楢山節考屋

主持人話男戶主同屋企人從小住到大，住咗３０年，依家要結婚，由男戶主一家人變夫婦兩人，所以就將間屋變成倆小口的安樂窩...咁同住的屋企人去咗邊呢？主席人臨尾又話均益大廈樓價從高位回落一成，仲可以補貼裝潢費...咁，斷估無理由男戶主將層樓加按，用買納米新樓嚟俾屋企人住掛？ （３６：５２—４７：３５）

樓盤傳真 2018/10/13 2018/10/13 23:10

行政長官林鄭月娥第二份施政報告，顯示出政府對香港中短期土地及房屋供應，已經無能為力！「明日大嶼」需要大家放眼二十年後才實現新供應？以「土地共享」去包裝公私營合作，主動權始終在於發展商？而整幢工廈活化，有何誘因令業界嚮應？
屯門卓爾居，低層兩房單位同時放租放賣，叫價 700 萬元，叫租 14,000 元，面對區內新盤吸客，以貼市價放盤，是否能夠脫穎而出？
政府近年大力推大灣區概念，新一代住屋問題，是否需搬至大灣區解決？第一站先到語言文化較接近的澳門，檢驗單位質素是否適合港人移居。
長情屋主住在同一地方三十年，經歷人生不同階段。新婚在即，決定把 371 呎西環舊樓大翻新，變成黑金色型格安樂窩。

均益大廈樓齡４０年，得３００幾呎仲要招呼朋友聚會，真係他媽的交遊廣闊。女主人仲要自細識彈琴，娶得入門當然要預埋部琴：

由於舊樓主力牆較少，設計師便將所有間隔牆拆去，將兩房變一房，增加採光；再將原來的黑廁和廚房變成衣帽間和次所，廚房就搬去廳的另一邊做開放式，水電位當然又要大執（左上、右上）。鋼琴放在主人房與衣帽間相差的空位，又可以擋一擋大門直沖，算是不錯的設計（左中），但鋼琴上方的層架未免有點唔等使（右中）。客應與飯廳以橫樑分隔；客龐係用射燈，而飯廳就有吊燈，懶有情調（左下）。電視牆用女主人最喜愛的金色做條子點綴，內藏暗門至睡房；３００幾呎間屋仲要擺張按摩椅，睇電視要乜斜對眼，否則就要面壁，認真不明所以（右下）：

開放式廚房乜爐都有，仲要有金色把手作裝飾；分體式冷氣竟然放在廚櫃頂，下方放兩盤花，冷氣機滴水可作灌溉之用（左上）。紅酒櫃無處容身，要放出廳，梳化隔離（右上）。地板以斜紋鋪砌，懶係玩嘢；留意椅腳都要係金色，以配合女主人喜好（左下）。不過，更大塊的是一入門口見到的金色牆，內有舊階磚一塊，是由舊屋裝潢中拆下來，是男戶主的成長回憶云云（右下）：

唔知係唔係唔夠筆直，主人房得張床，同埋幾個地台櫃，十分單調（左上、右上）。衣帽間亦只係得個櫃同層架，最叻又係金色把手（左中）。次所趟門以無框設計，金色把手唔少得；掛衣／毛巾掛勾係用「人」形設計（右中）。坐廁洗手盤係純白設計，不過廁紙架離坐廁稍遠，如果要坐係度換廁紙會稍覺不便（左下）。企缸特色牆具３Ｄ效果，男女戶主鴛鴦戲水時倍添樂趣：