電車男不可欺

真係風水輪流轉。在魔術師仲係做電車男的時代，電車部的精神就係要為 users 服務，以用家的角度出發和思考，寫嘅嘢要 user 睇得明，係最基本的要求。不過，十幾廿年後，時代變遷，電車部的話語權愈來愈大。好似公司新系統出籠，bugs 多到無倫，甚至俾 users 話「個 system 未 ready 就唔好出喇！」，不過可能係班 users 慣咗以前 waterfall mode，定義好哂 requirements，做好哂 testing 先推出啫！依家個世界係全球化，我城電車男雖然識得話「今時今日咁嘅服務態度唔得架喇！」，但班咖哩廠仔就唔係咁諗：話佢地做錯嘢咩，係 requirements 唔清晰，無逐個字寫清楚啫！要改？得，出 change request 囉！自己做錯嘢仲要用戶出 change request，你話係唔係世界變？


更抵死的是，班咖哩廠仔大條道理以機械人方式做嘢，只要 change request 寫漏少少嘢就做一半唔做另一半，永遠唔會諗下用戶「真正的想法」，事事都要出 email confirm 唔上身，而用戶又話唔識寫 technical 嘢，於是包青天上司與魔術師等人就成為磨心，真係心血少啲都死！不過點都好，一眾電車男都應該有專業態度，唔會出現莫舐肛所講的情況嘅！

信報　2018年10月26日
績差削成本 IT屢遭裁員
國泰（00293）因行業競爭劇烈，加上燃油對沖屢現巨額虧損，令業績持續見紅，近年多次精簡架構削減成本，資訊科技（IT）部門是裁員重災區。據了解，國泰於2016年曾重組IT部門，當時有十數名員工被解僱，部門董事Joe Locandro亦離職；至今國泰已無專職資訊科技的董事，改由航空顧客及商務總裁盧家培負責有關部門。去年集團在港大裁員600人，IT部門有逾百人受影響。
立法會資訊科技界議員莫乃光指，不排除事件與國泰去年裁減約兩成資訊科技員工有關，認為資深員工離職，對保存顧客資料有影響。
暫無乘客財務資料被盜用
國泰正陸續向受影響客戶發出電郵，通知客戶被洩露的資料如姓名、地址、出生日期、電話號碼、護照號碼或信用卡等。盧家培強調，過半受影響客戶僅外洩姓名及電郵，或姓名及電話號碼。信用卡方面，約430張信用卡資料外洩，當中403張已逾期，並無客戶財務資料被盜用。行政總裁何杲指出，沒有乘客亞洲萬里通或馬可孛羅會資料被全部取覽，亦沒有洩露任何密碼。
為提升系統安全，國泰IT部已提醒3.3萬名員工，更改內部系統登入密碼，即使在私人設備登入時，亦要更改手機程式密碼，日後須每90日更換一次。

聞說ＣＸ面試時甚為嚴格，ＨＲ就連申請人在舊公司幾時升過職都要問清楚，並要提出證據證明，估唔到實際做起嘢上來咁兒戲。

不過，都唔好話本公司的咖哩仔同埋炒人炒到無哂士氣的ＣＸ猛出出現低級錯誤，就連係有李加坡背景的輝仔，出 email 一樣都係烏 sir sir，截止日期中英文唔同唔在講，最慘係唔識用 bcc，結果將其他客戶的電郵地址都 send 了出街：

最後，就係漏夜補飛，叫客戶刪除電郵，魔術師當然會照做（不過都會 cap 圖為證的！）：

其實出得嚟做嘢，就一定要識用 Bcc。除咗係做 mass communications 要善用 Bcc 之外，魔術師都習慣會 bcc 自己。包青天上司問魔術師為何要咁做，魔術師的回應就係：
１. 慣咗在 M$ Outlook Inbox 內開 folder 儲電郵。所有 archive 所係以 inbox 為依歸會比較統一，Sent box 就可以隨時 delete。
２. 呢樣嘢比較重要，就係可以知道對方收到份 email 的格式，或者係自己究竟有無 send 到信封 email 出去。M$ Outlook 好抵死，按咗 send 掣唔等於已寄發，電郵有可能會濟留在 Outbox，如果自己收唔到，就會識到去 check 吓，而唔係 out of sight, out of mind。
＊＊＊
伸延閱讀：

國泰指隔五個月才公佈因需時了解 更新：2018/10/25 23:03

國泰及港龍約九百四十萬名乘客個人資料外洩，國泰航空行政總裁何杲親自向公眾致歉。國泰早於三月發現系統有可疑活動，五月確認客戶資料外洩，但事隔五個月至昨晚才公佈，國泰解釋需時了解，不想製造無謂恐慌，警方將案件暫時列作有犯罪或不誠實意圖而取用電腦。
國泰航空行政總裁何杲傍晚透過公關發放錄影片段，親自就事件向公眾致歉。國泰星期三晚十時許發公告，指三月發現系統有可疑活動，到五月初確認國泰和港龍大量個人資料外洩，涉及資料十分廣泛，由顧客姓名、出生日期、電話號碼、電郵、地址、護照、身份證號碼、會員號碼，到過往的飛行記錄都有，當中包括約八十六萬個護照號碼及二十四萬五千個香港身份證號碼，還有四百零三張已過期的信用卡和二十七張沒有安全碼的信用卡亦被人未經授權取覽，部份個人資料更加被下載。
國泰強調沒有任何密碼外洩，每位受影響乘客的資料都不同，逾半是姓名加電話或者姓名加電郵組合，沒有人全部資料被不當取覽，未有證據顯示資料曾被不當動用，不會影響航班安全，為何事隔五個月才公佈？又沒有即時通知客戶？國泰解釋要時間了解，國泰沒有透露受影響的是甚麼客戶，只是稱正聯絡有關顧客，會提供免費身份監察服務，又設立專門網站和熱線讓乘客查詢。
不過有線電視新聞台由中午十二時半熱線生效時間開始撥打，直至下午四時許，撥打了數小時電話，仍然要等候電郵通知，才知道自己的資料有否外洩，到傍晚陸續有人收到國泰電郵，通知資料被外洩，每個電郵會列明客戶哪些資料受影響。
國泰指已經報警，據了解國泰職員落口供時，無詳細交代資料外洩詳情，會委託網絡保安公司再向警方交代。