Discuss dog come

前幾個星期，魔術師在公司正忙得不可開交之際，手機忽然「撻着」（魔術師的 iphone 永遠係 silent mode）。拎起電話一聽，原來竟是（疑似，下同）基仔 agency（見《回頭草（2nd edition）》） 打嚟。基仔 agency 寒暄了兩句後，便馬上「入正題」，話有荀工介紹，問魔術師有無時間 discuss。
魔：不如你將資料 semd 俾我再講喇！乜都無好難講我有無興趣。
基仔 agency 見魔術師的回應太 generic，以為魔術師係唔想俾坐係身邊的人講乜話題，於是便自作聰明：如果你依家唔得閒，我遲啲再打嚟吖！
魔術師對呢啲 recruiter 早已失去耐性，為免愈講愈大聲，便離開座位行開講：你地班人點解咁鍾意傾電話 discuss？其實有乜好 discuss？你 send email 嚟，我有興趣自然會搵你。
基仔 agency：我地有個 opening，想問下啱唔啱你啫。
魔：你咪有我資料囉！啱唔啱我做你唔知嘅咩？
基仔 agency：份ＣＶ可能 outdate 咗吖嘛...
魔：我的學歷和工作經驗都無變，只係多咗呢一年的經驗啫。分別有咁大嗎？
基仔 agency：（無言）不如我地遲啲再傾。
魔：你成日想傾，我都唔知有乜好傾，再講落去都只係想 chok 我料啫。總之你 send 份 job description 嚟，我有興趣自然會搵你。
基仔 agency 無奈下只有收線，之後就 send 咗份 job D 嚟...
但，基仔都唔係叫 Kevin Yuen，封 email 亦無任何 details，真係ＤＫＬＭ。

然後，過了一個星期，魔術師在郵箱又收到份咁嘅 job description：

又係呢間不知所謂的 agency：Huxley（見《孤獨的推銷員》）。連 years of working experience 都無寫，真係唔知呢份工係 junior 定 senior，於是便當係 junk mail 無理會。
點知過咗兩日（即係周六周日），上星期一在公司又收到個「長途電話」。
魔術師嘆一口氣，拎起手機接過來電。對方一開口便是一把又尖又一輪嘴的咖哩婆聲音，當然又係話有份工啱魔術師，想 discuss。
魔術師等咖哩婆剛講完「discuss」呢個字，就打斷其話柄：There is nothing to discuss...
跟手便又抦咖哩婆：你地公司已經有好幾個不同的 consultants 搵過我。唔該我唔想係咁 repeatedly introduce myself，講我的 expectation 之類。總之你有工介紹就 send email 俾我，我有興趣自然會覆你。
結果，咖哩婆就 send 咗份咁無聊的 email 來：

點知，故事仲未完。
兩日之後，咖哩婆又再打嚟。魔術師又係等佢講完「discuss」之後，便問：你幾日前 send 過 email 俾我話有份 Client Digital Manager，依家係唔係講緊同一份工？
咖哩婆連忙 say yes。
魔：咁你唔使每隔兩日就 call 我一次架？咁 agreesive 做乜？我一陣間覆返你 email，你有資料可以俾返我再傾，okay？
於是，魔術師便覆了電郵，叫咖哩婆俾詳細資料，例如是否長工，job grade 係乜，年假有幾多等等。啱的話魔術師自會奉上ＣＶ。
一如所料，咖哩婆有去無回頭。
九月份呢一波的無厘頭「荀工獻給我」就此完結。
究竟，做 recruiter 呢行係唔係有打電話的 quota 要跑數？做乜成日都要同人 discuss？
＊＊＊
伸延閱讀：
孤獨的推銷員
回頭草（2nd edition）