魔術師自細便不喜歡成為相中主角，除了小時不懂事時被爸媽擺佈拍下一些照片，由小學至大學的生活照實際是寥寥可數，大多只是一些key events例如校慶和畢業禮之類，所以當而家魔術師參加朋友婚宴看ＤＶＤ既時候，有時會不禁想：「點解可以有咁多生活照架？」
少拍照，主要原因，一來當時相機和菲林都貴，爸爸等閒不動用佢果部萬能達，二來魔術師自懂事之後，最愛單刀赴會，自己一個人，又影甚麼相呢？然後讀了金庸的「俠客行」，學了石破天的思維，便想：真係有紀念性既，自然會記住，照片只是一種輔助工具，幫你去抓住那一刻的時空，如果不值得回憶的話，再多相片也是枉然．頓時覺得自己不用呷檸檬茶便已經成了一位「小小哲學家」．
再拾起相機拍下生活瑣事，是多得數碼相機的普及（到現在魔術師依然不習慣用手機拍照）．數碼檔案不用沖哂，成本極低，所以可以拍得很濫，很多絕對不會用菲林拍下的無聊時刻，也會成了硬碟的一部份．而其中的重點，便是分享．
回憶，獨樂樂，是個人的，想到甜蜜處，自顧自的傻笑；想到傷心處，暗自下淚．
分享，眾樂樂，可以是當時有份一起參與的人的「集體回憶」，也可以是和親人朋友的交流．
各有千秋．
2007/08/03 23:22:29
嘿！
回覆刪除而我
回覆刪除是非常喜歡拍照的
也喜歡拍下喜歡的人
在親友、同事、朋友聚會中，我總是拿著相機拍呀拍，因為看到相片，會令我憶起快樂的時光。
看相片，也是獨樂樂，讓人歡喜讓人憂。
>>真係有紀念性既，自然會記住
回覆刪除我都係咁。如果唔記得，咪即係唔係咁重要囉。又或者老人癡呆唔記得晒，咪即係個天話畀你聽係唔駛記個囉。
我以前旅行時會影好多相，既係為左分享，亦係想留住此時此刻。
回覆刪除不過一次旅行時同團有一班發燒友，面對大好湖光山色，佢地一ｄ都無停落來欣賞，反而一到就set腳架裝鏡頭攞景．．．
我望住佢地果種投入執著，忽然覺得我唔要好似佢地咁。之後就影少好多相，覺得成個人輕鬆曬。
你依篇，點解風格突變？
乜我寫野有「風格」既咩?
回覆刪除你咁回覆,令我諗起某半港女泰山同事,佢係跑山唔係行山,淨係dup低頭係咁跟住人跑,我問佢行過邊度,有乜景色,佢一概唔知.
Well，數怪哥哥當然有強烈個人風格啦，依個留言又正常反啦。
回覆刪除又，我都講唔到我去過邊度行山既，我只係跟住人行嫁咋。