又靚仔又叻，你咁叻，個故事無理由咁單純架喎．．．咦~~講埋落去俾我地聽啦～」
魔術師：「好啦，見你地咁乖，我就繼續啦！

話說時代不斷進步，優雅女生發現天時地利人和皆備，便出來開門立派，自己創業．當優雅女生的營業額直線上升，自然便吸引了不少熟客，但同時卻又引來某些沒靈氣的歐巴桑行家．幸好，優雅女生才貌雙全，新產品點子源源不絕；而沒靈氣的歐巴桑行家卻因學識上眼界上的停滯不前而經營失敗，加上韶華暗去，最後落得著草而逃的下場．而優雅女生卻不畏歲月和環境既轉變，眼睛依舊明亮跳脫活潑，顧客對呢位樣貌好標緻的優雅女生的鍾愛便這級比那級的熱烈。

而那位著了草的貌似東施的沒靈氣的歐巴桑行家，為了跟人爭小巴座位，竟然跟同車的乘客分享腋窩的臭狐。

好，講完。」
志‧明：「．．．．．．」
阿妹豬：「．．．．．．哥哥，咁個故事其實有咩要旨呢？」
魔術師：「冇，你地有冇留意有某一種人鍾意用無奶油的隱喻來扮哂野丫？」
阿妹豬：「咩呀？」
志‧明：「．．．．．．哥哥，個故事係咪真架？」
魔術師：「個故事可能係真既，又可能唔係，但其實我想講既故事又唔係呢個故事。」
＊＊＊
是夜，根據七十樓式預言，魔術師，發了惡夢。
2007/08/22　00:28:21